(القاهرة) تجميعة كيسة بدون هارد للألعاب في حدود 2000جنية

[safare]

السلام عليكم ورحمة الله وبركاته

انا محتاج سرعة الرد من فضلكم لاني هروح اجمع الكيسة حسب كلامكم بكره او بعد بكره بالكتير
وشكرا ليكم مقدما علي نصائحكم الغالية جدا جدا بالنسبالي

انا اريد تجميع كيسه بدون هارد و دي في دي
تكون مخصصة للألعاب لان هذا كل استخدامي للكمبيوتر..( العاب)...لكن المشكلة ان ميزانيتي قليلة للأسف 2000 جنية كحد اقصي
عشان كده محتار جدا في تجميعه في بالمبلغ ده وتكون بكارت شاشة خارجي ومناسبة للألعاب

ملحوظة
انا مش بفهم اوي في انواع المازر بورد المناسبة مع كارت الشاشة والبروسيسور ...يعني محتاجكم جدا في تجميع كيسة مناسبة لو سمحت تتناسب مكوناتها مع بعض حتي تعطي افضل نتيجة مع الالعاب
وجزاكم الله كل خير


- أقصى ميزانية محددة: 2000 جنية
- استخدامك للجهاز: العـــــــــــــــــاب
- حجم الشاشة و الدقة (Resolution) التي تستخدمها: شاشة 17 او 18 بوصة ديل ال سي دي
- القطع التي تنوي شراءها: مازر بورد- بروسيسور-كارت شاشة - رامات 3او4 جيجا- كيس- باور سبلاي.
- القطع التي ستعيد استخدامها من الجهاز القديم: الهارد - الدي في دي .
- ميعاد شراء الجهاز: في غضون يومان
- محل سكنك: القاهرة...شبرا مصر

هل اجيب مستعمل وخلاص ولا ممكن اجيب جديد مناسب يكفيني بالنسبة للألعاب الحديثة

جزاكم الله كل خير

[masklove]

Phenom II X2 555 3.2GHz, 7MB Cache Black السعر 570 جنيه
MSI 870-G45 السعر 450 جنيه
MSI HD 5670 1GB GDDR5 السعر 590 جنيه
Kingston 2GB DDR3 bus 1333MHz CL9 V1.5 السعر 140 جنيه
Cooler master Elite 335 + cooler master 400W السعر 340 جنيه
__________________________________________________ _____
2090 جنيه مصري

[safare]

Phenom II X2 555 3.2GHz, 7MB Cache Black السعر 570 جنيه
MSI 870-G45 السعر 450 جنيه
MSI HD 5670 1GB GDDR5 السعر 590 جنيه
Kingston 2GB DDR3 bus 1333MHz CL9 V1.5 السعر 140 جنيه
Cooler master Elite 335 + cooler master 400W السعر 340 جنيه
__________________________________________________ _____
2090 جنيه مصري

متشكر جدا اخي الفاضل علي التجميعة
شغل جميل واحترافي
وانا مرتاح نفسيا للتجميعة دي
بس عايز اسئلك لو سمحت

اي هذه المعالجات افضل من حيث الالعاب ومناسبة للبوردة MSI 870-G45

Phenom II X2 555 3.2GHz
السعر....570

كورتديو ....اي موديل متوسط
الثمن.... 750

I 3
السعر ....675

وشكرا كثيرا ومعلش انا بتعبك معايا

[masklove]

اي هذه المعالجات افضل من حيث الالعاب ومناسبة للبوردة MSI 870-G45

خلي بالك البورده دي بتاعت بروسيسورات AMD بس اللي هي phenom و athlon بس وميركبش عليها انتل خالص
انتل يبقي انت محتاج بوردات بشرائح P55 و H55 و P67 و H61 و H67 وهكذا

كورتديو ....اي موديل متوسط

الكورتوديو خلاص راحت عليه بقي قديم شويه هو لسه موجود في السوق ولكن فيه احدث وبسعر افضل
بص اقل بورده intel للبروسيسور I3 بــ 500 + البروسيسور بــ 700 + كارت شاشة خارجي لازم للالعاب بــ 500 علي الاقل
كده الميزانية هتخرم حوالي 2200 جنيه فهل ده يناسبك ام ستكتفي بال AMD ؟؟
بروسيسور AMD X2 555 ممتاز جدا

[safare]

انا مش عارف اشكرك ازاي اخي الفاضل بارك الله فيك
لكن انا لقيت تعديل في الميزانية بحيث هدفع 2000 جنية دلوقت والالف الذيادة بعد شهرين يعني الموضوع اتحل وبقي معايا 3 الالف جنية
بكده اكون مجبر اشتري من مكان محدد لاني هينتظر عليا شوية في الالف الذيادة اكون انا اتصرفت فيها
عشان كده انا لازم اجمع من هذا التاجر تحديدا
استناداً للتجميعة الي حضرتك قلتلي عليها في حجات مش عنده للاسف وانا استبدلت الحجات دي بما يتوافر عنده وما يناسب الميزانية الجديدة 3 الاف جنية
عايز رأيك ارجوك لانه منتظر مني رد دلوقتي عشان هيبتدي يشتغل في الجهاز وانا مش هعمل حاجة غير لما حضرتك تقولي
انا مش فاهم التجميعة دي ممكن حضرتك تقولي كده تمام بالنسبة للألعاب وتوافق القطع مع بعض
دي الامكانيات الجديدة الي متوافرة عنده مع الاسعار

