النتائج 1 إلى 8 من 8

الموضوع: أنابيب التوصيل الحراري... كيف تعمل؟

  1. #1
    عضو الصورة الرمزية mrsameero
    تاريخ التسجيل
    May 2011
    المشاركات
    68
    معدل تقييم المستوى
    7

    Arrow أنابيب التوصيل الحراري... كيف تعمل؟



    بسم الله الرحمن الرحيم

    كلنا بنشوف على المشتتات الجديدة أنابيب لونها ذهبي غامق أو فضي لامع, وكلنا كمان عارفين انها حاجة كويسة ومفيدة في التوصيل الحراري وبتضمن كفاءة عالية في التبريد, لكن بتشتغل ازاي؟ أعتقد في ناس كتير عارفين لكن احب أوضحها برضو واكسب فيكم ثواب....
    انا هبدأ اوضح بطريقة مختصرة وبسيطة جدآ وهتكلم الأول على المشتتات العادية (الي مافيهاش أنابيب توصيل), والمشتت وظيفته سهلة مجرد انو بيزود المساحة الي على اتصال مع الهواء الخارجي عشان توزيع الحرارة يبقى عالي (كل مازادت المساحة زاد التوصيل بين الحديد والهواء ), وكل ما كبر المشتت كل مازادت كفاءته دا قانون المفروض يتطبق فيزيائيآ, تمام يبقى كدا عرفنا المشتت العادي بيشتغل ازاي, طيب ماهو كويس اهو امال ليه بنحط أنابيب ونوجع دماغنا؟ . لأن في مرحلة معينة
    لما بيكبر المشتت الحرارة مابتنتقلش بالسرعة المناسبة ومابتوصلش لفوق, فبتبقى الحرارة محصورة في منطقة صغيرة مهما كبر حجم المشتت.


    الصورة دي بتوضح كلامي, لاحظ ان الحرارة محصورة في الجزء الي تحت, يعني لو كبرت طول المشتت 100 مرة مش هتفرق







    طيب امال إيه الحل؟؟ هنا يجي دور الأنابيب بقى, الأنابيب دي مش فريون زي مابعض النصابين في المحلات بيقولوا, الأنابيب دي مجوفة من جوا وفيها كمية صغيرة من سائل (عادة ماء أو كحول وأرجون) السائل ده بيبقى في الأنبوبة من تحت ولما المعالج بيسخن السائل ده بيمتص الحرارة ويتبخر, لما بيتبخر بيطلع على طول على فوق (قوانين فيزياء بقى) لما بيطلع فوق بيلاقي جزء من الأنبوبة أبرد من تحت (بسبب المروحة) فالغاز بيحصللو تكثف, والحرارة الي هوا امتصها بتطلع للمشتت من فوق ويعمل هوا شغله الباقي بقى, ويتحول الغاز لسائل تاني وينزل تحت وهكذا....
    يبقى الفائدة الفعلية من الأنابيب دي انها عاملة زي جسر توصيل, زي طريق جانبي الحرارة تقدر تخلص بيه من زحمة الطريق العادي (المشتت), وتوصل لفوق بسرعة
    .
    ومعظم شركات التبريد حاليآ بتصمم الأنابيب دي بتصميم يخليها تشتغل أحسن في الموضعين الأفقي والرأسي (عشان توزيع السائل مايتلخبطش) ويطلع فوق بدل ماينزل تحت أو العكس.

    عشان كدا لازم تتأكد من الشركة الي اشتريت منها المبرد لأن في مقلدين بيحطو الأنابيب دي فاضية من جوا (ابقى قابلني لو اشتغلت) اشتري دايمآ من الشركات المعروفة......

    وأتمنى اني أكون أفدتكم.

