ظهور باد سيكتور رخم بالهارد ارجو المساعده

[mostafa taky]

السلام عليكم يا اخوانى

انا من فتره كالعاده كل 3 ايام بقوم بتنظيف الجهاز من المخلفات باستخدام بعض البرامج مثل Tuneup Utilities + avg Tuneup + error repair وهكذا
وبعض ما بنضف ابحث عن الباد سيكتور ببرنامج الويندوز عادى "Tools < Check now " وهكذا
وبعدين عملت defrag +optimized ببرنامج Smart Defrag ولكن للاسف الكهربا قطعت اثناء التحسين وشغلت الجهاز مرة اخرى وعملت التحسين مره ثانيه الكهربا قطعت تانى ودى اول مره تحصل بصراحه فا قولت اطمن على الدريفرات عملت Chkdsk طلع كله سليم ماعدا بارتشن "C" انا منزل على الهارد نظامين اكس بى على درايف "H" وسفن على درايف "c" وللعلم انا مبشتغلش على السفن كتير حطه منظر فقط وانا دايما شغال على الاكس بى لان جهازى متواضع بعض الشىء المهم بارتشن "C" وجدت بيه "4 كيلو بايت " باد سيكتور فشغلت اسطوانى هيرنز وشغلت برنامج HDD وصلحه بالفعل وجيت شغلت الجهاز وعملت فحص تانى لقيت "4"كيلو بايت زى ماهم ياريت حد يقولى اشيلهم ازاى اكون شاكر مع العلم ان الجهاز شغال كويس ومفيهوش اى مشاكل بالنسبه للاداء


معلومات الجهاز اذا احد يرغب بذلك :
Prossessor Pantium 4 Speed 3 GH 2 Cash
MB: GigaByte 945Pl S3
Ram:2 GB
GPU : N' Geforce 7300 LE

[Don Khozzam]

اولا انت المفروض تنظف الهارد من ملفات القمامه ممكن مثلا مره فى الشهر مش كل 3 ايام دا كدا كتير جدا جدا

ثانيا, حسب معلوماتى و تعاملى سنوات طويله مع الباد سيكتور فمفيش حاجه بتصلح الباد سيكتور لانه اصلا بيكون عباره عن عطل فى جسم القرص و ليس عطل سوفتوير, يعنى مفيش حاجه هتشيله ابدا, الهارد لما بيحصل فيه باد سيكتور بيبطل يحط اى ملفات فى الجزء اللى فيه باد سيكتور و بيركنه على جنب, و لكن لو الجزء اللى حصل فيه باد سيكتور كان به ملفات فهذه الملفات تصبح غير صالحه للاستخدام, و انت عموما حصل عندك باد سيكتور صغير و الحمدلله فعواقبه بإذن الله صغيره و بسيطه

الخلاصه, نضف الهارد مره واحده فى الشهر و متعملش فورمات الا يمكن مره كل ست شهور و استخدم برنامج واحد فقط للتنظيف لان تعدد برامج التنظيف هيخربهولك اكتر لان غالبا كل واحد فيهم بيستخدم طريقه مختلفه عن الاخر فى التنظيف

مثلا استخدم الDefrag الخاص بالويندوز مره كل شهرين ثلاثه و استخدم برنامج الCCleaner لتنظيف الهارد مره فى الشهر, دا كافى جدا

[NASA Science]

انواع الباد سيكتور :
1- باد سيكتور فيزيائى : أعتقد لم يظهر له حل الى الأن , لانى العيب بيبقى فى احد القطاعات
2-لوجيكال (منطقى) : يمكن حله عن طريق أحد البرامج

[mostafa taky]

السلام عليكم اخوانى
اشكر كل من ساهم فى حل المشكله اولا

ثانيا متهيالى التنظيف كل 3 او 4 ايام مش حاجه مضره بالعكس مايكروسوفت بتنصح بالتنظيف الاسبوعى عن طريق برامج النظام نفسه زى برامج الفحص والغاء التجزئه وغيره ودا على حد علمى المتواضع

ثانيا فيه برامج مش بتنظف كل شىء فى الجهاز يعنى مثلا AVG Tuneup بيقدر يشخص مشاكل وتنظيف جيد للجهاز الى حد ما بيتفوق على Tuneup ولكن البرنامج الاخير لديه تقنيه Optimization وانت شغال بيقدر يفك تهنيج الجهاز وبيحلل البرامج اللى بتهنج باستمرار الى اجزاء عمل صغيره وبكده بيخليها تشتغل بسرعه وده طبعا كل اللى استخدم البرنامج عارف ده

بالنسبه للباد سيكتور متهيالى مش Physical وانما هو وهمى او Logical ممكن يكون مغنطه زائده او شىء ما بس المشكله انا خايف اهمله يزيد البله طين ويتوسع فى الدرايف فلو امكن اسماء برامج معينه تستطيع المعالجه اكون شاكر ليكم مع العلم انى استخدمت HDD regenerator وعملت Check للدرايف من برنامج النظام نفسه اكثر من مره وللاسف لسه الباد سيكتور زى ماهو

اسف للاطاله وجزاكم الله خيرا