البوردة X55 مش عارف دي تبع انهي شركه..؟؟ السعر 750 جنية

البروسيسور I 3 السعر 660 جنية

كارت الشاشة ( ATI ريدوم 5670 ) بذاكرة 2 جيجا السعر 660 جنية

رامات كينج استون 4 جيجا السعر 300 جنية

الكيسه جاما ...( بيقولي معاها الباور سبلاي بتاعها اصلي 300 وات) السعر 290 جنية
هل الباور ده يعمل بكفائة مع كارت الشاة المذكور..؟..

السعر بالكامل...2660 جنية

دي القطع الي عنده بالفعل يعني مش هقدر استبدل اي شيء فيهم


ايه رأيك في الكلام ده
معلش انا بتعبك معايا

[masklove]

الكيسه جاما ...( بيقولي معاها الباور سبلاي بتاعها اصلي 300 وات) السعر 290 جنية

لا مش هينفع لازم بورسبلاي 350W علي الاقل وياريت يبقي 400 لكن 300W مع مواصفات الجهاز دي قليل قوي

البوردة X55 مش عارف دي تبع انهي شركه..؟؟ السعر 750 جنية

مفيش X55 فيه H55 و P55 وفيه منهم موديلات كثيرة جدا
بص اشتري بورسبلاي 350W علي الاقل وياريت 400W وهات كارت 450GTS عشان ينفعك في الالعاب اقوي وافضل وهيبقي التجميعة في حدود 3000 جنيه برضه
بلاش البور ال 300 وات مش هينفع

[safare]

الف مليون شكرا علي مشورتك وتجاوبك
جزاك الله كل خير
التاجر معندوش القطع دي وبكده انا هغيره ان شاء الله واجيب القطع الي حضرتك قلت عليها
شكرا لتجاوبك ومعاونتك

[safare]

طيب معلش سؤال كمان
اكيد انتا عارف الحيرة الي بتبقا في بداية تجميع كيسة مع واحد مش خبير مثلي يعني معلوامتي مش كاملة
معلش اتحملني

هل فيه مكان حضرتك تعرفه تكون القطع فيه كتير ومتنوعة يعني هلاقي عنده الي انا عايزه من كروت شاشة لانواع مختلفة من البورد والبروسيسور عشان اعرف اختار حسب امكانياتي ومكنش مجبر علي شراء الموجود وخلاص

انا عايز اجيب الي انتا قلتلي عليه
هل فيه مول مثلا او مكان تقدر تدليني عليه في القاهرة

شكرا لك كثيرا اخي

[moatez]

عندك كذا شركة فى سوق العصر زى ماكسيمم هاردوير وهاى اند وغيرهم من الشركات المحترمة ..

[safare]

شكرا كثيرا يا اخ معتز
انا رحت هاي اند زي اقتراحك ولقيت فعلا عندهم كل حاجة وجمعت الجهاز بالمواصفات الي حضرتك ذكرتها
وتمت تجربة الكيسة.... وفعلاً انا كنت علي حق لما وثقت في تجميعة حضرتك لان الجهاز روعة جدا جدا مع الالعاب
والاداء فوق توقعاتي فعلا
انا بس بشكرك جدا لانك وفرت عليا كتير جدا
شكرا كثيرا اخي الفاضل علي مساعدتك الكريمة
ودي التجميعة

Phenom II X2 550 3.1GHz, 7MB Cache Black السعر 530 جنيه

ASUS M4A 78LT_MLE السعر 370 جنيه

GIGABYTE GTS 450 OC 1G DDR5 السعر 775 جنيه

Kingston 4GB DDR3 bus 1333MHz CL9 V1.5 السعر 280 جنيه

Cooler master Elite 334 + cooler master 400W السعر 340 جنيه

Western Digital BLUE SATA 100 GB السعر 410 جنيه

لكن حضرتك كنت قايلي علي البروسيسور ده
Phenom II X2 555 3.2GHz, 7MB Cache Black السعر 570 جنيه
وانا جبت ده بالغلط

Phenom II X2 550 3.1GHz, 7MB Cache Black السعر 530 جنية

هل فيه فارق ملحوظ في الاداء مع مواصفات التجميعة ككل بالنسبة للغلطة الغير مقصودة دي
يعني فارق المعالجين يعتبر كبير ولا غلطة صغيرة ومش هتفرق..

[masklove]

يعني فارق المعالجين يعتبر كبير ولا غلطة صغيرة ومش هتفرق..

الفرق في الاداء بسيط مش كبير