ما هى فائدة الرامات اللى على كارت الفيجا ؟

**amrmovie** · 20-04-2011, 06:36

او بمعنى اخر ايه اللى اهم فى الكارت ؟ التردد بتاعه ولا الرامه الموجوده عليه 1 جيجا او 2 جيجا . يعنى لو لاقيت كارتيين من نفس الفئه مثلا GTX 560 الاول تردده 850 ميجا هرتز بس راماته 1 جيجا و التانى تردده 700 ميجا هرتز بس راماته 2 جيجا فمين فيهم الافضل فى الاداء ؟

سؤال تانى فيه كارتيين من ATi الاول saphire 6950 2GB GDDR5 تمنه 1850 جنيه و التانى saphire 6950 1 GB GDDR5 تمنه 1600 جنيه فهل الرامه الاضافيه دى مهمه و بتعطى اداء اعلى عشان كده سعر الكارت ال 2 جيجا رامات اغلى ب 250 جنيه ؟

شكرا جزيلا على صبركم

**abdomadeer** · 20-04-2011, 07:11

أخى الكريم الرامات فى كارت الشاشه وظيفيتها حفظ ملفات الجرافيك الرسومات الخاصه باللعبه وخصوصا ملفات الكسائات

و حجم ذاكره الكارت يفضل ألا يقل عن جيجا بايت ولو شاشتك كبيره بدقه عاليه 1920*1200 مثلا يبقى ذاكره 2 جيجا أفضل غير كده يبقى ذاكره 1 جيجا كافيه وزياده

**amrmovie** · 20-04-2011, 07:44

شكرا جزيلا على الرد بس لو الشاشه بنفس الدقه 1920*1200 و اشتغل عليها الكارتيين دول ايه الفرق اللى انا حلاحظه ؟

**anistoona** · 20-04-2011, 07:55

لن يكون هناك فرق ملحوظ .. ذاكرة كارت الشاشة فوق الإثنين جيجا تفيد فقط مع الشاشات ذات الأحجام الكبيرة ..

**CR@N$H** · 20-04-2011, 08:12

فكرة الذواكر هي التالي

أي مقطع متحرك على الحاسب "فيديو - لعبة - تغيير حجم الصورة ...." يعتمد على مبدأ الإطارات أي الframes
أي أن مقطع الفيديو أو اللعبة ما هو إلا صور تعرض واحدة تلو الأخرى بشكل سريع فعندما نقول أن اللعبة تعمل ب 40Fps أي أنه يتم عرض 40 صورة كل ثانية
الأن هذه الصور التي يتم عرضها بشكل سريع يتم تكديسها و حفظها في ذاكرة البطاقة وكلما كانت دقة هذه الصور أكبر زاد حجمها واحتاجت مساحة أكبر و دقة هذه الصور تحددها دقة اللعبة التي نتحدث عنها فمثلا في حال كنت تلعب على 1024*786 سيختلف الحجم بشدة عن 1920*1080

ففي حال كنت الذاكرة قليلة على دقة الشاشة التي تلعب عليها سيحصل هناك عنق زجاجة داخل البطاقة ولن تستفيد من قوة معالج البطاقة بشكل كامل و سيحدث هناك انخفاض بمعدل الإطارات بسبب ذلك
لذلك كلما كنت تريد أن تلعب على دقة شاشة أكبر عليك بذاكرة أكبر

**amrmovie** · 21-04-2011, 07:11

المشاركة الأصلية كتبت بواسطة CR@N$H

لذلك كلما كنت تريد أن تلعب على دقة شاشة أكبر عليك بذاكرة أكبر

شكرا جزيلا و جزاك الله كل خير و رحم الله شهدائكم و اعانكم الله على ما بلاكم به .

بالنسبه للاقتباس ما هو حجم الرام المناسب لللعب على اعلى دقة شاشه موجوده حاليا ? بمعنى ابسط هل الرامه 1 جيجا و اللى معظم الكروت موجود فيها رامه واحد جيجا تعتبر كافيه و الرامه 2 جيجا تعتبر رفاهيه زياده ولا الاضمن الواحد الواحد يجيب كارت فيجا برامه 2 جيجا عشان ما اضرش ارقى بعد فتره .

**CR@N$H** · 21-04-2011, 10:23

إن كنت تريد أن تلعب على 1920*1200 فأفضل ان تنتقل إلى ال2GB

**Jiraiya** · 21-04-2011, 11:02

سؤال تانى فيه كارتيين من ATi الاول saphire 6950 2GB GDDR5 تمنه 1850 جنيه و التانى saphire 6950 1 GB GDDR5 تمنه 1600 جنيه فهل الرامه الاضافيه دى مهمه و بتعطى اداء اعلى عشان كده سعر الكارت ال 2 جيجا رامات اغلى ب 250 جنيه ؟

كل من HD 6950 1GB و HD 6950 2GB تقدم نفس الأداء و فرق السعر هو من أجل الذاكره الأكثر ولكن في حال كنت تلعب على 1920.1080 أو 1920.1200 فـ HD 6950 1GB سوف تكون كافيه و أن كان لديك المال الكافي ولا تهتم للزياده فـ HD 6950 2GB جديره بالذكر كذلك على الأقل في حال تحويلها لـ HD 6970

المشاركة الأصلية كتبت بواسطة CR@N$H

إن كنت تريد أن تلعب على 1920*1200 فأفضل ان تنتقل إلى ال2GB

لن يفرق معه ذلك أخوي خير الفرق يظهر في الدقه الأعلى كـ 2560x1600 و أستخدام تنعيم الحواف

هذا الفرق بين البطاقتين المذكوره في 1920.1200 مع تنعيم الحواف 4 و 8

**CR@N$H** · 21-04-2011, 11:11

مشكور جدا على التوضيح يا جمال
يبدو أني بحاجة إلى العودة إلى متابعة المراجعات وليس الاكتفاء بالخانمة

**هشام الكاتب** · 22-04-2011, 17:42

اعتقد والله اعلم ان 1 جيجا كافية لكرت الشاشة الى بيفرق بعد كدة ال GPU والتردد وعدد المسارات ما بالنسبة للرام فهى بعتمد على التردد DDR2 - GDDR3 - DDR3 GDDR4 - GDDR5

**khaled_ahmed** · 22-04-2011, 20:28

معلومات مفيدة وجديدة ليا , يعطيكم الف عافية

**S@M** · 23-04-2011, 13:56

الرامات الزيادة لا تظهر قدرتها الا مع استخدام ريزوليوشن عالى جدا

يبتدىء من 2560 * 1600 فيما اعلى

والاعلى بعد ذلك يتم الوصول الية بأستخدام خاصية تعدد الشاشات

eyefinity

*************************************************