سؤال في الفاوتشر الخاص بكورس ال CCNA

[mr vido dido]

السلام عليكم ورحمة الله وبركاته
اتمني انكم تكونوا جميعا بخير

كان عندي سؤال لو سمحتم خاص بالفاوتشر بتاع الامتحان
انا خدت الكورس في سنتر وكان الامتحان عليه فاوتشر 50 في المية تخلص بعد مدة معينة من تاريخ طلبها...المهم مقدرتش اني امتحن في الفترة ديه فيعتبر الفاوتشر ضاع عليا.
بس كان فيه توبيكات قريتها انك ممكن تستغل الفاوتشر ده كريفرنس..او مش عارف ازاي بانك ممكن تاخد نسبة من الخصم

فحد يعرف ازاي اقدر اعملها ان كان موجودة اصلا او ينفع استغل الفاوتشر ده في اي حاجة تانية...او ممكن اطلب واخد واحد تاني؟

سؤال تاني بعد اذنكوا...ايه احسن مكان امتحن فيه ال CCNA...وسعره التقريبي كام؟.انا من سكان القاهرة ..وكل متصل بسنتر اسمع كلام شكل..مرة يقولي ادفع تمن الامتحان اونلاين بعد كدة ادفع 1500 جنيه في السنتر مش عارف ازاي؟

فايه هي الطريقة بالظبط او السعر الاجمالي للامتحان

شكرا ليكم واسف علي الاطالة

[sheno]

اخى العزيز متتعبشى نفسك كتير

ببساطه جدا سيسكو نفسها بتقلك تقدر تمتحن فين ومدياك المكان بالعنواين كمان وبالتلفونات

ده الموقع اخى اختار منه المناسب ليك

https://wsvprd1b.pearsonvue.com/Dispatcher?application=VTCLocator&action=actStartA pp&v=W2L&cid=139

هتتدخل الموقع وتختار البلد egypt وبعد كدا المدينه cairo وبعد كدا search

ولما تتصل بيهم او تروحلهم احسن هناك اسئلهم عن كل التفاصيل

تمنياتى بالتوفيق

[mr vido dido]

جزاك الله خيرا علي الرد وعلي اللينك

وياريت لو حد عنده معلومات بخصوص الفاوتشر او السعر التقريبي للامتحان يشاركنا بيها

[(sultan)]

بالنسبة للفاوتشر أخي العزيز
الفاوتشر تحصل عليه إذا حصلت في الاختبار الاكاديمي الاخير اللي هو accessing the wan أكثر من 75 من 100 فإنك تحصل على خصم 50% من قيمة الاختبار العالمي من ccna
يعني هو الاختبار ب250 دولار يكون بعد الخصم ب125 دولار

الفاوتشر إذا اعطي لك يكون له تاريخ انتهاء أعتقد انه يكون ما بين خمسة الى ستة أشهر اذا لم تستغله في هذه المدة ممكن يروح عليك