ساعدوني للاشتراك في خدمة adsl داخل مصر

**therebel** · 08-07-2005, 02:50

(B) أنا ساكن في القاهرة في مصر و بذات في شبرا و تبع سنترال الشرابية و بيقولوا الخدمة مش متوفرة فيه .
بس أنا بسأل اللي يعرفوا أزاي ممكن أشترك فيه من خلال السنترال و الشركات المقدمة للأشتراك و الو ممكن هتعبكم شوية أسعار الشركات و أرقام تلفوناتها أو منين منكن أحصل عليها .
و بعدين الحاجات اللي يحتاجها جهاز الكمبيوتر علشان الخدمة تتوافق معاه و تشتغل كويس كل احتياجته يعني .
و بعدين لو مش هشترك من السنترال ممكن أعرف ازاي أخذ وصلة من أي محل كمبيوتر و من أي واحد من العمارة.
و بعدين عايز أعرف أقصى مسافة للسلك علشان توصل الخدمة من غير ماتقطع و تفصل .
و أحسن شركة اشترك فيها و كام السرعة الأحسن للأستخدام المنزلي لي أنا لوحي يعني جهاز واحدو معلش عايز أعرف أرخص الأسعار برضه.
أن أثقلت عليكم بس أنا كتبت و الله من العشم لأن المنتدى ده و أعضائه من أحسن المنتديات.
شكرأص للكل.
السلام عليكم

**khaled24** · 08-07-2005, 14:48

أنا ساكن في القاهرة في مصر و بذات في شبرا و تبع سنترال الشرابية و بيقولوا الخدمة مش متوفرة فيه .
** المعلومة دى مقدرش افيدك فيها لان انا مش من القاهرة

بس أنا بسأل اللي يعرفوا أزاي ممكن أشترك فيه من خلال السنترال و الشركات المقدمة للأشتراك و الو ممكن هتعبكم شوية أسعار الشركات و أرقام تلفوناتها أو منين منكن أحصل عليها .
** الشركات مقدمة خدمه ال ADSL في القاهرة كتيرة اوى وعلي سبيل المثال لا الحصر
Linkdotnet 3367711 site www.link.net
Noor 3334999 site www.noor.net
Masrawy site www.masrawy.com
Tedata site www.tedata.net
اما عن الاسعار اللى هتلاقيها برضو معلنه في الموقع فهى كالاتى
256 - 150 ج.م شهريا
512- 250 ج.م شهريا
1024- 425 ج.م شهريا

و بعدين الحاجات اللي يحتاجها جهاز الكمبيوتر علشان الخدمة تتوافق معاه و تشتغل كويس كل احتياجته يعني .
** هتحتاج مودم راوتر ADSL Modem Router وده انواعه كتير وسعره في حدود 300-400 جنيه
هتحتاج كارت شبكة Network Lan Card وده سعره في حدود 40 جنيه
هتحتاج سلك نتورك CAT5 Network Cable وده سعر المتر حوالي جنيه
هتحتاج RJ45 2 لكل كابل الواحد بخمسين قرش بس يا بلاش

وكمان هتحتاج Switch وده في حالة اذا كنت ناوى توزع للناس اللى جنبك وده في حدود 200 جنيه
كل المستلزمات دى هتلاقيها في باب اللوق والاسعار زى ما قلتلك

و بعدين لو مش هشترك من السنترال ممكن أعرف ازاي أخذ وصلة من أي محل كمبيوتر و من أي واحد من العمارة.
** دى سهله جدا هتشتري كابل حسب المسافه و 2 RJ45 وتعمل الكابل وانا هضيف موضوع الكابلات وانواعه ولو انه اتكرر كتير في المنتدى .

و بعدين عايز أعرف أقصى مسافة للسلك علشان توصل الخدمة من غير ماتقطع و تفصل .
** علميا 100 متر للسلك CAT5 بس عمليا انا جربت 120 متر ونفعت بس انصحك تلتزم بال 100 متر

و أحسن شركة اشترك فيها و كام السرعة الأحسن للأستخدام المنزلي لي أنا لوحي يعني جهاز واحدو معلش عايز أعرف أرخص الأسعار برضه.
**الشركات كلها تقريبا مستوى واحد جودة الخدمة بتعتمد علي عوامل كتيرة كنوع السنترال وطريقه ربطه مع السنترالات الاخرى وجودة التوصيل اما الاسعار فالسعر موحد

أن أثقلت عليكم بس أنا كتبت و الله من العشم لأن المنتدى ده و أعضائه من أحسن المنتديات.
** ولا يهمك واحنا تحت امرك في اى حاجه وربنا يخليك علي ذوقك

السلام عليكم
** وعليكم السلام ورحمة الله وبركاته

خالد

**PC_Girl** · 08-07-2005, 15:29

رخيص الـ DSL بمصـر..
وعندكم 512 و 1024

<< الله يخلف على انترنت عندهم
أكبر سرعة عندنا.. أصغر سرعه عندكم!!

**therebel** · 08-07-2005, 20:46

شكراً و الله يا خالد على كل المعلومات القيمة و المفيدة ديه و أرجوك لو في أي معلومات تانية أرجوك تضيفها

**علــــــي** · 08-07-2005, 22:42

حسبي الله علي الاتصلات السعوديه

**khaled24** · 09-07-2005, 02:39

عزيزي therebel
لو عندك اى استفسار ابعت واسال وكلنا في الخدمه
وفقنا الله واياكم ولا تنسانى من صالح دعائك
خالد

**therebel** · 10-07-2005, 00:09

ربنا يخليك لينا يا خالد و لكل شباب المنتدى اللي بيحتاجوا أي أسأله و ربنا يوفقك في كل القادم يا رب و سؤال ابعت و سأل فين و على ايه أنت لا كاتب ايميل أو رقم أو أي حاجة و معلش سؤال تاني الناس نصحوني مخدش و صلة من سيبر كمبيوتر و معطم الناس نصحوني مشتركش من شركة EGYNET فبما أنك خبير أرجوك أديني رأيك في السؤاليني و معلش ممكن أعرف منك مساوئ أخذ وصلة من سيبر أو الأشتراك من شركة egynet إذا كان رأيك أن كلامي صح .
معلش طولت عليك بس سؤال آخير أحسن سرعة للأشتراك في ADSL و أحسن شركة مع الرقم أو الموقع ‘ مع العلم أن الأستخدام هيكون جهاز واحد بس اللي هوه بتاعي اللي في البيت و الجهاز امكانياته رهيبة و سرعة حوالي 2800 و الرام 512 و مساحة الهرد 80جيجا ً .
أنا كتبتلك المواصفات علشان يبقى أسعلك تحدد.
و أنا بجد بشكرك على مجهودك و ربنا يوفقك.
و السلام عليكم و رحمة الله و بركاته.

**khaled24** · 10-07-2005, 02:42

عزيزي therebel بالنسبة للايميل و البيانات فانا صعب اوى احط بياناتى هنا لان لاقطات البريد بتلتقط العناوين وده بيزعجنى مع كم الرسائل الغبي اللى بيوصلنى
ممكن ترسلنى علي العنوان ده heshe71@yahoo.com ومنه هبعتلك عنوانى ورقم تليفونى اذا حبيت
اما بخصوص أسئلتك
اولا عيب الوصلة من سيبر هو عيوب افتراضية تتوقف علي اكتر من حاجه ومنهم
- مشاركة سرعة الانترنت مع اجهز سيبركافي بيخليها بطئ تبعا لعدد المستخدمين في السيبر ونشاطهم وشغلهم علي الانترنت
- مشاركة ملفاتك الشخصية مع السيبر فكرة غير مأمونة وانك كنت اشك في خبرة رواد النت كافي بس ده مش معناه ان كلهم مش بيفهموا
- ارتباطك بمواعيد عمل السيبر واختلاف توقيت احتاجك للانترنت مع توقيت شغلهم

ثانيا شركة ايجي نت شركة كبيرة ورائدة في مجالها بس انا لمست من جهتهم قصور في الخدمه من حيث تكرار الاعطال وبطء التحرك في المشكلات وانهيار قسم خدمة العملاء وده عن تجربة شخصية وكمان انا شفت السيستم بتاعهم اللى بيشتغلوا بيه ومعجبنيش

ثالثا لو انت في البيت ولوحدك انصحك باقل سرعة ممكنة وهيا 256 نظرا للفارق الرهيب بين ADSL وال Dialup فافتكر انها هتكون كافية اوى اوى لاحتياج جهاز واحد وانا شخصيا مع شغلي ما احتجتش فعليا لجهازى الشخصي غير 64 وانا شايفها كفيلة بالغرض ولو انك مش هتلاقيها بس انا عندى شركة توزيع

ارجو ان يكون ردى مفيد لك وربنا يوفقك
خالد

**therebel** · 11-07-2005, 00:40

والله يا خالد شكراً على معلوماتك المفيدة

**newcasper** · 12-07-2005, 02:30

المشاركة الأصلية كتبت بواسطة khaled24

ثانيا شركة ايجي نت شركة كبيرة ورائدة في مجالها بس انا لمست من جهتهم قصور في الخدمه من حيث تكرار الاعطال وبطء التحرك في المشكلات وانهيار قسم خدمة العملاء وده عن تجربة شخصية وكمان انا شفت السيستم بتاعهم اللى بيشتغلوا بيه ومعجبنيش

(BB) (BB) (BB)

طيب السنترال اللى انا مشترك فيه مفيش غير شركة ايجى نت
اعمل ايه طيب ؟ rule: rule: