يا شباب لو طلباتي صعبة لو سمحتوا ادوني وجهة نظركم في أفضل تجميعة للألعاب ب 2000 واتعبروا تفسكوا مقريتوش حاجة من الكلام اللي فوق
السلام عليكم ورحمة الله وبركاته
ازيكو يا شباب
عاوز أجمع كيسة كاملة للألعاب بمبلغ 2000 جنية...... لصديق عزيز ليا ( أبو صلاح لو حد يعرفه :D)
موعد الشراء: يوم الاثنين القادم (بعد ما أخلص امتحان مادة محاسبة المنشات المتخصصة...فعلا أنا في كلية تجارة :cool: )
محل السكن : الشرقية
القطع التي أنوي اعادة استخدامها : كيبورد وماوس وسماعات
أنا استقريت على الأتي :
Sapphire HD 4670 512MB DDR3 400
Cooler Master Elite +PSU CM 400W 330
Kingston 2GB 1333MHZ 130
DVD 130
ومتردد ما بين Athlon II X2 250 و Intel E5700 و مفيش مراجعات للانتل E5700 على النت مش عارف ليه...حاجة غريبة جدا بس أعتقد ان الانتل أقوى شوية من خلال قرائتي لمراجعات اخواته الصغيرين :D
المشكلة في اني مش عارف اختار بورده كويسة بس رخيصة لأي واحد فيهم (مفيش بورده من اللي شفتهم مالية عيني من بعد ما جبت البوردة الايفو بتاعتي :D )
الشيئ الأخر هو الهارد أجيب Seagate 7200.12 500GB ولا (WD 5000aaks 500GB أو WD 5000aakx هل فيه فرق في الأداء بين النسختين البلو دول) أنا عندي السيجات وشغال تمام. و نتائجه أفضل من البلو في ال Access Time والفرق قليل جدا (لصالح البلو ) ما بينهم في معدل النقل
نتائج الأعضاء مع برنامج HD Tune بنسخته الجديدة، الإصدار الاحترافي..شاركنا بنتيجتك.
وأعتقد ان الAccess Time أهم من معدل النقل وبالتالي السيجات خيار أفضل.
يبقى المشكلة الأكبر دلوقتي في أفضل مازربورد سعرها مناسب ل Intel او AMD
وأيهما أفضل... البروسيسور الانتل أم ال AMD.
بعد كده أنهي هارد أفضل.
وبمناسبة الامتحانات يا ريت اللي عنده اجابة يوضح أجابته مع الشرح والتعليل والتحليل الوافي فيما لا يقل عن 10 أسطر :D
يا شباب لو طلباتي صعبة لو سمحتوا ادوني وجهة نظركم في أفضل تجميعة للألعاب ب 2000 واتعبروا تفسكوا مقريتوش حاجة من الكلام اللي فوق
انت مصعب دنيا ليه كده ياعم؟؟؟؟ الهارد ويسترن او سجيتا مش حتفرق اوي مش حتفرق علي دقيقه فرق في نقل ولا حاجه المهم سعر ميكنش في فرق كبير وبعدي انا ارشحلك amd بصراحه انا كنت من محبين انتل في بدايه لكن amd لمه اشتغلت عليه طلعت جمده جدا صراحه
شكرا على اهتمامكالمشاركة الأصلية كتبت بواسطة omarxp500
لكن طالما الهاردين بنفس السعر يبقى أشتري الأفضل فيهم حتى ولو بفرق بسيط والموضوع مش مجرد سرعة نقل لكنه مفيد في سرعة فتح وقفل الجهاز وسرعة فتح البرامج وتسطيبها وسرعة تحميل الألعاب.
فينك يا معتز moatez :o كانت تجميعاتك لا يعلى عليها
هو فين معتز يا شباب. مختفي خاااالص بقاله فترة
السلام عليكم ورحمة الله وبركاته
الحمد لله تم تجميع الجهاز ومواصفاته هي :
Athlon II x2 250 350
ASRock M3A785GM-LE/128M 400
Sapphire HD 5570 1GB DDR3 450
AData 2GB 1600MHZ 150
Seagate 7200.12 500GB 235
Cooler Master Elite 310+PSU CM 400W 325
ــــــــ
1910
البروسيسور والمازربورد والرامات والهارد (وكمان اشترينا كيبورد وماوس A4Tech ب65 جنيه الكيبورد عاملة زي بتاعة اللابتوب) كل ده من شركة كومبيونيل فرع الأسيوطي من أستاذ حسام الزغبي وهو راجل غاية في الود والاحترام والذوق بصراحة.واشترينا دراعات غريبة كده كانت عاجباه اسمها Jumbo ب 55 جنية من محل في مول الأسيوطي.
كارت الشاشة اشتريناه من محل في السخاوي مش فاكر اسمه ايه.
المشكلة الأكبر كانت في الكيسة لأنها نادرة جدا لأنه الشحنه خلصت ودورنا على الكيسة في محلات كتير في مول السخاوي والأسيوطي وسوق العصر ولاقيناها عند المحل اللي جبنا من عنده الكارت بس مرضيش يبيعها الا للي يشتري من عندي كيسة كاملة (حظه اني ناسي اسمه) وفي الأخر الحمد لله لاقيناها عند كومبيوساينس في مول السخاوي.
حاجة كمان اتضايقت منها جدا اني ملاقيتش الكيسة Asus M4a780td v evo بطلت تنزل خالص وقليل لما كنت بشوف بورد 785. والهاردات السيجات 500 برده ملاقيتهاش في أي حته الا عند كومبيونيل.
والحمد لله بعد التركيب وأثناء التشغيل حصلت مشكلة بسيطة هي ان الجهاز مش بيقوم خااااالص وبعد ما المشكلة دي تعبتنا وصاحبي كان زعلان جدا وشوية كان هيلطم ويعيط.شيلت الرامات وجربت بتاعتي ونفس الشيئ بالنسبة للبروسيسور والبورده والكيسة والباور وفي كل الحالات كان الجهاز شغال الا لما كان جهازه في كيسته !!!!
المهم في الأخر أكتشفت ان الحل اني أحط تحت البورده أي حاجة تفصل بينها وبين الكيسة :ah38:
والحمد لله الجهاز اشتغل تمام وكارت الشاشة كويس جدا في الألعاب (Need For Speed Hot Persuit 1600x1200 Highest Graphics @35 FPS) والكيسة الحمد لله تستاهل اللف الجامد , بصراحة كيسة ممتازة جدا
وان شاء الله ابقى استلف منه الكارت بتاعه واعمل بيه تقرير صغير في تشغيل عدد من الألعاب
ضوابط المشاركة
المفضلات