عايز أشتري هارد 2 تيرا و محتاج مساعدة

[mtriplee]

السلام عليكم

أنا عايز أشتري هارد 2 تيرا لتخزين البيانات كبيرة الحجم و لفترات كبيرة مع العلم اني مش هنزل عليه نظام تشغيل
عايز يكون أداؤه كويس و يعيش بحيث اني مكنش خايف أفقد البيانات اللى عليه في أى لحظة
سألت كتير عن أفضل الهاردات اللى بمساحة عالية و موجودة في مصر فمعظم اللى سألتهم دلوني على دا
WD20EARS Green - 2TB \ 64MB Cash
دلوقتي المشكلة اني سامع ان موجود موديلين بالاسم دا
واحد جواه 3 اسطوانات و التاني 4 اسطوانات و المفروض ان كل ما عدد الاسطوانات يقل يكون أفضل
فيا تري أقدر أفرق ازاي بينهم و أنا بشتري عشان أجيب اللى اسطواناته أقل؟
بيبقي مكتوب عليه مثلاً؟ و لو مكتوب هيبقي اللى مكتوب ايه بالضبط و فين؟

و اذا كان في اختيار أحسن من دا متوافر في مصر ياريت تدلوني عليه
أنا كان نفسي أشتري الهارد بلاك أو بلو حتي

في انتظار الرد
و بعتذر للاطالة

[Coolman4now]

- الموجود من الهارد حاليا كلهم بثلاث أسطوانات فقط لاغير ، وحاول تشترى من شركة مشهورة علشان تضمن أنه أنتاج جديد وبكدة تضمن انه ثلاث أسطوانات.

- الأربع أسطوانات نادر جدا ، وهتلاقى فيه دائرة سوداء كبيرة تحت الأستيكر ، بعكس الثلاث أسطوانات.

[ENG.Bishoo]

بص فعلا معظم الموجود حاليا 3platters كل واحده 667 gb لكن دور على سيجات افضل واسرع من الويسترن بس لو لقيته :D

[tarekforall]

يوجد أيضاً القرص السامسونج Samsung EcoGreen F4EG HD204UI 2TB وهو جيد ولكن يجب تحديث الـ Firmware له بمجرد شراءه.

[mtriplee]

منتحرمش ... شكراً يا شباب على اهتمامكم بالموضوع و سرعة الرد
هو الهارد اللى ب3 اسطوانات طلع اسمه بالكامل WD20EARS-00MVWB0

@tarekforall
أنا كنت قريت قبل كدا ان الهارد السامسونج الكاش بتاعه أقل و صوته أعلي لكن أداؤه أفضل
بصراحة يهمني ان العمر الافتراضي أكتر من الأداء
لأن البيانات اللى هتتسجل على الهارد هتكون موجودة عليه سنتين عالأقل بدون باك أب
اذا كان الهارد اللى حضرتك رشحته هيكون أحسن في حالتي
فياريت لو تدلني هو موجود فين لأنه مش في الشركات اللى جنبي
و متشكر جداً على تعبك معايا

[tarekforall]

- لا يوجد قرص محصن من التلف، وبدون حفظ احتياطي فأنت تخاطر بهذه البيانات.
- شخصياً أفضل القرص السامسونج السابق عن القرص الويسترن الأخضر.
- القرص السامسونج لا أعرف مكان محدد يباع فيه، ولكنه موجود فابحث عنه ان قررت شراءه، وتأكد أن ضمانه 3 سنوات.

[mtriplee]

- لا يوجد قرص محصن من التلف، وبدون حفظ احتياطي فأنت تخاطر بهذه البيانات.
- شخصياً أفضل القرص السامسونج السابق عن القرص الويسترن الأخضر.
- القرص السامسونج لا أعرف مكان محدد يباع فيه، ولكنه موجود فابحث عنه ان قررت شراءه، وتأكد أن ضمانه 3 سنوات.

أوكي يا جميل تسلم على اهتمامك