ساعدوني في قرار شراء سامسونج جلاكسي تاب P1000

[Mezoxin]

ما رايكم بالجهاز و هل يقبل نزول 3.0 عليه ؟

الحجم الكبير لا يشكل مشكله بالنسبه لي , اهم شيء بالنسبه لي هو التصفح

بالمناسبه هو موجود برايه بسعر 4000

[MF88]

اوعى تشتريه يا معتز

التاب موجود عندنا بـ 3300 جنيه - الناس دى بتستهبل

بالنسبه للتاب بشكل عام - فهو تحفه فنيه فعلا - و حجمه الكبير ميزه وليست عيب على الإطلاق


بالنسبه لى فأنا منتظر GALAXY TAB II 8.9 فهو جهازى اللوحى القادم إن شاء الله

الجهاز بسعر 3300 جنيه بالإسكندريه هنا - لا تشتريه بأكثر من هذا السعر ولو بجنيه واحد

يمكنك زيارتنا بالإسكندريه لإقتناؤه

و لا أعرف إذا كانت تنتوى سامسونج تحديثه إلى الهونى كومب أم لا ( لكن فى إعتقادى أنه لا - ولأسباب تسويقيه )

أتمنى أكون أفدتك


بالمناسبه إذا حصلت على التاب فلا تقم بترقيته - لأن الترقيه الجديده تغلق البوت لودر - و تمنعك من تنزيل رومات جديده

وهى ما لا يرغب فيها أى مستخدم أندرويد

[Mezoxin]

شكرا يا محمود علي المعلومات المفيدة جدا جدا جدا

لكن دلوقتي حيرتي زادت :D

تفتكر اشتري ال galaxy tab دلوقتي ولا استني الجديد

[Sir-Mando]

طبعاً استني الجدييييييييييد
انا كنت هشتريه ونفضت وجبت الجلاكسي إس!!!
اصبر وهات الجلاكسي تاب 8.9
وبلاش 10.1 عشان فيه اختلافات عليهوهينزل بتصميمين وحورارت ملهاش آخر

[MF88]

هى جمله وحيده - لو هتقدر تستنى يبقى لااااااااااااااااااازم لازم تنتظر

معالج ديوال كور - السعر مش غالى - البطاريه أقوى 6000 ميللى أمبيــــــر - نظام مخصص للتابليت - دعم العربى NATIVE

ريزوليوشن الشاشه عالى جدا . التاب ميتفوتش صراحه . إللا لو ناوى بقى تبيع التاب 1 و تجيب التاب 2 لما ينزل


بس خلى بالك - لو ناوى تعتمد على التاب انه يبقى فيه تليفون فمش موجود غير فى التاب 1

بالنسبه لى فأنا مش هشتريه إلا عشان يبقى بديل لاب توب (وفى نظرى هيبقى أفضل بديل فكل شىء ) و هحطله خط داتا

و يبقى متوصل نت 24/7


القرار قرارك طبعا

[omaar97]

بس خلى بالك - لو ناوى تعتمد على التاب انه يبقى فيه تليفون فمش موجود غير فى التاب 1

يبقى خلي معك موبايل عادي واشتري التاب الجديد لما ينزل بجد أنا حاسس أن الآيباد 2 حيتدمر بعد التاب الجديد

[MF88]

اللى متعرفوش ان الناس كلها منتظره التاب ده بالذات بفارغ الصبر

حوالى 5 من أصدقاءنا المصريين بس مستنيينه ( رقم صغير طبعا - لكن كإهتمام بتابليت أساساً يعتبر حاجه جديده و فى دوله زى مصر

اللى للأسف كل إهتمامها نوكيا نزلت موبايل إيه جديد فيبقى رقم كويس )

على فكره من كتر حب المصريين فى نوكيا - منزلين الـ E7 اللى هو أقل من N8 فى كل حاجه منزلينه بـ 4980 جنيه

[Mezoxin]

شكرا علي المساعده يا شباب

شكلي حسمع كلامك يا محمود و حستني ال tabs الجديده :D

[DR ! ZERO]

بعد اذن صاحب الموضوع

و هحطله خط داتا

و يبقى متوصل نت 24/7

لو ممكن توضح بعد اذنك يعنى ايه خط داتا و يكون متوصل على النت ؟

و ليه تفضله على اللابتوب ؟

[MF88]

أولا اذيك يا باشا . و انت بتكلمنى كأنى غريب عنك مثلا وللا إيه ؟ تقييم سلبى :D

ها وصل ؟؟ :D:D:D:D

ندخل فى المهم بقى - حظر نهائى - ههههههههههههههه


بص يا سيدى : خط التليفون اللى هو الـ SIM CARD ده ممكن يكون خط تليفون عادى مكالمات و كده و النت فيه بيكون باقه

بتدفع تمنها بس عاده بتكون 1 جيجا أو اقل

الخط الداتا : بيكون خط عادى لكن ميشتغلش مكالمات و ممكن تاخد عليه PACKAGE لحد 7 جيجا تقريباً

