محجوز :D
السلام عليكم و رحمة الله و بركاته
إخواني الكرام
عساكم جميعاً بخير إن شاء الله.
سأحاول توضيح المر قليلاً, اعيروني القلوب و الأسماع
و لو حد بيزهق من القراءة يجهز كباية شاي :D
متاجر عرب هاردوير
ما رأيكم ان نبتعد قليلاً عن الكلام الرسميّ الجاف و نتحدث سوياً كأننا في جلسة أصدقاء؟
بصراحة أجد صعوبة في اختيار الكلمات الرسمية الجافة و وضعها في مكانها الصحيح.
إيه رأيكم كمان لو أتكلم معاكم على شكل سؤال و جواب؟
يعني إيه متاجر عرب هاردوير؟
ببساطة و بدون الدخول في كلام صعب الفهم, عرب هاردوير مرّ عليه سنوات و هو يقدم خدماته للجميع دون أدنى تقصير. عرب هاردوير كان -و لا يزال- باباً مفتوحاً امام الجميع يقدم لهم العون و المساعدة.كنا زمان مجرد منتدى صغير فيه مجموعة من الناس اجتمعوا على الخير و كان كل هدفهم حب مساعدة بدون مقابل, من الناس دي من هو مازال موجود و منهم من شغلته ظروف الحياة, و الله يوفق الجميع. بعد تفكير طويل, و مقابلات كثيرة عبر الانترنت و على أرض الواقع بين إدارة المنتدى و من يهمهم الأمر, توصلنا لنتيجة هامة جداً, اننا لو ظللنا منتدى فلن نتقدم خطوة واحدة فقط للأمام. وضح كلامك لو سمحت!.
حاضر, هأتكلم على المكشوف, مصدر دخل عرب هاردوير الوحيد كان الإعلانات التي ترونها أعلى المنتدى, بتروح فين الفلوس دي؟ بتروح لتكاليف السيرفرات و الخدمات و بعض المسابقات اللي بتتم و كان منها مسابقة رمضان لو تفتكروا. يعني لو فكرنا نعمل مشروع ما, مشروع زي معمل المراجعات اللي كلنا كنا بنحلم بيه, و كان مجرد فكرة. هنغطي تكاليفه منين؟ للأسف, مش هينفع نعمل أي مشروع طول ما إحنا مجرد "منتدى".
طيب لو فكرنا في يوم ننزل معرض كبير نرفع فيه اسمنا و شعارنا, هنجيب دعم منين؟ للأسف مش هتعرف لأن الجاي على أد الرايح. طيب لو فكرنا نسفر واحد من الأعضاء مسابقة كسر سرعة ولا حاجة, هنصرف عليه منين؟ مش هتعرف تصرف عليه للأسف, لأن الجاي على أد الرايح ... طيب و الحل؟
قررنا نبدأ بأقل إمكانيات, عملنا معمل مراجعات بدائي جداً, و كان مستوى المراجعات فيه لا يرقى لمستوى عرب هاردوير, فلا منهجية ثابتة و لا ظروف موحدة للمراجعات و كله كان اجتهادات شخصية من أفراد محترمين دفعهم حبهم للمكان للدخول في مشروع يرقى بعرب هاردوير. و بعدين إيه حصل؟ بدانا نفكر إننا نكلم الشركات علشان يبعتوا لنا هاردوير نعمل عليه المراجعات .. حلو؟
لن أدخل في تفاصيل سوى ان ممثل إحدى الشركات المحترمة, و هو أخ محترم جداً يعمل في شركة, اتصل بي ذات يوم و قال لي بالنص ما معناه: "إنتو مجانين؟ هو مين هيديكم كارت تعملوا عليه مراجعة؟ و مين هيمدكم بعينات و مش هياخدها تاني؟ ده أكيد حد مجنون, تكلفة الكروت عليا غالية و بشتري عشر حتت بس من كل براند, عاوزني أديلك كارت؟ يعني 10% من الصفقة علشان تعمل عليها مراجعة؟!"
