الحمد للة وفقت فى شراء شاشة LG بس المشكلة ?

**peter magdy mon** · 21-04-2011, 17:31

مساء الخير
انا الحمد للة اشتريت شاشة LG 32 بوصة
موديل LD 460
المشكلة انى حاسس الالوان مش طبيعية
اصل اول مرة اجرب شاشة LCD فى تيلفزيون كان عندى شاشة 21 العادية LG برضو
فهل فى فرق بين الشاشتين ولا علشان حاجة جديدة عليا
على فكرة انا عندى شاشة ساسونج PX2370 للكمبيوتر بس اول ما اشترتها اخدت عليها
لكن الشاشة الجديدة غريبة شوية عليا ولا انا مش عارف اظبط الالوان ولا اية بالظبط
ارجو منكم انكم تسعدونى
شكرا

**mvictora** · 21-04-2011, 19:38

الف مبروك يا باشا

بس الوانها بالنسبة لاية؟؟؟؟

على الكمبيوتر ولا كتليفزيون؟؟

على العموم هتلاقى زر اسمة AV MODE على الريموت من فوق دا يعطى لك اعدادات الشركة علملاها مثلا للسينما و الرياضة و الالعاب ...جرب منه

و حاجة تانية ممكن تضبط الالوان و الاضاءه من الاعدادات

لو جيت تركب الكمبيوتر او PS او DVD الافضل انك تعرف التليفزيون اى جهاز راكب على كابل HDMI لانها بتفرق و كل حاجة لها اعدادات و طبعا فيها اختيارات لنوع الجهاز الموصل عن طريق HDMI من قائمة موجودة

**ahmedelsabbagh** · 21-04-2011, 20:16

المشكلة انى حاسس الالوان مش طبيعية

يمكن فقط مش متعود عليها وممكن تكون علشان كبيرة فصورة الرسيفر عليها مش مبينة امكانياتها لأن اكيد قنوات مش HD

**peter magdy mon** · 21-04-2011, 21:58

انا متشكر لردود حضراتكم
هيا لاشاشة انا مستخدمها كتيلفزيون فقط
و بالنسبة لزرار AV MODE هو فعلا بيغير الصورة و بيظبط الصوت كمان المناسب مع الصورة سواء فيلة او لعب او رياضة
ممكن تكون الصورة مش حلوة قوى علشان شغالة على رسيفر عادى شغال بالاديو فيديو
بس هل دة يأثر على جودة الصورة
طب اشمعنى التيلفزيون العادى اللى لية ظهر كانت ما بتبنش علية الحركة دى ما انة قديم و امكانياتة على قدة
طب اية رأيكو فى الشاشة دى هل كويسة ولا فيها عيوب
انا متشكر لردود حضراتكم

**peter magdy mon** · 22-04-2011, 22:18

يا جماعة ممكن حد يفيدنى
كل اللى يشوف الالوان بتاعة التيلفزيون بيعلق عليها
انا شغلت الشاشة على الكمبيوتر و كانت الوانها جميلة جدا و على الفلاشة بردو حلوة قوى
بس المشكلة على الرسيفر بتبقى بهتانة و مش نقية
ارجوكم حد يدلنى
شكرا

**عاطف الاهلاوى** · 22-04-2011, 23:31

طالما الصوره مع الكمبيوتر تمام تبقى الشاشه سليمه . لاحظ ان الريسيفر ممكن يكون فيه تظبيط معين مع الشاشه او جرب ريسيفر تانى والف مبروك على الشاشه

**peter magdy mon** · 23-04-2011, 08:43

متشكر جدا لردود حضراتكم
انا ملقتش اى تظبيط صورة فى الرسيفر
و شغال بوصلة ايديو فيديو
هو ممكن يكون العيب دة بسبب اية

**mvictora** · 23-04-2011, 14:25

المشاركة الأصلية كتبت بواسطة peter magdy mon

متشكر جدا لردود حضراتكم
انا ملقتش اى تظبيط صورة فى الرسيفر
و شغال بوصلة ايديو فيديو
هو ممكن يكون العيب دة بسبب اية

القنوات اشارتها من HD و كمان الريسيفر تلاقية مش HD

علشان الصورة تبقى مية مية معاك حاول تجيب ريسيفر HD تشغل قنوات HD علية زى دريم و الجزيرة

بس طالما الكمبيوتر شغال كويس يبقى الشاشة سليمة

**peter magdy mon** · 24-04-2011, 03:12

90 % من القنوات مش HD هل لو جبت رسيفر بوصلة HDMI هتبقى الصورة بردو كويسة ولا هتبقى على دريم و الجزيرة بس و الباقى صورة سيئة بردو
و بكام الرسيفر دة

**Don Khozzam** · 24-04-2011, 04:05

ااقل سعر سمعته كان حوالى 500 جنيه للريسيفر الHD

و مستقبليا كل القنوات هتكون HD فى خلال سنه او اتنين ستكون معظم القنوات الكبيره HD ان شاء الله

اسأل عن الريسيفر عند بتوع تركيب الدش و شوف ايه الموديلات عندهم و ابقى اسأل المنتدى عنهم

بالنسبه لمشكلة الالوان معنديش فكره, لكن انا عن نفسى عندى شاشه 26 بوصه LG و برضو الوانها وحشه مع الريسيفر العادى, حاولت اظبطها على قد ما ااقدر

**عاطف الاهلاوى** · 24-04-2011, 23:27

فيه ريسيفر كوماكس hd اعتقد اسمه الجوكر وسعره مريح والصوره على قنوات sd حتكون عاديه اما قنوات hd المفروض تكون الصوره مرايه . بس فيه شىء ان المفروض حاليا تكون الصوره عندك كويسه عموما حارفع لك صور بتوصيلة av وصور بتوصيلة hdmi وتشوف الفرق

يوتيوب[/IMG]

**peter magdy mon** · 25-04-2011, 03:14

انا متشكر جدا لردود حضراتكم
و فعلا فى فرق شاسع بين الصورتين طبعا وواضح جدا
انا عندى رسيفر سترونج اللى بفلاشة
لقيت فية وصلة ب 3 مخرج للصورة غير 2 مخرج للصوت لما وصلت التيلفزيون بيهم الصورة اصبحت افضل بكتير
يعنى كنت مشغلها بوصلتين اديو فيديو
دلوقتى اصبحت 3 فيديو و 2 اديو و الصورة الحمد للة اتظبطت كتير عن الاول الحمد للة انى اكتشفتها بالصفة و حظى حلو انها موجودة فى الرسيفر اساسا حاجة زى كدة
انا متشكر جدا ليكو