المناقشة و الجدل حول قرار منع نشر المراجعات الأخير.

[Mubarak]

اعتقد أننا تلقينا إهانات بما فيه الكفاية.
لا أحب أن أكررها، من يريد أن يخرج من المنتدى يخرج، لن نبكي عليه كثيرا
شخص خايف صفحتين من الموضوع تنحذف وآخر يخشى الموضوع كامل ينحذف، هذا ينم عن مستوى ظنكم في الإدارة.
عموما، أشكركم من أساء لإسائته لأنها أشعلت في صدري نار التحدي.
حينما اتخذنا هذا القرار اتخذناه ونحن أدرى بخفايا الأمور، من سيترك المنتدى بهذا القرار فبصراحة سيرحل غير مأسوف عليه، بل ربما يكون في رحيله ضبط لكثير من الأمور، ومن أراد أن يستمر فحياه الله.

من المعيب ممن يظنون أنفسهم على مستوى المسؤولية والاحتراف أن يتكلموا بهذه الطريقة، بينما كان بمقدورهم جميعا، بمقدور أي واحد فيكم أن يتقدم بطلب ليكون من ضمن الطاقم الفني للمراجعات، لكن الظاهر أن الاستفادة المادية المتحصلة من خلال المراجعات الشخصية تمنع البعض من اتخاذ مثل هذا القرار.

عموما، أشكر جزيلا الأخوة الذين اعترضوا، نحترم قرارهم، ولا اقدر أي إسائة اتهمتنا بكبح الحرية وما شابه من ألفاظ، ومن اتهامات بأننا قد نحذف الموضوع، عيب وانتو عايشين معانا سنة وسنتين تقولون مثل هذا الكلام، ونهاية أشكر المسيئين، إذا لم نحصل من ورائكم حسنات على هذه الإسائات فسنحصل على التحدي الذي نريده، وسوف يبقى هذا الموضوع موجودا حتى يراجع الأخوة حقيقة من بكى ممن تباكى.

[BionicMan]

that's it

I'm done from here



Bye Bye Guys

[Black-Edition]

خدني معاك :ah8:

[Am|r]

من المعيب ممن يظنون أنفسهم على مستوى المسؤولية والاحتراف أن يتكلموا بهذه الطريقة، بينما كان بمقدورهم جميعا، بمقدور أي واحد فيكم أن يتقدم بطلب ليكون من ضمن الطاقم الفني للمراجعات، لكن الظاهر أن الاستفادة المادية المتحصلة من خلال المراجعات الشخصية تمنع البعض من اتخاذ مثل هذا القرار.

:eek: هذة اهانة صريحة للجميع

دعنا نتكلم بصراحة و بواقعية من اين انا ساعرف انم ام تحددو فريق العمل للمراجعات قبل اعلان القرار من اين ساعلم بهذا الخبر قبل يوم امس ؟ فانت و طاقم الادارة بالكامل اهملتم جميع اعضاء المنتدى و لم تطلبو اعضاء للالتحاق بفريق العمل و حتى الان لم توضحو شىء سوى ما تم ذكرة فى القرار

أشكر جزيلا الأخوة الذين اعترضوا، نحترم قرارهم، ولا اقدر أي إسائة اتهمتنا بكبح الحرية وما شابه من ألفاظ

العفو يا فندم و مع كامل الاحترام لشخصك لما قدمتة لنا على مر السنوات السابقة ( منتدى عرب هاردوير ) هذا حدث لانى خايف على المنتدى و يهمنى وهل اذا كان لا يهمنى او يهم الاعضاء ستلاقى كل هذا الاعتراض ... و لكن انت لك رائى و انا لدى رائى و لا نختلف

- نعم انا عند قولى فهل هناك حرية مشروطة ؟!!! هل هناك حرية و نضع بجانبها كلمة ممنوع ( ممنوع عمل كذا ممنوع عمل كذا ) ؟!!!
فاين الحرية فى هذة الحالة انا واثق اشد الثقة انك تعلم جيدا ما معنى الحرية ... و لكن دعنى اوضح لحضرتك امر مهم
الحرية هى عدم وضع قيود او شروط مع عدم تخطى هذة الحرية جانب الاخلاق و ما يضر الاخرين او ينتج عنه خراب او ضرر ان تكون فى سبيل هدف سامى يهدف الى غاية منشوده و طيبة

هذة هى الحرية ... تصدق ام لا فعلا هذه هى الحرية النقية

__________________________________________

فيما يخص باقى الكلام فلا تعليق كنت اتمنى طبعا ان يكون الكلام.... و لكن حدث ما حدث

فكلامك جاء و كان الاعضاء ليس لهم اهمية فى المنتدى فهل هناك منتدى بدون اعضاء يدعمونة و يبذلون جهدا لعلوه .... للاسف كلامك هذا حسم الامر بشكل غير محمود فعلا انا كنت لا اتمنى ان يصل لهذا الحد ... و لكن انت قلت ما تحملة فى قلبك و هذه هى الصراحة فاحيك عليها

عموما لا اتجادل من عير فائدة فمن الواضح ان مهما حدث فليس هناك نية حتى فى التفكير فى اعادة النظر فى القرار

شكرا جدا لك مؤسس المنتدى العريق عرب هاردوير
شكر ليما اتحتة لنا للاستفادة خلال السنين السابقة من معلومات فى الهاردوير من خلال المنتدى
شكرا لكل طاقم الاداره

[ŤǾЯŊΛĐф]

ياشيخ مبارك محدش أساء للإدارة ، وكون إننا شفنا إنها انخذت قرار خطأ ده لا يعتبر إساءة ليها ، وإنما هو نوع من التقويم .

حضرتك قلت قبل كده المنتدى ملك لأعضاؤه ، فكون إنك تبعد الأعضاء من صلب تخصص المنتدى ده يعتبر إقصاء فى وجهة نظرنا .

لكن الظاهر أن الاستفادة المادية المتحصلة من خلال المراجعات الشخصية تمنع البعض من اتخاذ مثل هذا القرار

حضرتك اتهمت جميع من يعارضون القرار هذا القرار بأنهم يتلقون معونات خارجية :eek:

لا تعليق :rolleyes: :D

أنا واحد من الناس معملتش فى حياتى غير مراجعة واحدة ، والسبب اللى دفعنى لعملها هو أنى لم أجد أى مراجعة أجنبية أو عربية للمنتج ، وكنت أريد التأكد من أحد مزاياه ، لذا عندما أشتريته قررت عمل المراجعة حتى لا يمر أحد بمثل الموقف الذى مررت به دون أن يجد مرجع

أما بالنسبة لأنى " الشخص " اللى قال إن آخر صفحتين من الموضوع هيتمسحوا ، أنا قلت كده لأن المشاركات دى كانت مخالفة لقوانين الموضوع ، ولهذا لم أقم بالإعتراض هنا وقمت بمراسلة مستر جوهرى من أول لحظات اتخاذ القرار على الe-mail الموجود ، وتقدر تسأله لو مش مصدقنى

نقطة

[™ č α Я β ỗ η]

اعتقد أننا تلقينا إهانات بما فيه الكفاية.
لا أحب أن أكررها، من يريد أن يخرج من المنتدى يخرج، لن نبكي عليه كثيرا
شخص خايف صفحتين من الموضوع تنحذف وآخر يخشى الموضوع كامل ينحذف، هذا ينم عن مستوى ظنكم في الإدارة.
عموما، أشكركم من أساء لإسائته لأنها أشعلت في صدري نار التحدي.
حينما اتخذنا هذا القرار اتخذناه ونحن أدرى بخفايا الأمور، من سيترك المنتدى بهذا القرار فبصراحة سيرحل غير مأسوف عليه، بل ربما يكون في رحيله ضبط لكثير من الأمور، ومن أراد أن يستمر فحياه الله.

من المعيب ممن يظنون أنفسهم على مستوى المسؤولية والاحتراف أن يتكلموا بهذه الطريقة، بينما كان بمقدورهم جميعا، بمقدور أي واحد فيكم أن يتقدم بطلب ليكون من ضمن الطاقم الفني للمراجعات، لكن الظاهر أن الاستفادة المادية المتحصلة من خلال المراجعات الشخصية تمنع البعض من اتخاذ مثل هذا القرار.

عموما، أشكر جزيلا الأخوة الذين اعترضوا، نحترم قرارهم، ولا اقدر أي إسائة اتهمتنا بكبح الحرية وما شابه من ألفاظ، ومن اتهامات بأننا قد نحذف الموضوع، عيب وانتو عايشين معانا سنة وسنتين تقولون مثل هذا الكلام، ونهاية أشكر المسيئين، إذا لم نحصل من ورائكم حسنات على هذه الإسائات فسنحصل على التحدي الذي نريده، وسوف يبقى هذا الموضوع موجودا حتى يراجع الأخوة حقيقة من بكى ممن تباكى.

شيخنا العزيز مبارك .. حياك الله

ارجو يا شيخنا ان تفصل بين من كان ضد القرار لانة لا يخدم مصالحة المادية و من كان يتكلم بدافع حبه و خوفة علي بيتة الثاني الا و هو هذا الموقع الذي ادين له بكل خبرتي في هذا المجال ..

و لكن الان انت يا شيخنا تقطع علينا كل طرق النقاش .. و كانك لا تلق بالاً بالاعضاء .. الذين هما عماد هذا المنتدي
و ليس هذا ما تعودناه منك..!!

فانا مثلا كنت علي وشك الانهاء من مراجعة كبيرة جداا .. ماذا سافعل بها الان ؟؟ .. هل اتقدم بطلب باعادة هذة المراجعة في المعامل الخاصة مرة اخري ؟

[Don Khozzam]

انا بس هقول تعليق على القرار بتاعكو و هحاول انى مطولش ان شاء الله

بغض النظر عن عدم حياديه المراجعات الشخصيه او ان بعضها قد يكون بأهداف اعلانيه,
انا فى نظرى شايف ان فايدة مراجعات الافراد و المستخدمين مهمه للمستخدم و الاشخاص العاديين اصحاب الاجهزة الوسطى او حتى الاجهزة العليا التى تكون فى مقدرة المستخدم ميسور الحال من ان يحصل عليها.

مثلا عندما اريد ان اشترى قطعه معينه من الهاردوير انا اريد ان ارى ادائها على اجهزة المستخدمين العاديين التى تكون قريبه من قدرات جهازى الشخصى لاقتنع بمدى كفائة هذه القطعه اذا استخدمتها على جهازى الشخصى و هل ساحصل منها على ما ابغاه وسط اعداداتى المحدوده ام لا .. و عيب المراجعات الاحترافيه التى تقوم بها الكثير من المواقع الاجنبيه انها تقوم بعمل هذه المراجعات على اجهزة خرافيه تتكلف الآلاف من الدولارات و التى لا يمكن لاى مستخدم عادى اصلا ان يحصل عليها .. ما الذى استفيده انا بمعرفة ان قطعة هاردوير ما تستطيع ان تفعل ماذا فى تلك الاعدادات؟ انا اريد ان ارى ادائها فى اعدادات قريبه من اعداداتى و ليس اعدادات لن اراها اصلا غير فى الاحلام.

فى المراجعات الاحترافيه الخارقه يقومون مثلا بعمل رفع السرعه لترددات عاليه جدا لا يمكن ان يتوصل اليها المستخدم العادى اصلا بإمكانياته المحدوده حتى لو كان جهازه من الفئه العليا لما فيها من خطر كبير و بالتالى فالنتائج التى تحصل عليها المراجعات الاحترافيه جراء التجربه سوف تختلف تماما عن النتيجة التى يقوم بها مستخدم عادى صاحب جهاز محدود او قدرات محدوده ... و لذلك فالنتيجه لا تكون منصفه او واصفه للأداء الفعلى مع الشخص العادى .. هو بالطبع المراجعات الاحترافيه احد اهدافها هو اظهار اقصى حد لقدرات قطعة الهاردوير التى يتم مراجعتها لكن هذه لن تكون البيئه التى يستخدمها الشخص العادى ابدا و بالتالى انا لا اراها عمليه لى شخصيا كمستخدم عادى .. ليس معنى ان احد المحترفين استطاع ان يُخرج من قطعة هاردوير كل ما لديها ان تقدمه ان المستخدم العادى سيستطيع فعل ذلك .. المراجعات الاحترافيه المستفيدين منها الى حد كبير هم المستخدمين المحترفين و ليست المستخدمين العاديين المتوسطين (عامة الشعب الهاردويرى).

ليس دائما كلام الشخص المتمرس "مقطع السمكه و ديلها" فى عالم الهاردوير هو من سيقنعنى الا اذا كنت انا منذ بادئ الامر اريد رأى المحترف اولا.

عندما قمت بعمل اول مراجعة هاردوير فى حياتى (الان هتكون اول و اخر مراجعه) لمشتت hyper 212 plus, لم امتلك جهاز خرافى و لم اقم برفع التردد لارقام مرعبه بل شىء بسيط من 3.1 الى 3.6 و قارنت درجات الحراره .. صفق لى الكثيرين (و انا اعلم ان نسبه منهم كانت بدافع التشجيع) و لكن اقتنع به الكثير من المستخدمين العاديين (اصحاب الحدود الماديه) و حتى بعض المحترفين رغم تواضع المراجعه و الكسر ..

وجود الرأيين لا يضرنى بل يفيدنى حسب احتياجاتى .. و انا بكل تأكيد لست الوحيد بهذا الرأى

الاسلوب المختلف فى وصف قطعة هاردوير او فى مراجعتها من قبل الاشخاص ينشىء جو جميل جدا من المنافسه الشريفه بين الاعضاء و ليست هدفها إذلال الطرف الاخر او صنع مشاكل بين الفريق المؤيد و المعارض (احمر و اخضر فى حالة كروت الشاشه مثلا) و حتى اذا حدثت بعض المشاحنات الفرديه فمثلها يحدث فى اقوى المواقع ولا يمكن تفاديها لان المشكله تكون فى طبيعة هذه الاشخاص الحاده و ليست بسبب نتيجة المراجعه

عموما هذا منتداكم و انتم لكم كل الحق فى اختيار مستقبله و لكم كل الحق فى سن القوانين الخاصه به..

بالنسبه لى شخصيا منذ الان فصاعدا سيقتصر مجيئى الى المنتدى لمتابعة اخبار الشركات فى السوق المصرى او لشراء شىء ما ..


الاخ مينا سأل سؤال و احب ان اعرف ردكم عليه, هل ستسمح لكم شركات الهاردوير العالميه الكبيره عندما تقومون بعمل unboxing لبضائعهم بإزالة/زغللة صور البنات من على علب الهاردوير اثناء عرضها او من على الهاردوير نفسه؟

[abdo_zoro]

اولا انا اعترض على اغلاق الموضوع بالامس لأنه ذكرني بأغلاق خدمة الانترنت و شبكات المحمول يوم جمعة الغضب

ثانيا بالامس ارسلت رساله للمشرف العام الاستاذ محد كمال لأخبره اني اتفق معه و لكن هذا لا يمنع عمل موضوع خاص بمراجعات الاعضاء مثل باقي المواقع العالميه بجانب المراجعات المعتمده من الموقع و اقسمت ان هذا من منطلق حرصي على الموقع حتى لا يفقد جزء من بريقه و شعبيته
و كان رده ان لكل مرحله تداعيتها قرارتها الاستراتيجيه و ان كل شيء سيتم باذن الله وفق نظام وخطة معدة سلفا، نحن لا نرتجل في العمل

فأرجو ان تتحسن الامور لأني لاحظت ان في اعضاء كنير قرروا ان يتركو المنتدى

[انـسـان]

اعتقد أننا تلقينا إهانات بما فيه الكفاية.

هي فين الاهانات يا مبارك
مين أهانك ولا أهان أي شخص من الأداره
أحنا كا اعضاء لا يحق لنا إهانه أي شخص من الأداره او حتى كان عضو عادي
لا انا أفضل منك ولا انت أفضل مني
والحمد لله انا واحد من الناس مشرفين كتير هنا في المنتدى أصدقاء شخصيين جدا لي
وأعتز وافتخر بيهم وبصداقتهم,,ولو تحب أذكرهملك بالأسم معنديش مانع

لا أحب أن أكررها، من يريد أن يخرج من المنتدى يخرج، لن نبكي عليه كثيرا

وهو ده اللى أنا ذكرته في ردي السابق
انكم مش فارق معاكم مين يمشي ومين يفضل
ومتقوليش اننا تم اهانتنا عشان كده مش فارق معانا مين يمشي,,لان دي حجه خايبه وضعيفه
وكلام بقى مستهلك وفاقد لقيمته الأقناعيه
وبصراحه جمله اللى عايز يمشي يمشي بقت بتتقال كتير قوي هنا
والواحد خلاص مبقاش حاسس انه ليه قيمه من كتر ما سمعها

شخص خايف صفحتين من الموضوع تنحذف وآخر يخشى الموضوع كامل ينحذف، هذا ينم عن مستوى ظنكم في الإدارة.
عموما، أشكركم من أساء لإسائته لأنها أشعلت في صدري نار التحدي.

يعني حضرتك تركت كل التعليقات ولم يلفت انتبهاك من الاعتراضات أو الشجب
سوي الشخص اللى قال صفحتين يتحذفوا ولا موضوع يتحذف
ده ايه الطريقه الغريبه في الحوار ولا المناقشه دي
ثم مستوى ظن ايه اللى هانتكلم فيه
مهو لما العضو يشوف ان كل يوم في قرار غريب بيظهر
طبيعي جدا ان مستوى ظننا في الأداره هايختلف للأسوء,,امال حضرتك كنت متوقع ايه
لو انت جالس في بيتك ودخل عليك شخص وقالك انا هاقطع عنك المياه ولا الكهرباء
هاتقوله أهلا وسهلا بيك انا تحت امرك
ما طبيعي هاتعترض وهاتشجب وهاتقوم الدنيا معاك ومش هاتقعد
وكل الناس بتعتبر المنتدى هنا بيتها التاني,,يبقى طبيعي جدا تلاقي اعتراضات أو تأييد على قرارات بيتم تنفيذها
لا ننا جزء من الصرح ده
ثم نار ايه وتحدي ايه يا مبارك,,هو احنا داخلين حرب
ردك بالطريقه دي علينا هو أكتر شيء ممكن يتسبب في إثارتنا للاسوء

حينما اتخذنا هذا القرار اتخذناه ونحن أدرى بخفايا الأمور، من سيترك المنتدى بهذا القرار فبصراحة سيرحل غير مأسوف عليه، بل ربما يكون في رحيله ضبط لكثير من الأمور، ومن أراد أن يستمر فحياه الله.

أي خفايا أمور بالظبط
ما تخلينا صرحاء مع بعض عشان نبقى عارفين اللى لينا واللى علينا
يعني خفايا الامور دي معاكم وبينكم فقط,,ونتائجها تكون علينا بالفرض عنوه
أي منطق ولا أي مبدأ ولا أي أسلوب إداري او حتى دين بيقول كده
الحياه مشاركه يا أستاذ مبارك,,مش فرض أراء واللى مش عاجبه مع السلامه
في ظل هذه القرارات التعسفيه الرحيل مكسب للراحل
لو أكون مثلا بشتغل في مؤسسه ما,,
والمؤسسه دي معروف عنها انها احتكاريه ولا مغالاه في أسعار منتجاتها ولا بتسرق مثلا
تفتكر الفرد في الشارع هايقول ده الشركه دي مديرها سيء ولا الموظف الفلان فيها سيء,,لا طبعا
هاتبقى السمعه على المؤسسه كلها بكل من فيها
ولو فكر موظف فيها يتقدم للعمل في مكان تاني هاتكون نفس السمعه عليه,,ويتم أستبعاده فورا.

من المعيب ممن يظنون أنفسهم على مستوى المسؤولية والاحتراف أن يتكلموا بهذه الطريقة، بينما كان بمقدورهم جميعا، بمقدور أي واحد فيكم أن يتقدم بطلب ليكون من ضمن الطاقم الفني للمراجعات، لكن الظاهر أن الاستفادة المادية المتحصلة من خلال المراجعات الشخصية تمنع البعض من اتخاذ مثل هذا القرار.

