اللى لسه معاه معالج ثنائى او احادى يدخل هنا !

[RadeonXI]

بسم الله الرحمن الرحيم

بعد رحلة عذاب طويلة مع المعالجات الاحادية و الثنائية .. الحمد لله على كل حال طبعا

انا بقول لكل واحد معاه اى معالج من اللى انا قولت عليهم يغير فى اسرع وقت لرباعى كويس من amd او intel و حتى لو كان مستعمل برده هاته بسرعة

و كمان دلوقتى ناس كتير حيرانه تجيب رباعى و لا ثنائى و لا تعمل إيه


انا بقى اقوللكوا السبب :....

بصوا بقى بالبلدى كدة

هنعتبر المعالج الثنائى او الاحادى : فسبا قديمة تمام
هنعتير كرت الشاشة و ليكن مثلا اللى معايا عربية mistubishi lancer evo 10 مثلا
طيب الطريق اللى انت ماشى فيه حارة و احدة
الفسبا ماشية قدامك بسرعة 15-20 كم/ساعة ( السنة ) هههههه
و انت ماشى وراها بنفس السرعة و مش عارف تزود عن كدة مع ان العربية ممكن تجيب 300 / كم ساعة بس مش هتعرف و كمان اللى يضايقك ان الطريق فاضى خالص

اما يقى لو رباعى يبقى هنعتبره اشارة خضراء على طول .. امشى بقى زى ما انت عاوز

و ده اللى كان حاصللى .. اللعبة با خويا تبقى عند الناس التانية ميت فل و انا عندى يتقطع .. و كرتى بيبقى اعلى منهم ... الله !! فيه إيه ؟!
غيرت المعالج بتاعى من
intel pentium dual core e5300 2.6
إالى
amd phenom II x4955 black edition ( على فكرة سعره ممتاز جدا جدا جدا .. واداؤه مذهل ما شاء الله )
( طبعا غيرت بوردة و رامات )
طيب نشوف يقى التجارب قبل و بعد

(قبل)
batman arkham asylum
1200*1920
no aa
vsync off
all very high
physx off
avg 60

(بعد)
avg 90

إيه رأيكوا و كمان بدون كسر و مع الفيزكس اعتقد تبقى 80-84 فريم مش فاكر اوى

نيجى يقى لأهم حاجة
crysis 2 !!!!!
كانت بتقطع تقطيع الدنيا و الاخرة لو ضربت نار او وقفت فى حتة زحمة و كلها نار و اشجار ( حتة طراوة ! )
طيب انا كمان كنت حافظ الاماكن اللى كانت بتقطع فيها بشكل مستفز .. و دائم
الفرق بقى كان الاول 23-24 فريم ........... دلوقتى 40-45 و اقل حاجة 37
ده غير كسر السرعة اللى كان مليان مشاكل ... الحمد لله المشاكل اتحلت

طبعا بعد ده كلله مفيش غير كلمة ... اجرى هات معالج رباعى

المعالجات المقترحة من وجهة نظرى و طبعا للى محدودين فى الفلوس او معاهم ميزانية محددة و ده يكون فى الغالب بيحصل مع معظم الناس ....:.:.::.:.:.:.:.:.:.:.:.

Intel

intel core 2 quad q6600

intel core 2 quad q8400/q9400

intel core 2 quad q9550

و كل ده مستعمل طبعا و الجديد دلوقتى بقى core i5 و ده غالى فحت !! مش عارف على إيه !!! ؟؟؟!!!؟! :ah26:


AMD

بصوا هنا بقا أحسن ناس اسعارهم ممتازة و ادؤهم ممتاز كمان
إن شاء الله تشتروا جديد

amd phenom II x4 940 black / non black
amd phenom II x4 955 black / non black )
( مقترح بشدة عن تجربة )

شكرا اخوانى و ارجوا انى اكون وصللت المعلومة و ارجو من المحترفين بالمنتدى تصحيح اى خطا او إضافة اى نصائح اخرى و كلله فى خدمة الاعضاء الكرام

[shark74]

السلام عليكم
كلامك مظبوط بس انت نسيت حاجه
اللي هي فروق معمارية وتصميم المعالج نفسه
المعالج اللي انت كنت شغال عليه يعادل تقنية جيل k8
اما بالنسبه للمعالج الجديد اللي انت جبته فجيله k10
مع فروقات الباص والكاشات اكيد طبعاٌ البنتيوم القديم معندوش اي فرصه للمنافسه
وهديك مثال بسيط رغم انه غريب شويه بس حصل فعلاٌ :
انا جربت البروسيسور بتاعي سمبرون 140 احادي النواه على جهاز واحد صاحبي
عنده بروسيسور اثلون 4400+ مزدوج
وصاحبي حلفلي ان جهازه سرع بمعدل كبير جدا وبالذات في الالعاب
انا طبعا استغربت .. بس لما ركزت في الموضوع عرفت انه فرق تقنيه
لان البروسيسور بتاعي جيله احدث من جيل البروسيسور بتاع صاحبي
وانا مش معارض ان امتلاك بروسيسور متعدد الانويه بقى ضروره من ضروريات الحياه
لكن معتقدش انه لدرجه رباعي الانويه او سداسي
الا في حاله المستخدمين المحترفين اللي بيشغلوا خمسميت حاجه في نفس الوقت
او اللاعبين المتطرفين جدا اللي بيشتغلوا بالكروس فاير والاس ال اي
بل وممكن بروسيسور مزدوج النواه يعدي اداء بروسيسور رباعي بمجرد زياده في تردده
وعموما برضه ننتظر رأي الخبراء

[المخيف]

انا انوى شراء نفس معالجك الجديد

هل صوت المشتت الافتراضى مزعج وهل المعالج c3 وما ثمن شراء المعالج

والف شكر على الموضوع

[RadeonXI]

كلام علمى طبعا ... بس إيه رأيك لو رفعت تردد المعالج الرياعى .؟ ... هيديك اداء افضل فى كل حاجة ... ثانيا انا فعلا و الله مجرب كرايسس 2 على e8400 مش بتاعى.. بتاع عمى و اخدته منه علشان اجرب ... لقيت الفريم زاد 5 فريم يالكتير و لسه التقطيع موجود و ده اخطر ما فى الموضوع .... الألعاب دلوقتى كلها تدعم المعالجات الرباعية و خصوصا Battlefield bad company 2 >>> , Battlefiled 3 اللى لسه هاتنزل ... و كمان لاحظت ان assassins creed 3 الجديدة بطيئه على المعالج الثنائى .. و لكن انظر للرباعى ... متعة اللعب بدون مشاكل .... سيبك من الألعاب .. خلينا فى الجد .. الطى !! فرق مهول ... برنامج 3d studio max 2011 >> التانى كان بيهنج لما اعمل ريندر لشكل معموله antialiasing و كمان لو فيه زجاج .. كان بيقطع و يبقى بطئ

المهم انا عارف ان الثنائى هيأدى الغرض و لكن ليس الكافى للكروت فى الفئة العليا و المتوسطة العليا مثلا hd 5770 , gts 450 , و ده اول الفئة العليا ..gtx 460
و لكن ما تقوله مظبوط و لا شك ... و انا كلامى عن تجربة و بردوا نستنى الخبراء و الف شكرا بجد على التفاعل

[محمد حسن احمد]

ياريت تشوفوا الموضوع ده المشاركات المحذوفة 1 موضوع مثبت مثبــت: هل تحتاج إلى معالج عالى الأداء حتى تتمتع بالألعاب ؟؟ حتلاقوه في نفس القسم اللي احنا فيه .

[RadeonXI]

المعالج فعلا c3 , و انا تأكدت بنفسى .. اما لصوت المشتت .... انا ليه ملحوظة هو الصوت مش مزعج و كمان لا يفرق عن صوت مشتت انتل .. ثانى حاجة المشتت روعة فى الاداء ... شوفو مزود بأنابيب نحاس و شرايح الومنيوم و الحرارة لا تتعدى 55 عند الضغط المهول الحمد لله و ربنا يوفك و تجيبه

[RadeonXI]

انا دخلت على موضوع المعالج عالى الاداء و فعلا كويس بس .. المستقبل هوة الى تخاف منه و انا هديلك مثال :.



الفرق واضح بين الثنائى و الرباعى و كمان core i3 يعتبر رباعى حيث يتمتع بأربع مسارات .. ده غير التقنية اللى فيه

[المخيف]

الف شكر على ردك

والمعالج لو تم كسر سرعتة هيعطى ادا رائع

راجع موضوعى السابق

هل هذة المراجعة صحيحة Phenom II 955 Versus Core i7 920

[محمد حسن احمد]

انا معاك اولا الف الف مبروك ومعالج رائع سعرا مقابل الاداء والرباعي هو المستقبل لكن في الوقت الراهن هيا لعبه واحده اللي شوفتها عايزه 10 انويه ههههه مش 4 هي crysis 2 بخلاف اللعبه ديه مشفتش لحد دلوقتي لعبه بتستنفز امكانيات الاجهزه زيها . ولا انت ايه رايك .

[thecreativex]

لو سمحت البروسيسور phenomx2 550 7m
رباعى ام ثنائى ؟

[محمد حسن احمد]

لو سمحت البروسيسور phenomx2 550 7m
رباعى ام ثنائى ؟

هو نازل ثنائي بس ممكن تفتح انويته ليصبح رباعي او ثلاثي او لا ده ولا ده ويفضل ثنائي انت وحظك بس نصيحه لو حتجيب في الحدود ديه هات ال 555 اسرع شويه وفرصه احسن .

[thecreativex]

الف شكر لحضرتك و ان شاء الله ححاول اجيب ال 555

[MHG_1]

شكرا لك ...
انا ان شاء الله لوغيرت حغير الى AMD سداسي اقل شئ ان شاء الله .
تعدد الانويه يخدم لسنوات عديده ...

[XCURSE]

اولا يا اخى الفاضل انك تجيب بروسيسور AMD او INTEL فده بيكون راجع للبورده نفسها مينفعشى يكون عندك انتل dual core e5500 وتجيب AMD PHENOM II x4 مره واحده بدون تغيير البورده ثانيا المعالج الجديد بتاعك فعلا قوى ماشاء الله والف مبروك عليك اعتقد انه يفوز على 3.10 GHZ I3 2100بفارق يصل الى 7 % ويتفوق ايضا على core I5 760 او ربما يعادله الاداء مع اختلاف رهيب فى السعر
عموما الف مبرزك ياكبير وتتهنى بالجديد ان شاء الله

[RadeonXI]

ارجوا الانتباه من الاعضاء ان معالج phenom II x2 555 فتح الانوية فيه مسألة حظ بنسبة 55-60 % فلا تتأكد انك ستفتح المعالج
100% و هذا تنبيه مهم حتى لا تقعوا فى خطأ اثناء الشراء و بصوا عليه وشوفو لو كان c3 ولا لأ / بس على الافل ممن تخلوه ثلاثى
لو النواة الرابعة فيها مشاكل ... معالج ممتاز لسعره و اداؤه المميز
شكرا