يا شباب دخلت على مصراوى ولقيت الاعلان ده
خصومات امتحانات سيسكو الدوليه CCNA + CCNP عن طريق برومو كود ... الكميه محدوده ويمكنك دخول الامتحان خلال سنه من الحجز وتقديم وتاخير وقت الامتحان كما تريد .................... سعر امتحان CCNA فقط 850 جنيه بدلا من 1475 .................. سعر امتحان CCNP فقط 750 جنيه بدلا من 1180 ............. كميه الكوبونات مخدوده ..... طرق الدفع حواله بنكيه او عن طريق البريد المصري
Mohamed Elshaemy
0198132796
6 اكتوبر
elshemy32@yahoo.com
المهم كلمته قولتله عايز احجز وياريت نحجز واحنا مع بعض انا جنبك فى اكتوبر قالى اوكى تشرف انا بشتغل فى مركز اسمه ITS فرع اكتوبر وادانى سايت للمركزhttps://www.its4training.com/ar المهم دخلت السايت ادور على فرع اكتوبر مفيش كلمت فرع مدينه نصر اسأل عليه قالولى مفيش حد عندنا بالاسم ده قولت مش مشكله يمكن بيعمل تمويه انا هشوفه وجها لوجه وهيحجزلى وانا معاه
المهم جه ميعادنا على انى اقابله فى اكتوبر اكلمه مايردش اكلمه مايردش وفى الاخر رد قالى انا اسف والله عندى حاله وفاه ومضطر انزل المحله حالا قولتله البقاء لله طيب احنا ايه وضعنا كدا
قالى انت كدا تحولى الفلوس مقدما بأسم
محمد سمير الشيمي عبد الفتاح
مكتب سمنود فرعي
المحله الكبري
قولتله لا طبعا مش هينفع احولك الاول احنا كنا هنتقابل وسلم واستلم فرد عليا بكل شياكه انى علشان انسان محترم وملتزم معاه ممكن اديله الاكونت بتاعى يحجزلى مقدما بس مااغيرش الباسوورد غير بعد التحويل قولتله اوكى وفعلا حجزلى
نزلت مكتب البريد علشان احوله الفلوس
لقيته بيتصل بيا بيقولى انا اسف والله مش هقدر انزل رجلى اتكسرت انا هديلك اسم واحد صاحبى تحول عليه
قولت مش مشكله صاحبه صاحبته المهم انا الحجز معايا واسمه
مصطفى احمد عبد العال
وقبل ما احول الفلوس ربنا اكرمنى بالشك لحظه ,, اخوكم بيثق قوى فى الناس بس الخبره مش ببلاش
قولت ايه الحوارات دى كلها مره حالة وفاه ومش هنقدر نتقابل والثانيه رجلى اتكسرت ومش هقدر انزل والتالته لا حول على صاحبى الموضوع كدا مش سليم قولت طيب اعمل حركه كدا شوف ايه الموضوع
اتصلت قولتله انا خلاص حولت الفلوس قالى متأكد يا باشمهندس علشان صاحبى ماينزلش على الفاضى قولتله اكيد انا مش هضحك عليك قالى اوكى
وانا بكلمه فتحت الاب ودخلت ال VUE ابص لاقيته لغى الامتحان وانا بكلمه
قولت احمدك واشكرك يارب ,, واكيد طبعا بعتله قصيده من الشتائم الجامده جدا جدا
المهم الدرس المستفاد بقى من النصاب ده وازاى تتعامل معاه بالرغم انى بنصحك بعدم التعامل يعنى بس طبعا السعر مغرى جدا جدا
انت امشى معاه كل الخطوات زيى تمام بس ما تبقاش اهبل زيى وتسيبله الباسوورد وتقول ده تعامل معايا بثقه وانا لازم اكون احسن منه
لا يا حبيبى كدا هيتنصب عليك , انت اول ما يحجزلك تغيير كل بيانات الاكونت وكدا مش هيبقى ليه قدره يلغى الامتحان وبعدين حوله الفلوس بردوا
بس اوعى تنصب انت عليه ربنا يسقطتك فى الامتحان
احنا مش عايزين ننصب على حد ولا حد ينصب علينا
بالتوفيق يا شباب وصدقت المقوله الشهيره وراء كل نصاب طمــاع
المفضلات