    شكرآ. مدونة كومبيو عرب. http://compu-arab.blogspot.com/

  2. #2
    عضو
    تاريخ التسجيل
    Nov 2010
    المشاركات
    245
    الدولة: Egypt
    معدل تقييم المستوى
    8

    رد: أنابيب التوصيل الحراري... كيف تعمل؟

    و الله شرح ممتاز
    بس ايه الاحسن المروحه تكون افقيه و لا راسيه على المعالج

  3. #3
    عضو الصورة الرمزية mrsameero
    تاريخ التسجيل
    May 2011
    المشاركات
    68
    معدل تقييم المستوى
    7

    رد: أنابيب التوصيل الحراري... كيف تعمل؟

    اقتباس المشاركة الأصلية كتبت بواسطة شاهيين مشاهدة المشاركة
    و الله شرح ممتاز
    بس ايه الاحسن المروحه تكون افقيه و لا راسيه على المعالج
    والله مش عارف لكن اعتقد دي بقى دراسات الشركات بتعملها لكن انا ممكن ابحث في الموضوع ده واشارككم بكل جديد ان شاء الله

  4. #4
    عضو الصورة الرمزية AboElsaud
    تاريخ التسجيل
    May 2011
    المشاركات
    123
    الدولة: Egypt
    معدل تقييم المستوى
    8

    رد: أنابيب التوصيل الحراري... كيف تعمل؟

    شكرا علي الشرح بس ممكن سؤال
    ايه الفريون دا؟

  5. #5
    عضو الصورة الرمزية mrsameero
    تاريخ التسجيل
    May 2011
    المشاركات
    68
    معدل تقييم المستوى
    7

    Wink رد: أنابيب التوصيل الحراري... كيف تعمل؟

    اقتباس المشاركة الأصلية كتبت بواسطة AboElsaud مشاهدة المشاركة
    شكرا علي الشرح بس ممكن سؤال
    ايه الفريون دا؟
    ههههههه دا الي بيبقى في الثلاجة
    ومستحيل أصلآ يبقى في فريون من غير كومبريسور وحاجات تانية كتير

  6. #6
    عضو فضي الصورة الرمزية The Dark Side
    تاريخ التسجيل
    Feb 2008
    المشاركات
    2,524
    الدولة: Morocco
    معدل تقييم المستوى
    20

    رد: أنابيب التوصيل الحراري... كيف تعمل؟

    لو كان الموضوع باللغة العربية لكان أحسن

  7. #7
    عضو الصورة الرمزية mrsameero
    تاريخ التسجيل
    May 2011
    المشاركات
    68
    معدل تقييم المستوى
    7

    Cool رد: أنابيب التوصيل الحراري... كيف تعمل؟

    اقتباس المشاركة الأصلية كتبت بواسطة The Dark Side مشاهدة المشاركة
    لو كان الموضوع باللغة العربية لكان أحسن
    فعلآ ودا المفروض لكن انا حبيت اكسر الملل شوية اعذرني :ah35:

  8. #8
    عضو
    تاريخ التسجيل
    May 2011
    المشاركات
    422
    الدولة: Egypt
    معدل تقييم المستوى
    8

    رد: أنابيب التوصيل الحراري... كيف تعمل؟



    شكرا جزيلا أخي على الشرح الرائع حقا انا استفدت

المواضيع المتشابهه

  1. الطريقة المثالية لوضع المعجون الحراري.
    بواسطة The Mysterious في المنتدى الأرشيف
    مشاركات: 71
    آخر مشاركة: 06-10-2013, 11:24
  2. كروت pci لا تعمل في المذر بورد
    بواسطة ابواية1 في المنتدى الأرشيف
    مشاركات: 9
    آخر مشاركة: 14-06-2011, 01:41
  3. ازاي تعمل تست علي هاردوير داخلي
    بواسطة omarxp500 في المنتدى الأرشيف
    مشاركات: 4
    آخر مشاركة: 10-06-2011, 02:11
  4. كورس تعلم الأنجليزيه فى 24 ساعه
    بواسطة tarektop في المنتدى الأرشيف
    مشاركات: 3
    آخر مشاركة: 09-06-2011, 17:43

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •