Unboxing Samsung Series 5 530 LCD TV 37 Inch

**HuLkY** · 26-03-2011, 02:23

سلام عليكم شباب , كيف الحال؟

اليوم تم بحمد الله شراء TV للعائلة وليس لى :D , هو من نوعية Samsung Series 5 موديل 530 سنة 2010 , 37 بوصة , تكلفته كانت حوالى 750$ , اللينك الاساسى له على الانترنت هنـــــــــــــــــا.

نشوف الصور , أول شئ الشحنة من الخارج,

الموديل من الجانب , لو حد حب يعرف الموديل تحديدا عشان يشتريه بنفسه.

الاكسسوارات مع التلفزيون , بالترتيب هى ال Manuals , الريموت , بطاريات للريموت ماركة Rocket , كابل باور , قطعة قماش لمسح الشاشة , أنتنة للراديو الملحق بالتلفزيون وشهادة الضمان.

قاعدة التركيب ممتازة جدا ولامعة بشكل ملفت! لدرجة بصمة اصبع كانت واضحة جدا بجانب سقف الحجرة.

دى صورة جهازى مع الشاشة القزمة ال 24 بوصة.

الشاشة نفسها , لها نفس اطار الموديل 2333 من الشاشات للحاسوب , قمة فى الاناقة الأزرار من تحت على اليمين كلها تاتش.

المخارج من الخلف , متنوعة وواضحة جدا ومن الجانب أيضا.

فى حالة تركيب الجهاز على الحائط , فى جزء بيتم تركيبه لحفظ القاعدة من الاسفل.

التركيب سهل جدا للقاعدة نفسها , اول شئ نركب الدعامة البلاستيك نفسها ونربط المسامير فيها كويس.

الدعامة نفسها بيتم ادخالها فى القاعدة من الاسفل وربط ال4 مسامير الباقية.

مقانة مجحفة ظالمة للشاشتين سويا , لا تعليق :D

حاولت أصور شوية صور لشكل الميديا على الشاشة , للأسف الكاميرا مش كويسة للدرجة لكنى حاولت! اول مرة اعرف انه أيقونات الويندوز ممكن حجمها يكون فى حجم الكف!

المميزات ككل , سعر ممتاز , الدعم من فرع B.Tech قوى جدا , التعامل سهل جدا معاهم ومفيش اى مقدمة فى القسط , الشاشة نفسها كويسة جدا وبالنسبة لسعرها مفيش مجال للمقارنة مع اى منافس وعدم للغة العربية فى قوائم الاستخدام.

العيوب , لا وجود لمخرج DVI , ال Manual المدمج مش كافى تماما فى المعلومات, لو كان فى مخرج إيثرنت كان حيكون صفقة رابحة جدا , الجهاز ككل لامع جدا وبالتالى لازم حملة نظافة دورية.

أتمنى أكون قدرت أفيد يا شباب , سلام عليكم.

**Cursed Pistol** · 26-03-2011, 02:49

Unboxing جميل جدا و مبروك الشاشه

مش حتجرب عليها Games ولا ايه ؟؟ :D

**sikimiky** · 26-03-2011, 02:58

الف مبروك علي الشاشة يا هالكي,

و مراجعة ممتازة كالمعتاد :D

**ZEX** · 26-03-2011, 03:00

الف مبروووووووووك على الشاشه الجميله تتهنى بيها
متنساش افلام بلو-راى طبعا

**ابوالعدل** · 26-03-2011, 03:10

ماشاءالله مبروك عليك الشاشه

**ahmedziz** · 26-03-2011, 03:12

مبروووووووووك على الشاشة الجديدة
وعقبال ماتجيب 51 بوصه
صحيح هى ليه الشاشات البلازما رخيصه اوى كدة انا لسه شايف 42 بوصه سونى ب 3000 جنيه بس
هما عايزين يخلصوا منها

**mido hamdy** · 26-03-2011, 03:27

مبروك عليك يا هالكى الشاشة الرائعة ربنا يمتعك بكل لحظة معاها بأذن الله . وتم التقييم .
سؤال : هو حضرتك جبتها من اى فرع B.TECH بالضبط ؟ وقسطها كام فى الشهر ؟ لأنى ناوى على واحدة للكمبيوتر بأذن الله :D .

**NEO701** · 26-03-2011, 03:33

- ألف مبروك يا محمد , ربنا يباركلك فيها .

- هل جربت تشغل أي media عن طريق الـ USB ؟

- ايه أخبار الـ extensions المختلفه ؟

- هل في أي تقطيع أو بطء مع دقه 1080p عن طريق الـ USB طبعا ؟ و هل في دعم للـ subtitles ؟