استفسار بخصوص منحة شبكات هندسة المنصورة

[Clark_ElMaSrY]

السلام عليكم

لقد قررت من فترة البدء في مجال الشبكات و لكني كنت منتظر للبدء في كورس ال CCNA حتي الصيف

المهم لقيت منحة مقدمة في هندسة المنصورة لمدة 8 شهور

هيتم فيها دراسة

N+
CCNA
CCNA security
MCSA
MCSE
MCSE upgrading to MCITP
English
Office
Maintainance
Project


و دة كلامهم

للحصول على الشهادة المتخصصة فى هندسة الحاسبات لمدة 8 شهور بشهادة معتمدة من كلية الهندسة جامعة المنصورة وتوثق من وزارة الخارجية المصرية- المنحة مدعمة بنسبة 80% حيث التكلفة الفعلية 15000جنية
بالنسبة للدراسة المكثفة
تسدد 2800 كالاتى
المقدم 800 جنية والباقى على 4 دفعات قيمة كل دفعة 500 جنية

كنت عايز اعرف اية رائيكم في المنحة دي و يا تري تنصحوني بيها و لا لا ؟؟

مع العلم اني لسة ببتدي و اني من القاهرة يعني هروح المنصورة يومين في الاسبوع

فهل شايفنها تستاهل و لا اية ؟؟ كمان سعرها كدة اية نظامة ؟ مع العلم ان مفيش امتحانات دولية

هما بيقولوا ان عندهم اللابات بتاعت سيسكو و روترات و سويتشات و كلة و بيقولوا هيشرحوا المنهج كامل و ان اللي هيشرح هم من اعضاء هيئة تدريس هندسة المنصورة

ارجو الافادة السريعة لانها هتبدأ يوم الخميس او الجمعة


شكرا مقدما

[محمد نبيل الورد]

لا لا لا
رأيى: إوعى تروح

مادام مش هيدولك شهادة من سيسكو أو ميكروسوفت يبقى الأفضل إنك تشتغل من الفيديوهات الموجودة على النت فى شرح تلك الكورسات
وبسم الله ما شاء الله موقع عرب هارد وير هو من رواد شروحات الفيديو باللغة العربية فى مجال الشبكات بالتحديد

ذاكر من الفيديوهات وإذا عايز شهادة فى إيدك يبقى بعد ما تخلص الفيديوهات تقدم على إمتحان من سيسكو أو ميكروسوفت على حسب الكورس
دى وجهة نظرى

ولكن إذا كنت مصر إنك تاخد الكورسات دى يبقى إبحث عنها فى القاهرة بدال ما تضطر تسافر مخصوص مرتين أو تلاتة فى الأسبوع
خاصةً إن القاهرة سهل تلاقى فيها عروض زى دى وأحسن كمان

[Clark_ElMaSrY]

ربنا يخليك يا محمد و انا فعلا قررت عدم الذهاب الي المنصورة

و ابحث عن سنتر في القاهرة للالتحاق ب CCNA و غالبا سوف التحق ب IT Academy اللي اعلانها في المنتدي فوق



شكرا لمساعدتك