صفحة 1 من 3 1 2 3 الأخيرةالأخيرة
النتائج 1 إلى 15 من 33

الموضوع: هدف المجلّه أكبر من مجرد مقالات هاردوير يا أعضاء عرب هاردوير الكرام

  1. #1
    عضو بلاتيني الصورة الرمزية MF88
    تاريخ التسجيل
    Sep 2009
    المشاركات
    6,001
    معدل تقييم المستوى
    78

    Smile هدف المجلّه أكبر من مجرد مقالات هاردوير يا أعضاء عرب هاردوير الكرام



    السلام عليكم ورحمه الله وبركاته


    عملت الموضوع ده لأن فيه شواهد و علامات وضحتلى إن فيه ناس مش مستوعبه المجله بشكلها الصحيح

    انا لن أتكلم عن المقالات التى تصلنى - أو آرائكم بالمجله حتى الآن - لكن سأتناول الموضوع بشكل مختلف

    و لن اتكلم بالعربيه الفصحى كثيراً عشان متفتكروش انه بيان إدارى لا سمح الله :D


    المفروض المجله تقدم إيه لكل شخص ينوى تحميلها ؟

    قبل ما اقول المجله تقدم إيه - لازم أقول المجله دى تستهدف مين

    فيه مجلات تستهدف مهندسين فقط و مجلّه تستهدف الأطفال فقط و مجله تستهدف من يهوى السياسه وهكذا


    مجله عرب هاردوير تستهدف جميع الأعمار - و جميع الفئات من أول شخص بيعرف يقرأ و يكتب - إلى العلماء

    و من أول الطفل ذو الـعشره سنوات إلى الرجل الكهل ذو 90 عاماً ( إذا كان لسه فيه صحه يعنى )


    طيب كيف تستهدفهم ؟ بتصوب عليهم و هتقتلنا جميعاً يعنى وللا ايه :confused: ؟

    هدف المجله الرئيسى تثقيف الناس و إطلاعهم عن كل جديد له علاقه بالهاردوير و الإلكترونيات و للأسف

    الناس فهمت بشكل خاطىء إن الهاردوير يعنى بروسيسور - كارت شاشه - صندوق - كيبورد . الموضوع

    ممكن يشمل حتى مشترك الكهرباء و كيفيه إختياره و سماعات الموبايل و الأنظمه الصوتيه و أجهزه التليفون الأرضيه

    حتى سلك النت اللى بنشتريه من الكهربائى - الموضوع يشمل حاجات أكتر وهو مدى تغلغل التقنيه و الإلكترونيات

    بشكل عام فى أنظمه الدوله السياسيه و طرق إدخال البيانات الحديثه

    المجله ممكن تتناول حاجات كتير مثل HINTS عن كيفيه إستخدام الفيس بوك أو تويتر - ممكن كمان تتكلم

    عن تاريخ التقنيه و تتناول دروس مبسطه عن إختيار الكاميرا المناسبه مثلا

    الموضوع أكبر و أوسع بملايين المرّات من اللى انا لاحظت إن الناس معتقداه . و فيه ناس بتقولى عايزين نعرض

    مراجعه لكارت شاشه فى المجله



    المجله يا جماعه المفروض ان كل شخص بيكتب يبقى حاضر فى ذهنه والدته - أخته - جيرانه و يعرف هم مش مستوعبين إيه فى الإلكترونيات و يكتب عنه - حتى لو اختيار نوع الراوتر

    متزعلوش منى لو قولتلكم إن الناس مبقتش تفكر فحاجه غير بطريقه المنتدى

    - مراجعه الكارت الفلانى
    - الشركه الفلانيه عايزه تحول عضويه عبد السميع اللميع عضويه تجاريه
    - البروسيسور ده أدؤه إيه فى الطىّ
    - عايزين زرار شكر
    - عايزين نكبر التوقيع
    - عايزين نعمل موضوع مجمع لكل تعريفات كروت ATI من أول ما عملو الجيل الرابع لحد جيل الثوره


    طيب لحد إمتى هنفضل مهتمين بـ 3 أو 4 قطع ؟؟؟؟ لحد إمتى هنفضل نكتب للناس عن كارت الشاشه و المعالج

    و المشتت و الحاجات دى بس ؟مع العلم أن بقى هناك معمل مراجعات خاص بالحاجات دى يعنى ده مش إختصاص المجلّه الأساسى ولكنه مُساعد

    طيب نوصل إزاى للناس اللى معندهاش نت ؟ أو متعرفش تتعامل مع منتديات ؟؟

    الإجابه فى كلمه وحيده وهى " المجله "


    انا طبعاً عارف ان الناس فيه كتير منهم هتقول الجمله دى (( عشان مسك المجله بقى جى يقول المنتدى أى كلام - ده محمود ده شخص غريب - أكيد أخد الأوردر انه يكتب الكلمتين دول أه ياعينى مهو عبد المأمور - سيبوه ياكل عيش يا جماعه - ..... ))

    الحقيقه انا مش جى أكل عيش ................................. لأنى عامل دايت :D

    انا مش بكتب الموضوع ده بتوجيهات .......................... لأن رئيسى المباشر لما كنت مدير التحرير كان محمد إبراهيم و محدش كان ليه أى تعليق على شغلى أنا وهو نهائى و نتاج المجله خاص بينا إحنا الإتنين فقط

    انا مش شخص غريب :D ............................... انا شخص weird


    سبب كتابه الموضوع فى الحقيقه هو إنى عايز الناس تكتب عن حاجات كتير ومش شرط كارت شاشه أو معالج أو ذواكر أو لوحه أم بس

    ممكن طبعاً تكتب فى الهاردوير لكن أنت ككاتب قدامك الحياه كلها ليه متفهمش الناس و توعيهم بمقال صغير

    انا مش عايزك تكتب صفحه جرايد كلام - المقال المفروض يتميز بالبساطه و وسطيه الحجم و الشرح فيه يكون قليل

    لأننا مش بنصْدر كتاب شروحات - لكن مجرد توجيه للناس و اللى عايز يستزيد يبقى يتفضل مشكورا بزياره البورتال و المنتدى

    يعنى حتى الآن فيه ناس متعرفش تدخل على الفيس بوك ولا تستخدمه - لو إتعملت سلسله شروحات مبسطه

    تصدر فى كل عدد حلقه يبقى ممتاز

    فى مصر كام أم عندها كمبيوتر و متعرفش تستخدم الياهو عشان تكلم أولادها المسافرين بالخارج ؟ فين المقاله

    اللى تسد تلك الثغره ؟ وللا عايزينها تقرأ عن أفضل مراجعه للشهر :confused: هتقولك انا عامله صينيه مسقعه:ah5: أما اروح اشوف اللى ورايا .... ما تتفضلو معانا ؟؟؟

    لكن لو تناولت مقال يغطى إحتياجاتها من الكمبيوتر ساعتها هتطفى على المسقعه و تقرأه و مش مهم أبو العيال بقى:ah32: :D


    دورى الوحيد هو إنى أوضح المجالات الكتير جدا اللى المفروض الناس تكتب فيها - أكيد مفيش مجله رئيس

    تحريرها و النايب بتاعه :D هم اللى بيتكبو كل مقالاتها


    لكن المجله دى ملك الجميع و مسموح للجميع انه يكتب فيها و يعبر عن رؤيته الخاصه للهاردوير و الإلكترونيات بشكل عام

    magazine@arabhardware.net

    كل شخص يكتب مقال يتفضل مشكوراً بإرسال مقالته على الإيميل السابق و هتكلم فى الفقره القادمه عن شويه حاجات تساعدك و إنت بتكتب المقال


    المفروض أنى ألون كل كلمه و أهتم بالتنسيق ؟

    - لأ , كل اللى عليك تعمله أن كل عنوان رئيسى بالمجله يكون مكتوب فى الوسط من المقاله و بخط أكبر من بقيه المقال و يا سلام لو يكون بلون مختلف و إبعد عن الألوان الفاتحه قوى عشان المصمم يقدر يشوف ( مع العلم ان التنسيق الكتابى فى المقال مش هو

    ده اللى هيطلع بالضبط فى المجله و هنا دور المصمم )

    - هل لازم أدرج صور فى المجله و انا اللى أصمم المقال زى ما بيطلع فى المجله ؟

    بالنسبه للصور لو المقال هيحتاج لصور حط الصور اللى تعجبك ( و يفضل تكون كبيره شويه - مش FULL HD ولا صغيره زى THUMBNAIL الصور يعنى )

    ثانيا تصميم المجله ده بيكون خاص بالمصمم و ده تم تعيينه من قبل شركه عرب سوفتوير عشان يقوم بالأعمال

    التصميميه بشكل كامل - فقط ضع الصور بالمقال و هو هيصممها حسب ذوقه و زى ما بتشوفوها فى الأعداد السابقه


    هل هناك ميعاد لتسليم المقالات ؟؟؟؟؟ وهل هناك ضوابط لكتابه المقالات بشكل عام ؟

    لو ناوى تلتزم بسلسه مقالات - يبقى لازم تسلم بأكملها مره واحده عشان يلحق المصمم يشتغل عليها و كمان لو حصل أى ظرف لا قدر الله المجله متطلعش ناقصه بسبب أى ظرف

    لو مقالات منفرده - يبقى فى أى وقت وهنضعها سواء فى العدد الحالى أو اللى بعده أو حسب ما تراه إداره تحرير المجله

    و الميعاد الأفضل لتسليم المقالات هو أول اسبوع من كل شهر

    لانه بيدينا مساحه كافيه للتعديل على التصميم و تصحيح الأخطاء الإملائيه فيه و حاجات كتير ( المقال بيكون مخدوم كويس يعنى )

    و بالمرفقات الملف الرسمى المتفق عليه من إداره تحرير المجلّه لشروط كتابه أى مقال و أى إخلال بها يكون المقال مرفوض

    أخيراً الموضوع ده هيفضل موجود عشان أتلقى فيه إقتراحاتكم و آرائكم للمجله و إزاى نطورها و كمان رأيكم فى كل عدد يتم إصداره

    لأن المجله من غير المحررين مش هتبقى مجله - و كمان مينفعش تكون حكر على رئيس تحريرها و النايب بتاعه :D

    و كل من لديه فكره عن باب جديد للمجله أو مقال معين يتفضل بكتابته هنا

    و الإيميل السابق ذكره فقط لإستقبال المقالات وليس لأى شىء أخر


    بالـتوفيــق
    الملفات المرفقة الملفات المرفقة
    ================================================== ==============
    [ الخطوه الثانيه ] نظام الأندرويد كنظام أساسى على الهاتف htc HD2 - وداعا WM

    قمت بتعطيل الرسائل الخاصه لكثرتها وحتى لا يعتقد احد انى متجاهله عن عمّد :)
    برجاء إذا كان لك أى استفسار قم بعمل موضوع حتى يتسنى للجميع مساعدتك و انا معهم إن شاء الله
    ولكي يستفيد الجميع من خبراتك و خبرات الزوار ولتقليل الجهد على المشرفين أيضاً




  2. #2
    عضو بلاتيني الصورة الرمزية MF88
    تاريخ التسجيل
    Sep 2009
    المشاركات
    6,001
    معدل تقييم المستوى
    78

    رد: هدف المجلّه أكبر من مجرد مقالات هاردوير يا أعضاء عرب هاردوير الكرام

    يُرفع الموضوع للأهميّه
    ================================================== ==============
    [ الخطوه الثانيه ] نظام الأندرويد كنظام أساسى على الهاتف htc HD2 - وداعا WM

    قمت بتعطيل الرسائل الخاصه لكثرتها وحتى لا يعتقد احد انى متجاهله عن عمّد :)
    برجاء إذا كان لك أى استفسار قم بعمل موضوع حتى يتسنى للجميع مساعدتك و انا معهم إن شاء الله
    ولكي يستفيد الجميع من خبراتك و خبرات الزوار ولتقليل الجهد على المشرفين أيضاً




  3. #3
    عضو بلاتيني الصورة الرمزية MF88
    تاريخ التسجيل
    Sep 2009
    المشاركات
    6,001
    معدل تقييم المستوى
    78

    رد: هدف المجلّه أكبر من مجرد مقالات هاردوير يا أعضاء عرب هاردوير الكرام

    لماذا لا أرى مشاركاتكم يا شباب ؟
    ================================================== ==============
    [ الخطوه الثانيه ] نظام الأندرويد كنظام أساسى على الهاتف htc HD2 - وداعا WM

    قمت بتعطيل الرسائل الخاصه لكثرتها وحتى لا يعتقد احد انى متجاهله عن عمّد :)
    برجاء إذا كان لك أى استفسار قم بعمل موضوع حتى يتسنى للجميع مساعدتك و انا معهم إن شاء الله
    ولكي يستفيد الجميع من خبراتك و خبرات الزوار ولتقليل الجهد على المشرفين أيضاً




  4. #4
    مشرف سابق الصورة الرمزية elbass
    تاريخ التسجيل
    Jun 2008
    المشاركات
    1,318
    الدولة: Egypt
    معدل تقييم المستوى
    50

    رد: هدف المجلّه أكبر من مجرد مقالات هاردوير يا أعضاء عرب هاردوير الكرام

    :ah7::ah7::ah7::ah7:
    الظاهر الكل مشغول بموضوع سوريا
    لكن بصراحة مع كل صلاحيتك بالمنتدى الموضوع يستحق التقييم:ah7::ah7::ah7::ah7:

  5. #5
    عضو برونزي الصورة الرمزية Mostafa Gomaa
    تاريخ التسجيل
    Apr 2010
    المشاركات
    2,537
    معدل تقييم المستوى
    64

    رد: هدف المجلّه أكبر من مجرد مقالات هاردوير يا أعضاء عرب هاردوير الكرام

    ياسلام عليك يا محمود انت راجل مخلص فى شغلك بجد سواء فى القسم التجارى أو المجله وربنا يعينك على الموضع الرئيسى وأنا واثق ان شاء الله أنك قدها وانك هتنقل الموقع نقله تانيه

    أرجو تثبيت الموضوع لأهميته
    [CENTER][SIZE=4][URL="http://arabhardware.net/forum/showthread.php?t=257362&p=2035319#post2035319"] المراجعة العملاقة للعملاق Dell Inspiron N5110[/URL][/SIZE]
    [SIZE=3][URL="http://arabhardware.net/articles/software/internet/3315-allthing-about-internet-download-manager.html"]
    [/URL][/SIZE]
    [/CENTER]
    [CENTER][SIZE=4][URL="http://arabhardware.net/articles/software/internet/3033-complete-guide-of-fire-fox.html"]دليلك الكامل لمتصفح فايرفكس [/URL][/SIZE]
    [/CENTER][CENTER]
    [/CENTER]
    [CENTER]



    [/CENTER]

  6. #6
    عضو برونزي الصورة الرمزية أيمن النعيمي
    تاريخ التسجيل
    Nov 2007
    المشاركات
    2,600
    معدل تقييم المستوى
    21

    رد: هدف المجلّه أكبر من مجرد مقالات هاردوير يا أعضاء عرب هاردوير الكرام

    من خبرتي السابقة مع المجلات أقول لك أن الكل عارف عن شو لازم يكتب أو شو هي المقالات التى تفيد بس ماحدى حابب يعذب نفسه بالكتابة والكل بقولك وأنا مالي

  7. #7
    مخالف للقوانين
    تاريخ التسجيل
    Apr 2009
    المشاركات
    1,422
    الدولة: Palestinian Territory
    معدل تقييم المستوى
    0

    رد: هدف المجلّه أكبر من مجرد مقالات هاردوير يا أعضاء عرب هاردوير الكرام

    المسأله هي فقد عدم تفريغ وقت بسبب هذه الاحداث والكل مشغول

  8. #8
    مشرف سابق الصورة الرمزية elbass
    تاريخ التسجيل
    Jun 2008
    المشاركات
    1,318
    الدولة: Egypt
    معدل تقييم المستوى
    50

    رد: هدف المجلّه أكبر من مجرد مقالات هاردوير يا أعضاء عرب هاردوير الكرام

    تعرف استاذ محمد بدون الخروج عن السياق
    فى فترة ماتش مصر والجزائر وعندما انتصرت مصر فى احدى الماتشات
    رأيت الشباب بيجرى فى شارع جامعة الدول العربية خالعين ملابسهم من فوق وبيجروا بدون هدف واضح بيجروا وخلاص

    تعرف قلت لنفسى لو حررنا القدس ما فعلوا ذلك
    فلا تحزن ولا تبتئس دا حال بعض الشباب الا من رحم الله
    وكل شىء فى بدايتة صعب
    انظر كيف كانت باية عر ب هاردوير وانظر الية الأن
    امامك عام وكله هيكون تمام ان شاء الله

  9. #9
    عضو بلاتيني الصورة الرمزية MF88
    تاريخ التسجيل
    Sep 2009
    المشاركات
    6,001
    معدل تقييم المستوى
    78

    رد: هدف المجلّه أكبر من مجرد مقالات هاردوير يا أعضاء عرب هاردوير الكرام

    انا مش جى أشكى حالى يا شباب هههههههههههههههههههههههههه

    انا بقول ان الباب مفتوح - كل من يحب طرح فكره مميزه لها علاقه بالهاردوير مثلا او مقال يحب ان يعرضه على قاعده

    عريضه من الناس و خصوصا ان المجله قد تدخل حيز الطباعه و النشر قريباً فله كامل الحريه بإرسال ما يريد
    ================================================== ==============
    [ الخطوه الثانيه ] نظام الأندرويد كنظام أساسى على الهاتف htc HD2 - وداعا WM

    قمت بتعطيل الرسائل الخاصه لكثرتها وحتى لا يعتقد احد انى متجاهله عن عمّد :)
    برجاء إذا كان لك أى استفسار قم بعمل موضوع حتى يتسنى للجميع مساعدتك و انا معهم إن شاء الله
    ولكي يستفيد الجميع من خبراتك و خبرات الزوار ولتقليل الجهد على المشرفين أيضاً




  10. #10
    عضو برونزي الصورة الرمزية أيمن النعيمي
    تاريخ التسجيل
    Nov 2007
    المشاركات
    2,600
    معدل تقييم المستوى
    21

    رد: هدف المجلّه أكبر من مجرد مقالات هاردوير يا أعضاء عرب هاردوير الكرام

    لو كانت المجلة سوف تدخل حيز الطبع إذا حددوا مبلغ مادي مناسب لكل مقال وحينها سوف تجد المقالات المناسبة وبالشروط التى أنتم تطلبوها.

  11. #11
    عضو برونزي الصورة الرمزية sherif-magdy
    تاريخ التسجيل
    Sep 2009
    المشاركات
    1,027
    الدولة: Egypt
    معدل تقييم المستوى
    18

    رد: هدف المجلّه أكبر من مجرد مقالات هاردوير يا أعضاء عرب هاردوير الكرام

    اقتباس المشاركة الأصلية كتبت بواسطة أيمن النعيمي مشاهدة المشاركة
    لو كانت المجلة سوف تدخل حيز الطبع إذا حددوا مبلغ مادي مناسب لكل مقال وحينها سوف تجد المقالات المناسبة وبالشروط التى أنتم تطلبوها.

    شكلك مستاء جداا بسبب الويكى
    و الله مش لاقى حاجه اقولهالك مع كم الاحباط ده
    يلا ربنا يهدى الجميع

  12. #12
    عضو برونزي الصورة الرمزية أيمن النعيمي
    تاريخ التسجيل
    Nov 2007
    المشاركات
    2,600
    معدل تقييم المستوى
    21

    رد: هدف المجلّه أكبر من مجرد مقالات هاردوير يا أعضاء عرب هاردوير الكرام

    اقتباس المشاركة الأصلية كتبت بواسطة sherif-magdy مشاهدة المشاركة

    شكلك مستاء جداا بسبب الويكى
    و الله مش لاقى حاجه اقولهالك مع كم الاحباط ده
    يلا ربنا يهدى الجميع
    لايمكن وصف هذا الشيء بالأستياء أخي شريف فلقد شاهدت بعينك الردود على المدونة وعلى الموضوع نفسه والنتيجة واضحة للجميع :ah1:
    الله المستعان ياعرب

  13. #13
    عضو برونزي
    تاريخ التسجيل
    Dec 2009
    المشاركات
    1,637
    الدولة: Andorra
    معدل تقييم المستوى
    25

    رد: هدف المجلّه أكبر من مجرد مقالات هاردوير يا أعضاء عرب هاردوير الكرام

    اقتباس المشاركة الأصلية كتبت بواسطة أيمن النعيمي مشاهدة المشاركة
    لو كانت المجلة سوف تدخل حيز الطبع إذا حددوا مبلغ مادي مناسب لكل مقال وحينها سوف تجد المقالات المناسبة وبالشروط التى أنتم تطلبوها.
    طريقة جميلة , ولكن كما قال الإمام مالك رحمه الله عندما سألوه لماذا اشتهر موطؤه , فقال ( ما كان لله يبقى ) , أتمنى أن تبقى مجلة عرب هاردوير تطوعية .
    [CENTER]

    [COLOR=#0000cd][SIZE=3][B]لعمرك لو أغنى عن الحق أنه ... هو الحق ماكان الرسول يقاتل[/B][/SIZE][/COLOR][/CENTER]

  14. #14
    عضو برونزي الصورة الرمزية أيمن النعيمي
    تاريخ التسجيل
    Nov 2007
    المشاركات
    2,600
    معدل تقييم المستوى
    21

    رد: هدف المجلّه أكبر من مجرد مقالات هاردوير يا أعضاء عرب هاردوير الكرام

    اقتباس المشاركة الأصلية كتبت بواسطة ibrahimfr مشاهدة المشاركة
    طريقة جميلة , ولكن كما قال الإمام مالك رحمه الله عندما سألوه لماذا اشتهر موطؤه , فقال ( ما كان لله يبقى ) , أتمنى أن تبقى مجلة عرب هاردوير تطوعية .
    مالخطأ في الموضوع أخي كلا الطرفان سوف يستفاد فالمجلة سوف تحصل على مقالات مميزة وبحسب الطلب والكاتب سوف يستفيد

  15. #15
    عضو برونزي الصورة الرمزية EL-MARIACHY
    تاريخ التسجيل
    Jan 2008
    المشاركات
    4,135
    الدولة: Egypt
    معدل تقييم المستوى
    69

    رد: هدف المجلّه أكبر من مجرد مقالات هاردوير يا أعضاء عرب هاردوير الكرام



    مقدمه رائعه م-محمود

    و فعلاً وضحت لى امور كثيره جداً كنت أجهلها

    و من هذا المنطلق :D إن شاء الله هفكر إنى أحاول أكت لكم مقال بس على شهر 6 القادم لنى عندى إمتحان كبيــــــر أوى فى شهر 5

    بس فعلاً الموضوع ده وضح حاجات كثيره جداً
    [CENTER][FONT=lucida sans unicode][SIZE=4][B][COLOR=#B22222]>>> كرسى الأعتراف <<<[/COLOR][/B][/SIZE][/FONT]
    [/CENTER]
    [CENTER][FONT=franklin gothic medium][B][SIZE=3][URL="http://arabhardware.net/forum/showthread.php?t=254978"][COLOR=#008000]الموضوع الموحد للإستفسارات البسيطة للأعضاء حول البطاقات الرسومية.[/COLOR][/URL][/SIZE][/B][/FONT]
    [/CENTER] [CENTER][COLOR=#ff0000][SIZE=3][B][FONT=century gothic] -----------------------------------[/FONT][/B][/SIZE][/COLOR][B][FONT=book antiqua][SIZE=3][URL="http://arabhardware.net/forum/showthread.php?t=256185"]
    [/URL][/SIZE][/FONT][/B][I][B][FONT=book antiqua][SIZE=3][URL="http://arabhardware.net/forum/showthread.php?t=256185"][COLOR=#0000ff]Acer 27 3D vision ready + Nvidia 3D [/COLOR][COLOR=#008000]wireless[/COLOR][COLOR=#0000FF] & [/COLOR][COLOR=#008000]wired[/COLOR][COLOR=#0000FF] glasses + GTX 570 TWIN FROZR II[/COLOR][/URL][/SIZE][/FONT][/B][/I]
    [COLOR=#ff0000][SIZE=3][B][FONT=century gothic]
    [/FONT][/B][/SIZE][/COLOR][/CENTER][CENTER][FONT=verdana][B][URL="http://arabhardware.net/forum/showthread.php?t=253989"][COLOR=#0000ff][SIZE=2]Thermal-take Challenger Ultimate gaming keyboard >> REVIEW[/SIZE][/COLOR][/URL][/B][/FONT]

    [/CENTER]
    [CENTER][COLOR=#4b0082][SIZE=3][B][URL="http://arabhardware.net/forum/showthread.php?t=251564"]ASUS XONAR DX unboxing and small review[/URL][/B][/SIZE][/COLOR][COLOR=#ff0000][SIZE=3][B][FONT=century gothic]
    [/FONT][/B][/SIZE][/COLOR][/CENTER][CENTER][SIZE=3][COLOR=#2f4f4f][FONT=times new roman]-----------------------[/FONT][/COLOR][/SIZE][FONT=Palatino Linotype][SIZE=3][B][COLOR=Blue][I]
    ربي اسقي أمي الفرح دون اكتفاء - فإني احبها فلا تريني فيها بأسا يبكيني[/I][/COLOR][/B][/SIZE][/FONT]
    --------
    [/CENTER] [CENTER][FONT=Times New Roman][B][COLOR=Black][I][URL="http://www.arabhardware.net/forum/showthread.php?t=176384"][SIZE=3][COLOR=DarkGreen]طرائف و فكاهات مضحكه:D[/COLOR][/SIZE][/URL][/I][/COLOR][/B][/FONT]
    [/CENTER]

صفحة 1 من 3 1 2 3 الأخيرةالأخيرة

المواضيع المتشابهه

  1. عدد أعضاء منتدى عرب هاردوير
    بواسطة Ma7moud9 في المنتدى الأرشيف
    مشاركات: 8
    آخر مشاركة: 24-12-2011, 04:24
  2. إلى كل أعضاء عرب هاردوير ساعدوني
    بواسطة gamos في المنتدى الأرشيف
    مشاركات: 3
    آخر مشاركة: 13-08-2007, 16:12
  3. مشاركات: 0
    آخر مشاركة: 09-08-2007, 00:41
  4. أعضاء عرب هاردوير أرجو مساعدتي
    بواسطة REEM26 في المنتدى الأرشيف
    مشاركات: 1
    آخر مشاركة: 12-04-2007, 13:43

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •