الدليل الشامل للتحديث ل 4.3.1/4.3.2/4.3.1 مع عمل الجيلبريك والأنلوك لجميع الأجهزة

[IPHONE4EVER]

بسم الله الرحمن الرحيم

ازيكم يا جماعة عامليين اية اتمني تكونوا جميعا بخير انا قولت بعد الأنقطاع الطويل دا نعمل موضوع شمولي كبير
لطريقة التحديث للفريمات الجديدة 4.3.1/4.3.2/4.3.3 الموضوع حيكون من اول التحديث لحد عمل الجيلبريك والأنلوك (للي اجهزتهم مغلقة)

الأجهزة اللي تقدر تنفذ خطوات الدليل عليها

*الأيفون iphone3gs/4
*الأيباد 1
*الأيبود تاتش الجيل الثالث والرابع
**
**
*
/\
1- المفتوح رسمي

2- المغلق بس علي بيس باند قديم اللي هو 1.59.00 او اللي معلي البيس باند لبيس باند الأيباد 6.15

لمعرفة البيس باند لجهازك توجة الي
SETTING==>GENERAL==>ABOUT






بالترتيب اسمائهم في الصفحة اللي حتطلعلك

VIRSION==>دا اصدار الفريم اللي انت علية حاليا
MODEL==>ودا بيحدد الجهاز جاي من انهو دولة وبالتالي نعرف هو مفتوح ولا مغلق
MODEL FIRMWARE===>دا بقي اصدار البيس باند بمعني اصدار المودم في الأيفون المسؤولة عن الأتصالات في الجهاز

***الشرح***

ملحوظة: احنا لية بنشرح التحديث ل3 فريمات اللي هما 4.3.1-4.3.2-4.3.3 مكلة يحدث لأخر اصدار وخلاص
السبب : الفريمين القدام (4.3.1-4.3.2) اللي بيميزهم ان برنامج البلوتوث الجديد celeste مبيشتغلش غير عليهم لسة منزلش تحديث او اصدار جديد لة عشلان يتوافق مع اخر فريم اللي هو 4.3.3
طب منشرح علي واحد بس طالما الأتنين بيشتغل عليهم البرنامج
حقولك مش كلة حريص انة يحفظ الshsh لكل الفريمات
*ففي اللي حتلاقية حافظ ال shsh للفريم 4.3.1 ومش حافظ لأي حاجة غيرة يبقي حيعمل الريستور لة
*وفي اللي حافظ ل4.3.2 يبقي مش حيقدر غير انة يحدث ل4.3.2
*وفي اللي مش حافظ من اساسة دا حيكون مضطر ينزل اخر اصدار 4.3.3

عشان تفهم اية موضوع مفاتيح الshsh راجع الموضوع دا مشروحة فية بالتفصيل الممل
/\
الشرح الكامل لبرنامج TinyUmbrella لحفظ الـ SHSH لتتمكن من الـ Downgrade+عمل الريستور


طيب ازاي اعرف او منين اعرف المفاتيح اللي مسجلها
من خلال البرنامج
TinyUmbrella
بعد متحملة حتفتحة بالطريقة دي



اول متفتح البرنامج


كدا انت عرفت انت ممكن تحدث لأية
طب لو لقييت كل الفريمات عندك
انت كدا تحط رجل علي رجل وتختار اللي يعجبك
:D:D:D:D
==> اخر فريم اللي هو حاليا 4.3.3 مش حتلاقية في القايمة دا اي حد ممكن يحدث لة طبعا

يلا بينا نشرح بقي ازاي حتحدث بالأيتونز ثم الجيلبريك لكل مرحلة بسم الله توكلنا علي الله

**********************
* اولا الأجهزة المفتوحة رسمي *
**********************
الأيفون 3GS/4 مفتوح رسمي
او الأجهزة اللي مفيهاش اتصال الأيباد 1-2 والأيبود الجيل التالت والرابع

1-
حتنزل الفريم المناسب لييك من دول
علي حسب نوع جهازك والفريم اللي ينفع تحدث لة زي مقولنا فوق

IPHONE 3GS 4.3.1
IPHONE 3GS 4.3.2
IPHONE 3GS 4.3.3

IPHONE 4 4.3.1
IPHONE 4 4.3.2
IPHONE 4 4.3.3

IPAD 1 4.3.1
IPAD 1 4.3.2
IPAD 1 4.3.3

IPOD TOUCH 3G 4.3.1
IPOD TOUCH 3G 4.3.2
IPOD TOUCH 3G 4.3.3

IPOD TOUCH 4G 4.3.1
IPOD TOUCH 4G 4.3.2
IPOD TOUCH 4G 4.3.3

2-
حتفتح التيني يومبريلا وتضغط علي
START TSS SERVER

وتسيبة شغال وتكمل بقية الخطوات

3-
طبعا الجهاز متوصل دلوقتي حندخل الجهاز في وضع الDFU
ازاي؟؟؟
حتقفل الجهاز خالص من الباور

بعد كدا تضغط علي الباور كأنك بتفتحة لمدة ثانيتين

حتضغط علي الهوم وانت لسة ضاغط علي الباور لمدة 10 ثوان

اخيرا بعد متعدي ال10 ثواني حتشيل ايدك من الباور وتفضل دايس علي الهوم لمدة 15 ثانية


بس كدا انت كدا دخلت في وضع ال DFU الشاشة بتكون سودا خالص


ودا الفرق بين الDFU MODE وال RECOVERY



وادي فيديو بيشرح كيفية ادخال الجهاز في الDFU MODE
(نفس الطريقة لكل الأجهزة من ايباد او ايبود)


https://www.youtube.com/watch?v=bITIiGswjFI

4-
حتفتح الأيتونز او هو حيفتح لوحدة ويقولك الجهاز في وضع الدفيو ومحتاج ريستور انت حتقول اوك وتعمل التالي


5-
حتطلعلك نافذة حتحدد فيها الفريم اللي احنا نزلناة في الخطوة الأولي المناسب لجهازك


بعد كدا الجهاز حتسيبة هو لوحدة حيتم عملية الريستور(الأبديت) والجهاز حيرستر لوحدة وحيدخلك علي التليفون تاني

كدا مبرووك تم التحديث
انت الأن علي الفريم 4.3.1-4.3.2-4.3.3 علي حسب الأختيار اللي حددته طبعا

نبدأ ان شاء الله خطوات الجيلبريك المشاركة الجاية لأي من الفريمات التلاتة وبنفس الخطوات ونفس الأداة وهي RedSn0w

[IPHONE4EVER]

دلوقتي الجزء التاني حنشرح الجيلبريك

1- حتقوم بتحميل الأداة

RedSn0w

دي الأداة اللي حنستخدمها للجيلبريك ايا كان الفريم اللي نزلتة من التلاتة اللي فوق يعني نفس الخطوات
+
الفريم اللي انت نزلتة فوق اللي بيناسب جهازك والفريم اللي انت اخترتة حنحتاجة في الجيلبريك ايضا

2-بعد تنزيل الأداة وفك الضغط نفتحها


3- حتضغط علي Browse


4- اول متضغط حيفتحلك نافذة منها حتحدد مكان الفريم اللي نزلناة في اول خطوة فوق ثم open


**************************************************
5-الخطوة دي حتطلع بس للي جهازة 3GS
وطالب منك فيها تحدد ما اذا كان جهازك بوت روم جديد ولا بوت روم قديم
*لو بوت روم جديد اضغط YES
*لو بوت روم قديم اضغط NO

ودا اقتباس من مشاركة قديمة ليا بتوضح ازاي تعرف جهازك ال3 جي اس بوت روم قديم ولا جديد

”

اقتباس:

الأيفون ال 3GS نوعين بوت روم قديم وبوت روم جديد وبيتم تحديد دلك من تاريخ الصنع ودا بيتعرف من السيريال نمبر الخاص بالجهاز يا باشا كالتالي السيريال عبارة عن رقم مكون من 11 خانة

ْxx003xxxxxx
الخانة ال3و4و5 بتحدد تاريخ صنعة من اول سنة صنع منها الجهاز (سنة ظهور الجهاز واصدارة)

مثال للتوضيح اكتر نفترض ان الرقم اللي فوق دا سيريال ايفون 3جي اس
حلو ال3جي اس نزل اول نزول لة كان امتي==> 2009

طيب الرقم هنا 003 معناة كالتالي ===> الأسبوع التالت من 2010

طيب لية 2010 بالذات عشان هنا 0 بترمز للسنة بعد ال (03) اللي بترمز لرقم الأسبوع
وكمان عشان مكنش نزل الأيفون ال3جي اس في 2009 كان اول نزول لة في يونيو 2009

==>طيب البوت روم الجديد بيكون اي جهاز الرقم ال3 وال4 وال5 في السيريال الخاص بيه اعلي من 925
بمعني اي جهاز صنع بعد الأسبوع ال25 من سنة 2009
اي جهاز قبل كدا بوت روم قديم


**************************************************

6- كدا الريد سنو نجح في التعرف علي الفريم

بعدها NEXT


7-


8- بعد انتهاء الخطوة اللي فاتت اللي بيعمل فيها باتش للكيرنال
حتظهر اهم خطوة
كل اللي حيلزمنا فيها نعلم بس علي
INSTALL CYDIA
لعمل الجيلبريك وتنزيل السيديا علي الجهاز


9- في الخطوة دي بس بينبهك ان الجهاز متنساش يكون متوصل ومغلق
لو انت مكنتش قفلة اقفلة دلوقتي ووصلة
قبل الضغط علي NEXT


10- حندخل الجهاز في وضع الDFU تاني هو نفسة اللي عرفناة وحفظناه
هو عملك تعليمات تاني للتذكير

نضغط علي الباور 3 ثواني

من غير منشيل ايدينا من الباور نستمر في الضغط وكمان نضغط معاه علي الهوم مع بعض لمدة 10 ثواني

نشيل ايدينا من الباور ونستمر في الضغط علي الهوم لوحدة لمدة 15 ثانية اخريين

11- لوادخال الجهاز في وضع الدفيو تم بنجاح هو حيتنقل لوحدة للخطوة دي

بعد كدا حتطلعلك رسالة بنجاح الجيلبريك


الجهاز حيفتح معاك وحتلاقي السيديا الف مبرووك
****************************
******************
*********
****

المشاركة الجاية الأجهزة المغلقة كيفية التحديث وعمل الجيلبريك والأنلوك لها

[IPHONE4EVER]

*****************
* ثانيا الأجهزة المغلقة *
*****************

ودا بيشمل
1- الأيفون ال3GS علي بيس باند 5.12.01 او 5.13.04 او ما قبلهم
او اللي علم البيس باند الخاص بالأيباد 6.15
2- والأيفون 4 علي البيس باند 1.59.00

الخطوات هنا تختلف
==> الأجهزة دي ليها انلوك عن طريق الأداة الشهيرة
UltraSn0w
فعند التحديث كما هو معلوم البيس باند بيعلي للبيس باند الجديد الخاص بكل فريم وطبعا البيس باند الجديد مالهوش انلوك

لذلك احنا بنستخدم اسلوب اخر للتحديث للحفاظ علي البيس باند القديم المدعوم من برنامج الأنلوك الألترا سنو
ودا عن طريق الكاستم فريم وير

ما هو الكاستم فريموير: عبارة عن فريم عادي معدل لأضافة بعض الخصائص علية (يعني هو شبة الويندوز المعدل زي مثلا ويندوز كريستال او دارك او الزمالك او غيره من النسخ المعدلة من الويندوز)

طيب اية اللي بيميز الكاستم عن الفريم العادي؟؟
**الكاستم لا يعلي البيس باند ابدا بمعني انة عند تحديثك بأستخدام كاستم الجهاز حيتحدث مع الحفاظ علي الكاستم القديم اللي انت كنت علية قبل التحديث
**الكاستم بينزل علية السيديا بمعني انة بمجرد عمل الريستور او الأبديت بأستخدام الكاستم عند فتح الجهاز حتجد السيديا مباشرة بدون عمل جيلبريك بأي اداة اضافية

**من مزايا الكاستم انة يقوم بعمل اكتيفيت لجهازك المغلق (هاكتيفيت) وبكدا مش حتقف علي شاشة الطواريء ولن تحتاج للشريحة الأصلية الخاصة بالجهاز المغلق

**اخيرا يمكن اضافة برامج باكدجات بأمتداد .deb علي الكاستم ودا يرجعنا تاني للويندوز المعدل اللي هو اقرب تشبية للي عايز يفهم مغزي الكاستم ومعناة
(الويندوز المعدل بتجدة معاه برامج وتعريفات جديدة وهكذا)


بكدا فهمنا ان الكاستم حيختزل خطوة الجيلبريك يعني كل اللي حتعملة للتحديث وعمل الجيلبريك (تنزيل السيديا) في الأجهزة المغلقة السابق زكرها فقط انشاء كاستم مناسب لجهازك وعمل ريستور لة عن طريق الأيتونز


كيفية عمل الكاستم

الأداة المسؤولة عن عمل الكاستم هما اداتين
للويندوز والماك :sn0wbreeze
بكدا فهمنا ان الكاستم حيختزل خطوة الجيلبريك يعني كل اللي حتعملة للتحديث وعمل الجيلبريك (تنزيل السيديا) في الأجهزة المغلقة السابق زكرها فقط انشاء كاستم مناسب لجهازك وعمل ريستور لة عن طريق الأيتونز


الأداة اللي حيتم شرحها بالتفصيل sn0wbreeze

الأول السنو بريز ليها اصدارات كتير اصدار لكل فريم بمعني ان

sn0wbreeze 2.5==>بيعمل كاستم للفريم 4.3.1 بس
sn0wbreeze2.6==>بيعمل كاستم للفريم 4.3.2 بس
sn0wbreeze2.7==>بيعمل كاستم للفريم 4.3.3 بس



قد تصدر تحديثات لكل اصدار ولكن الرقم بيظل ثابت بمعني
لو نزل تحديث للسنو بريز 2.7 حيكون ترقيمة 2.7.1
او 2.7 RC2 وهكذا

ححدد انهو فريم
==>نفس الكلام هنا مثل الجهاز المفتوح رسمي الكاستم زي الفريم العادي لا تستطيع عمل ريستور لفريم قديم زي ال4.3.1 او 4.3.2 الا لو انت حافظ ال SHSH لهم وللتأكد بالتيني يومبريلا زي فوق


**********************************************
**********************************************

اولا حمل النسخة المناسبة لك
Sn0wbreeze v2.5.1
لعمل كاستم للفريم 4.3.1

Sn0wbreeze v2.6.1
لعمل كاستم للفريم 4.3.2

Sn0wbreeze v2.7.1
لعمل كاستم للفريم 4.3.3

**الخطوات**


نبدأ الأن خطوات عمل الكاستم
بعد محملنا البرنامج نفتحة




تابع الشرح في الصورة



تختار الفريم وتحددة من المكان اللي انت عملتلة داونلود لة سواء من الروابط اللي انا حطتها فوق او من الموقع الشهير لتحميل الفريمات لكل اجهزة ابل
www.getios.com


الأن بيتعرف علي الفريم اللي انت اختارتة وبيتأكد هو المناسب لة او هو اللي بيدعمة الأصدار دا من السنو بريز ولا لأ

تم التعرف بنجاح





طيب نبدأ نشرح هنا كل اختيار حتختارة علي حدا

اولا لو اخترنا


انت كدا بتعمل كاستم عادي خالص مفيهوش جيلبريك ولا سيديا ولا انلوك ولا حتي اكتيفيت للجهاز مجرد فريم يثبت البيث باند ولا يحدثة




انتظر جاري عمل الكاستم لك



مبروك تم عمل الكاستم بنجاح

مكان الكاستم حيكون نفس مكان برنامج السنو بريز


ثانيا لو اخترنا




اختار هنا YES عشان يكون الكاستم متضمن اكتيفيت ايضا







نفس الكلام رسالة بنجاح عمل الكاستم

وايضا كما قلنا حتجد الماستم في نفس مكان السنو بريز


ثالثا لو اخترنا



جاري شرحها يتبع


الأن في الحالات الثلاثة سوف يخرج لك كاستم فريم وير الأن حتعمل بية اية حتستخدم الأيتونز لعمل ريستور لجهازك له

بنفس الخطوات اللي استخدمناها في الجهاز المفتوح
يعني كالمعتاد حنوصل الأيفون بالكمبيوتر ونغلقة وندخلة في وضع ال DFU
ثم نفتح التيني يومبريلا مرة اخري


بعد كدا نفتح الأيتونز او هو حيفتح مباشرة بمجرد دخول الجهاز لوضع ال DFU
وتضغط SHIFT+RESTORE



حتطلعلك نافذة حتحدد فيها الكاستم اللي عملناه بالسنو بريز
ثم OPEN


ونسيبة يخلص خالص
كدا انت خلصت والف الف مبروووك
تم تحديث جهازك للفريم الجديد بدون لمس البيس باند حيفضل زي ماهو القديم اللي كان علي فريمك السابق

===>طيب الخطوة الجاية اية
لو انت وانت بتعمل الكاستم كنت مختار الوضع البسيط او المتطور دول
**
*
/\




انت جهازك كدا معمولة جيلبريك جاهز وعندك سيديا ومعمولة اكتيف وكلة تمام يبقي تبقي بس الأنلوك
حتعملة بالألترا سنو اتبع الشرح التالي في الفيديو

https://www.youtube.com/watch?v=xrRUyoADI1g


كدا انت جاهز للشغل جهازك جاهز للأستخدام اليومي
المشاركة الجاية ححط اهم خطوة بعد الجيلبريك والأنلوك من اهم البرامج اللي لا استغناء عنها
وباتش البرامج والألعاب عشان تعرف تنزل البرامج والألعاب المكركة اللي امتدادها .IPA

[Mezoxin]

الف شكر علي الشرح الوفي , بالنسبة لتشغيل الالعاب المكركه علي ال ipad , ما هي الخطوات المتبعة بعد ال jailbreak

[Zatlon]

شكرا على الشرح و تم العمل على 4.3.2 عشان البلوتوث :rolleyes:

بس كان في مشكلة بتحصل كده و حبيت اشارك الحل ..

هي دي صورة بالمشكلة و هنا البرنامج مش بيعلق بس مش هيكمل من الآخر يعني حتى لو سبته يوم كامل مش بينتهي




الخطوة الأولى
- تشغل الـ redsn0w على الأدمين (الشخصية الرئيسية) و متعملش فيه حاجة خالص -



الخطوة الثانية
- تفتح مدير المهام -



الخطوة الثالثة
- دور على اسم البرنامج reds0w.exe و بعدين دوس right-click و اختار على Set Affinity -



الخطوة الرابعة و الأهم... أرجو الإنتباه
- هنا بقى هتعلم على الاختيارات اللي في الصورة و اللي هي CPU 1 و بس و شيل باقي العلامات و دوس OK -



و كدة المفروض المشكلة تروح و البرنامج يكمل الجيلبريك عادي و ده لينك للصور (أوضح)

https://www.mediafire.com/?40tpgt1tbea4baj

[IPHONE4EVER]

الف شكر علي الشرح الوفي , بالنسبة لتشغيل الالعاب المكركه علي ال ipad , ما هي الخطوات المتبعة بعد ال jailbreak

نورت يا باشا واتفضل اهو الشرح هنا بالتفصيل الممل برضة اتمني يعجبك ان شاء الله :D:D
https://www.arabhardware.net/forum/showthread.php?t=208553

شكرا على الشرح و تم العمل على 4.3.2 عشان البلوتوث :rolleyes:

بس كان في مشكلة بتحصل كده و حبيت اشارك الحل ..

جزاك الله كل خير علي الشرح وبالصور تحياتي لييك هي معلقتش معايا ولا مرة بس كدا تمام للي يقف معاه الجزئية دي نورت

[Mezoxin]

الف شكر يا باشا ، ال installous اختلف كتير عن زمان و بقي اسهل بكتير

[MF88]

لا

الأندرويد أسهل :D

[X_ANGEL]

السلام عليكم ورحمة الله وبركاته
أنا شتريت جهاز i phone 4 فيرم 4.3.1 ومفتوح على كل الشبكات
المهم في سؤالين الشركة يلي شتريتوا من عندها قال ما نزل جيلبريك بدن مشاكل لسه يعني قال الجيلبريك بيعمل مشاكل بالإشارة وقال بيفصل الجهاز لأنو كان المفروض يعملولي هنن جيلبريك ببلاش :ah32: بس لما طالبتون أنكروا لما واجهتن :D هيك قالو :confused: المهم في هيك شي أصلا الجيل بريك ممكن يؤذي الجهاز حتى مع العلم هي شركة محترمة جدا وبتعامل معها كتيير بس بجد نصدمت فيها بس بعد ما قريت موضوعك جاية على بالي روح وزت الموبايل بوجهن وقلن ساولي جيلبريك ونزلولي باكج برامج على مسؤوليتي من حيث البرامج
السؤال الثاني جهازي نازل فيه هاد الفيرم جاهز لذلك مالي مضطر نزله بس لم أفتح redsn0w يقلي عطيني ملف ISO للفيرم حجمه 666 ميغا وأنا خربان عندي النت وعم أشتغل على البطيئ :eek: في طريقة بدون ما حملوا
وحتى أنا مو مضر ساوي قصة SHSH صح لأنو ما حدثت شي
السؤال الثالث ممكن حدد خيار البلوتث من برنامج redsn0w وهل هو يلي بيفعل البلوتوث

بس لو في شرح مصور للمبتدأين عن كيفية تنزيل الألعاب والبرامج المكركة بعد عمل جيلبريك وكيف إرسال الملفات عن طريق البلوتوث لأجهزة النوكيا كمان :rolleyes: يعني لأنو دورة بالمنتدى وما لقيت حدا جايب سيرتن

أسف طولت عليك بس أنا مبتدى بIPHONE وشكرا كتيير بس هي حيرة كل مين شاري أيفون جديد :rolleyes:

[samehsfe]

مشكور جزالك الله خيرا على الشرح
فعلا شرح كامل

[IPHONE4EVER]

الف شكر يا باشا ، ال installous اختلف كتير عن زمان و بقي اسهل بكتير

اكيد يا باشا بينزلولوة ابديت بخصائص جديدة كل مرة ويسهل العرض للبرامج

لا

الأندرويد أسهل :D

بس يا جدع اية اللي جايبك هنا :D:D

السلام عليكم ورحمة الله وبركاته
أنا شتريت جهاز i phone 4 فيرم 4.3.1 ومفتوح على كل الشبكات
المهم في سؤالين الشركة يلي شتريتوا من عندها قال ما نزل جيلبريك بدن مشاكل لسه يعني قال الجيلبريك بيعمل مشاكل بالإشارة وقال بيفصل الجهاز لأنو كان المفروض يعملولي هنن جيلبريك ببلاش :ah32: بس لما طالبتون أنكروا لما واجهتن :D هيك قالو :confused: المهم في هيك شي أصلا الجيل بريك ممكن يؤذي الجهاز حتى مع العلم هي شركة محترمة جدا وبتعامل معها كتيير بس بجد نصدمت فيها بس بعد ما قريت موضوعك جاية على بالي روح وزت الموبايل بوجهن وقلن ساولي جيلبريك ونزلولي باكج برامج على مسؤوليتي من حيث البرامج
السؤال الثاني جهازي نازل فيه هاد الفيرم جاهز لذلك مالي مضطر نزله بس لم أفتح redsn0w يقلي عطيني ملف ISO للفيرم حجمه 666 ميغا وأنا خربان عندي النت وعم أشتغل على البطيئ :eek: في طريقة بدون ما حملوا
وحتى أنا مو مضر ساوي قصة SHSH صح لأنو ما حدثت شي
السؤال الثالث ممكن حدد خيار البلوتث من برنامج redsn0w وهل هو يلي بيفعل البلوتوث

بس لو في شرح مصور للمبتدأين عن كيفية تنزيل الألعاب والبرامج المكركة بعد عمل جيلبريك وكيف إرسال الملفات عن طريق البلوتوث لأجهزة النوكيا كمان :rolleyes: يعني لأنو دورة بالمنتدى وما لقيت حدا جايب سيرتن

أسف طولت عليك بس أنا مبتدى بIPHONE وشكرا كتيير بس هي حيرة كل مين شاري أيفون جديد :rolleyes:

اهلا بيك اخوي واسف علي التأخر في الرد
مبروك الجهاز الجديد وربنا يباركلك فية
بالنسبة للجيلبريك متقلقش ددا مهم عشان تستمتع بالأيفون وبكل مزاياه ويبقي اكتر حرية معاك

2- ايوة انت مضضطر تنزل الفريم الخاص بيك اللي حجمة 666 ميجا عشان يتم الجيلبريك معاك وتبدأ خطوات الريد سنو عالطول
3- قصة ال shsh لا تهمك عشان انت مش حتحدث انت حتقوم بالجيلبريك مباشرة
4- واتفضل موضوع بيشرحلك تنزيل البرامج المكركة والمتطلبات منك بعدج الجيلبريك بالتفصيل
https://www.arabhardware.net/forum/showthread.php?t=208553

مشكور جزالك الله خيرا على الشرح
فعلا شرح كامل

واياك اخي الكريم انا سعيد ان الموضوع مفيد وعجبك وانتظروا مني كل جديد ان شاء الله ولا تتردد في اي سؤال

[mostafa77]

السلام عليكم ......... انا قرات شرحك ومعلوماتك عن اى فون ......... بعد اذنك انا باختصار معايا اى فون 3g علية firmware3.1.3 وعايز اعمل 4 upgrade to firmware....فما شعارف ابتدى ازاى او اعمل ازاى الخطوات بتاعتو .....ياريت تقولى ازاى وانشاء الله مستنى الرد......

[IPHONE4EVER]

السلام عليكم ......... انا قرات شرحك ومعلوماتك عن اى فون ......... بعد اذنك انا باختصار معايا اى فون 3g علية firmware3.1.3 وعايز اعمل 4 upgrade to firmware....فما شعارف ابتدى ازاى او اعمل ازاى الخطوات بتاعتو .....ياريت تقولى ازاى وانشاء الله مستنى الرد......

اهلا بيك اخي الكريم وتحت امرك
اولا بالنسبة لل 3جي اخر فريم مدعم لة هو الفريم 4.2.1 اولا قم بتحميل الفريم من هنا
https://appldnld.apple.com/iPhone4/061-9853.20101122.Vfgt5/iPhone1,2_4.2.1_8C148_Restore.ipsw

ثانيا علي حسب جهازك مفتوح ام مغلق
==> لو مفتوح اتبع الخطوات نفسها في نفس هذا الموضوع للتحديث بأدخال الجهاز في وضع الريكفري او ال dfu وقم بعمل الريستور بالأيتونزللفريم اللي نزلتة

==> لو الجهاز مغلق ايضا اتبع نفس الخطوات للجهاز المغلق الفريم الذي قمت بتحميلة هذا قم بعمل كاستم لة بالسنو بريز وبعد كدا تعمل ريستور بالأيتونز لهذا الكاستم

[lolo_82]

السلام عليكم Mr. IPHONE4EVER
معى iphone 4 ولكنه louck ولكن كان يعمل على شبكة فودافون فقط وعندما قمت بمحاوله الدخول على الdfu لمحاولة ما قلته . يفشل وفى النهايه الجهاز قفل ومش بيفتح وبعدين عملتله restore من على ال i tunes وبعد ما فتح طلب منى اعدادات المكان وطلب الsim card
وبعد نزلت جربت لغاية ما اشتغل ودخلت علىيه بس المشكله التى تواجهنى هى اولا مبقاش تليفون بقى i pod ثانيا انه اصبحversion 5.0.1 وال modem firmware 04.11.08 وعرفت انه لسة الفرجن دة ملهوش ultrasn0w هل فى حل ولا اعمل ايه علشان التليفون يرجع يشتغل تانى

[daame]

thank u brother