اختيار مشتت ( zalman vs thermaltake vs CM)

**tigertiger** · 23-04-2011, 16:22

السلام عليكم
أنا نويت ان شاء الله اشتري مشتت جديد
المشكلة دلوقتي اني محتار جدا ما بين 3 أنواع :
1- ThermalTake Frio
COOLER MASTER V6GT 2
Zalman CNP5 10x Extreme 3
أنا محتار جدا ما بين ال 3 أنواع دول و المشكلة مش في السعر أنا عاوز أعرف أي واحد فيهم الأفضل من حيث الأداء ..... أرجو منكم إفادتي لأني نازل أشتري في خلال يومين ..... و لو في حاجة أفضل في حدود 450 جنيه مصري أو أقل أرجو منكم الإفادة
شكرا

**Dominator GT** · 23-04-2011, 16:29

المشتتات اللي حضرتك كاتبها هي أقوى ثلاث مشتتات آداء في مصر
لكن :
الفريو صوته عالي جدا
الـ V6GT صوته عالي
الإكستريم بيقبل مروحه واحده فقط

لو حضرتك هتركب المشتت بحيث مروحته تبقى من أسفل لأعلى ( الكيس اللي عندك لازم يكون فيها مراوح علويه )
يبقى خد الزالمان غير كده خليك في الـ V6GT

بالتوفيق

**tigertiger** · 23-04-2011, 17:03

شكرا ليك dominator على الرد
أنا في الغالب هركبه من اليمين للشمال عشان ما يرميش حرارة على كرت الشاشة في الحالة دي نصيحتك ال cooler master v6

**omaar97** · 23-04-2011, 17:19

أظن سعر Frio هو الأرخص لديكم وسعره لا يفوت مقارنة بأداءه 350 جنيه
أو الأفضل إنك تشتري CNPS10X Performa وسعره 270 جنيه وأداءه قريب من الثلاثة المكتوبين ويركب عليه مروحتين

**Dominator GT** · 23-04-2011, 17:24

من رأيي تشتري الـ V6GT
أو البيرفورما و تركبله مروحه إضافيه و هيديك نتائج ممتازة تقارب الـV6GT

**Ahmed Elbrbry** · 23-04-2011, 23:00

انا عندى الفريو و ادائه رائع بعد التغلب على مشكلة الصوت
و راجع هذا الموضوع
https://www.arabhardware.net/forum/s...d.php?t=227731

**tigertiger** · 24-04-2011, 01:22

شكرا ليكم جدا على الإهتمام
بس أنا المشكلة معايا مش في الصوت ولا في الفلوس
أنا مشكلتي إني في الصيف بحط الكمبيوتر في الصالة و الصالة ليس بها تكييف ... و الجو بيكون حر بالإضافة إن الكمبيوتر تقريبا ما بيتقفلش طول اليوم
عشان كده أنا أكتر حاجة تهمني الأداء و الكفاءة لأني ناوي كمان أكسر سرعة المعالج
و أنا لما ضغطت عليه من غير كسر و في درجة حرارة غرفة = 20 درجة تقريبا مع المشتت الأساسي من intel وصلت الحرارة بتاعة المعالج لغاية 77 و 78
شكرا

**Dominator GT** · 24-04-2011, 01:44

أخي :
لو يهمك الأداء المطلق تبقى إختياراتك بالترتيب هي :
* Thermaltake Frio
* Coolermaster V6GT
* Zalman CNPS10X Extreme

و للعلم الفرق بينهم من الأول للآخر لا يتجاوز درجتين في أسوأ الظروف
بالتوفيق

**mido_soft2005** · 24-04-2011, 08:31

انا راي ،،

بما ان الثلاثة متوفرين و ايضا يهمك الكفاءة عن الصوت و خصوصا في الصيف نعم فعلا درجات الحرارة ترتفع جدا ،، إذا:

خليك على
رقم واحد Noctua NH-D14 - انصحك بقراءة مواصفاته فقم بزياره الموقع من هنــا
و رقم اثنين Thermaltake Frio - لمزيد من التفاصيل من هنــا
ورقم ثلاثة CM V6GT - لمزيد من التفاصيل من هنــا
ورقم اربعة Zalman CNPs10 Performa - لمزيد من التفاصيل من هنــا

* يفضل عند تركيب ايا مشتت ان يكون محتوي على مروحتين معه و كل المشتتات المذكورة تحتوي على مروحتين ما عدا الزالمان.
* اقوى مشتت تصميمه أخذ على جوائز عديدة و أداءه رهيب جدا و يعتبر من افضل المشتتات الهوائية على الاطــلاق هو Noctua NH-D14 وبالرغم من احتوائه على مروحة 140مم في الخلف لسرعة اخراج الهواء الساخن و ايضا اخرى 120مم في الامام لسرعه ادخال و تدفق الهواء بين الـ Heatsink ثم الى المعالج ثم للخارج فورا وبإعتقادي فإنه يقدم اداء لا مثيل له .

في امان الله