السلام عليكم و رحمة الله وبركاته
الحمد لله يوم الاحد اللى فات اشتريت موبايل سامسونج ستار من محلات select فرع سموحة بالاسكندرية والتليفون الحمد لله شغال تمام و المعاملة هناك كويسة لكن لما اشتريت الموبايل اخدت صورة من الضمان و ليس الضمان الاصلى و الراجل قالى تعالى بكرة ( الاثنين ) استلمة و بالفعل رحتله لكن قالى لسة ماوصلش ... تعالى كمان يومين
و رحتلة بردة النهاردة ( الجمعة ) و قالى لسة ما وصلش فانا كدة مش فاهم هل كدة عادى ولا فى نصباية فى الموضوع ؟!
سؤال تانى لو سمحتو دلوقتى اللاصقة اللى على الشاشة اتخربشت و بقى شكلها وحش جدا تبين ان الموبايل عمرة 100 سنة مش يادوبك 4 ايام فهل لو شيلتها تحصل اى مشاكل ؟
بسم الله الرحمن الرحيم
اولا مبروك أخى على الموبايل
بالنسبة لحكاية الضمان هى تقلق بس شركة سيليكت محترمة جدا فلا تقلق فهم لن يجازفوا بأسمهم فى السوق من أجل ضمان فيمكنك الذهاب فى للمعاد لاخر مرة المرة اللى بعديها تطلع على حماية المستهلك بس حافظ على الفاتورة بالنسبة للخدش هو فى شاشة الوش ولا فى اية لو فى شاشة الوش متشلهاش وحافظ على الوش الاصلى وفى وشوش ممكن تغير البادا بتاعت الشاشة بس انا مش معاها واخيرا جبتة بكام واية رأيك فية عشان أنا مزقزق على كام عدة كدة منهم الستار
يعنى سيلكت عندهم ضمان على الموبايلات؟
أمال أنا لما كلمتهم فى مرة واحد رد عليا و قالى معندهومش ضمان ليه؟.....
يمكن كان فهم انى قصدى ضمان على الموبايلات المستعملة مثلا؟
عموما طمننا الدنيا معاك وصلت لحد فين....
و ياريت تسألى على سعر samasung galaxy ace عندهم بكام يبقى كتر خيرك
شكرا
[CENTER][B][SIZE=4][COLOR=blue]ولا تهنوا ولا تحزنوا وأنتم الأعلون ان كنتم مؤمنين[/COLOR][/SIZE][/B][/CENTER]
[CENTER][SIZE=4][COLOR=blue]--------------------[/COLOR][/SIZE][/CENTER]
[CENTER][B][SIZE=4][COLOR=blue]لكي لا تأسوا على مافاتكم ولا تفرحوا بما آتاكم والله لا يحب كل مختال فخور[/COLOR][/SIZE][/B][/CENTER]
الله يبارك فيكالمشاركة الأصلية كتبت بواسطة hardrock5500
و الموبايل كان ب 700 و ما شاء الله شغال تمام يعنى لو عايز تشترية توكل على الله
أكيد فى ضمان وكيل مفيش حاجة دلوقتى اسمها تيليفون جديد من غير ضمان دة حتى الصينى بقى بضمان
عموما أخى اذا أعطوك ميعاد أخر ولم يعطوك شهادة الضمان اطلع على حماية المستهلك
ومبروك مرة اخرى
يا ريت يا ريس تطمننا و تقولنا وصلت معاهم لحد فين
هو مش المفروض دايما ان الضمان بيكون جوا العلبة و العلبة متبرشمة باستيكر؟
ازاى الضمان يطلع بره العلبة؟
ما هو دا يخلى الواحد يشك فى احتمال التلاعب بالاكسسوارات الأصلية بأخرى مضروبة زى ما بيحصل فى شارع عبد العزيز
أنا كنت ناوى أجيب جالاكسى ايس من عندهم
لكن كدا انت قلقتنى
[CENTER][B][SIZE=4][COLOR=blue]ولا تهنوا ولا تحزنوا وأنتم الأعلون ان كنتم مؤمنين[/COLOR][/SIZE][/B][/CENTER]
[CENTER][SIZE=4][COLOR=blue]--------------------[/COLOR][/SIZE][/CENTER]
[CENTER][B][SIZE=4][COLOR=blue]لكي لا تأسوا على مافاتكم ولا تفرحوا بما آتاكم والله لا يحب كل مختال فخور[/COLOR][/SIZE][/B][/CENTER]
لا مفيش قلق ولا حاجة هما قلولى الضمان جيلهم الاسبوع الجاى و الضمان الاصلى موحود فى الفرع الرئيسى فى لوران
لكن بامانة الاكسسوارات كلها اصليو مش بيحصل تللاعب فيها .... ولو عايز تشترى من هناك اشترى و انت مطمن
لكن نصيحة اشترى الموبايل من التوكيل مباشرة
ضوابط المشاركة
المفضلات