بارك الله فيك واكثر من امثالك يا اخي الكريم شكرا على النوضوع الرائع ولكن كيف يتم الطلب من الموقع لو سمحت التوضيح وايه اخبار الجمارك؟
السلام عليكم ورحمة الله وبركاتهالآن من موقع هاند تك البيريطانى samsung galaxy s 2 بسعر 3573 جنيه مصرى فقط يوصلك لحد البيت فى خلال من 2 الى 5 ايام من خلال شركة DHL الموجود فرع منها فى مصر (انا اشتريت منها شاشة الكومبيوتر بتاعتى) انا اكتشفته وانا بدور على اماكن للشراء بس الموبايل 16GB, SIM Free/Unlocked يعنى آخر تمام اما التعريب فمعرفش انه متعرب ولا لاء بس اعتقد وبقوة انه مش متعرب ممكن نعربه عشان فى تعريب وروم رسمى نزل من سامسونج (لسه فى مرحلة البيتا) الموضوع ده حصرى لمنتديات عرب هاردوير بس ووالله مش منقول وكله من مجهودى بفضل الله ارجو كل من ينقلوا يكتب المصدر ويكتب اسم العضو (اللى هوا انا ) وارجو الدعاء لى بظهر الغيب (بعد اذنكم) وانا هحاول كمان اشتريه من الموقع ده واخيرا جينا للينك الموقع من اجل الطلب :
https://www.handtec.co.uk/product.php?xProd=4203
وشكرا لقرايتكم وارجو الردووووووووووووووووووووووووووووووود من فضلكم ولو حد جابوا يقولنا واخيرا :
ارجو التثبيت عشان الموضوع ده مش هتلاقوه فى اى حتة تانية
والسلام عليكم ورحمة الله وبركاته
بارك الله فيك واكثر من امثالك يا اخي الكريم شكرا على النوضوع الرائع ولكن كيف يتم الطلب من الموقع لو سمحت التوضيح وايه اخبار الجمارك؟
أعتقد ان الشريحة الجمركية على الموبايلات حوالى 5%
يعنى هتدفع كالتالى:
5% جمرك
10-15% ضريبة مبيعات
حوالى 350 جنيه رسوم تحويل بنكى اذا لم تكن تمتلك فيزا
حوالى 500-700 جنيه رسوم شحن
143 جنيه ناولون
160 جنيه تقريبا رسوم تخليص جمركى لشركة الشحن
يعنى هتدفع فوق تمن الموبايل حوالى 1700 جنيه تقريبا ....يعنى سعره هيوصل حوالى 5200 جنيه أو أزيد شىء بسيط
الفكرة كلها مش فى المبلغ اللى هتدفعه دا .........(بالمناسبة دى المبالغ الأساسية لو ربنا مارزقكش بواحد حمار فى الجمارك..و دول كتير ما شاء الله)
الفكرة كلها فى ان الموبايلات بتدخل فى بند الأمن العام و مباحث الاتصالات اللاسلكية.....يعنى هتدوخ السبع دوخات عشان يفرجوا عنه ....بعد دفع الرسوم طبعا
كان فى عضو هنا قريب وقع فى نفس المطب و اشترى موبايل....و طبعا بعتوه على مباحث الاتصالات اللاسلكية......و من ساعتها منعرفش عنه حاجة :D
أسف على الاحباط.....لكن هى دى الحقيقة بحذافيرها للأسف.....
بالمناسبة....مبلغ الجمارك و ضريبة المبيعات و الرسوم الأخرى...... و حتى بند الأمن العام يمكن تلافيهم و لكن بطرق ملتوية تتبعها الشركات التى تقوم بالاستيراد بكميات كبيرة
الجمارك جهة حكومية لن تغيرها مليون ثورة مثل ثورة يناير....و لا حتى قنبلة هيروشيما نفسها
الكلام دا يعمله اخواننا الأشقاء فى الدول العربية اللى معندهومش التعقيدات دى
عيش فى مصر على قدك يا ريس :D
[CENTER][B][SIZE=4][COLOR=blue]ولا تهنوا ولا تحزنوا وأنتم الأعلون ان كنتم مؤمنين[/COLOR][/SIZE][/B][/CENTER]
[CENTER][SIZE=4][COLOR=blue]--------------------[/COLOR][/SIZE][/CENTER]
[CENTER][B][SIZE=4][COLOR=blue]لكي لا تأسوا على مافاتكم ولا تفرحوا بما آتاكم والله لا يحب كل مختال فخور[/COLOR][/SIZE][/B][/CENTER]
مبتدفعش جمرك لما تكون جايبه معاك فى شنطة السفر و انت جاى من بره على أساس انه استعمال شخصى
لكن طالما مدخله بشحن جوى أو بحرى أو برى يبقى لازم تدفع عليه جمرك و ضريبة مبيعات...اش ضمنهم انك مش جايبه تتاجر فيه و تبيعه لحد....مكنش حد غلب يا ريس....كانت أى مستورد كل يوم الصبح يدخل أيفون واحد و لا موبايل زى دا عشان يتعفى من الرسوم اللى عليه....زى مانت شايف الرسوم عليه بتعدى عشرين فى المية
يعنى فرق الرسوم دا يخليه يعمل ثروة
بالمناسبة الشركات لما بتيجى تدخل كميات كبيرة بيبقى ليها سكك تانية خالص فى التخليص الجمركى غير اللى انت بتمشى فيها......بداية من الفاتورة اللى جاية مع السلعة...و مرورا بالبند الجمركى اللى السلعة بتدخل عليه و بالتالى الشريحة اللى بيتحاسب عليها....بس دا موال طويل قوى مش مكانه هنا فى المنتدى
الموبايل دا هنا فى مصر هتلاقى الشركات اللى بتستورده بتبيعه مثلا بست آلاف و شوية......لكن هو لحد أم يدخل بعد دفع كل الرسوم و المستخلصات بيقف عليه بحوالى أربعة و شوية....فلما يكسب 25% شىء كويس بالنسبة له
لكن انت لحد أما تمسكه فى ايدك و تدفع رسومه هتلاقيه وقف عليك بحوالى خمسة و شوية.....يعنى هتلاقى نفسك وفرت حوالى 700-900 جنيه مثلا.....قصاد حرقة الدم اللى هتشوفها
فى ناس على المنتديات متخصصة فى موضوع استيراد الجوالات و الرامات و كدا....بس زى ما قولتلك دول بيبقى ليهم سكة تانية خالص مع المخلصين الجمركيين.... وهما منقطعين تماما للموضوع دا....يعنى دى مهنتهم
الجمارك دى عالم تانى و مافيا منظمة
عموما لو حبيت تخوض التجربة هنصحك نصيحة لوجه الله....اووووووووووعى تتعامل مع أى شركة شحن فى مصر بخلاف DHL .....دى مش دعاية ليهم....لكن هما فى المطار ليهم سطوة لا تتخيلها....يكفى انهم شركة الشحن الوحيدة اللى ليهم طيارة خاصة بتدخل باسمهم...أنا اتعاملت مع أرامكس قبل كدا....اتعلمت الأدب لى ايديهم....لأنى ما رضيتش أفتح دماغى مع موظف التخليص بتاعهم
و كل شركات الشحن عشان تبقى فاهم.....و المستخلصين الجمركيين .....بيدفعوا مرتبات شهرية لموظفى الجمارك....بداية من الشيالين و حتى القيادات العليا.....و الكلام دا أتحاسب عليه قدام ربنا لو كنت بافترى فيه
و سلم لى ع الثورة يا عم الحاج
[CENTER][B][SIZE=4][COLOR=blue]ولا تهنوا ولا تحزنوا وأنتم الأعلون ان كنتم مؤمنين[/COLOR][/SIZE][/B][/CENTER]
[CENTER][SIZE=4][COLOR=blue]--------------------[/COLOR][/SIZE][/CENTER]
[CENTER][B][SIZE=4][COLOR=blue]لكي لا تأسوا على مافاتكم ولا تفرحوا بما آتاكم والله لا يحب كل مختال فخور[/COLOR][/SIZE][/B][/CENTER]
تصدق الواحد يلم من 5-6 بني ادمين ويسافر يجيب الاجهزة من برا احسن :D
في المطار اقولهم رجل اعمال :D معايا 17 موبيل حد ليه عندي حاجه :p
أقولكم انا على حاجه حلوه
دلوقتى الموبايل بـسعر 3600 جنيه . ابعت اللينك لموقع زى إدفعلى و دول بيجيبو الحاجات مع كونتينرات كبيره فتكلفه الشحن بتقل بتاع 80%
هتدفع عليه مثلا 400 جنيه زياده يقفل معاك بـ 4000 جنيه
و ده اللى شكلى فعلا هعمله و هبيع الـ Htc hd2 و لما ينزل التابليت ابقى اشتريه
================================================== ==============
[ الخطوه الأولى ] نظام الأندرويد و الويندوز موبايل جنباً إلى جنب على الهاتف htc HD2
قبل ان تشترى شاشه LCD تعرّف كيف تكتشف الديد بيكسل
[ الخطوه الثانيه ] نظام الأندرويد كنظام أساسى على الهاتف htc HD2 - وداعا WM
قمت بتعطيل الرسائل الخاصه لكثرتها وحتى لا يعتقد احد انى متجاهله عن عمّد :)
برجاء إذا كان لك أى استفسار قم بعمل موضوع حتى يتسنى للجميع مساعدتك و انا معهم إن شاء الله
ولكي يستفيد الجميع من خبراتك و خبرات الزوار ولتقليل الجهد على المشرفين أيضاً
بجد ممكن السعر يكون حلو كدة ؟؟؟؟ على العموم اقولك حاجة تمن الموبايل صافى من غير شحن DHL اللى انا حسبته فوق هيبقى بالضبط اوى حسب تحويل العملات العالمى 3359.57226 جنيه مصرى يعنى تقريبا 3360 جنيه مصرى ياريت لو حضرتك هتعمل كده تقولى عشان اجيب واحد معاااااااااك وارجو توضيح الموضوع ده وآخر حاجه ينفع اكلمك على الخاص ؟؟؟
تنبيه هاااااااااااااااام
انا للاسف اخطأت فى قراءة العملة وقرأتها يورو ولكنها فى الحقيقة جنيه استرلينى كده سعر الموبايل اتغير وبقى صافى من الموقع 3810 جنيه مصرى طبعا على كلام الاستاذ محمود فوزى يبقى كدا الموبايل قفل 4210 جنيه مصرى و مع ذلك لايزال سعره احسن بكتييييييييير من اسعار مصر واحسن من سعر السعودية ومساوى لسعر الامارات (2600 درهم يعنى 4200 جنيه مصرى ) وآسف جدا لهذا الخطأ ارجو المعذرة
بعد مشاورات من إدفعلى سعر الموبايل هيكون 5700 جنيه
بلد كلها beeeeeb
================================================== ==============
[ الخطوه الأولى ] نظام الأندرويد و الويندوز موبايل جنباً إلى جنب على الهاتف htc HD2
قبل ان تشترى شاشه LCD تعرّف كيف تكتشف الديد بيكسل
[ الخطوه الثانيه ] نظام الأندرويد كنظام أساسى على الهاتف htc HD2 - وداعا WM
