بسم الله الرحمن الرحيم
تحياتي لهذا الموقع الرائع والمنتدي الاورع
انا عندي مشكله كبيرة وصنفتها بأنها كبيره عشان مش لاقي لها حل من فترة
المشكله وبأختصار قبل ماستطرد فيها أن النت بيقطع(يقطع بشد القاف ) يعنى بيفصل ويشتغل بعد شويا على أجهزة الكمبيوتر اللى عندي فى الشبكه وده عنوان المشكله وانا هبدأ اديكم معلومات عن مجتمع المشكله عشان تساعدكم فى معرفه حلها
الاول انا عندي شبكه انترنت مرتبطه بجهاز ديسلام موجود فى سنترال البلد اللى انا موجود فيها وموزع من الجهاز انترنت على السيبرات ومراكز الكمبيوتر وكمان مشتركين فى المنازل والمشكله اني كنت مشترك مع شركه انترنت والمشكله دي مظهرتش ليا الا ماغيرت الشركه بشركة تانيه .
المشكله ان مثلا فى بورت رقم 10 موجود في سيبر طبعا مربوط على روتر ونوعه conexant فى السيبر ده 10 أجهزه 9 أجهزة شغالين بكفاءة وجهاز واحد بيقطع نت
يعني بيدى Reqest time out لما ببنج على الجت واي بتاع الروتر
ping -t 10.0.0.2 والمشكله دي بتتكرر فى سيبرات تانيه يعني ممكن تلاقي 5 أجهزه بيقطعوا و5 أجهزه تانيه شغاله كويس وممكن تلاقى السيبر بأكمله بيقطع والحاله الاخيرة مش موجوده بنسبه كبيرة .ونفس القصه مع مشتركين المنازل انك تلاقي واحد بيقطع وواحد شغال وواحد بيقطع وبيشتغل.
المهم حد منكم هيقولي طيب يمكن المشكله عند الــ isp هقوله طب لو كانت المشكله من هناك يبقي البورت كله يقطع 0 طيب وانا هسأل نفس السؤال طب ليه المشكله دي مظهرتش مع الشركه القديمه .
المهم شكيت فى الاتي
1- كارت الشبكه ________ وجاوبت على نفسي مش معقول حوالى 3
كارت شبكه عطلوا مرة واحدة
2-الروتر _____________ نفس الاجابه السابق
3-السويتشات والكيابل ________ برده نفس الاجابه
4- الشركه اللى مداني بالخدمه المشكله دي مظهرتش فى أول اشتراكي معاهم وفى بعض البورتات شغاله بدون شكوي بالمرة او فيها حالات بسيطه.
5-اتجننت خلاص لاني جربت كل الحلول المنطقيه حتى اني غيرت نوع الروتر اللى بستخدمه بأكتر من واحد
ومزال السؤال ليه النت بيقطع ( يفصل ويشتغل فى نفس الوقت يعني اما يكون الشخص على الماسنجر مثلا يقوم طالع ويطلب منه تسجيل الدخول مرة تانيه ) .
6-آخر حاجه فكرت فيها انه يكون فيرس بس انا عمري ماسمعت عن فيروسات الشبكات ولا ليا بيها خبرة
7- شخص قالي لو ان جهاز الكمبيوتر فى مشاكل فى الويندوز يأثر على باقي الجهزة الموجوده عالشبكه ومش مقتنع بالموضوع ده .
مش عارف اعمل ايه والله ياجماعه احترت حتي من كتر الحيرة كنت محتار اكتبلكم ايه يمكن كتبت معلومات ناقصه بس اللى قدرت أحصره من معلومات .
خلاااااااااااااااااااااااااص هتجنن والله
ممكن تديولى اقتراحتكم ولو لكم استفسارات اوضحها لكم عشان فى الاخر نوصل لحل المشكله دي لاني بعاني منها ومش عارف اعمل فيها ايه .
وياريت والنبي ياجماعه محدش يقولي متستعين بالشركه بتاعت النت لانهم خزلونى ومازلت المشكله زي ماهيا .
وشكررررررررررررررررا لكم
على فكرة نسيت اقولكم بعض المعلومات يمكن تنفع
جهاز الديسلام نوعه ------------------- D-link
جهاز البتون ______________ اسمه طهاوي
جهاز الراوتر ____________ معرفش نوعه لانى مشفتوش لان الشركه قالتلي انها بتعمل راوتنج من عندها واعتقد انه راوتر سيسكو Sisco
نوع الكبلات المستخدمه فى الشبكه أغلبها Repotec وفى كبلات Digital وكبلات Bulding امريكي
كروت الشبكه معظمها realtech والاغلبيه Bulti in
الاجهزه من بنتيوم 2 الى بنتيوم 4
ملحوظه مهمه : ومش عارف ايه اللى وراها ان فى الشركه الاولى كانو بيعملو Encapsulation1483 routed ip LLC
أما الشركة الجديده بيعملو
Encapsulation1483 Bridged ip LLC
نفسي اعرف بدقه ايه الفرق بين النظامين وايهما افضل ؟؟
معلش ياجماعه انا عارف اني تقلت عليكم جدا بس يايت تسامحوني . وعلى فكرة مش دي كل المشاكل اللى عندي دا و اكتر ههههههههههههههههه.
اتمني منكم الرد السريع
أخوكم أحمد