حد عنده فكره يا جماعة؟ علشان حجيب الرامات بكرة بإذن الله
السلام عليكم شباب
زي ما واضح من العنوان انا كنت عاوز اشتري رامات لجهازي عاوزها 4 جيجا و مش عارف ايه افضل 4x1 ولا 2x2 :confused:
والانواع كتيرة جدا و باصات كتير جدا و فولتات اكتر و مش فاهم حاجة :ah1: بس يفضل يكون باص 1600 مش اعلي من كده علشان الميزانية اللي مش حقولها علشان لما بقولها بيقولوا استفسار شراء و بيمسحوا الموضوع
حد عنده فكره يا جماعة؟ علشان حجيب الرامات بكرة بإذن الله
سمعت كتير ان 2*2 افضل و يكونو طبعا نفس النوع و ان باس 1333 مش حيفرق كتير عن 1600 الا فى حاله كسر السرعه هات 1600
و انتظر راى الخبراء لو محدش رد استشير البايع برده اككيد حيكون فاهم :]
يا محمد هات الرامات دى
Kingston HYPERX 2*2GB DDR3 bus 1600MHz CL9
السعر 350 جنيه
دى ارخص حاجة
اما لو عايز حاجة عشرة على عشرة عشان كسر السرعة و من ماركة محترمة يبقى تجيب الرامات دى
CORSAIR DOMINATOR 4GB (2 x 2GB) DDR3 1600 CL7 Dual Channel Kit
السعر 800 جنيه
انا كدة جبتلك من الاخر و ريح نفسك من الحيرة
محمد باشا واحشني والله :ah4: بعتلك مسج من يومين اسأل عليك جالي الرد رسالة فاضية :ah1: و كل ما حد يبعتلي رسالة توصل فاضية:mad: مش عارف الاعضاء متفقين عليا يزاولوني ولا ايه :ah50:
طيب حتفرق كتير في الاداء ما بين الكينجستون و G.Skill ولا عادي اجيب الكنجستون و خلاص
ادخل على موقع اسوس و منه على صفح البورده بتاعتك هتلاقى ملف عن الرامات المتوافقه مع البورده و انواعها و باصاتها ... نزله و اقراه و اختار عن طريقه لان ده افضل طريقه من اجل توافق الرامات مع البورده
بص انا قولتلك من الاخر
بس انت اللى بتتعب نفسك على الفاضى
انا فى راى انك تجيب الكروسير دوميناتور لانها افضل الرامات فى السوق صحيح غالية بس رامات مية مية و لا غبار عليها اطلاقا
و نصيحتى ليك
اكتب فى جوجل عن مراجعات عن الرامات دى وادخل عليها واقراها
وتفهم حاجات كتير اوى اوى اوى عنها وهتعرف ليه هى ممتازة
ثانيا بالنسبة لموضوع الرسالة
كتر الف خيرك يا محمد
واعذرنى لظروف العمل والتحقيقات
خلاص يا كبير يبقى فى حل وسط .. ايه هوه ؟ اقولك انا
انت مش عايز الكينج ستون عشان مش كويسه زى ما بتقول تمام
ومش عايز الديمينتور لانها غاليه جدا بنسبالك والميزانيه مش هتكفى .. نعمل ايه نعمل ايه ؟ :D
نجيب دى
CORSAIR XMS3 4GB (2 x 2GB) DDR3 1600 CL9 Dual Memory Kit
ولا 350 للكينج ستون ولا 800 للديمينتور
400 جنيه بس
ايه رايك ؟ :D:D
مرحبا ...
أردت رأيي .. و ها هو
Kingston HyperX DDR3 Bus 1600 MHz
سواء 2 GB أو 4 GB
فهي أفضل من Corsair Dominator في الكسر
و المراجعات موجودة لتثبت كلامي
ملخص ما قرأته .. و ما أكده كبار الأعضاء
أن تلك الشريحة قادرة على الوصول لسرعة 2000 MHz بأريحية تامة
بينما تم كسر ال Domiantor GT إلى 1665 فقط !
و هذا يبرهن على أن العبرة ليست بالثمن على الإطلاق
صحيح أن Corsair شركة لها سمعتها المعروفة
و جودة شرائحها لا غبار عليها
لكن القابلية للكسر تختلف من موديل إلى موديل
بصراحة اول مرة اسمع المعلومة دي و بجد اتمني تكون صحيحة لانها لو صح بجد حتوفر عليا كتيير لاني كنت حشتري النهاردة g.skill 2x2G 1600 CL7 بس رجعت في كلامي مش عارف ليه ولو كده حيبقى اوفر لي 150 جنيه و في نفس الوقت اداء افضبل على حسب كلام حضرتك
ححاول ابحث في الموضوع ده ويا ريت لو عندك اي مراجعات تحطلي اللينك بتاعها
متشكر ليك جدا جدا
بص ياباشا انت ممكن تروح عند شركة ماكسيموم هاردوير
هتلاقى عندهم رامات G SKILL 2*2GB 1600 CL9 V1.5
دة احسن حل هيا ب420 جنية بس انا جربتها مع الكور I7 وكانت تحفة وحتى الجهااز ساعتها قرا انها CL7 مش عارف ازاى ودة كويسة جدا فى كسر السرعة
المفضلات