و دى الخطوط اللى بتكون فى اليو إس بى مودم العاديه


لو جبت التاب 2 ده مش بيشتغل تليفون لكن بيشتغل نت عادى من خطوط الداتا دى و بتحط فيه الخط كأنه تليفون بس عشان النت

لو جبت التاب 1 ممكن كده و ممكن كده

و بتكلم الشركه تحوله


لكن

موبينيل اللـــــــه يكرمها : كسرت قاعده التخلف المصرى دى و عملت packages net من غير ما تخسر خاصيه المكالمات

و من غير ما تتعب نفسك و تحول الموبايل لفاتوره و كمان مش هتحتاج تروح أى مقر عشان تدفع فاتوره النت

كل اللى عليك تشحن كارت عادى بالمبلغ و خلصنا

الباقات كالتالى

باقه بـ 20 جنيه فى الشهر ( 118 ميجا )

باقه بـ 50 جنيه فى الشهر ( 500 ميجا )

باقه بـ 90 جنيه فى الشهر ( 1.5 جيجا )

باقه بـ 150 جنيه فى الشهر ( 7 جيجا )

مش عارف فيه أعلى من كده وللا لأ .

لو إستخدامك متوسط و معقول يبقى الباقى الـ 500 ميجا مناسبه جداااااااااااااا

لو ناوى تستغبى يبقى الباقه جيجا و نصف

لو هتعيش انت و اصحابك ( و الأندرويد يتميز بالخاصيه دى - انه يشتغل هوت سبوت عادى ) يبقى الـ 7 جيجا تماااااااااااام جدا



و أبقى روح أرمى إتصالات و فودافون المتخلفين فى الزباله - موبينيل حطت عليهم بمعنى الكلمه -

[Dr Mohammad]

تصدق أخي معتز أنا محتار مثلك :D

إن شاء الله جهازي القادم سيكون تابليت , و لكني محتار , هل أشتري التاب 1 المتوفر حاليا و سعره جيد و به هاتف , أم أنتظر التاب 2 ذو المواصفات العملاقة لكنه سينزل بسعر أغلى و بدون هاتف ؟

لا تعتبروا هذا سؤالا , اعتبروها مجرد خاطرة أو دردشة :D

[moriatte]

يا جماعة بس التاب أو الآيباد كل ميزته عن الموبايل العادى هو حجم الشاشة و عمر البطارية
لكن طبعا لا يمكن الاستغناء به عن اللابتوب بأى حال من الأحوال
يعنى مش كل البرامج هتشتغل معاه
زى الأوتوكاد مثلا
و حاجات كتير قوى قوى تخلى الواحد لا يمكن طبعا يستغنى بيها عن الكمبيوتر العادى أو اللابتوب
و لا ايه؟

[Dr Mohammad]

هل قرأت مقالي في العدد الأول من مجلة عرب هاردوير ؟

[MF88]

يا جماعة بس التاب أو الآيباد كل ميزته عن الموبايل العادى هو حجم الشاشة و عمر البطارية
لكن طبعا لا يمكن الاستغناء به عن اللابتوب بأى حال من الأحوال
يعنى مش كل البرامج هتشتغل معاه
زى الأوتوكاد مثلا
و حاجات كتير قوى قوى تخلى الواحد لا يمكن طبعا يستغنى بيها عن الكمبيوتر العادى أو اللابتوب
و لا ايه؟

محدش قال انه يمكن الإستغناء عنه ( فى الوقت الحالى ) لكن تخيل لما التاب ينافس اللاب بشراسه من مجرد تانى جيل . يبقى بعد 5 سنين اللاب هيكون فين ؟؟؟

بالنسبه للأتوكواد فعلى حد علمى - الأندرويد مزود ببرامج فوتوشوب و أوتوكاد :D و بالسلامه يا برنس

================================================== ==========

دكتور محمد : بدأت التفكير فى نفس ما تفكر به حتى أننى أفكر أكثر بالـتاب 1 حاليا :D

منك لله يا سامسونج - لعبتيها صح

[moriatte]

محدش قال انه يمكن الإستغناء عنه ( فى الوقت الحالى ) لكن تخيل لما التاب ينافس اللاب بشراسه من مجرد تانى جيل . يبقى بعد 5 سنين اللاب هيكون فين ؟؟؟

بالنسبه للأتوكواد فعلى حد علمى - الأندرويد مزود ببرامج فوتوشوب و أوتوكاد :D و بالسلامه يا برنس

================================================== ==========

دكتور محمد : بدأت التفكير فى نفس ما تفكر به حتى أننى أفكر أكثر بالـتاب 1 حاليا :D

منك لله يا سامسونج - لعبتيها صح

يعنى زى مانا فاهم ان الكلام لسه على المستقبل مش فى الوقت الحالى

بمناسبة موضوع الأوتوكاد
انت أكيد تقصد برامج رسم مشايهة للأوتوكاد
مش معقول الأوتوكاد يشتغل على شاشة لمسية.....الأوتوكاد ما يستغناش عن الكيبورد و الماوس فى أوامره