أستاذ مبارك..رحم الله أمرء عرف قدر نفسه
في ناس كتير هنا على مستوى المسئوليه,,واعتبر نفسي واحد منهم مع احترامي للجميع
مالها الطريقه اللى بنتكلم بيها,,لو كان في أحد غلط في أي شخص كان يتم توجيه لوم عليه أو عقوبه
احنا داخلين نوضح أرائنا في قرارات بتؤخذ مش أكتر,, أيه العيب والضرر في كده
مفيش حد غلط في حد ولا أساء إليه
أنما أحيانا في أمور مينفعش المناقشه فيها ألا بطريقه واحده فقط
واحنا كل فتره نلاقي قرارات غريبه بيتم تنفيذها,,وبعض القرارات لم نعترض عليها
واخرهم قرارك بألغاء ظهور التوقيعات,,لا في حد أعترض ولا أتكلم
ولا انت من وجهة نظرك الشخص الى على مستوى المسئوليه لازم يحني رأسه لاي قرار حتى لو كان ضده
كده بس يبقى قد المسئوليه
ثم أزاي كنت عايز الى يرشح نفسه لفريق المراجعات يتقدم بطلب
كلنا عارفين ان الفريق المصري تقريبا كله من الاسكندريه او بمعنى أخر المراجعات هاتكون أغلبها من المحافظه دي
طيب لو واحد من القاهره ولا من صعيد مصر..وفي نفس الوقت هايكون أضافه جيده لفريق المراجعات
تفتكر هايكون موقفه ايه,,طبيعي جدا هايتم أستثنائه من الموضوع ويكون أتظلم
فين العدل بقى اللى بنتكلم عليه هنا
واستفادة ماديه ايه اللى حضرتك ذكرتها
انا شخصيا قمت بعمل مراجعات كتير,,وللعلم كلها على منتجات أمتلكها شخصيا
يمكن لحسن حظي اني بغير كتير في مكونات جهازي,,اللهم اخر مراجعه قمت بعرضها فقط
كان المنتج اللى قمت بالمراجعه عليه عباره عن عينه مرسلة لي من احد التوكيلات ولم أتقاضى أي أجر عليها
بل قمت بعملها متطوعا وبكل سعاده,,,لافادة الأعضاء فقط
انما لو حضرت او الأداره شايفين ان في شخص معين بيقوم بعمل ذلك للاستفاده الشخصيه
يبقى هو ده اللى يتم أتخاذ أجراء شخصي ضده كافرد,,مش يبقى قرار يطبق على الكل

عموما، أشكر جزيلا الأخوة الذين اعترضوا، نحترم قرارهم، ولا اقدر أي إسائة اتهمتنا بكبح الحرية وما شابه من ألفاظ، ومن اتهامات بأننا قد نحذف الموضوع، عيب وانتو عايشين معانا سنة وسنتين تقولون مثل هذا الكلام، ونهاية أشكر المسيئين، إذا لم نحصل من ورائكم حسنات على هذه الإسائات فسنحصل على التحدي الذي نريده، وسوف يبقى هذا الموضوع موجودا حتى يراجع الأخوة حقيقة من بكى ممن تباكى.

وأنا شخصيا اتقدم بشكر لك وللأداره لاظهار الجانب الأخر للأسلوب الأداري
وحضرتك لا أحترمت قراراتنا ولا أي شيء اتكلمنا فيه,,رغم انه لم يسيء أحد إليكم حتى الأن
وأيضا تركت كل الاعتراضات وعلقت فقط على كلمة "حذف الموضوع"
الغريب ان حضرتك اللى بتقول عيب واحنا عايشين بينكم سنه واتنين
وهي دي المشكله ان رغم عدد السنين اللى قضاها البعض هنا وانا منهم (أكثر من أربع سنوات)
حاسس ان مفيش أي تقدير ولا أحترام لرغباتنا ولا أرائنا

الغريب ان أكتر من عضو او حتى مشرف هنا
دار بيني وبينهم كلامي على مستوي شخصي وأغلبهم أوضحلي انه عنده النيه لترك المنتدى
بسبب القرارات التعسفيه اللى بيتم أتخاذها
وانا اللى كنت أقوله لا قرارك ده قرار خاطيء,,لكن واضح أني كنت غلطان

اخ مبارك,,انا هاقولك كمله اعتبرها نصيحه من أخ
انا تعاملت فتره كبيره في المنتديات,,وشهدت سقوط بعضها
وبسبب القرارات التعسفيه اللى بتتم رغم عن الاعضاء
حضرتك شايف اللى انت بتعمله صح,,,انت حر
لكن اللى انت مش حر فيه,,هو انك تفرض أرائك على الغير
وخصوصا لو الغير ده زي ما في حالتنا هنا,,هما المنتدى نفسه

كلامي ممكن بل أكيد يكون تقيل عليك,,لانه كلام معارض لقرارك أو لقرارات الأداره
وممكن تاخد قرار بأيقافي بعد قرأة ردي ده,,,يمكن يكون حقك برضو
بس انا اتعودت على شيء,,انا لما أحب اعترض على شيء غلط
لا أحاول حتى أني أجمل توضيحي على الخطأ
لاني مش صغير في السن والحمد لله شخص أعتبر نفسي ناضج فكريا أعرف كويس قيمه كلامي اللى بقوله
لان الغلط واضح انه غلط والصح بيكون واضح أنه صح,,,والمبدأ لا يتجزأ

ومن خلال ردي ده أطلب من كل أبناء بلدي أتخاذ قرار بعدم دخول هذا المنتدى مرة أخري
في حالة لو أستمر هذا القرار وأيضا حتى يتم أحتساب قيمه فعليه وتقدير للأعضاء

انا قلت اللى جوايا,,وأجري على الله

[محمد الجوهري]

عارفين يا شباب إيه الفرق بين واحد بيعترض بصوت منخفض و بلباقة و آخر بيعلي صوته و بيتكلم بعدوانية ؟

الفرق الوحيد بينهم -من وجهة نظر المستمع البحتة- إن الأول بيجبر المستمع إنه يسمع له و يفكر في كلامه و يأخذه مأخذ الجد.
أما الثاني فهو ينفر المستمع من مجرد النظر لكلامه أو الإستماع إليه أو إلقاء بال لما يقول.

توصيل صوتك و وجهة نظرك لا يتم بالصوت العالي يا أحباب.

عبد الله Tornado راسلني بالأمس بخصوص المراجعات عبر البريد, و هو صاحب أو رسالة تصلني, قمت بوضع نجمة على الرسالة
و لم أرد عليها حتى أقرأها مرة أخرى أو مرتين. الأخ أمير أرسل لي رسالة عبر الخاص أيضاً و قرأتها على الرغم من أنها لم تعجبني
في لون و حجم الخط! الأخ المحترم مينا قام بعمل شكوى في قسم الشكاوى و قام المشرف العام شخصياً بالرد عليه ... إلخ

لكن تخيل موقفي أنا لما ألاقي الناس مقسومين لفرق: 1. المنتدى يقع يقع يقع, 2. هنيئاً لكم أول خطوة في السقوط, 3. اني راحل
4. مش هتنفعوا إن شاء الله, 5. قرار غير عاقل (من إدارة تفتقر للعقل طبعاً من وجهة نظره) , 6. من أنتم ... من أنتم
أكيد يعني و بكل بساطة لن أرد على هذا الكلام, لأنني في الأصل لن أقرأ ما يُقال. على فكرة من ضمن أنواع الصوت العالي تكبير
الخط و تغيير ألوانه بشكل مريب و غريب بيخلي عملية القراءة غير مريحة.

إيه المانع لما تعترض على القرار؟ حد هيحكم عليك بالإعدام؟ من امتى و إحنا بنمارس معاكم التسلط اللي بتتكلموا عنه ده؟
أنا عمري ما حذفت مشاركة هتفتح باب نقاش هادف, و دايماً أتعامل بقسوة مع أي محاولة لقتل النظام في المكان, و الحمد لله
اتهاجمت و تعرضت للإهانة على الرغم من ذلك.

إيه المانع إن كلنا نفتح الميل و نبعت رسالة للراجل -اللي المفروض إنه بيحترمنا فنقوم نحترمه- نوضح له فيها كل ما في بالنا
و لا ننتظر الرد, لأنها رسالة لمجرد توصيل الصوت؟

إيه المانع لما أنتظر و أتريث لمدة شهر مثلاً, و أرى بعدها مستوى المراجعات و مستوى النشاط, و أشارك و أتكلم؟

إيه المانع لما أكلم الراجل مدير الفريق ده, و أقول له أنا شاري أسرع هارد في العالم و عاوز أعمل عليه مراجعة لأجل مصلحة المنتدى فقط,
و ساعتها الراجل يتفق معايا على المراجعة و كمان هيقدم لي شكر في صدر الموقع ؟

أحب أقول لحضراتكم إني لما بقابل حد في الشارع مش بقول له "انا مشرف في عرب هاردوير" , بل بقول له " أنا عضو في عرب هاردوير"
لأن أنا عضو مثلي مثلكم, كلنا أعضاء في المنتدى و لكن ربما تم تكليفي بمهمة, هل ده معناه إني بقيت مع الجانب الآخر المضاد لكم؟
إيه أفكار نظرية المؤامرة للي مش عاوزين تتخلوا عنها دي؟


أحب أقول لحضراتكم كمان إن مفيش حد مننا بعينه ليه فضل على المنتدى, المنتدى ملك الجميع, المنتدى بابه مفتوح للجميع دون تفرقة.
المنتدى شارك فيه ناس باموالهم و أوقاتهم و صحتهم و حياتهم, هل تعتقد إنك يا من تقول "سأمشي وأترك المنتدى" أنك قدمت مثل هؤلاء.

هل تظن يا من تندد بترك المنتدى ان المنتدى سيقف عليك أو على غيرك؟ رجاءاً ارجعوا لصفحة 20 في الموضوع هنا و اقرأوا, ستشاهدون
اناساً لأول مرة تسمعون عنهم, هؤلاء من المحاربين الأُول في المنتدى, هؤلاء لهم فضل, و و الله أنوي مراسلتهم جميعاً لشكرهم.
لشكرهم على ما قدموه من جهود دون انتظار مقابل أو تهديد بترك المنتدى.

