من يومين بعت موضوع انى عملت انترفيو تكنيكال والحمد لله ربنا وفقنى فية وباقى انترفيو مع الHR وهيكون بالانجليزى ( امتحان انجليزى مش تكنيكال ) وطلبت من الاعضاء الكرام المساعدة فى اى اساسيات للانجليزى والحمد لله ولا واحد رد عليا يعنى ولا اكنى قولت حاجة المهم دورت فى اوراقى القديمة لقيت ملف كنت وخدة من واحد صحبى من حوالى 5 سنين يحتوى على 4 ورقات شاملة قواعد اللغة الانجليزية بس جامدين بجد ينفعو فى زنقة زى اللى انا فيها دلوقتى فقولت بردة لازم ارفعهم لإعضاء المنتدى اللذيذ دا اللى ظبت معايا حاجات كتير اوى فأنا بهدى الملف دا للمنتدى الغالى عرب هاردوير وللأعضاء اللى محدش فيهم عبرنى وربنا ينفع بية وإن شاء الله هحاول اظبط ملف بخصوص اسئلة HR خاص بإنترفيو ال IT إن شاء الله شوية لحد ما اكملة واظبطة عشان يليق بمستوى عرب هاردوير وارفعة للمنتدى الكريم
الملف على الرابط دا
https://www.4shared.com/document/DOv...in_4_page.html

باسورد فتح الملف arab_hardware
وبعتذر لإدارة المنتدى لو الموضوع مش فى مكانة بس المكان تحديدا هو اللى استفدت منة كتير