السلام عليكم ورحمة الله
زي ما انا كاتب ف العنوان
انا خريج تجاره 2010 وذاكرت MCSA مع الاستاذ احمد سرحان والحمدلله مذاكر تمام
وروحت نيوهيزون درست MCITP مش كلها ولكن الابجريد ودفعت مبلغ محترم هناك ودي فلوس الواد
وبذاكر CCNA وطبعا انهيت من زمان ال A+ , N Plus
ولما نويت مؤخرا امتحن واكون سيرتفايد بقي وابدا اشوف مستقبلي عرفت ان سعر الامتحان الواحد 300 ج
وامتحان زي ال ccna ب 1000 ج تقريبا يعني الموضوع دخل ف حسبه 3000 عالاقل وانا بصراحة مقدرش اطلب من والدي اي فلوس تاني يعني كده اوووفر
ف هل حد بيقبل يشغل ناس مش سيرتفايد وخصوصا اني خريج تجاره ؟
وهل في فرصة ليا اشتغل ف الخليج ولو كهيلب ديسك اهو اخد اي خبره لان الوضع ف مصر اصبح صعب جدااا
انا عندي حماس رهيب للشغل ولكن الظروف مش معايا
السلام عليكم...
اي وظيفة في هذا المجال بتعتمد على 3 اشياء مهمه
1-خريج كليه على علاقه بالحاسب الالي
2-سيرتفايد مايكروسوفت او سيسكو
3-الخبرة....(سنتين كحد ادنى )
المفروض انك على الاقل تحصل على احد هذه الشروط كي تستطيع التقدم الى احد الوضائف
حاول وان شاء الله ربنا هيوفقك
متشكر جدا علي اهتمام حضرتك ولو انك نسيت حاجه رابعه مهمه جدااااااا اللي هي الواسطة
في انتظار ردود اخري وجزاكم الله خير
اخى لا تحبط نفسك انا زيك سبت شغلى كنت باخد منه فلوس ممتازه واسمى فى كل مكان وهوه مجال gsm لاكنى احب مجال البرمجه لاكن لاقى نفسى فى الشبكات ولسه باخد كورسات ومعرفش حاجه عن الشغل بس الى اعرفه انى مش عاوز فلوس فى الشغل لان ده النظام الى ماش بيه طول ما تحب المجال هوه الى بيجبلك الفلوس واسمك يكبر فى المجال وادينا كلنا بنعمل الى علينا والتوفيق ده بتاع ربنه
والحمد لله على اى حال سيان ما يكون
مع العلم ان الناس ملهاش فى اى حاجه وبتشغل فى المجال
عادى ليا واحد صحبى امين مخزن فى السعوديه وكانوا عاوزين مبرمجيبن اشتغل مبرمج وقبل ما يمسك الشغل نزل اجازه شهر وخد كورس وربنه كرمه وواحد تانى اشتغل فى سيسكوا فى السعوديه بس اسلوبه عجب الكافيل قاله احنه هنعلمك بس هتنزل الاول هلب ديسك وانت الى هتعلم نفسك
نرجع بيقه ونقول يا رب
بص يا أخى الكريم أهم حاجة تكون قوى جدا فى مجالك ومستعد دائما لأى فرصة تيجيلك مش شرط سيرتفيد مع إنها بتفضل طبعا هى هتدعمك مش أكتر لكن لو مش عارف حاجة ومعاك شهادات كتير مش هتفيدك فى حاجة أغلب الانترفيو دلوقتى معتش بيبص لشهادات قد ما بيبص لخبرتك والمعلومات اللى عندك وأول سنة فى شغلك متبصش هتاخد كام خلى كل اهتمامك للخبرة اللى هتاخدها والدنيا إن شاء الله هتفتح قدامك خطوة خطوة ركز وحدد أهدافك بالورقة والقلم من دلوقتى وأوعى اليأس أو الإحباط يطولك علشان متخسرش كل حاجة
بجد جزاكم الله كل خير والله حمستو الواحد والتجارب اللي قلتها ي m lover ماشاء الله تستحق التفاؤل واعادة النظر ف الموضوع
الف شكر مره تانيه
الموضوع كله بايد ربنا
لان اعرف مهندسين اتصالات و سرتفيد mcsa و mcitp واخدين ccna
و مش لقين شغل
رد: هو انا لازم امتحن واكون سيرتفايد عشان الاقي شغل ؟؟؟
:ah7:
ضوابط المشاركة
رد مع اقتباس
المفضلات