قمت بتعطيل الرسائل الخاصه لكثرتها وحتى لا يعتقد احد انى متجاهله عن عمّد :)
برجاء إذا كان لك أى استفسار قم بعمل موضوع حتى يتسنى للجميع مساعدتك و انا معهم إن شاء الله
ولكي يستفيد الجميع من خبراتك و خبرات الزوار ولتقليل الجهد على المشرفين أيضاً
اوافقك الرأى 100% بس متشتمش عشان حرام نكسب فيهم ذنوب وهما حراميه ميسووش حاجة
على العموم ما زال بحثى مستمرا عن موبايل بنفس مواصفات Galaxy S بس الكاميرا فيها فلاش (حاجة خنقتنى فيها ايه يعنى ولوسامسونج كملت الموبايل وحطت فيه فلاش ؟؟؟) ولو حد لقى حاجة زى كدا يقولى من فضلكم
والله يا جماعة جيبتولى إحباط أنا كنت مستنى الجهاز ده بفارغ الصبر و سألت التوكيل يونيون جروب قالوا سيتوفر فى منتصف يونية و السعر حوالى 4500 ج و صدقت لأن ده مقارب للسعر العالمى و أنا لى رأى ألا و هو الصبر ولا تجعل أى أحد يستغلك ويضحك عليك إحنا مش حنموت لو مشتريناش الشهر ده والجالكسى إس1 مرطرط فى شارع عبد العزيز مش لاقى حد يشترى بكرة الإس2 ينزل عند الوكيل وينزل تهريب من دبى ويحصل توازن فى الأسعار و أقول للتوكيل لو بالغوا فى السعر لن نشترى منهم و سأحضره من الخارج بواسطة قريب و لن نغلب.
احب اوضحلك حاجة انا والحمد لله محدش يقدر يضحك عليا لان انا فاهم الدنيا جايا منين ورايحا فين ما عدا حتة الجمارك اللى كانت فايتة عن بالى وكنت بإذن الله هكتشفها لما اشوف السعر فى الـ Check-out
ثانى حاجة انت مش هتموت لو مجبتوش اما انا فايوه (عربى مكسر هههههههه) لان انا داخل 2 ثانوى يعنى ثانوى عام يعنى مفيش كمبيوتر ولا نت ولا حتة موبايل واحتمال مالاقيش وقت اهرش فيه كمان عشان كده انا عايز اجيبه استخدمه شهر سبعة قبل بداية الدروس فى شهر ثمانية ولكن لو انا دلوقتى فى 3 اعدادى او اصغر ورايح السنة اللى بعديها كان ممكن استنا 8 شهور وسنة كمان لو عايز وبالنسبة لحكاية الصبر فأنا صابر (مع ان اسمى احمد هههههههههه:cool وكلنا مستنيين لحد ما ينزل بسعر كويس وعشان كده اوعى يجيلك احباط خالص ممكن يجيلك اكتئاب اوك اما احباط فاياك تحبط :cool::p
اتفضلو يا جماعه ولا توجعو دماغكم
https://www.select-mob.com/MobileDetails.aspx?id=2563
4750 جنيه من سيليكت
مفيش احسن من كده
كمان كام شهر هينزل لـ 4500 او 4400 و ساعتها نهجم :D
================================================== ==============
[ الخطوه الأولى ] نظام الأندرويد و الويندوز موبايل جنباً إلى جنب على الهاتف htc HD2
قبل ان تشترى شاشه LCD تعرّف كيف تكتشف الديد بيكسل
[ الخطوه الثانيه ] نظام الأندرويد كنظام أساسى على الهاتف htc HD2 - وداعا WM
قمت بتعطيل الرسائل الخاصه لكثرتها وحتى لا يعتقد احد انى متجاهله عن عمّد :)
برجاء إذا كان لك أى استفسار قم بعمل موضوع حتى يتسنى للجميع مساعدتك و انا معهم إن شاء الله
ولكي يستفيد الجميع من خبراتك و خبرات الزوار ولتقليل الجهد على المشرفين أيضاً
المفضلات