السلام عليكم ..
الأخ sosar .. على ما يجون الإخوان اللي لهم خبرات فعلية ، أبي أقول اللي عندي ..
أذكر إن كلية الاتصالات اللي في المرسلات عندهم دورات في الـ CCNA تبدأ من الأساسيات INTRO وتنتهي بالـ ICND .
وأتذكر - وهذا الكلام قبل يمكن سنتين إن الدورة كاملة بحدود الـ 11 ألف ريال . لكن هذا الكلام قديم يبي لك تتأكد من الكلية نفسها .
وبالنسبة لدورات الـ ICND المعتمدة من السيسكو ، فهي موجودة في النيوهورايزون . أذكر سعرها قبل سنتين بـ 4200 ريال . وكانت خمسة أيام ، ثمان ساعات في اليوم ( الفعلي تقريبا ست ساعات ، لأن أغلب الطلاب ما يتحمل مواصلة ثمان ساعات ) . ويمكن تلقى نفس الدورة ( لأن مواصفاتها محددة ومعروفة ) في معهد العالمية وأكاديمية الفيصل .
بس ترى يتراوى لي إن اللي ما عنده أي خلفية قراءة في الـ CCNA راح تصير الدورة المكثفة هذي ( ICND ) متعبة ذهنيا وصعبة ويمكن ما تجيب نتيجة .
لذلك يمكن الأفضل إنك تدرس دورة متكاملة عن الـ CCNA مثل اللي قلت لك عنها في كلية الاتصالات . ويمكن تلقاها في المعاهد المعروفة مثل نيوهورايزون .
أرجو إني أكون أفدتك ..
وأتمنى من الإخوان إنهم يفيدوننا أكثر
المفضلات