ســـــقطت النهاردة فى امتحان ميكروسوفت ونفسيتى تعبانه جدا 22-6-2011

**funnyjonson** · 23-06-2011, 00:56

انا مكنتش متخيل انى هسقطت انا كنت مذاكر من كتب وسلف استدى وفيديوهات وحافظ امتحان الباس فور شور الاختيارات ورغم كده سقطت فى الفيستا 70-620 انا حاسس انى رميت 300 جنيه فى الارض مع انى عديت امتحان 70-290 و 70-229 سنه 2006 انا شوفت سيميولشن بس مهتمتش بيه اوى وكنت حافظ الاختيارات وكلها جت نتيحتى كان 647 ونفسيتى تعبانه جداااااااااااااااا عايز اى حد يقولى اى حاجه

Mohamed Elsaih · 23-06-2011, 09:13

ياسيدى ولا يهمك قدر الله مشاء فعل
وشد حالك وذاكر كويس واتئكد من البص فو شور ان هو اخر اصدار
وبص على الامتحان دة
https://www.examcollection.com/micro....vce.file.html

**vantom85** · 23-06-2011, 09:17

يا سيدى طب وايه المشكلة ناس كتير سقطت فى الامتحان ده بالذات ... من حقك تزعل ولكن مش من حقط تحبط ابدا لأن الامتحان مش مقياس هو توفيق وعدم توفيق وده مش معناة ابدا انه يأثر عليك بالسلب ..... سيبك من كل اللى فات وادخل امتحان مشهور شوية فى نسبة النجاح حيديك دفعة قوية جدا وبعدين بلاش الفيستا الفاشل ده خليك فى 7 على الرغم من انه امتحانه رخم برضه
ربنا يحفظك ويعوض عليك بالخير

**funnyjonson** · 23-06-2011, 09:29

أنا فعلا سمعت ناس كتير بتقول الفيستا صعب بس مش عارف ايه هى اسهل امتحانات فى نسبه النجاح ممكن حد يقولها

**akrameladl** · 23-06-2011, 09:30

يا سيدى عادى جدا ياما ناس فيصت فى امتحان ولا اتنين المهم ان دى تبقى دفعة كويسة ليك للامام انشالله واستعين بالله كدة وقبل ما تبداء تحل قول "رب اشرحلى صدرى ويسرلى امرى اوحلل عقدة من لسانى يفقهو قولى " وانا شايف ان السفن احسن بكتير

**ellassy** · 23-06-2011, 10:15

ولا يهمك .. نتيجة الامتحان ملهاش علاقة بأنك فاهم او لا .شد حيلك وجرب تمتحن ويندوز 7 اسهل وافضل انا لسه ممتحنه يوم الثلاثاء والحمد لله نجحت

**funnyjonson** · 23-06-2011, 22:09

الحمد لله قدر الله وما شاء فعل - بس مش عارف هو فى السيميولشن لازم الحل وخلاص باى طريقه ولا لازم تنهى السؤال بطريقه معينه

**lemo147** · 24-06-2011, 00:12

المشاركة الأصلية كتبت بواسطة funnyjonson

الحمد لله قدر الله وما شاء فعل - بس مش عارف هو فى السيميولشن لازم الحل وخلاص باى طريقه ولا لازم تنهى السؤال بطريقه معينه

اولا قدر الله وماشاء فعل
ثانيا : انت مش بتمتحن ب فواتشرات ليه ؟؟؟ عشان تاخد second shot ببلاش
ثالثا: انت ذاكرت السيمويليشن ازاي ؟؟ في فايلين حوالي 10 او 12 سؤال مش بيطلع منهم وبيشرحلك طريقه الحل لو عايزو عرفني
علي فكره انا امتحنت فيستا ف mcitp ويومها كان الامتحان مش تمام وبيعلق ومفيش ولا سميولشن كان راضي يتحل مجرد اقف ع السؤال وميرضاش يتعمل فيه اي حاجه
وللاسف محلتش ولا سيمويلشن عشان الحركه البايخه دي (مع اني كنت حافظ صم ) بس الحمدلله نجحت بالاسئله الباقيه

شد حيلك وربنا معاك

**funnyjonson** · 24-06-2011, 21:43

انا متشكر جدا على الاهتمام من كل الناس

147بالنسبه للاخ lemo
أيه موضوع الفوتشرات ؟؟ و أجيبها ازاى - لو حضترتك قصدك على عرض ميكروسوفت المكتوب على موقعهم انا سالت الادمن بتاع الأمتحان فى نسو هوريزن وعملى من البحر طحينه وقالى لازم تججز بنفسك ويكون معاك فيزا وكده ولا قصدك حاجه تانيه ؟؟

**lemo147** · 25-06-2011, 01:33

اها يا باشا الفاوتشرات بتاعت مايكروسوفت وممكن السنتر يحجزلك او انت تحجز وتريح دماغك بكريدت كارد
اعتقد كارت النت مش بيكلف غير 20 ج تقريبا او اقل
انا عامل بتاع البنك الاهلي وممتاز بس بيطلع بعد فتره ويقال ان بنك كريدي اجريكول بيطلعها وانت واقف
ولو مش عايز وجع دماغ خلي اي سنتر تاني يحجزلك وهتاخد امتحان عادي ببلاش لكل امتحان تمتحنه وتسقط فيه لاقدر الله وخصم 20 % لو هتحجز 4 او 5 امتحانات
الفاوتشرات دي مريحه جدا بس للاسف لازم تحجز قبل 30 وتمتحن ماده برضه قبل الميعاد ده وباقي الامتحانات ممكن تاخد علي راحتك لحد 31 ديسمبر

بس مش عارف هتلحق تحجز وتمتحن قبل 5 ايام ولا ايه

حتي لو ملحقتش سيبها لله واعمل اللي عليك واحجز امتحان امتحان وان شاء الله خير