فى إنتظار التحفه الفنيه GALAXY TAB 8.9 32GB 3G

[MF88]

السلام عليكم ورحمه الله وبركاته

كيف حالكم ؟ بسبب عملى ببوابه عرب هاردوير و إهتمامى و شغفى المتزايد بالإنترنت كان لى قرار

للإنتقال للحواسيب المحموله بميزانيه 5000 جنيه فأقل

لكن

الحاسب المحمول : ليس تاتش - يدوم 3 ساعات فى العمل فقط - يحتاج ليو إس بى لكى يكون متصل بالإنترنت
و لن يساعدك إطلاقاً فى إداره مهامك كما تتوقعها كل هذا بالإضافه إلى وزنه الفظيع ( فظيع من 800 جرام فما فوق )

إحقاقاً للحق : هناك أعمال لا يمكن إنجازها إللا بواسطه الحاسب المحمول أو الكمبيوتر بشكل عام . لكن إستخداماتى لم و لن تتطرق لهذا وخصوووصا إذا كنت فى معرض كـ ICT أو نزهه أو حتى سفر مع الأصدقاء لبضعه أيام فى الساحل
او حتى أثناء رحله السفر

لـهذا : قررت و بشكل نهائى شراء تابليت ( جهاز لوحى ) و بعد عده دراسات . إستقر إختيارى بإذن الله على

الجهاز اللوحى SAMSUNG GALAXY TAB 8.9" 32GB 3G

قبل اى كلام انا غير متعصب لأى منتج - أحب المنافسه ( و دليل ذلك حزنى الشديد عند صدور IOS 5 )

قبل اى شىء إتفضلو مراجعه للتابليت

https://www.gsmarena.com/samsung_gal...review-603.php

كان اكبر عقبه تخلى الناس تفضل التابليت الأول الـ 7 بوصه عن التابليت الجديد ان الأول فيه تليفون و ده لأ

لكن الحقيقه الإتنين فيهم تليفون يا شباب ودى حاجه جميله جدا جدا جدا

ليه هشتريه 32 بوصه ؟ لانى شايف اكبر ميزه فى الجهاز اللوحى ده فى مشاهده الفيديوهات و الأفلام و الميديا بشكل عام

و الميمورى الداخلى بيكون اسرع من الخارجى إللا لو هتجيب ميمورى من بره CLASS 8 OR 10 ودى هتدفع فيها نصف تمن التاب :D

ليه مجبتش التاب 1 ؟؟؟؟ فى حين انه متوافر فى مصر ولسه مصمم على الجديد ؟

قبل ما اكمل الموضوع انا زهقت من انى اقول التاب الجديد و التاب القديم كل واحد فيهم ليه حجم

الجديد : 8.9
القديم : 7

هذكر التابات بدلالة احجامهم بعد كده للتسهيل

1- الـ8.9 الريزوليوشن فيه افضل بكتير جدا جدا جدا من الـ 7

2- نظام الهونى كومب ( android 3.0 ) بغض النظر عن هو حلو أو لا يكفى ان دعم العرب فيه native !!!

يعنى إيه الكلام ده ؟؟ يعنى لو حبيت احط custom rom مش هضظر اضحي بالعربي او استنى تنزل للروم ملفات تعريب و هيبقى عندى حريه اجرب اكتر من روم . وخصوصا ان فيه رومات كتير مميزه جدا لكن يمنعنا عنها دعم العربى - و انا معنديش استعداد اضع نفسى فى الغلطه دى

طبعا لو حبينا نتكلم عن نظام الهونى كومب يكفى تشوفو الفيديو فى المراجعه فقط . حاجه كده خرافه جوجل ابدعت فيه بمعنى الكلمه

و طبعا كل الحاجات دى مش هتلاقيها فى الويندوز - و اللى دايما بيطلب منك السيريال لتفعيل النسخه:D

3- الـ 8.9 أرفع بكتير من الـ 7 و زى ما هتشوفو بإذن الله فى المراجعه التابليت ده هو الأرفع فى العالم كله حتى أرفع من الأيباد 2 عشان محدش يحاول يجيب سيرته بس و أرفع من التاب 7 و كمان ارفع من تليفونى HTC HD2
ووزنه اخف من أى تابليت تانى عدا التاب 7 وده مش عيب طبعاً عشان الصغر فى الحجم

4- ليه هجيبه 3G مش واى فاى ؟ السبب بسيط . متوصل بالنت 24 ساعه . و مش زى اللاب هتبقى حاطط يو إس بى و راكب الترام ولا الميكروباص و الناس كلها بتتفرج و انت قلقان حد يستظرف معاك و يشد الفلاش و يقولك هى دى كام جيجا ؟ هيهيهيهيهيـــــه . ده غير انك صعب تقعد تتفرج على فيديو ساعه ونص مثلا و بعدها تتصفح النت ساعه او إتنين و يكون اللاب توب لسه شغال اساساً . هيفصل فمنتصف الفيلم . التابليت بطاريته هتقعد اكتر معاك
صحيح مش هيبقى فاضل فيها كتير لكن على الأقل هيفضل مفتوح و بتشوف إيميلاتك او حتى بتسمع اغانى أو بتتكلم فى التليفون ( اللى هو مش موجود ريحته فى اللاب توب )

5- عايز اجيب شطنه جلد بقى محترمه عشان لما اشيل اللاب توب ميوجعش كتفى أصل وزنه 2 كيلو ( ده لاب حديث بـ 7000 جنيه ) فيه لابات بتوصل 4 كيلو عاااادى خالص
التابليت وزنه 470 جرام فــقــط يعنى موصلش نصف كيلو خيار :D

6- طيب ما اجيب لابتوب مينى ؟ و أبقى خدت كل اللى انا عايزه
فدى عندك حق
1- لكن هتفضل مقيد بالـ TRACK PAD مفيش شاشه تاتش
2- الهارد هيكون اكبر بالتأكيد ودى ميزه للابتوب المينى
3- الوزن هيكون اتقل للأسف فى المينى عن التاب
4- مازالت مشكله اليو إس بى اللى طالعه مثل المزروعات فى الصحراء
5- البطاريه زى اللابتوب بل أسواء
6- برامج إداره الميل و تنظيم العمل شايفها افضل التابليت - مع الإحتفاظ إن فيه حاجات يتميز بها اللاب طبعاً
7- الطامه الكبرى : التابليت 8.9 ديوال كور بروسيسور لكن اللاب بروسيسور ATOM :D عايز تعرف الفرق هات فيديو 30 ثانيه 1080P و شغل الإتنين مع بعض و شوف أداء الإتنين . فى التاب هتلاقى الدنيا تمام و شغال كويس جدا - فى اللاب توب هتلاقى بيكح تراب من فتحه اليو إس بى و من السماعات بيصرخ عشان السخونه و عشان البطاريه كمان بتتصل بـ 911 عشان يلحقوها قبل ما تلفظ انفاسها الأخيره:D
8- فيه حاجه كنت ناسيها وهو ان اللاب لو كان مميز هتلاقى فيه كاميرا أماميه - فحين إن التابليت هيكون فيه كاميرا 2 ميجا بيكسل أماميه - و كاميرا خلفيه 3.5 ميجابيكسل . وكنت ناسيها لأن الكاميرا مبتفرقش اوى معايا لكنها تظل ميزه يتفوق بها التابليت

يعنى دلوقتى التاب ملاك نازل من السما و اللاب بقى إبليس المطرود من الجنه ؟؟؟؟؟

لا التابليت فيه عيوب

1- مفيش فتحه يو إس بى للأسف
2- مبيتحطش فى الجيب
3- ميقدرش يشغل برامج تصميم زى الأوتوكاد مثلا ( و السبب عدم توافقيه لكن لو الشركات ركزت تقدر تعملها بسهوله - لكن فى رأيى مش هيكون بنفس قوته على الكمبيوتر برضه )
4- كم البرامج المستخدمه على الويندوز صعب تلاقى كل إحتياجاتك منها على التاب و إن كنت اشك فكده عشان الأندرويد مفتوح المصدر على عكس بقيه الأنظمه القائمه
5- انا بحب الكتابه على الكيبورد العاديه مش التاتش و خصووصا لو فيه أمر مهم او هكتب موضوع كبير زى اللى بكتبه حالياً - و دى لها حل وهو شراء الـ DOCK الخاص بالتابليت و هشتريه إن شاء الله مع التاب و جراب محترم و سماعه بلوتوث ( اوعى تكون فاكر ان الناس بتمسك التاب ده كله تحطه على ودانها - تبقى كارثه لو كنت فاكر كده )