واجهنا ما يشبه الهجوم من الناس لما فكرنا نبدأ أول مشروع في عرب هاردوير. طيب نرجع لموضوعنا, دلوقت قررنا نسيب الشركات المصرية تماماً و نكلم الشركات الأم برة مصر. و هو ما تم بالفعل, و لكن اسمحوا لي أسأل كل واحد فيكم سؤال؟ لو قلت للشركة الأم: لو سمحتوا ابعتوا لي عينات للمراجعة علشان أعمل عليها مراجعات في "المنتدى" .. متوقعين رد فعلهم يكون إيه؟ .. إذن أنا لما هاتكلم هأقول "موقع" عرب هاردوير, و بورتال و اخبار و محررين و موال. طيب سؤال تاني (معلش أسئلتي كترت) هما المحررين دول و المسئولين عن الموقع و شركات الحماية و السيرفرات .. إلخ, هو الكلام ده ببلاش؟ أكيد لأ, بفلوس, و بفلوس كتير كمان.
يعني وصلنا لنفس النتيجة السابقة, احنا محتاجين فلوس, هنجيبها منين؟
طبعاً الاقتراحات معروفة, منكم من تفضل مشكوراً باقتراح بفتح باب التبرع لعرب هاردوير, و منكم من تفضل مشكوراً بعرض مبالغ مادية. كل ده كلام جميل, بس ليه أقبل تبرعات و أنا عندي مصادر ممكن تجيب لي دخل يغطي على باقي مشروعاتي؟
من أحد المشروعات دي "أقسام الخدمات التجارية" إللى انا كنت مديرها, و مازلت الحمد لله. التجارة الالكترونية لاقت رواج كبير عند الناس و منهم انا. أصبح من السهل إنك تتصل بتليفون توصلك الحاجة لحد باب بيتك بلا تعب أو عناء. فكرنا و قلنا: "لية ما نحولش الموضوع ده لخدمة محترمة بمقابل مادي؟ من ناحية احنا نستفيد بالمال, و من ناحية أخرى الشركات تبدأ تكبر نشاطها و تبدأ تتعامل بحترافية مع الناس, بدال ما يبقى عنده موضوع واحد يبقى عنده منتدى, بدال ما يبقى عرب هاردوير مجرد منتدى, يبقى مؤسسة كبيرة, و لما الشركة تكتب على اللافتة بتاعتها "متاجر عرب هاردوير" يبقى ده نوع من انواع الإمتياز للشركة دي إنها واخدة لقب و شعار من عرب هاردوير.
تخيل إنك بتروح معرض سيارات و تلاقيه كاتب فوق المحل "Top Gear™ Approved Store" ساعتها هتحس إنه محل متفوق فعلاً و له قيمته, تخيل لما تروح محل كمبيوتر و تلاقي على الفاتورة مكتوب "متاجر عرب هاردوير" ساعتها هتحس إن المحل ده مش مجرد محل عادي تحت السلم.
أعلننا عن الخدمة و كان الإعلان في كل مكان, بوابة, فيس بوك, و اعلى كل المنتديات. و حصل اللي شفتوه. بسبب اثنين من الغوغائيين من إحدى الشركات التي ظللنا نكن لها و لكل من فيها كل احترام و تقدير, و لم نتخيل يوماً أن يكونوا على هذه الدرجة من التدني. قام هذا الشخص و من معه بفتح باب الفتنة و مَثّل هو و أعوانه مسلسل هابط أمام الأعضاء حاول فيه استمالة مشاعرهم و استغلال طيبة قلوبهم, و هذه هي فعلته التي يفعلها دائماً. و المصيبة أن هذا الشخص لعب اللعبة صح, فقام باقناع الشركة المنافسة له (و هي شركة محترمة جداً, و من يعملون بها لا تربطنا بهم إلا كل محبة, منهم أخ أرسل لي رسالة بالأمس يطمأن عليّ) بأننا نحاول التدخل في رزقهم و اقتطاع جزء من أكل عيشهم, و اننا مصاصي دماء .. إلخ
و التقط الطيبين من الأعضاء الطعم المسموم, و بدأوا في الهجوم الشرس. و لم يضيع صاحبنا الفرصة, فدخل رد مرة و اثنين, في حين ان الشركة الأخرى المحترمة لم يفم أي ممثل منهم بالرد بعد الرحيل, و فضلوا أن يؤجلوا العتاب حتى نلتقي وجهاً لوجه.
لم يمهلنا أحد الفرصة لنتكلم أو نرد و لم يتوقف أحد عن الكلام للحظة واحدة, بل إن البعض بدأوا في الصراخ و العويل. و أحمد الله ان نوايا الجميع كانت واضحة, فمن كانت غيرتهم على المكان هي الدافع وراء ما فعلوا لاقوا كل احترام و تقدير, بل ان منهم من قابلناه وجهاً لوجه في معرض Cairo ICT و تعاملنا معهم بما يليق بهم من احترام و تقدير. اما الفرقة الأخرى فما كان لهم من نصيب إلا الضرب على الرؤوس.
لست بصدد سرد الذكريات, المشاركات متاحة للجميع في موضوع الأسعار لمن نسيِ. إنما أنا هنا بصدد شرح لنظام المتاجر, و هو ما قدمته لكم بالفعل منذ قليل.
ما هو نظام متاجر عرب هاردوير؟
الاسم الحقيقيّ للخدمة كان Arabhardware™ Stores و تمت ترجمتها على أنها "متاجر عرب هاردوير" ربما الترجمة أحدثت نوع من اللبس لدى البعض( مش أنا اللي ترجمتها و الله :D). الخدمة هي المرحلة الثانية من علاقة عرب هاردوير مع حلفاءنا التجار. ولا أقول التجار, بل أقول حلفاءنا التجار. نعم, التجار شركاء لنا, ولا سبيل أن نبارزهم او نعاديهم او نقف في طريقهم. هم إخواننا و أصدقاءنا و يهمنا مصلحتهم قبل كل شيء. لذا فكرنا و قررنا و أطلقنا نظام المتاجر.
هل تريد أن يكون لديك متجر إلكتروني على أكبر موقع في العالم العربي يختص بالتكنولوجيا؟ هل تريد ان تستمتع بحزمة من الخدمات التي تتيح لك سرعة و سهولة التعامل مع الأفراد عبر الانترنت؟ هل تريد توسيع رقعة نشاطك, فبدلاً من أن تكون محدداً بالمحل الذي تسكن فيه, ستصبح حدودك شبكة الانترنت التي لا حدود لها؟ الآن يمكنك ذلك مع متاجر عرب هاردوير.
- متاجر عرب هاردوير هو الاسم الجديد لمفهوم "العضويات التجارية" التي سينتهي العمل بها قريباً.
- بدلاً من ان يكون للشركة موضوع واحد فقط يبيعون من خلاله, أصبح مُتاحاً للشركة منتدى كامل.
- الرسائل الخاصة التي لم يكن مسموح بها للتجار أصبحت الآن 1000 رسالة كاملة.
- لكل شركة صلاحيات إدارية و إشرافية على القسم الخاص بها.
- تخفيضات خاصة على الإعلانات و الخدمات الأخرى للشركات المشتركة في الخدمة.
- حصول الشركة على Sub-Domain على عرب هاردوير شبيه بهذا: https://stores.arabhardware.net/STORENAME
مش فاهم,. يعني إيه برضه؟
يعني تعالوا نتخيل إن عرب هاردوير عمل مول لبيع قطع الكمبيوتر, الشركات المشتركة في المول ده هيبقى اسمها "متاجر عرب هاردوير". و المول ده هيكون عبارة عن محلات, المحلات هنا هي الأقسام الكاملة لكل شركة. و المحلات دي شغال فيها ناس, الناس هم ممثلو الشركات في المنتدى. و الحلات أكيد ليها إيجار, هذا هو مقابل الخدمة.
إيه ده؟ يعني عرب هاردوير مش هيفتح محل او سوق و يبيع فيه؟
لأ طبعاً. عرب هاردوير لم تمر فكرة البيع على إدارته في الأساس, لنها فكرة شبه مرفوضة من الجميع, محتاجة تمويل رهيب, و الأهم من كدة إننا أهم حاجة عندنا المصداقية, إزاي هأقدر أقول على المنتج الفلاني إنه سيء و هو معروض عندي في المحل؟ عرب هاردوير دوره إرشادي توعوي بحت, غرضه النهوض بعقلية المستخدم العربي, مش غرضه يكسب من المستخدم العربي.
بس كلمة متاجر معناها إن عرب هاردوير هيبقى ليه محلات و كدة؟
لأ, كدة حضرتك فهمت الموضوع غلط, و انا دوري هنا إني أصحح الفكرة.
طيب لو سمحت ممكن سؤال؟
طبعاً, أتفضل, تحت أمرك
شكراً, هو انا كمستخدم هأستفيد إيه؟
الحقيقة هتستفيد كتير, هتستفيد إن أصبح بإمكانك دلوقت إنك تعمل موضوع خاص بيك في قسم الشركة اللي عاوز تشتري منها أو تتعامل معاها, و بعدين تقدر تتابع معاهم سير عملية البيع من خلال الموضوع ده. بدال ما تعمل مشاركة في الموضوع الأساسي و تتوه وسط المشاركات, دلوقت بقى متاح ليك تعمل موضوع كامل تستفسر فيه زي ما إنت عاوز. كمان هنعمل لك بعد فترة دليل الشركات اللي هتقدر من خلاله تعرف بيانات كل شركة و رقم تليفونها, و كمان مكانها على خريطة جوجل علشان لما تحب تسأل عن حاجة ما تنزلش تلف و في الآخر ما تلاقي طلبك
طب و الشركة هتستفيد إيه؟
حدث ولا حرج, إيجار المحل في المول حوالي 7 آلاف جنيه, و كمان بيدفعوا للكهرباء 2000 جنيه تقريباً. و المحل حدوده فين؟ المول؟ الشارع اللي فيه المول؟ القاهرة كلها؟ .. لكن عرب هاردوير حدوده فين؟
حضرتك لو من طنطا أو المنوفية و حبيت تشتري حاجة من القاهرة, هتعرف منين اسم الشركة و مكانها, اوعى تقول هانزل ألف القاهرة, أكيد هتعرف الشركة من عرب هاردوير, يبقى كدة احنا رفعنا اسم الشركة و وصلناها لمستويات و آفاق جديدة. عاوز فوائد أكتر من كدة؟
الشركة لما تكتب على فاتورتها "مشترك في متاجر عرب هاردوير" ده بيديها مصداقية و سمعة كبيرة أوي, بيديها Credit رهيب, خصوصاً و إن عرب هاردوير بيوصل اسمه لمصر كلها دلوقت بفضل الله ثم بفضل اشتراكنا في المعرض الأخير و اشتراكنا في المعارض الجاية إن شاء الله, و الأهم هو الثورة التكنولوجية اللي مصر بتعيشها بعد الثورة.
التاجر هيستفيد إنه بيفتح لنفسه محل على الإنترنت بدون الحاجة لتصميم موقع, و دفع فلوس سيرفر, و متابعة الموقع و مشكلات الموقع ... إلخ و الأهم إنه لو فتح موقع هيبقى فيه كام عضو يعني؟ 250؟ 500؟ قول ألفين .. عرب هاردوير عدد الأعضاء المسجلين 270000 عضو تقريباً, و مليون زيارة شهرياً. زيارة جديدة أقصد.
الكلام أعلاه على الرغم من إنه صادر من الإدارة إلا انه يدور في إطار اخوي بيني و بينكم.
حبيت أتكلم مع إخواني شوية, و أفضفض معاكم.
و اعذروني لو إتاخرت عليكم, أنا و الله ما كنت فاضي أتلفت ورايا حتى, و ما زلت و الله.
لحد دلوقت ما لعبتش ولا لعبة من شعرين و نص, ولا شفت أي نوع من انواع التسلية و داخل على جيش
يا سوادك يا قرمط :D
لن أقوم بغلق الموضوع, بل سأترك باب النقاش مفتوح أمام الجميع
و سأقوم بالرد على كافة استفساراتكم .. عيوين الاثنين ليكم.
لو تحبوا أعمل موضوع رسمي بالعربية الفصحى مفيش مشكلة.
محجوز :D
شكرااااااااااااااااااااااااااااااااااااااااا جزيلا استاذ محمد
يا هلا
معلش سؤال بس و نفسي أسأله و ياريت حد يجاوبني عليه لأني كل ما بفتكر السؤال ده ببقى عاوز أغلى كبايتين مية و أشربهم
من الغلاية من غير حتى ما أصبهم في كباية ... :D
السؤال هو: ليه الناس -خصوصاً المصريين- بيكرروا معظم الحروف المتحركة في الكلمات, يعني شكرااااااااااااااااا, يا سلاااااااااااااااااااام
مش معقووووووووووووووووووووول, إزااااااااااااااااااااااي, يا رااااااااااااااااااااااااااااااااجل ؟ :confused:
أرجو أن تكون الإجابة في 179 كلمة على الأقل :D
منورة الموضوع و منورة المنتدى كله و الله
هههههههههههههههههههههههههههههه بص يافندم المصرين فى طبعهم بيجبو المباااااااااااااااااااااااااااااااااااااااااااااا ااااالغة وانا من المصريين دول يبقى اكيد هبقى زيهم
وميرسى ربنا يخليييييييييييييك المنتدى منور بيك
ولو عديت عدد الحروف المتحركة هتلاقيهم وصلو لل179 كلمة اللى انت عايزهم D:D:D:D:
(عيوين الاثنين )
:]
لازم نعدل عليك يا كبير
شكرا لتوضيحك
واتمنى نجاح المشروع وظهوره في احسن صوره
Try thise site as your homepage www.tvquran.com
بس كان الكلام ده من الأول
فعلا حصل لابس لي الجميع وعدم الرد ساعتها عمل كده
كلام حضرتك صح كله تمام وأنا معاك في
احنا عاوزين نرتقيه بالمواقع العرابية عن كده
واعتذر عن أي شيء بدر.........بس أنتم السبب برده
آه....فين التقييم صحيح :mad:
بس أنتم السبب برده
احب اعرف ليه! مهو النقاش مفتوح من الطرفين
هل النقاش يحتمل العتاب ؟!
هل استرسل
" الله صلي على محمد وعلى آل محمد كما صليت على إبراهيم وعلى آل إبراهيم انك حميد مجيد وبارك على محمد وعلى آل محمد كما باركت على إبراهيم وعلى آل إبراهيم انك حميد مجيد "
كيف نصلي ؟! " صحح صلاتك ..... مرئي "
صحح عقيدتك " العقيده الطحاويه ..... مرئي "
اعتقد اه يا دكتر :Dلن أقوم بغلق الموضوع, بل سأترك باب النقاش مفتوح أمام الجميع
و سأقوم بالرد على كافة استفساراتكم .. عيوين الاثنين ليكم.
لو تحبوا أعمل موضوع رسمي بالعربية الفصحى مفيش مشكلة.
شكرا على التوضيح والفكرة كانت واضحة والله من أول يوم مش محتاجة توضيح أكتر
بس سؤال مهم دلوقتى ايه اللى هيحصل...هل بعد مابعض الشركات انسحبت او كلها انسحب الفكرة لسه قائمة وهل فى شركات وافقت فعلا .. عايزين نطمن على مستقبل التكنولوجيا فى الوطن العربى (عرب هاردوير)
أستاذ وائل أعتقد أنه يقصد أن الرد جاء متأخر ولم يأتى فى وقتة حتى نعرف الحقيقة ( حلو كلمة الحقيقة :D )
وكان وفر علينا كل ما جرى
وكان وفر علينا كل ما جرى
أنا مش برد على لسان محمد , لكنى كنت طرف فى الموضوع بشكل او بأخر, الردود وضحت نيات ناس كتير
زى ما محمد قال اللى حصل حصل, احنا هنا فى نقاش عشان نصل لحاجة مفيدة للكل
لا أدري كيف خرج موضوع كهذا عن السيطرة علماً بأنه ليس كموضوع المراجعات الشخصية , هو مختلف تماماً , كان من المفترض أن تقابلوا التجار وجهاً لوجه وتقدموا كل ما لديكم , إن لم تكون قد فعلتم هذا
كم أتمنى أن يفتح باب التبرع لعرب هاردوير , على الأقل الواحد يتصدق بصدقة جارية ... , لا أدري ما المانع منها ؟؟!
[CENTER]
[COLOR=#0000cd][SIZE=3][B]لعمرك لو أغنى عن الحق أنه ... هو الحق ماكان الرسول يقاتل[/B][/SIZE][/COLOR][/CENTER]
كلام جميل .المشاركة الأصلية كتبت بواسطة HuLkY
زى ما محمد قال اللى حصل حصل, احنا هنا فى نقاش عشان نصل لحاجة مفيدة للكل
السؤال الأن متى ستتوفر تلك الخدمة ( بلاش تقولى قريباً برجاء ميعاد محدد )
ضوابط المشاركة
المفضلات