يا جماعة انا عندى هارد تيرا جرين طبعا من غير ما اقول اية المشكلة انا بعانى منة وانتو عارفين .
بس انا ناويت اشتر هارد SSD
وهنا الاستفسار هل لو جبت ال SSD وحطيت علية النظام بتاع التشغيل .
وعملت التيرا للتخرين دة هيخلى فى بطئ فى الجهاز.
طيب واذا كان الجراين مع ال SSD هيفرق عن لو كان بلاك مع ال SSD
وانا امكانيات جهازى فوق وهل هيشتغل عندى ال SSD ال SATA 3
ولا انا مضطر على ال SATA 2
واية افضل انوع ال SSD فى مصر
بس طبعا SATA 3 لو هيشتغل لعى البوردة بتاعتى
وانا هتنظر لو هينزل حاجة احسن من ال ADATA
وشكرا جزيلا وجزاكم الله خيرا .
لا لن يحدث بطء ان شاء الله لاستخدامك أقراص ويسترن الخضراء مع SSD
وسيعمل القرص SSD على ساتا 3 بدون مشاكل ولكن يجب أن تعلم أن متحكم Marvell الحالي المدمج للساتا 3 بوجه عام متواضع الأداء.
في مصر لا توجد اختيارات هم فقط 3 أقراص SSD من شركة ADATA واحد بمساحة 128 جيجابايت وهو أفضلهم، واثنان بمساحة 64 جيجابايت تقريباً متساوين في الأداء كأقراص لنظام التشغيل.
الأسعار بقسم عروض الشركات بالمنتدى
معلش حضرتك انا مبتدء فى موضوع الاقراص ال SSD
بس انا مش عايز اشترى وارجع اندم علشان اجيب حاجة كويسة من الاول
حضرتك انا هحط على الهارد ال SSD الويندوز بس مش اكتر بس الالعاب وكل الحاجات التانية على التيرا الجرين .
يعنى من رايك ال SATA 2 زى ال SATA3 فى الاداء
واغير الهارد التيرا الجرين ولا مفيش فرق بين ال جرين والبلاك لو هيستخدمو للتخزين فقط.
وحضرتك تنصحنى باية .
معلش هتعبك معايا .
مساحة القرص SSD الذي ستشتريه هو ما سيحدد هل ستضع الألعاب (بعضها أو كلها) عليه أم لا، طبعاً الألعاب لو تم وضعها على SSD فزمن التحميل لها أو المراحل سيكون سريع أما أثناء اللعب نفسه لا فارق كبير.
طبعاً هناك فارق بين ساتا 2 وساتا 3، ولكن لكي تستفيد من ساتا 3 يجب أولاً شراء قرص يدعم ساتا 3 واستخدام متحكم (مشغل المنافذ التي توصل بها القرص) جيد لاظهاء هذا الأداء.
لا تغير القرص الويسترن الأخضر الان، الا بعد شرائك للقرص SSD وتجربة الأمر، ولكن لن تشعر بأي بطء ان شاء الله.
انا مش فاهم اية دةالمشاركة الأصلية كتبت بواسطة tarekforall
وحضرتك انا عندى الالعب بتاع 400 جيجا.
فانا صعب ان انا احطهم على كذا هارد SSD علشان انتا عارف طبعا التكلفة :D
ويا ريت حضرتك تفهمنى اكتر .
شكرا جزيلا
الاستاذ يقصد الالعاب اللى حتكون بتلعبها فقط مش بتخزنها
يعنى بتلعب لعبتين ولا 3 تسطبهم على ال ssd وتخزن الايزوهات مثلا عالجرين خلصت الالعاب وقفلتها تشيل دول مثلا وتسطب الجداد برده ssd والله اعلم
المتحكم بشىء من التبسيط الشباية المسؤلة عن اماكن الساتا اللى فالبردة
السلام عليكم
انا مكونتش عايز اتدخل في الموضوع بس للاسف انا عندي هارد تبرا جرين فلازم اتكلم
السؤال الاول : هل سيؤثر التيرا جرين على سرعة الجهاز في حالة استخدام هارد آخر للنظام ؟
الاجابه : نعم سيؤثر على سرعة الجهاز ولكنه لن يؤثر على سرعة الويندوز
توضيح : سيعمل الجهاز بشكل طبيعي الى ان يتم فتح اي شيء على الهارد الجرين وسيتجمد الجهاز من 2 الى 4 ثواني
ثم سيعمل بشكل طبيعي
السبب : الهارد يضع نفسه في وضع النوم - sleep - بعد كل تحميل منه بثلاثة ثواني
مثال : انا مسيف لستة اغاني للوينامب من على الهارد الجرين وتخيل ان الوينامب بيتجمد 3 ثواني على ما الباشا يبدأ يلف من الاول ويلاقي التراك؟!! ... وعلى فكره انت تقدر تسمع صوته وهو بيلف حرفيا !! كانك كنت طافي الجهاز ورجعت شغلته تاني !!!!!
السؤال الثاني : هل يصلح الهارد الجرين للالعاب ؟
الاجابه : لا يصلح نهائيا الا للالعاب القديمه التي لاتضغط على الهارد في التحميل - يعني مساحتها متزيدش عن 300 400 ميجا !
توضيح : جميع الالعاب هتنزل وتشتغل طبيعي خالص .. بس اضرب زمن التحميل في 2 ده غير انك معرض لمشاكل تقطيع في اللود مش في جرافيك اللعبه
السبب : الباشا سرعة دورانه 5900 لفه في الدقيقه ودي اعلى حاجه ممكن يوصلها , وبقولك كده عشان هو بيقللها
ولان شركة ويسترن شركه مش تمام فهي كاتبه ان سرعته ما بين 7200 و 5400 وطبعا اللي يشوف كده يعتقد انه بيغير سرعته ما بينهم لكن الحقيقه ان سرعة دورانه تقع ما بينهم !!!
مثال : انا كنت عامله هارد نظام ومسطب عليه العاب ولاحظت في كذا لعبه انها بتقف ثانيه او اتنين - تقف خالص !! - وترجع تكمل طبيعي ولا كأن فيه حاجه !!!!!! وطبعا ده مش تقطيع جرافيك , ده هو بس كان بيعمل لوود
لازم برضه اكون منصف واقول عالمميزات وهي:
1 البيانات مبتضيعش منه نهائي . وده حقيقي وجربتها ... بس احيانا ال MBR بيتمسح لكن الداتا بتفضل سليمه
2 محمي من الباد سسيكتور . وده لان فيه تقنيه بتمنع راس القراءة من لمس القرص غير انها بتركن في المنيم بتاعها معظم الوقت
وهي اساسا مبتفضلش على القرص غير فترة التحميل فقط !!
3 سريع في التحميل المتصل , يعني لو بيحمل على تراك واحد بيسحب كويس جدا في السرعه
الحل :-
بص بالنسبه لحضرتك ممكن مش هقولك لأ تشغل الالعاب من عليه , بس بأمانه : هيحصل فقد في السرعه
فبكده يبقى قدام حضرتك حل من اتنين :
1 تبيعه - لو عرفت - وتشتري هارد - ويستحسن سيجات - يكون طبيعي وسرعة دورانه 7200
ومش هيعمل معاك اي مشاكل ان شاء الله
2 تشتري عليه هارد تاني يكون 500 او 750 بن حلال ومحترم وسريع تشغل من عليه الالعاب وتسيب الجرين للتخزين
وفي الحاله دي ينصح بشده :
أ اعاده تقسيم الهارد باستخدام برنامج الويسترن كقسم واحد - مش ضروري بس اروق - لا يقبل السيستم
ب عدم تشغيل اي برنامج او لعبه او اي حاجه بتحمل من عليه , يعني تخزن عليه سورسات برامج - سورسات العاب - اغاني - افلام - وثائق ومستندات , هو في التخزين ملوش حل يعني عالاقل آمن جدا وحتى لما يجراله حاجه الداتا مبتروحش
ملحوظه : انا كلامي كله مبني عالتجربه العمليه وتنقيب حوالي اربع اشهر في النت عن معلومات خاصه بالهارد ده , ومغير واحد بعد ما عدلت فيه وشغال بالتاني دلوقتي تخزين وجايب عليه هارد نظام , فحضرتك ممكن تسمع كلام كتير , بس انا بجيبلك الخلاصه
هذا والله الموفق
أخي "شارك" يبدو أنك تعاني فعلاً من الأقراص الخضراء :D أرجوك اتبع الاتي لضبط هذه الأقراص:
-أولاً هذه الأقراص لابد و أن يتم تقسييمها من ويندوز 7 ، وتقسيمها أو اعادة التقسيم بأي برنامج اخر سيتسبب في بطئها، أو اقرأ هذا الموضوع
-تأكد من اعدادات الطاقة فويندوز 7 يقوم باغلاق الأقراص الصلبة بعد فترة من الخمول ويمكنك الغاء هذه الخاصية كالتالي:
*ادخل على Start Menu واكتب في مكان البحث "powercfg.cpl" (بدون علامات التنصيص) ثم اضغط ادخال (Enter).
