النتائج 1 إلى 5 من 5

الموضوع: بالله كل من لديه إجابة يفيدني حتى وإن كتبت يصدق عليها ... لله

  1. #1
    عضو
    تاريخ التسجيل
    Mar 2011
    المشاركات
    4
    معدل تقييم المستوى
    0

    بالله كل من لديه إجابة يفيدني حتى وإن كتبت يصدق عليها ... لله



    أنا مشترك على شبكة أخ جاري وأحيانا ما نجد ثقل في سرعة النت، ومن ثم يتهمني كثيرا أن السبب عندي
    وكلما أقسمت له بأني لا أمارس شيء على النت أكثر من تصفح بسيط

    يقول أن السبب ربما يكون في الأشياء الآتية:
    1- تروجن أو فايروس ساحب النت ( مع العلم أنه كلما وقع الإشكال بيننا أقوم بتغيير برنامج المكافحة ولا أجد شيء)
    2- السلك الخاص بي ربما يكون به عيب( وكيف ذلك والنت يعمل عندي عادي جدا )
    3- نسخة الويندوز بها عيب ( قمت بتثبت أكثر من نسخة مختلفة حتى قمت بتثبيت نسخته هو)

    مع العلم أنه فاتح سايبر والسرعة المتفق عليها 8ميجا ويقيس الأمر على استخدام الشات، والذي يقيس عله سرعة النت واستخدام الناس له.
    ملحوظة: بفضل الله أنا أدرس في مجال الكمبيوتر منذ أكثر من 13 سنة وعملت على كثير من الشبكات منذ دخول الخدمة مصر، ولكنه أصابني بالوسواس وعدم الثقة في نفسي
    وحتى لا أكون ظالم له في سريرة نفسي أرجو إفادتكم بالرد على هذا السؤال
    هل هو على حق أم أنه بيشتغلني؟
    أفيدوني أفادكم الله

  2. #2
    عضو فضي الصورة الرمزية NASA Science
    تاريخ التسجيل
    Aug 2010
    المشاركات
    2,356
    معدل تقييم المستوى
    22

    رد: بالله كل من لديه إجابة يفيدني حتى وإن كتبت يصدق عليها ... لله

    أخى نصيحة ليك , لا تتعامل مع هذا السايبر مرة ثانية , وقوم بإدخال سرعة متوسطة خاصة بك انت , أو اشترك مع أحد اصدقاءك الموجودين معك فى نفس السكن

    =====

    المشكلة اسبابها كتيرة :

    1- ممكن يكون أحد العيوب الموجوده عنده هو وليس انت , مثل برنامج , داونلود زياده زى تحميل فيلم او غيره , السايبر زاد نفسه , أحد المشتركين معه فى الخدمة
    2- المشكلة ممكن فى الاسبلتر , ممكن يكون بايظ , ممكن نوعه وحش ....... الخ
    3-المشكلة الأكبر ممكن يكون عيب فى خط التليفون عنده هو
    او المسافة كبيرة الى حدا ما , بين السنترال و بين السايبر

    لو هناك مشكلة ويزعُم بوجودها كما يقول هو , خليه يتصل بالدعم الفنى المزود للخدمة ويتابع معاه ويشوف المشكلة فين بالظبط , ولو هناك مشكلة حقا ستحل معه اون لاين عبر التليفون , او سترسل الشركة أحد الفنيين الى السنترال لمعرفة أسباب المشكلة فى حالة عدم معرفتها اون لاين
    بَعد تفكير طويل وحيره من أمرى
    قررت الرحيل عسى يوما أن أعود بمنفعة لكم يوما مااا
    تذكرونى بدعوة صالحة أخوتى , عسى أن تهدينى وتنفعنى فى حاجتي

    و أدعولى لو سمحتوا بتوفيقى فى تحقيق براءة الاختراع بتاعتى وطريق العِلم
    ربى ذكّرنى بمن لهُ فضل علي وتقبل دعائى له وأجعلنى خلفا صالح لهُ
    ونورنى بنُورك يا رب ,,, اللهم أمين

    أخوكُم مُصطفى ,,,




  3. #3
    عضو فضي الصورة الرمزية NASA Science
    تاريخ التسجيل
    Aug 2010
    المشاركات
    2,356
    معدل تقييم المستوى
    22

    رد: بالله كل من لديه إجابة يفيدني حتى وإن كتبت يصدق عليها ... لله

    أخى حمل هذا الفيديو من أخويا عبدالله
    فيديو ممتاز عن مشاكل الانترنت وصيانتها وغيره
    http://www.arabhardware.net/forum/sh...d.php?t=166049

    وانتظر أيضا رد أخوتى هنا

    (غير متابع للموضوع)
    بَعد تفكير طويل وحيره من أمرى
    قررت الرحيل عسى يوما أن أعود بمنفعة لكم يوما مااا
    تذكرونى بدعوة صالحة أخوتى , عسى أن تهدينى وتنفعنى فى حاجتي

    و أدعولى لو سمحتوا بتوفيقى فى تحقيق براءة الاختراع بتاعتى وطريق العِلم
    ربى ذكّرنى بمن لهُ فضل علي وتقبل دعائى له وأجعلنى خلفا صالح لهُ
    ونورنى بنُورك يا رب ,,, اللهم أمين

    أخوكُم مُصطفى ,,,




  4. #4
    عضو فضي الصورة الرمزية Don Khozzam
    تاريخ التسجيل
    Dec 2009
    المشاركات
    932
    الدولة: Egypt
    معدل تقييم المستوى
    13

    رد: بالله كل من لديه إجابة يفيدني حتى وإن كتبت يصدق عليها ... لله

    هل كانت هذه المشكله دائمه منذ ان دخلت فى شبكته ام انها ظهرت فجاه منذ فتره (عدة اشهر مثلا)؟ اذا كان الخيار الثانى فغالبا المشكله مع شركات الانترنت مصاصة الدماء لان عند الكثير من الناس من الفجر و حتى العصر السرعه تكون على اقصاها, و من العصر و حتى الفجر تقل السرعه للنصف, فربما تكون هذه هى المشكله التى لديكم..

    انا عن نفسى عندى خط 2 ميجا من شركة لينك الفاسده و السرعه تعمل كامله من الفجر و حتى الدهر/العصر و يخسف بها للنصف حتى فجر اليوم التالى, و نفس المشكله موجوده لدى البعض مع شركة تيداتا, و عندى هذه المشكله من شهر 12 اللى فات و جميع شكواى لهم بلا فائده

    للتأكد من ما اذا كان عندكم نفس المشكله التى لدى, اجعله يجرب النت بعد الفجر و انت تعمل على جهازك فى التصفح و اجعله يجرب النت بعد العصر و انت تستخدم جهازك للتصفح و اذا وجد ان السرعه تكون سليمه فجرا و ضعيفه نهارا اذن فالمشكلة من طرف شركة النت النصابه, اما لو كان غير ذلك فلا استطيع نصحك بشىء سوى ان تشترك فى خط منخفض السرعه لك وحدك, مثلا ال512 و هو ب90 جنيه فى الشهر, بالنسبه للراوتر فقد تجد عرض براوتر مجانى من الشركه

  5. #5
    مشرف سابق الصورة الرمزية TaHeR.NaBiL
    تاريخ التسجيل
    Apr 2009
    المشاركات
    2,260
    الدولة: Egypt
    معدل تقييم المستوى
    50

    رد: بالله كل من لديه إجابة يفيدني حتى وإن كتبت يصدق عليها ... لله



    انا عن نفسى موصل من تى داتا وصراحه فل الفل عندى 2 ميجا والدانلود فى حدود 220 ك .
    بالنسبه لصاحب الموضوع من تجربتى لانى عندى شبكه منذ 4 سنوات وقابلتنى مشاكل كتير هاوضح بعضها .
    اولا انا عارف الماكات الخاصه بجميع المشتركين ( انا اول مابوصل لاى مشترك جديد باكتبله الايبيهات عادى جدا فبيظهر عندى الماك ادريس بتاعه فخلاص عرفت ان الماك ادريس دا خاص بالمشترك الجديد وكذلك مع كل مشترك وكاتبهم عندى علشان اعرف كل مشترك من الماك ادريس بتاعه ) وعن طريق الماكات بعرف لو فيه اى جهاز غريب اتوصل بالشبكه وكمان بعرف مين الى ساحب سرعة النت ودا عن طريق برنامج WinArpSpoofer صراحه برنامج خطير لاحظو معايا الصوره الى جايه






    الاى بى الاول 10.0.0.2 دا بتاع الراوتر والباقين خاصين بالمشتركين لو تلاحظوا المشترك الى الاى بى بتاعه 10.0.0.3 بيعمل دانلود حاليا وحمل 5 ميجا recv traffic كل الى تحتيها كمية الدانلود الى بيحملها المشتركين وكل اما كانت الارقام بتعد بسرعه دا بيدل على سرعة الدانولود بعكس واحد الارقام ماشيه واحده واحده يعنى برده اسرع ارقام بتعد عند مشترك يبقى دا اكتر واحد ساحب السرعه اما بالنسبه sent traffic دى خاصه بالابلود والتصفح ولو لاحظته المشترك 10.0.0.90 هانلاقيه اصفار دا معناه انه فاتح الجهاز بس ما بيستخدمش النت .

    طيب تمام ازاى اعرف ان كل حاجه عندى تمام قبل ما اقول ان الشركه فيها مشكله طبعا دا من الراوتر كالاتى




    اولا : هاشوف Status : Connected وكمان هاشوف IP Address:41.34.221.113 طالما مديانى Connected والراوتر واخد اى بى كده اتاكد مبدأيا ان النت واصلنى من الشركه ومش فاصل من الشركه تمام .
    نيجى لاهم حاجه ازاى اعرف ان المشكله فى النت من عندى ولا من الشركه انا عن نفسى عندى نت 2 ميجا لو نلاحظ اسفل الصفحه السابقه هانلاقى السرعه مكتوبه Data Rate : 2048 512 kbps تمام دى سرعتى 2048 للداونلود و 512 للابلود بنسبة 1 : 4 ودا الى موجود عندنا فى مصر تمام اتأكدت من سرعتى نيجى لاهم حاجه لو لاحظنا Line Attenuation : 52.5 31.0 اهم حاجه عندى الرقم الاول 52.5 ودا جودة الخط عندى ودا ثابت فى الغالب بيختلف من روتر لاخر كل اما كان الراوتر كويس بيكون افضل والمفروض يكون 50 - 52 ودا المناسب و المعقول كل اما الرقم دا زاد دا بيأثر على النت والشركه مالهاش ذنب لان دا من عدم جودة خطوط التليفونات او من نوع الراوتر يعنى انا حايا مركب الريبوتيك قارى معايا 52.5 لما بركب التى بى لينك بيوصل 57 وممكن النت يبقى مع نفسه وتلاقى الراوتر بيقرا السرعه اقل بدل ما هى 2 ميجا تلاقيها 512 او 1 ميجا والسرعه تبقى مع نفسها .
    تانى شئ SNR Margin : 21.0 الرقم دا 21 دا خاص بالتحميل ودا الاهم دا بقى مرتبط بسرعة النت الى انا واخدها من الشركه انا لما كنت عامل النت 1 ميجا كا بيبقى 30 - 33 وفى 2 ميجا 20 - 23 لحد كده تمام معنى كده ان كل 1 ميجا الرقم دا بيقل 10 لحد كده تمام طيب ايه اقل حاجه فى الرقم دا اقول بيها ان النت عندى تمام ومافيهوش اى مشاكل انه مايقلش عن 12 - 15 ودا اقل حاجه مناسبه لو قلت عنها انسى النت وهايكون مع نفسه شويه يشتغل وشويه يفصل والسرعه تزيد وتقل كلحاجه مع نفسها دا اذا النت اشتغل من الاساس .
    علشان كده انا مش عارف اعمل سرعه 4 ميجا لانى لو نزلت الرقم 10 لكل 1 ميجا هايبقى 20 يعنى هايبقى صفر يعنى ما فيش نت نهائى وعلى فكره دا سببه الرئيسى ردائة خطوط التليفون وزيادة نسبة الرطوبه الى فيها لو نلاحظ الايام الى بتكون فيها رطوبه عاليه النت بيتأثر بيها .
    اتمنى ان جميع خطوط التليفونات فى مصر يخلوها فايبر اتخيلوا انى ممكن نوصل نت عليه الى 1 جيجا ودا ان شاء الله عام 3000 ميلاديه احفاد احفادنا بقى يلا رزقهم وربنا يسترها علينا .

    فى النهايه هاختصر الموضوع فى جملتين
    1- لو الراوتر لاقيت فيه Status : Connected واراوتر واخد اى بى اعرف كده انى واصلنى نت من الشركه ولو فيه مشكله تبقى من عندى .
    2- Line Attenuation : 52.5 لو كانت 50 - 52 اعرف ان ما فيش مشاكل عندى فى النت على فكره لو قلت عن 50 يكون افضل بكتير جدا .
    3- SNR Margin : 21.0 لو قل عن 12 يبقى النت يهنج ويبقى مع نفسه .

    اتمنى ان اكون وضحت

المواضيع المتشابهه

  1. مشاركات: 2
    آخر مشاركة: 20-03-2013, 09:47
  2. مشاركات: 12
    آخر مشاركة: 18-10-2010, 21:19
  3. شباب جمعت هذا الجهاز ,, من لديه خبرة يفيدنى
    بواسطة Molla2 في المنتدى الأرشيف
    مشاركات: 7
    آخر مشاركة: 04-07-2008, 19:51
  4. ليش التطنيش كتبت عدة أسئلة
    بواسطة idleb في المنتدى الأرشيف
    مشاركات: 2
    آخر مشاركة: 25-03-2007, 16:35

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •