ارجو الدخول من الجميع لأبداء الرأى

**mousa dx** · 20-05-2011, 00:25

مساء الخير
.............
انا اشتريت لاب توب من شهر وهو dell inspiron n5010 اللى ببروسيسور i5 480m ورامات 4 جيجا وكارت شاشه ati 5650 hd بـــ4400جنيهـــــ واول حاجه عايز اسمع رايكم ف الجهاز ... وانا بعد ما اشتريت اللاب ب3 ايام نزلت الموديلات الجديده من الديل n5110 اللى بأمكانيات اعلى وانا زعلت جدا لان الفرق مش كبير فى السعر لكن كبير ف الامكانيات (مش كده ولا ايه) ؟؟ ودلوقتى انا بفكر ابيعه وادفع الفرق واجيب الجديد وانا كنت عامل حسابى انا مش هخسر اكتر من 300 جنيه لكن محدش زود من اللى هايشتروا عن 3800 وانا كده طبعا مش هاقدر ابيعه فهل فيه حل ولا ايه ؟؟ وهل الفرق بين الاتنين كبير للدرجه اللى تخلينى ابيع بتاعى اللى مكملش معايا شهر وادفع الفرق واجيب الجديد ولا ايه ؟؟ __________________

**nanonona** · 20-05-2011, 02:20

القاعدة الذهبية في الشراء وخاصة الإلكترونيات :

اشتريت .. متبصش تاني

السوق دايما فيه جديد وهم عايزنا نعمل كده .. ينقطلك التكنولوجيا عشان دايما تحس إن في جديد وتبقى عايز تشتري تاني وتالت .. لكن عيب التنقيط إن دايما الفرق مش كبير يعني مثلا الـ 5010 و الـ 5110 الاتنين i5 و الاتنين البروسيسور بيقل ويعلى حسب استخدامك و الاتنين كارت شاشة محترم 128 بت ... الخيرة في ما اختاره الله صدقني حتخسر جامد ومش حتلاقى الفرق اللي هو ...اللي حيحس بفرق فعلا اللي كان عنده لاب من سنتين تلاته...

طب أنا سبت الديل وجبت ايسر عشان كارت الشاشة أعلى وفى الآخر جرافيك الألعاب على الاعدادات المتوسطة جميل ومش محتاج الهاي مع إني على الديسك توب لا أقبل بديلا عن الهاي ... وفكرت زيك أجيب الدل 5110 مع إنه كان قدامي من الأول .... المهم لن أفعل ذلك مهما كان الإيسر جميل وكل حاجه وليها ميزاتها وأدعوك لفعل المثل فجهازك رائــــــــع ولسه فى ناس حاتشتريه و حتسيب الـ 5110 لأن الـ300 جنيه الفرق مفيش قصادهم فرق يستاهل أو لأن أخره في الفلوس كده ...