*اضغط على "Change plan settings" للخطة المُفعّلة حالياً.
*اضغط على "Change advanced power settings"
*الان اختار "Hard disk" ثم "Turn off hard disk after" وضع الرقم 0
-أخيراً يمكنك استخدام هذه الطريقة لالغاء خاصية ايقاف رؤوس القراءة والكتابة المتكرر ولكن مع الحذر هنا أو هنا
-ولا تنسى تثبيت أحدث تعاريف اللوحة الأم
انا عندى الهارد التيرا الجرين سريع جدا بس بعد ما قسمتة 12 بارتشن وشغلت سكان علية ببرنامج تابع ل WD
بس المشكلة انة لو جبت هارد SSD وحطيت علية الويندوز فقط لا غير وخاليت الجرين للاعاب و الافلام والباقى دة مش هيفرق غير فى الويندوز.
ولا بردة هيفرق فى اللود بتاع الالعاب.
وهيفرق فى نقل البيانات من البارتشن لبرتشن تانى او من الهارد لهارد خاجى.
ولا مش هياثر خالص على الاداء
^^^^ 12 بارتيشن ؟؟؟! طيب معلش أعذرنى ليه كل دة ؟؟؟
- كتر البارتيشنات بيقللك المساحة وكمان بيبطء الهارد الجرين بالذات.
[CENTER][B][SIZE=2]You think that you're strong, but you're weak[/SIZE][/B]
[/CENTER]
مين قالك انة مش هيبطى هرد ssd مع هرد hdd ؟
انا لما كنت بدرس فى الكلية قسم هندسة الاتصالات كان شرح لنا الدكتور ان
الهردات بشكل عام بطيئة ذى HDD و ووحدات التخذين و دة خلاهم يخترعم الرامات و برضة طلعت الرامات بطيئة اخترعم الكاشات للبروسيسور
بمعنى اصح مثلا هرد
HDD سرعتة نسخ 50 ميجا بيت / ثانية
SSD سرعتة نسخ 200 ميجا بيت / ثانية
لو انت نسخة الداتا من SSD الى HDD هيبقى سرعة النسخ 50 ميجا بيت / ثانية بدل سرعة 200 ميجا بيت / الثانية
اولا هردات الويسترن كلها زباله لا تستحق الشراء خصوصا التيلندى بتبوظ بسرعة
ثانيا الافضل seagate حتى لو صينى و بيبقى علية ضمان اكتر من 3 سنين الى 5 مش ذى ال western الزبالة 11 شهر عن تجربة تلف منى 3 هردات ويسترن و عاش معى هرد واحد seagate
ثالثا للمعلومة فقط الهرد كل لما كان مساحتة كبيرة كل لما كان معرض للتلف اسرع كذلك لو تم توصيل اكتر من هرد مع بعض الهرد الاسرع بيتلف الهرد الاقل فى السرعة عن تجربة بمعنى لا توصل اكتر من هرد على نفس الجهاز نصيحة
مش هيفرق اله فى سرعة الوندوز فقط
و التعامل اى تعامل مع الهرد العادى هيبقى ابطى من السولد ستات دريف
كذلك تقسيم الهرد الكتير بيهدر المساحات فى الهرد
- ده مش معناه أنه هيبطء الهارد أبدا ، دة معناه ان الهارد العادى مش هيقدر يدى للهارد الأس أس دى السرعه الكبيرة بتاعته فى النقل ولكن الهارد الأس أس دى فى تعامله مع الويندوز شغال بسرعته كاملة والهارد العادى مش بيبطئه أبدا.
[CENTER][B][SIZE=2]You think that you're strong, but you're weak[/SIZE][/B]
[/CENTER]
ضوابط المشاركة
المفضلات