النتائج 1 إلى 8 من 8

الموضوع: الزوجة الصالحة

  1. #1
    عضو محترف الصورة الرمزية NaAZoOR
    تاريخ التسجيل
    Feb 2003
    المشاركات
    8,698
    الدولة: Egypt
    معدل تقييم المستوى
    39

    الزوجة الصالحة



    حبيتك لإلتزامك . . . . . . . . . . . . حبيتك لاحترامك

    حبيت فيكي التواضع . . . . . . . . . . . . والعزة اللي ف كلامك

    مبسوط منك لأنك . . . . . . . . . . . . إسلامك كل همك

    أنا أصلي قابلت بابا . . . . . . . . . . . . واداني فكرة عنك

    وسألته عن طباعك . . . . . . . . . . . . إن كانت يعني هادية

    فحكالي عن سماعك . . . . . . . . . . . . لكلامه وانت راضية

    وازاي بتسلي نفسك . . . . . . . . . . . . بذكرك وانت فاضية

    وحلاوة صوت تلاوتك . ... ....... . . وازاي بتكوني شادية

    وسألته إن كنتي فاهمة . . . . . . . . . . . . معنى كلمة زوجين

    قالي هتكونوا ورقة . . . . . . . . . . . . مطبوعة نسختين

    غني كنت أو فقير . . . . . . . . . . . . ليك عند بنتي دين

    سرك هيكون في بير . . . . . . . . . . . . معرفش مكانه فين

    تفضل دايماً كبير . . . . . . . . . . . . في نظرها حبتين

    لو جيت بفلوس كتير . . . . . . . . . . . . تطمن جت منين

    هتكون دايماً معاها . . . . . . . . . . . . سيرتك هتكون هواها

    والشوق اللي ف خيالك . . . . . . . . . . . . تلقاه لحظة لقاها

    لو جيت زعلان ف مرة . . . . . . . . . . . . إرمي همومك وراها

    ومهما شوفت بره . . . . . . . . . . . . مش هتشوف مستواها

    واطمن يابني خالص . . . . . . . . . . . . عقلها مافيهوش تفاهة

    وزي ما هي بنتي . . .. . . . . . . . . . بنت حماتها وحماها

    وسألته عن ولادي . . . . . . . . . . . . منك هيكونوا إيه؟

    قاللي هيكونوا عادي . . . . . . . . . . . . فسألته يعني إيه؟!

    قاللي العادي إللي كان . . . . . . . . . . . . عند الناس من زمان

    العادي بتاع سراقة . . . . . . . . . . . . وحذيفة بن اليمان

    العادي بتاع أسامة . . . . . . . . . . . . وابن الحكيم لقمان

    ده العادي بتاعنا إحنا . . . . . . . . . . . . بنربي عليه عشان

    لو جينا ولا رحنا . . . . . . . . . . . . هنقابل الرحمن

    عمرك ما تخاف عليهم . . . . . . . . . . . . ولادك في الأمان

    أنا بنتي هتربيهم . . . . . . . . . . . . ع السنة والقرآن

    هتشوف ابنك بيصحى . . . . . . . . . . . . مادام سمع الأذان

    ينزل في الفجر يقرا . . . . . . . . . . . . بالسجدة والانسان

    هتشوف في حجاب بناتك . . . . . . . . . . . . العفة والإحسان

    هتشوف إزاي مراتك . . . . . . . . . . . . هتعينك إنت كمان

    وسألته عن حياتك . . . . . . . . . . . . من قبل الالتزام

    قال أتذكر في ليلة . . . . . . . . . . . . مش فاكر أنهي عام

    أذان الفجر أذن . . . . . . . . . . . . وقالتلي سيبني أنام

    فدخلت الأوضه جوه . . . . . . . . . . . . أجيب منها الحزام

    وعبال ما رجعت تاني . . . . . . . . . . . . كات رجعت ف الكلام

    الله يجازي الشيطان . . . . . . . . . . . . خلاها تقول أنام

    بس اطمن خلاص . . . . . . . . . . . . دلوقتي بقت تمام!

    قلتله طيب ياعمي . . . . . . . . . . . . يسعدني أقولك إني

    بطلب بنتك ونفسي . . . . . . . . . . . . تناسبني وترضى عني

    راح شادد فجأه لبسي . . . . . . . . . . . . وقلب وشه وسألني

    حافظ كم جزء يابني . . . . . . . . . . . . وقاري كم كتاب

    احكيلي كده عن مؤتة . . . . . . . . . . . . أوغزوة الأحزاب

    وسمع كم حديث . . . . . . . . . . . . في الأخذ بالأسباب

    وكمان سمعلي آيه . . . . . . . . . . . . ذكرت فيها الدواب

    ولو شايفها صعبة . . . . . . . . . . . . قللي بتاعة الذباب

    واحكيلي حلم يوسف . . . . . . . . . . . . وبراءة الذئاب

    واخواته لما جولوه . . . . . . . . . . . . دخلوا من أنهي باب

    واديني فكرة برضه . . . . . . . . . . . . بتقبض كم ثواب

    وناوي ازاي تحسن. . . . . . . . . . . أنا شايفك لسه شاب

    وسأل نفسه وسألني . . . . . . . . . . . . هيعوز إيه يعني مني؟

    لو عندي كل حاجه . . . . . . . . . . . . وديني مش شاغلني

    أحسن لك تنسى بنتي . . . . . . . . . . . . ومهرك مش لازمني

    قلتله صبرك ياعمي . . . . . . . . . . . . وبراحتك امتحني

    يبقى اما أسأل تجاوب . . . . . . . . . . . . خليك دايماً فاهمني

    سألتك وانت ساكت . . . . . . . . . . . . خليتني أظن ظني

    وفضل يسأل واجاوب . . . . . . . . . . . . وعشان خاطرك عصرني

    وظهرت النتيجة .. . . . . . . . . . . . وبفضل الله قبلني

    قاللي مقبول في نظري . . . . . . . . . . . . مبروك عليك ياسيدي

    لكن في نظرها هي . . . . . . . . . . . . نجاحك مش بإيدي

    وهي زمانها راجعة . . . . . . . . . . . . من تمرين السويدي

    خليك قاعد شوية . . . . . . . . . . . . استنا لما تيجي

    هعملك من إيديا . . . . . . . . . . . . كباية شاي صعيدي

    سابني وقعدت أفكر . . . . . . . . . . . . هل ممكن ترفضيني

    طاب قولي حتى أفكر . . . . . . . . . . . . مش يمكن تفهميني

    وفضل مخي يلاعبني . . . . . . . . . . . . يجيبني ويوديني

    وخايف م المقابلة . . . . . . . . . . . . مرعوب بينك وبيني

    ودق الباب في ثانية . . . . . . . . . . . . وشوفتك مرة تانية

    مش قادر أنسى يومها . . . . . . . . . . . . وفاكر كل ثانية

    ونده والدك عليكي . . . . . . . . . . . . عشان أول لقاء

    دخلتي وشوفت وشك . . . . . . . . . . . . عليه نور الحياء

    نور والله فعلاً . . . . . . . . . . . . مش نور بودرة وزواء

    كان أول مرة أخاف . . . . . . . . . . . . من فتنة النساء

    أخلاقك مش عادية . . . . . . . . . . . . وجمالك كان شفاء

    قعدتي جنب والدك . . . . . . . . . . . . وسألتيني وجاوبتك

    وفكل مرة أجاوب . . . . . . . . . . . . كنت باشوف ابتسامتك

    ف أقول من جوه نفسي . . . . . . . . . . . . يارب أكون عجبتك

    وبعد شوية قمتي . . . . . . . . . . . . ندهت عليكي مامتك

    ورحتي دخلتي جوه . . . . . . . . . . . . وراح وراكي والدك

    وانا قلت مش مروح . . . . . . . . . . . . غير لما أكون خطبتك

    وابوكي جاني تاني . . . . . . . . . . . . وقرب من وداني

    لابس كرفته سوده . . . . . . . . . . . . وبدله لون فراني

    المنظر يعني كله . . . . . . . . . . . . ميدلش ع التهاني

    قلتله مالك ياعمي . . . . . . . . . . . . من فضلك قول عشاني

    عرقي غرقلي كمي . . . . . . . . . . . . سايبني ليه أعاني

    قاللي مستني إيه . . . . . . . . . . . . فين إيدك إديهاني

    البنت مش موافقة . . . . . . . . . . . . تتجوز حد تاني

    كان أول مرة أعرف . . . . . . . . . . . . إزاي الناس بتفرح

    سعادتي كات غريبة . . . . . . . . . . . . مش ممكن هقدر أشرح

    من كتر حبي ليكي . . . . . . . . . . . . نويت أضحي وادبح

    رحت اشتريت خروف . . . . . . . . . . . . وكان خروف بينطح

    ده أخيراً هبقى جوزك . . . . . . . . . . . . وشجرة صبري تطرح

    خطوبتنا كات بسيطة . . . . . . . . . . . . مكانش فيها زيطة

    وفرحنا كان في جامع . . . . . . . . . . . . يعني مش خلطبيطة

    ومامتك جت في يومها . . . . . . . . . . . . ورقعت كام سويطة

    هاتولي بنتي منه . . . . . . . . . . . . دي مش فاهمة العبيطة

    إنه هيخطفها مني . . . . . . . . . . . . وهتوحشني الغتيتة

    صعبت عليا مامتك . . . . . . . . . . . . الموقف كان شديد

    لكن فعلاً خطفتك . . . . . . . . . . . . ورحنا مكان بعيد

    فاكرة ولا انتي ناسية . . . . . . . . . . . . أكيد فاكرة أكيد

    من يوم ما بقيتي زوجتي . . . . . . . . . . وانا متهني وسعيد

    معايا ف كل يوم . . .. . . . . . . . . . ويوم لؤاكي عيد

    عمرك ما دقتي نوم . . . . . . . . . . . . وانا تعبان أو مريض

    فلوسي كات بتكتر . . . . . . . . . . . . والخير عندك يزيد

    وعامله ليه دفتر . . . . . . . . . . . . ومرتبه المواعيد

    وبفضل الله قدرتي . . . . . . . . . . . . وجبتيلي الوليد

    وبعديها بشوية .. . . . . . . . . . . . جبتيلنا عليه يزيد

    وبعديه جت سمية . . . . . . . . . . . . وآخرهم كان حميد

    بدعيلك كل يوم . . . . . . . . . . . . وأفضل أعيد وازيد

    ربيتي عيالي دول . . . . . . . . . . . . ع القرآن المجيد

    طول عمرك وانتي صافية . . . . . . . . . . . . قلبك لون الجليد

    أخلاقهم مش عادية . . . . . . . . . . . . طلعنلك مش بعيد

    وليد دلوقتي ضابط . . . . . . . . . . . . ومعاه رتبة عقيد

    ودعوة قلبي صابت . . . . . . . . . . . . ويزيد أهو مات شهيد

    وبنتك صيدلية . . . .. . . . . . . . . وحميد أصبح معيد

    الله برحم أبوكي . . . . . . . . . . . . راجل من نوع فريد

    كل اللي قاله فيكي . . . . . . . . . . . . أنا عشته بالتحديد

    عشت معاكي ف حكاية . . . . . . . . . . . . أحلى وأجمل رواية

    حكايتي كات معاك . . . . . . . . . . . . وحكايتك كات معايا

    اديتك كل عمري . . . . . . . . . . . . وهمك كان رضايا

    وعمرك خدته منك . . . . . . . . . . . . وقربك كان دوايا

    وخلاص العمر راح . . . . . . . . . . . . راحت أيام صبايا

    ومسافر رحله صعبة . . . . . . . . . . . . وزادي مش كفايه

    مش عاوز أشوف دموعك . . . . . . . . . . بالذات ف يوم عزايا

    أنا عارف إنتي عارفة . . . . . . . . . . . . إن الموت مش نهاية

    دي لسة الرحلة طالعة . . . . . . . . . . . . والموت خط البداية

    إدعيلي يمكن أوصل . . . . . . . . . . . . وأشوف هناك حمايا

    أنا عارف إنه فيها . . . . . . . . . . . . محجوزله هناك سرير

    وسلامي في النهاية . . . . . . . . . . . . أنا خلصت الحكاية

    لو يوم فكرتي فيه . . . . . . . . . . . . إقري شعري وغنايا

    وأمانه ف كل مرة . . . . . . . . . . . . تدعي لي بالهداية

    عسى ربي بدعائك . . . . . . . . . . . . يغفر ليا الخطايا

    اللهم ارزق شباب المسلمين زوجات صالحات وارزق بناتهم أزواجا صالحين

    منــــــــــــــــــــــــــــــــــــــــــــــــ ـــــــــــقول



  2. #2
    عضو برونزي الصورة الرمزية moriatte
    تاريخ التسجيل
    Aug 2006
    المشاركات
    2,057
    معدل تقييم المستوى
    29

    رد: الزوجة الصالحة

    ما شاء الله
    من كاتب القصيدة يا باشمهندس؟
    ربنا يرزقنا الزوجة الصالحة فهى خير متاع الدنيا
    [CENTER][B][SIZE=4][COLOR=blue]ولا تهنوا ولا تحزنوا وأنتم الأعلون ان كنتم مؤمنين[/COLOR][/SIZE][/B][/CENTER]
    [CENTER][SIZE=4][COLOR=blue]--------------------[/COLOR][/SIZE][/CENTER]
    [CENTER][B][SIZE=4][COLOR=blue]لكي لا تأسوا على مافاتكم ولا تفرحوا بما آتاكم والله لا يحب كل مختال فخور[/COLOR][/SIZE][/B][/CENTER]

  3. #3
    عضو فضي الصورة الرمزية [Dr.Mohammed [F@H
    تاريخ التسجيل
    Aug 2010
    المشاركات
    2,191
    معدل تقييم المستوى
    46

    رد: الزوجة الصالحة

    ما شاء الله تبارك الله

    كلام جميل جدا عن الزوجة الصالحة

    ربنا يرزقكم كما قرأتم

    فالزوجة الصالحة من اكثر الاشياء التى تجعل الانسان مرتاح فى حياته
    د. محمــــــــد عـــــبدالعلــــيم

    [IMG]http://www.***********.com/Downloads/Images/logo-nvidia.png[/IMG]

  4. #4
    عضو فضي الصورة الرمزية NASA Science
    تاريخ التسجيل
    Aug 2010
    المشاركات
    2,356
    معدل تقييم المستوى
    22

    رد: الزوجة الصالحة

    اللهم أمين

    جميله جدا
    من الشاعر ؟؟
    بَعد تفكير طويل وحيره من أمرى
    قررت الرحيل عسى يوما أن أعود بمنفعة لكم يوما مااا
    تذكرونى بدعوة صالحة أخوتى , عسى أن تهدينى وتنفعنى فى حاجتي

    و أدعولى لو سمحتوا بتوفيقى فى تحقيق براءة الاختراع بتاعتى وطريق العِلم
    ربى ذكّرنى بمن لهُ فضل علي وتقبل دعائى له وأجعلنى خلفا صالح لهُ
    ونورنى بنُورك يا رب ,,, اللهم أمين

    أخوكُم مُصطفى ,,,




  5. #5
    عضو فضي الصورة الرمزية NASA Science
    تاريخ التسجيل
    Aug 2010
    المشاركات
    2,356
    معدل تقييم المستوى
    22

    رد: الزوجة الصالحة

    بعض البيوت فيها معانى جميله وحكيمة
    أتمنى التركيز فيها جيدا

    من صاحب هذه الكلمات ؟؟

  6. #6
    عضو برونزي الصورة الرمزية الأميرة
    تاريخ التسجيل
    Jan 2007
    المشاركات
    2,266
    الدولة: Egypt
    معدل تقييم المستوى
    26

    رد: الزوجة الصالحة

    جميله جدا
    زوج صالح وزوجه صالحه

    ربنا يرزق شباب وبنات المسلمين بالزوج الصالح
    [CENTER][SIZE=3]اللهم اغفر لي ولوالدي وارحمهما كما ربياني صغيرا
    اللهم اغقر لامي وارحمها وعافها واعف عنها وأكرم نزلها ووسع مدخلها واغسلها بالماء والثلج والبرد .. اللهم اجعل عن يمينها نور وعن شمالها نور ومن فوقها نور ومن تحتها نور حتى تبعثها آمنه مطمئنه في نور من نورك .. يالله يا ارحم الراحمين

    [SIGPIC][/SIGPIC][/SIZE][/CENTER]
    [CENTER][SIZE=3]
    [URL="http://www.arabhardware.net/forum/showthread.php?t=200950"][COLOR=Blue][B]فضلا .. سجل مدونتك هنا[/B][/COLOR][/URL]

    [/SIZE][SIZE=4][COLOR=Red][B][URL="http://www.arabhardware.net/forum/showthread.php?t=89723"]تعرف على أسرة المنتدى[/URL][/B][/COLOR][/SIZE][SIZE=3]

    [URL="http://www.arabhardware.net/forum/showthread.php?p=1555636#post1555636"][COLOR=Red][B]كتب في كل المجالات[/B][/COLOR][/URL]
    [/SIZE] [SIZE=3][COLOR=Red][URL="http://kanwekan.blogspot.com/2009/08/blog-post_14.html"]حمل برنامج كيف تتلذذ في صلاتك[/URL][/COLOR]
    [/SIZE] [/CENTER]
    [CENTER][SIZE=3][COLOR=blue]مدونتي[/COLOR][/SIZE][/CENTER]
    [CENTER][SIZE=3][URL="http://taamolaaaaat.blogspot.com/"]تأملات قلب[/URL][/SIZE][/CENTER]
    [CENTER][SIZE=3][COLOR=blue]و[/COLOR][/SIZE][/CENTER]
    [CENTER][SIZE=3][URL="http://kanwekan.blogspot.com/"]طوق الحريه[/URL]

    [/SIZE] [SIZE=3]
    [/SIZE] [/CENTER]

  7. #7
    عضو محترف الصورة الرمزية NaAZoOR
    تاريخ التسجيل
    Feb 2003
    المشاركات
    8,698
    الدولة: Egypt
    معدل تقييم المستوى
    39

    رد: الزوجة الصالحة

    حاولت الوصول للمؤلف الأصلي بدون جدوى ....

    أشكركم على المرور ... اللهم ارزق كل من لم يتزوج بالزوجة الصالحة و كل فتاة بالزوج الصالح.

  8. #8
    عضو برونزي الصورة الرمزية Luffy
    تاريخ التسجيل
    Nov 2008
    المشاركات
    1,142
    الدولة: Palestinian Territory
    معدل تقييم المستوى
    11

    رد: الزوجة الصالحة



    وانا يا استاذ nazoor حاولت اوصل لنهاية القصيدة بس بدون جدوي:D

    ربنا يرزقني واكملها :o

    وفي الحقيقة القصيدة حلوة ودمها خفيف .... وربنا يرزق شبابنا وبناتا ازواجا صالحين
    [CENTER][FONT=Times New Roman][SIZE=3][B][COLOR=Red]سأل الناس الإمام على رضى الله عنه[/COLOR] : [COLOR=Blue]يا أبا الحسن نريد أن نعرف أى خلق الله أقوى[/COLOR] ؟ [COLOR=DarkGreen]فقال أشد جنود الله عشرة الجبال الرواسى ، والحديد يقطع الجبال والنار تذيب الحديد ، والماء يطفىء النار ، والسحاب المسخر بين السماء والأرض يحمل الماء ، والريح يقطع السحاب ، وابن آدم يغلب الريح ، فيستتر بالثوب ويمضى للحاجه ، والسكر يغلب ابن آدم ، والنوم يغلب السكر ، والهم يغلب النوم ، فأشد جنود الله الهم ،
    والهم يغلبه ذكر الله تعالى[/COLOR][/B][/SIZE][/FONT][/CENTER]
    [CENTER]
    [U][URL="http://www.0zz0.com"][IMG]http://www7.0zz0.com/2010/07/05/07/780705512.jpg[/IMG][/URL][URL="http://www.0zz0.com"][IMG]http://www14.0zz0.com/2010/07/05/07/609798274.jpg[/IMG][/URL][/U]
    [/CENTER]

المواضيع المتشابهه

  1. =====((((((سوريا آخر القلاع الصامدة))))))=====
    بواسطة أيمن النعيمي في المنتدى الأرشيف
    مشاركات: 5
    آخر مشاركة: 22-03-2011, 22:36
  2. الأعمال الصالحة وثوابها
    بواسطة Ritter في المنتدى الأرشيف
    مشاركات: 0
    آخر مشاركة: 10-08-2010, 14:17
  3. سؤال: هل الدورة الزامية C|EH
    بواسطة moody_4u في المنتدى الأرشيف
    مشاركات: 2
    آخر مشاركة: 31-07-2007, 04:36
  4. مشاركات: 4
    آخر مشاركة: 08-03-2004, 06:59

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •