السلام عليكم ورحة الله وبركاته
كيف حالكم احبتي الكرام؟ .. يا رب يكون الكل بأحسن حال
انا شريت قبل تقريبا اربع شهور جهاز كامل وشريت كرت
ATI Radeon HD 5750
وكان كل شي ماشي معاي تمام ومضبوط بس فجأه
صارت شاشتي تطفي علي وبدون سابق انذار
يعني وانا جالس على الجهاز فجأه تطفي الشاشة ويعلق كل شي!
والحل الوحيد الي يخليها تشتغل اني اعيد تشغيل الجهاز
او اوقفه مره وحده عشان اقدر ارجع اشغلها من جديد
وفي البداية كنت متوقع ان المشكله كلها بالشاشه
لكني جربت شاشه اخوي وهي مثل شاشتي بالضبط
وتشتغل تمام على جهازه وولا مره طفت عليه
لكن يوم شبكتها على جهازي طفت!!
بعدها قلت اتوقع المشكله في كرت الشاشه
مهو في الشاشه نفسها .. لكني الحين ماني عارف
وين المشكله بالضبط! واتمنى والله من الاخوان الي عندهم خلفيه
عن مشكلة مثل هذي يفيدوني لاني صراحه طفشت منها
ومن كثر ما اطفي جهازي واعيد واشغل فيه
تمنياتي للجميع بدوام التوفيق والصحة والعافية