تقريباً قلت كل اللى عندى ووضحت وجهه نظرى فى شراء التابليت . صحيح كان كلامى باللغه العامّيه المصريه
لكن إعذرونى

صحيح هل فيه حد منتظر التابليت ده ؟؟؟؟ وللا انا لوحدى فى الهواء ؟

[Mostafa Gomaa]

لي عوده يا محمود بس أنت شوفت المراجعه ده قبل كده ؟
مراجعة (اليوم الواحد) للحاسب المحمول Dell Inspiron N5010

الجهاز أعتقد بيركب فيه شريحة نت على طول بدون الحاجه لفلاشه , وأكيد الظريف مش هيفتح اللاب وياخد الشريحه ويقولك معاك رصيد هيهيهيه:D

أنا على فكره محتار بين اللاب والموبايل والتابليت , ورغم اني لسه مش معايا الفلوس بس محتار برضه :D

[MF88]

مش شرط يكون فيه فلوس على فكره

يكفى انك تحاول تفكر لو فعلا الفلوس موجوده إيه يكون جدير بالشراء ؟

بالنسبه لمراجعه اليوم الواحد ( و التى تذكرنى بجراحه اليوم الواحد :D ) فهى ممتازه و اللابتوب ممتاز أيضاً لكن حاجه وحده تخلينى

مفكرش فيه من الأساس

VGA : Integrated Intel HD

فيجا إنتل دى مستحيــــــــــــــل تدخل البيت ( إللا لو لابتوب بتاع صديق او حد غيرى و السلام )

إضافه كمان

1- فيه تليفون ؟؟؟؟؟؟ لا

2- الشاشه تاتش ؟؟؟؟ لا

3- تقدر و انت ماشى تشوف الكاليندر بتاعتك فيها مواعيد إيه فى اقل من 10 ثوانى ؟؟؟ لا

4- المترو تعطل و قولت تلعب دور ANGRY BIRDS هتاخد قد إيه عشان توصلها على التابليت ؟ و قد إيه عشان توصل لها على اللاب ؟؟؟ و هتلعبها ازاى باللاب فى الزحمه :D

طيب بلاش دى . المترو إشتغل و محطتك جت فجأه ( هتشيل إيه قبل إيه ؟ اللاب و لا الشنطه و المفاتيح ؟ و هتتسرق ولا لا ؟ :D ) فى التابليت هو زرار يطفى الشاشه و إقفل الجراب و انزل من المترو ( 3 ثوانى بالضبط )

ها ؟ حيران ؟؟؟؟ :D

[Kh@LiL]

لماذا لا تفكر بال ASUS Transformer + Dock station ?
ستكسب:
- منفذين USB
- بطارية تصل ل 15 ساعة عمل
- لوحة مفاتيح منفصلة
- WiFi
Mini HDMI
وستتجاوز كل مساوئ Netbook التي ذكرتها:

- طيب ما اجيب لابتوب مينى ؟ و أبقى خدت كل اللى انا عايزه
فدى عندك حق
1- لكن هتفضل مقيد بالـ TRACK PAD مفيش شاشه تاتش
2- الهارد هيكون اكبر بالتأكيد ودى ميزه للابتوب المينى
3- الوزن هيكون اتقل للأسف فى المينى عن التاب
4- مازالت مشكله اليو إس بى اللى طالعه مثل المزروعات فى الصحراء
5- البطاريه زى اللابتوب بل أسواء
6- برامج إداره الميل و تنظيم العمل شايفها افضل التابليت - مع الإحتفاظ إن فيه حاجات يتميز بها اللاب طبعاً
7- الطامه الكبرى : التابليت 8.9 ديوال كور بروسيسور لكن اللاب بروسيسور ATOM :D عايز تعرف الفرق هات فيديو 30 ثانيه 1080P و شغل الإتنين مع بعض و شوف أداء الإتنين . فى التاب هتلاقى الدنيا تمام و شغال كويس جدا - فى اللاب توب هتلاقى بيكح تراب من فتحه اليو إس بى و من السماعات بيصرخ عشان السخونه و عشان البطاريه كمان بتتصل بـ 911 عشان يلحقوها قبل ما تلفظ انفاسها الأخيره:D

سعر الجهاز 16 جيغا مع Dock station في السعودية 2600 ريال طبعاً يمكنك شرائه لوحده بسعر 400$
بالنسبة لبطاقة الذاكرة من نوع Class 6 وحجم 8 جيغا مثلاً وهي مقاربة لسرعة الذاكرة الداخلية سعرها حوالي 100 جنيه تقريباً، طبعاً الهارد الخارجي المحمول خيار ممتاز أيضاً وأسرع بكثير ويمكنك شراء واحد بحجم صغير تضعه ضمن نفس الحقيبة

أما مودم 3G فلا أرى مفراً من شراء واحد منفصل وعدم تشغيل الجهاز في الباص :D أو انتظر إصدار 3G المدمج.

[MF88]

هههههههههههههههههههههههههههههههههه كانت بدايه موفقه لكنها إنهارت لحظه وجود الـ 3G ههههههههههه

الأسوس ممتاز جدا جدا وهو الخيار الثانى تحت التابليت و بدون تفكير او شك

لكن !!!!

1- الـ touch wiz الخاص بسامسونج هيكون أفضل - وخصوصا انهم عاملين برنامج خاص بيهم لعرض الفيديوهات

2- شاشه التابليت ده هى أفضل شاشه إتعملت لتابليت حتى اللحظه ده غير انها افضل من شاشه الأيباد 2 بإعتراف الموقع فى المراجعه ( مبجبش حاجه من عندى و الحمد لله )

3- الدوك يمكن شراءه من الخارج مع التابليت فمفيش فرق كبير - الـ usb ليها حل وهى كونفيرتر ظريف هشتريه مع التابليت ايضاً لن يتعدى 10 دولار مثلا .

4- الـ 3G شى مهم جداااااااااااااااا و أساسى بالنسبه لى لا تفاوض فيه :D

بالمناسبه مش ناوى ؟ !!! ؟

[Kh@LiL]

1- أنا لا أثق ب touch wiz الخاص بسامسونج ومازلت أعتقد أن HTC Sense هي الأفضل في ذلك
2- اتفق معك ولكن لا تنسى أن شاشة الأسوس أكبر ب 1.2 بوصة :D 10% تقريباً
3- الدوك الخاص بأسوس يتضمن بطارية كذلك و 15 ساعة عمل رقم ليس ببسيط
4- ال WiFi أمر مهم كذلك ولا يمكنك تعويضه (أما الثريجي يمكنك)

بالنسبة لي على الرغم من استيائي من حجب الماركت الرسمي الخاص بجوجل في سورية وتجاهلها المستمر للعرب مازلت انتظر توفر Taplets الجديدة في سورية والأسعار ستكون العامل الحاسم في الاختيار.
يتوفر كذلك Netbook بمعمارية AMD Brazos وهي ممتازة في الأعمال المتوسطة والأفلام وما إلى ذلك والبطارية تصل لفوق 6 ساعات والسعر 600$

[Kh@LiL]

بالمناسبة كم تتوقع سعر تابليت السامسونج؟

[optimus prime]

إنت جبت من الاخر اساسا
انا كنت محتار اجيب الDesire Z ولا لا
بس بعد كلامك بصراحة اتشجعت جداً والفكرة ابتدت تعلى ف دماغي
انا مشكلة واحدة اساسية معايا ف التابلت
وهي ان حجمه كبير انا حتى مستكبر حجم الديزاير زد
تم التقييم

[D3VI0US]

الكلام ده كبير يا حودة :D .. في كل مكان أجد شخص ما بيتكلم عن الـAndriod هذه الأيام
أنا شخصيا بتابع أخبار الهواتف الذكية اليومين دول أكثر من أي شيء أخر .. أنا لسه كنت مع هالكي وجوهري ومحمد نن من كام ساعة
وكنا بنشوف فيديو لـAsus Transformer وكلنا اجمعنا أنه الجهاز المثالي لمثل هذه الأستخدامات مع الـDock طبعا
ولكنه يعيبه أستخدامه كهاتف وهذه الخاصية بصراحة مهمة جدا فأنا دائما أريد كل شيء في مكان واحد خاصة وأنا علي الطريق مما يعطي ميزة لـSamsung Tab .. أعتقد أننا سنترك هوس تغيير الحاسب الشخصي لفترة ونتجه لتقنيات الهواتف الذكية :D

[MF88]

1- أنا لا أثق ب touch wiz الخاص بسامسونج ومازلت أعتقد أن HTC Sense هي الأفضل في ذلك
2- اتفق معك ولكن لا تنسى أن شاشة الأسوس أكبر ب 1.2 بوصة :D 10% تقريباً
3- الدوك الخاص بأسوس يتضمن بطارية كذلك و 15 ساعة عمل رقم ليس ببسيط
4- ال WiFi أمر مهم كذلك ولا يمكنك تعويضه (أما الثريجي يمكنك)

بالنسبة لي على الرغم من استيائي من حجب الماركت الرسمي الخاص بجوجل في سورية وتجاهلها المستمر للعرب مازلت انتظر توفر Taplets الجديدة في سورية والأسعار ستكون العامل الحاسم في الاختيار.
يتوفر كذلك Netbook بمعمارية AMD Brazos وهي ممتازة في الأعمال المتوسطة والأفلام وما إلى ذلك والبطارية تصل لفوق 6 ساعات والسعر 600$

التاتش بط الخاص بسامسونج فى التابليت الجديد مختلف تماما - و غير متعمق بالمره و ده ليه سببين

1- السوفتوير نفسه جديد
2- النظام جميل ومش محتاج إضافات

فكل الإضافات جايه فى الشكل و الواجهه فقط

بالنسبه للـ htc sense فهى مميزه لكنها بتهد حيل الهاتف 100%

بالنسبه للشاشه الأكبر - هناك التابليت 10.1 و فارق السعر غير كبير بالمناسبه لكنى أفضل الأصغر عشان الـ portability و الوزن

الدوك الخاص بأسوس جميل وكل شىء بس مستحيل اخده معايا فكل مكان .

ده غير ان سامسونج عندها نفس الدوك بالضبط و بطاريه برضو وكل شىء

و لا تنسى عامل الشاشه ( الأفضل لسامسونج بدون مقارنه حتى )

بالنسبه للواى فاى و الثرى جى . انا محبش اشترى حاجه ويكون ناقصها شىء لأنها بتدمر الإحساس بالسعاده


توقعى للسعر هيكون 4500 جنيه مصرى يعنى 750 دولار إن شاء الله

================================================== ================

إنت جبت من الاخر اساسا
انا كنت محتار اجيب الDesire Z ولا لا
بس بعد كلامك بصراحة اتشجعت جداً والفكرة ابتدت تعلى ف دماغي
انا مشكلة واحدة اساسية معايا ف التابلت
وهي ان حجمه كبير انا حتى مستكبر حجم الديزاير زد
تم التقييم

بالنسبه للديزاير z هو سعره كام حاليا ؟؟؟

التاب لا يغنى عن تليفون منفصل - انا هجيبه عشان معايا الـ hd2 وحاطط عليه اندرويد 2.3.4 سيانوجين مود7

لو الديزاير قريب من 2900 يبقى هات الجالاكسى إس 8 جيجا بدون ضمان بـ 2850 احسن

[MF88]

الكلام ده كبير يا حودة :D .. في كل مكان أجد شخص ما بيتكلم عن الـAndriod هذه الأيام
أنا شخصيا بتابع أخبار الهواتف الذكية اليومين دول أكثر من أي شيء أخر .. أنا لسه كنت مع هالكي وجوهري ومحمد نن من كام ساعة
وكنا بنشوف فيديو لـAsus Transformer وكلنا اجمعنا أنه الجهاز المثالي لمثل هذه الأستخدامات مع الـDock طبعا
ولكنه يعيبه أستخدامه كهاتف وهذه الخاصية بصراحة مهمة جدا فأنا دائما أريد كل شيء في مكان واحد خاصة وأنا علي الطريق مما يعطي ميزة لـSamsung Tab .. أعتقد أننا سنترك هوس تغيير الحاسب الشخصي لفترة ونتجه لتقنيات الهواتف الذكية :D

