بسم الله الرحمن الرحيم
بالنسبه للرامه اللي حضرتك من المفضل انك تجيبها هي انها تكون نفس الباص بتاع الرامه القديمه ونفس التواقيت " ودي بتبقى الارقام اللي مكتوبه في الضهر " ونفس المساحه ويستحسن تكون نفس النوع والموديل عشان التوافق " ده لو عايز تفعل الديول تشانل " قناه مزدوجه " .
والديول تشانل هي تقنيه بتخلي الجهاز لما تحطله رامه زياده بيفتحلها ممر تاني تتعامل بيه الرامه مع الجهاز , وده جهاز بيبقى مزود بقناتين للرامه بس لازم يكون بين الرامتين توافق عالي عشان ميضعفوش الاداء , وتفعيل الخاصيه دي بيزود استقرار الجهاز وبيزود السرعه حاجه خفيفه , اما لو وصلت الرامتين على نفس القناه هيبقى مجرد زياده مساحه وخلاص .
وطريقة عمله هي انك تجيب رامتين زي ما انا شارح لحضرتك فوق , وتحط رامه على قناه والرامه التانيه على قناه , وهتلاقي السوكيت بتاع الرامه متلون لونين وده الدليل بتاعك
وتشغل الجهاز وخلاص , " بعض الاجهزه بيبقى كل سوكتين بلون واحد هما قناتين وكمان فيه اجهزه بتحتاج تفعيل الخاصيه من بيوس الجهاز " ارجو اني اكون افدتك .
المفضلات