السلام عليكم و رحمة الله و بركاته
المشكلة بدأت معايا من كذا يوم
أولاً أنا رابط الكيس بسلك كهرباء في أحد مسامير الكيس و الطرف الاخر في مسمار دخل الحائط لتسريب الكهرباء الزيادة اللي تكون في ظهر الكيس
المشكلة في الغالب تظهر لما بعمل Hibernate وليس shutdown
أنا بقوم بعمل Hibernate و لما الجهاز يطفي بقوم عامل اغلاق لزر مزود الطاقة
من كام يوم كنت بفتح الجهاز ففتحت زر مزود الطاقة و بعدين شغلت الجهاز ما نطق ولا اي شيء منور ، أكن مفيش كهرباء خالص
جربت اغلق و افتح الزر كذا مرة مافيش فايدة
فكيت السلك المربوط في الكيس و في الحائط ، الجهاز اشتغل ، قلت يمكن عامل مشكلة في حاجة ، مع ان الجهاز القديم رابطة بالطريقة هذة من 7 سنين و ما عمل اي مشكلة بأي شيء
المهم عملت hibernate امبارح تاني و جي افتح النهاردة ، أول ما كبست الزر بتاع مزود الطاقة عشان افتح الجهاز، سمعت صوت شرر كتير فقفلت الزر شوية وفتحته تاني عمل نفس الشيء قفلته بسرعة تاني و شيلت الكابل منه و استنين شوي و بعدين فتحت الزر الأول و بعدين ركبت الكابل معملش الصوت الحمد لله ، جربت و فتحت الجهاز فتح عادي
أنا دلوقتي مش عارف المشكلة منين ، وهل فيه حاجة كده في مزود الطاقة أم الكبل أم الكهرباء المنزلية ؟؟؟ وهل صوت الشرر هذا أعطب شيء في داخل مزود الطاقة ؟ و كمان ايه دخل Hibernate بالموضوع ؟ اشمعني المشاكل تحصل مع Hibernate فقط ؟
ملحوظة يمكن تكون هامة: Hibernate عندي بعملها عن طريق الضغط علي زر الpower من الكيسة مرة واحدة ليست طويلة
الله المستعان ، الجهاز بعد جديد
ضوابط المشاركة
المفضلات