SAMSUNG GALAXY S i9000 8GB , NO WARRANTY
جالاكسى إس 8 جيجا بدون ضمان بـ 2850 جنيه
بالضمان تقريباً 3100
شاشه سوبر أموليد - بروسيسور 1 جيجا هرتز - جرافيك محترم - 8 جيجا بلت إن ميمورى
الاستفسارات :
1- هل الاندرويد محتاج اتصال دائم بالانترنت ؟
اكيد لأ - لكن لو عايز تتابع خدمات الطقس بشكل دائم و الفيس بوك و التطبيقات دى اكيد هتحتاج إتصال بالإنترنت
ولو عايز باقه إنترنت ممكن تشترى خط موبينيل و فيه باقات كتير الـ جيجا ونصف بـ 50 جنيه ودى كويسه جدا لموبايل
2- الابليكاشنز والجافا نظامها ايه عليه ؟؟
ملهاش حدود , هو مش سيمبيان - هتلاقى كل حاجه و أى حاجه و للتطبيق الواحد 10 برامج على الأقل
3- هل الواى فاى على samsung galaxy s 2 وحش واقل من جيد ... ولو هو كدة يبقى وحش ازاى فى التقاط الشبكة ولا سرعة النترنت ولا الديسكونكشن بيحصل ولا هو وحش فى ايه بالضبط ؟؟
مين قال أنه وحش ؟ ياريت تجيب مصدر لأنى مقرأتش عن المعلومه دى
4- هل كاميرة اريكسون احسن ولا سامسونج وفى حال كانت الاخيرة اسوء تاخد كام فى تقديركم على مقياش من 1 الى 10 ؟؟؟
مجربتش الكاميرتين ده غير ان مفيش حاجه إسمها كاميرا نوكيا و كاميرا سونى وكاميرا سامسونج ( كل موديل فكل شركه منهم بيختلف عن التانيه و بيختلف كمان عن الموديل اللى قبله من نفس الشركه ) بس انا فاهم قصدك
الكاميرا بتاعه الـ SONY ERICSSON XPERIA ARC احسن ولا السامسونج جالاكسى إس ( اعتقد الـ arc احسن بفارق بسيط ) و كاميرا الجالاكسى إس تاخد 6.5 من 10
1- مفيش معاها فلاش للأسف
2- جوده التصوير الليلى مش قويه
لكن تصويرها فى النهار فوق الممتاز
5- امتى هيطلع samsung galaxy s 2 فى مصر ؟
بدأت بشايره تظهر و بيتباع بـ 6200 جنيه طبعا نصب علنى
الموبايل ده لو أغلى من 4750 يبقى انت بيتنصب عليك من الآخر
6- هل الموجود فى السعودية والامارات الآن يدعم العربية بالكامل يعنى كتابة وقراءة وتصفح ؟؟؟
نعم بس انت هاته لو تقدر
7- هل نسخة الاندرويد اللى عليه ينفع تتحدث الى نسخة قرص العسل ؟؟؟
نسخه الأندرويد اللى على إيه ؟ الموبايل اللى هتشتريه ولا الجالاكسى إس 2 ؟
على العموم الإتنين ملهمش ترقيه لقرص العسل و السبب واضح أن نظام قرص العسل موجه فقط للتابليت وليس للتليفونات فملوش ترقيه على أى تابليت غير الجديد فقط و هيحصل على ترقيه 3.1 على حد كلامهم
انا اظن ان انا لو جبت موبايل ب 3000 جنيه مش هيبقى كتير عليه المواصفات دى ولا ايه ؟؟
إيه :D
ولو حد عرفى يجيب galaxy s 2 بس بسعر كويس (مش زى اللى عارضينه ب 5000 جنيه) حتى لو كان مستعمل وعارضه للبيع يقولى .... ارجو المسااااعدة فى اسرع وقت و شكرا مقدما
مش أقل من شهر و نصف عشان تلاقى سعر من غير نصب. على العموم موبايلات السامسونج فيها ميزتين أساسيتين
1- البياعين مش عارفين قيمتها لأن الأيفون اللى بيجذب الناس حالياً وخصوصا عديمى العقل اللى أول مره يسمعو عن سمارت فون ( بغض النظر عن اللى فاهمين و جايبينه عن فهم مش منظره )
2- السامسونج بيرخص فمصر بسرعه لأن الطلب عليه قليل مش زى التليفونات التانيه
3- من كتر ما الناس سمعت عن الجالاكسى إس 2 و سألت عنه فى المحلات السعر نازل بالطريقه اللى انت شايفها دى - سعر حراميه و محلات لا تتقى الله
4- مفيش واحد مجنون هيجيب الجالاكسى إٍس 2 و يبيعه دلوقتى أبداً :D
المفضلات