الفيديو بتاع الأسوس فظيع و مغرى جدااااااااااااااا
أتمنى متفهمنيش غلط انا بتكلم عن التابليت هههههههههههههه

انت معاك تليفون ممتاز - لو حته تاب معاك هتكفى وزياده

[optimus prime]

بالنسبه للديزاير z هو سعره كام حاليا ؟؟؟

التاب لا يغنى عن تليفون منفصل - انا هجيبه عشان معايا الـ hd2 وحاطط عليه اندرويد 2.3.4 سيانوجين مود7

لو الديزاير قريب من 2900 يبقى هات الجالاكسى إس 8 جيجا بدون ضمان بـ 2850 احسن

انا كنت شفته ف موبايل شوب ب3000 جنيه
انا هجيبه من هناك لاني هبدل الموبايل الي معايا الE72 واخد مكانه الديزاير ودا الي مشجعني اكتر
فكرت ف الجالاكسي بس انا عايز حاجة من HTC وويكون فيها الفزيكال كيبورد
جربت الكيبورد التاتش وما ارتحتش معاها جامد ف الكتابات الطويلة
يعني هي كويسة وممتعة جدا بس متعبة عبال ما اتعود عليها + اني بحب التغيير
يعني مرة تاتش ومرة فزيكال بحيث ما ازهقش من الجهاز بسرعة

[Mostafa Gomaa]

مش شرط يكون فيه فلوس على فكره

يكفى انك تحاول تفكر لو فعلا الفلوس موجوده إيه يكون جدير بالشراء ؟

حبيبي يا حوده فاهمني , لأن فعلا الواحد أول ما تيجي الفلوس بيركبه العفريت وينزل يشتري بسرعه ويدبس , لو مخطط ومفكر قبلها مش هيتدبس وهيصرف الفلوس في المكان الصح

بالنسبه لمراجعه اليوم الواحد ( و التى تذكرنى بجراحه اليوم الواحد :D ) فهى ممتازه و اللابتوب ممتاز أيضاً لكن حاجه وحده تخلينى

هو فعلا أنا مقتبسها من اسم المستشفى :D

لود خلت على اللنك ده https://www.dell.com/us/p/inspiron-r/pd واخترت Technical Specification هتجد الآتي

Video Card



Intel HD Graphics/HD Graphics 3000 with up to 1.6GB Dynamic Video Memory
AMD Radeon™ HD 6470M (64-bit) 512MB (Dual)
NVIDIA® GeForce® GT 525M (128-bit) 1GB

وطبعا نفس الشكل ونفس الامكانيات , والراجل فعلا عرضه عليا يومها بس صديقي مالهوش في الألعاب نهائي , الفرق تقريبا كان 700 جنيه وكان في Core I5 كمان حسب ما أتذكر

1- فيه تليفون ؟؟؟؟؟؟ لا

أنت عايز تقنعني انك لما تشتري التابلت هتمشي بيه على طول وتسيب الموبايل في البيت أو تبيعه , ولا كل شويه هتبدل الخطوط ؟
لا غنى على الموبايل في رأيي , لأن التابلت مهما كان كبير ومش معقول هتمشي بيه في الرايحه والجايه

2- الشاشه تاتش ؟؟؟؟ لا

أنا الى الآن التاتش عجبني في الموبايل وماكينة طباعة الورق :D , وزي مانت قولت ان الكتابه بالكي بورد أحسن بكتييييير , بصراحه أنا ماقتنعش اني كتبت الحرف الا لما الزرار ينزل معايا , لكن مجرد لمس سطح بحس اني بشتغل نفسي :D

3- تقدر و انت ماشى تشوف الكاليندر بتاعتك فيها مواعيد إيه فى اقل من 10 ثوانى ؟؟؟ لا

ماشي ياعم المهم , مانت معاك ال HTC سجل مواعيدك عليه على طول

4- المترو تعطل و قولت تلعب دور ANGRY BIRDS هتاخد قد إيه عشان توصلها على التابليت ؟ و قد إيه عشان توصل لها على اللاب ؟؟؟ و هتلعبها ازاى باللاب فى الزحمه :D

طب قولي انت لو السكشن اتلغى , أو الدكتور خنيق ومش عايز تحضرله , في أحلى من ان يكون معاك جوز دراعات وتلعب ماتش مع واحد صاحبك , أو تعمل ثوره وتلعب دوره مع الدفعه كلها

سواء معاك موبايل أو لاب أو تابليت , أول ما تطلعه وتلعب بيه الناس كلها هتبص عليك بالذات لو في صوت , أنت في مصر يا حبيبي لما المترو يتعطل نام

طيب بلاش دى . المترو إشتغل و محطتك جت فجأه ( هتشيل إيه قبل إيه ؟ اللاب و لا الشنطه و المفاتيح ؟ و هتتسرق ولا لا ؟ :D ) فى التابليت هو زرار يطفى الشاشه و إقفل الجراب و انزل من المترو ( 3 ثوانى بالضبط )

أنا معاك ان اللاب تقيل وبيخلع الكتف , بس تخيل معايا المنظر ده , انت طالع مع زحمة المترو وطبعا بما ان التابلت رفيع , فواحد ظريف داخل بسرعه فخبطك فوق التابلت فنازل بسرعه تجيبه قام المترو اتحرك وداس عليه وخلاه 365 حته :D أكيد هتصاب بالضغط أو السكر أو الاثنين معا

بص يا محمود انت عندك موبايل بيسهلك أمورك ومعاك على طول فرأيي انك تشتري لاب توب وتشيله وقت اللزوم , يعني سفر مشوار طويل كده يعني

أما أنا مشكلتي ان محتار أبدأ بايه موبايل ولا لاب توب ولا تابليت ؟ مين فيهم يغنيني عن التلاته أو على الأقل اتنين؟

في قاعده كمان يا محمود , كل مالحاجه صغرت كل مازاد تعقيدها وتكلفة اصلاحها وخصوصا واحنا في بلد متخلف تكنولوجيا

الكمبيوتر مثلا بتشتغل معاه براحتك , أي حاجه بتبوظ بتغيرها بسهوله
اللاب توب , أصبح كل قطع غياره متوفره ولكنه أغلى من الكومبيوتر شويه
التابلت بأه لا قدر الله لو شاشته اتحرقت , أو هارده ال SSD طار هتصلحه فين غير التوكيل , وياترى هيتكلف كام؟

السؤال , هو مافيش نت بوك بمعالج ثنائي ويدعم ال HD ؟؟؟؟

بالمناسبه مديري نزل حتة خبر
https://www.arabhardware.net/news/mo...i-android.html
يا ترى ايه رأيكم في العرض ده؟

[omaar97]

هذا الجهاز أروع تابلت رأيته

هناك أشخاص على الكمبيوتر الكفي يقولوا أن الجهاز حالياً لا يأتي بواجهة سامسونج وستصبح موجودة مع التحديث !!

الموجودة حالياً على GSMArena هي Preview وليست Review والبارحة موقع Phonearena قام بتنزيل مراجعة وأنا بانتظار مراجعة GSMArena بفارغ الصبر ولكني لا أفكر به حالياً ولكن لو اشتريت تابلت فلن أفكر إلا فيه
بعض الأخطاء موجودة:

32 جيجا وليس 32 بوصة :D:D
نظام التشغيل 3.1 وليس 3.0 وهذا شيء رائع جداً

لكن لدي سؤال:

هل كل شيء يعمل على النسخة 10.1 سيعمل على النسخة 8.9؟؟ أقصد رومات أو ما شابه أم سيكون لكل تابلت رومات خاصة به؟؟

لأنه مستحيل لو أردت شراء تابلت أن أشتري 10.1 فيوجد 8.9 أخف بشكل عجيب ويوجد به منفذ MicroSD يعني اشتري 32 جيجا وارتاح لأنه ممكن تركب 32 جيجا ثانية
وفرق الحجم بالشاشة لا يهمني طالما أن الدقة نفسها 1280*800

[MF88]

هناك أشخاص على الكمبيوتر الكفي يقولوا أن الجهاز حالياً لا يأتي بواجهة سامسونج وستصبح موجودة مع التحديث !!

هذا للتاب الأكبر 10.1

الصغير سيأتى بالتحديث منذ الشراء