أنا كنت عارف و متأكد إن ده هيحصل, و قفلت الموضوع, و راسلني أخ كريم على الملف الشخصي طلب مني فتح الموضوع لأنه ظن إن
غلق الموضوع فيه نوع من عدم احترام الناس, و ربنا يعلم انا بحترمكم ازاي. و فيه اخ تاني رسالني علشان كان عاوز يكتب رد ...

ليه ما نعتبرش إن اللي حصل ده فيه الخير لينا؟
عاوز أقول لحضراتكم حاجة أنا متأكد منها جداً, فيه شركات بتبعت منتجاتها لأعضاء علشان يعملوا عليها مراجعة, بعد نشر المراجعة
بتقوم الشركة الموزعة بإرسال الرابط للشركة الأم, و بيقولوا لهم "احنا عملنا أحلى دعاية للكروت و عملنا مراجعات و الناس تعبت"
تقوم بعدها الشركة الأم ترسل لهم مبالغ مالية دولارية + الكروت محل المراجعة التي تكون مجانية أو Samples. ليه الشركات دي
تستفيد من ورانا و من شغلنا و احنا نقعد خائبين الرجاء؟

بلاش دي, فيه شركات راسلناها أقسم بالله منتجاتها لم تقترب من الأراضي المصرية !
إيه المانع لما الشركات دي تلاقي مراجعاتنا الإحترافية الموضوعية و تعجب بيها و بمستوى فكر الشباب إننا نراسلها
و نطلب منها تشوف وكلاء لها في مصر, و نعرفها علينا و على وطننا العربي, و على مستوى فكر ابناءنا من الشباب؟
ليه ماحدش فيكم فكر في كدة؟

ليه لحد دلوقت ماحدش قال: "ربنا يوفقكم و نتمنى نشوف مراجعات طيبة"
هو ليه ما حدش من الإخوة من الدول العربية دخل اعترض لحد دلوقت؟

فيه أخ كريم اتصل بي بالأمس (أ/ هاني من شركة ماكسيمم), الرجل تكلم معي باحترام كعادته, و ضحك معايا في التليفون و بعدين
اتكلم و قال اقتراح فوق الممتاز, أنا رديت عليه و قلت له شكراً على اقتراحك الممتاز و أنا هأعرضه فعلياً على الإدارة و هنشوف
امكانية تنفيذه من عدمها,و الله بلغت الإدارة النهاردة الصبح بكلامه !

تخيلوا لو كان هاني اتصل بيا و زعق و قال: "ده تهريج, انتو اتجننتوا, ازاي تلغوا المراجعات" .. هل كنت هأسمع له من الأساس؟
بالعكس, كنت هأرد عليه بالعبارة المأثورة: "الإدارة لها الحق في اتخاذ أي قرار .. شكراً لمكالمتك .. سلام "
ده قدوة حسنة لينا كلنا و الله يا جماعة.

فيه ناس بيلعبوا بالنار, و بيستخدموا حماسكم الجميل ده و حالة الكبت اللي انتو كنتو فيها بسبب النظام الراحل و حالة الثورة
الجديدة لتأجيج هذه النار, أنا بحذرهم جميعاً.

فيه ناس بتصطاد في المية العكرة, أحب أقول لهم عيب عليكم اللي إنتو بتعملوه ده, إحنا مش عيال صغيرة.

و على فكرة, أنا على استعداد إني أقطع أيديهم, و أجفف البحيرة اللي بيصطادوا فيها و أقفل الموضوع تماماً, بل و الله اخفيه
من الوجود و معي كفة الصلاحيات لذلك. لكني مش هأعمل كدة, علشان أنتم في الأول و الأخير إخواني و أحبابي ... شكراً لكم

سبحان الله ...

[mohamedelm]

لم اجد اى رد مقنع لوقف المراجعات الشخصية لتكون بجوار مراجعة فريق الموقع
على ان تكون الاولى فى المنتدى فقط والاخرى على الصفحة الرئيسية

طب سؤال كيف سيتم اختيار هذا الفريق طالما لا يوجد مراجعين تختار منهم الادارة للالتحاق بالفريق
حتى لو الفريق مكون بالفعل طيب فى المستقبل بعد ما سيتم قتل المراجعين الجدد
هل هناك ضامن باستمرار الاعضاء بحيث لن نحتاج لاعضاء جدد ؟!

كيف يتم اختيار فريق المنتخب الوطنى بدون الدورى الممتاز ؟!
فلتكون المراجعات الشخصية هيا الداعم الاساسى لفريق الموقع

بالنسبه للمعمل هل سيكون بالقاهرة ؟ وهل سيكون شرط على الفريق ان يكون من ساكنى القاهرة فقط ؟

[™ č α Я β ỗ η]

استاذ جوهري .. طبعاً كلامك جميل و علي عيني وراسي

بس برضة هناك في بعض نقاط لم يتم الرد عليها حتي الان ..!!

لما الاختلاف دائماً عن الجميع .. جميع المواقع العالمية بها قسمان .. الموقع الرسمي للمراجعات المعتمدة و هي التي تُرسل لهم القطع قبل طرحها بفترة .. و المنتديات العامة التي تنشر بها التجارب الشخصية ... لما لا مطبق هذا الامر هنا في المنتدي .. ام اننا وجدنا لكي نختلف .!!

ايضاً من هم اعضاء الفريق ؟؟ .. و علي اساس تم اختيارهم ؟

و ذكر احد الاخوة ان معلومات وردت له ان المراجعات ستكون شبه حصرية لاهل الاسكندرية ، لما لم يتم الرد عليها حتي الان ؟

و كيف سيتم تجديد دماء الفريق؟

و من يرغب في الانضمام لهذا الفريق ماذا عليه ان يفعل ؟

[Am|r]

ما شاء الله لا تتخيل هذا الكلام ريحنى قد اية

ما الطف كلامك يا محمد فهذا الكلام سيهدء الجميع


انا انتظر اول مراجعة للحكم على المستوى كما قلتها مرارا وتكرارا من قبل
ارجو منك عند طرح اول مراجعة من الفريق ان تقوم بالاعلان عنها ... ليشاهدها الجميع و نرى نتائج جهدكم
بالتوفيق لك و لكل فريق العمل و يعود كل ما ستبزلوه من مجهود عليكم بكل خير

شكرا

[M_HaFeZ]

الم نتعلم نحن العرب شيئاً من سبب الثورات اللتى تحدث فى كل أرجاء الوطن العربى؟

[J4CK4L]

عموما، أشكركم من أساء لإسائته لأنها أشعلت في صدري نار التحدي.

من المعيب ممن يظنون أنفسهم على مستوى المسؤولية والاحتراف أن يتكلموا بهذه الطريقة، بينما كان بمقدورهم جميعا، بمقدور أي واحد فيكم أن يتقدم بطلب ليكون من ضمن الطاقم الفني للمراجعات، لكن الظاهر أن الاستفادة المادية المتحصلة من خلال المراجعات الشخصية تمنع البعض من اتخاذ مثل هذا القرار.

عموما، أشكر جزيلا الأخوة الذين اعترضوا، نحترم قرارهم، ولا اقدر أي إسائة اتهمتنا بكبح الحرية وما شابه من ألفاظ، ومن اتهامات بأننا قد نحذف الموضوع، عيب وانتو عايشين معانا سنة وسنتين تقولون مثل هذا الكلام، ونهاية أشكر المسيئين، إذا لم نحصل من ورائكم حسنات على هذه الإسائات فسنحصل على التحدي الذي نريده، وسوف يبقى هذا الموضوع موجودا حتى يراجع الأخوة حقيقة من بكى ممن تباكى.

الغريب في الموضوع .. الغريب فعلاً انك تقابل سوء الظن بسوء ظن .. و ترمي التهم وتضع زملائنا الذين قاموا بعمل المراجعات في خانه مستفيدين مادياً من هذه المراجعات. و ان لم تقول بالاسم .. الجميع اصبح في دائره الاتهام.

اما ماشدني في ردك هو "اشعلت في صدري نار التحدي" .. يبدو انك تاخذ الموضوع علي محمل شخصي و كانها مكابره بعد قرائتك لبعض الردود .. "النار في صدرك" هل اشعلتها مراجعات اجتهد من قام بها قدر استطاعته ام الردود المعارضه لهذا القرار؟ ربما كنت تتوقع ان تكون رده الفعل "السمع و الطاعه يامولانا"!

ماهكذا تورد الابل ياشيخ .. قليل من التعقل و تقبل الاخر المخالف لا يضر .. "فليذهب غير مأسوف عليه" هل هذا رد لمن يخالفك!
ترديد مقوله ان عرب هاردوير اسم كبير و يجب و يجب و الخ .. لا تعني تحجيم الاعضاء و التقليل من مجهودهم و ضرب رأيهم بعرض الحائط و يتم فرض راي شخص واحد او عدد قليل من الاشخاص. مع كل احترامنا لهم و لك .. انتم كاشخاص لكم كل الاحترام .. اما نقد افعالكم فهو امر طبيعي ان لم تكونوا انبياء و ملائكه.

اما بخصوص لجنه الاختبارات .. المحايده .. لا اضمن حياديتها كما انت لا تضمن حياديه الزملاء .. تطعن في حياديه زملائنا و تجبرنا علي آخرين وتقول حياديه؟

علينا ان نفهم ان المنتدي يشارك به الالاف من اماكن مختلفه و لديهم ثقافاتهم المختلف .. لا يمكن ان تحكم الناس في الانترنت بقرارات مركزيه حتي تدخلتم فيما نكتب و مانضع من تواقيع. أمر غريب .. اليس هناك اتفاقيه نوافق عليها عند التسجيل .. ضعوا فيها ماتشاؤون ونحن ملزمين بها .. اما القرارات التي تاتي في ليله ظلماء و يتم تطلبيقها فورا دون اي اخذ راي الزملاء بحجه ان عرب هاردوير اسم كبير .. فهذه سقطه يجب ان تستدرك بلا مكابره.