ظاهرة غريبة لم تمثل مشكلة إلى الآن و لكن لا أجد لها تفسير

[Mr.pOPo]

السلام عليكم و رحمة الله و بركاته. إعذرونى لم أستطع كتابة عنوان أوضح لأنى لا أدرى ما هذه الظاهرة تحديداً...

يوجد لدى كيسة HAF 912 Advanced و يوجد بين زرا ال Power و ال Reset لمبتين "Led" لونهم أحمر. لا أدرى ما اسم كل واحدة فيهم و لكن دائماً ما كانت إحداهما تضىء بشكل ثابت "التى على اليمين" و الاخرى تضىء بشكل متذبذب. فجأة و منذ يومين لاحظت ان التى تضىء بشكل ثابت أصبحت تضىء بشكل متقطع و لكن ليس عشوائياً فهى تضىء ثانية مثلاً و تطفىء 5 ثواني و هكذا على هذا التوقيت.

هل يعلم أحد ما سبب هذا؟

صورة توضيحية لمكان اللمبتين: (قم بالضغط على الصورة للتكبير)

az8obl.jpg

[EL-MARIACHY]

هقول لك اللى أعرفه ولا أعلم صحة هذا الكلام :

فى لمبتين led صح ؟

واحده بتفضل منوره علطول و ديه بتدل على ان الجاهز شغال

و الخرى بتعمل blinkيعنى كل شويه بتطفى و تنير ، و ديه بتدل على النشاط بتاع الهارد

فمثلاً عندما يكون الجهاز idle و لا يوجد به اى نشاط ، و فجأه تجد الled الخاص بالهارد بدأ ينطفى و يولع تانى ، فغالباً بتبقى فى نشاط حصل فى الجهاز بدون ما تدرى، كمثال ، الanti-virus بدأ يعمل scan بدون ما تلاحظ ، فهذا بيدل على ان الهارد بيشتغل زياده عن المعتاد و هكذا


فممكن تفتح الtask manager و تشوف إيه اللى محمّل على الجهاز و تجرب تعمل كذا ريستارت و تشوف النتيجه إيه !!

أرجو أن أكون قدرت اساعدك

[Mr.pOPo]

ما هو اللى مجننى يا شريف ان اللمبة اللى بتفضل منورة على طول و ثابتة دى هى اللى انا قصدى عليها مش التانية بتاعت الهارد. فجأة كدا من يومين لقيتها بتنور لمدة ثانية و بعدين تطفى حوالى 5 ثوانى و بعد تنور ثانية و هكذا بعد ما كانت بتنور على طول بشكل ثابت. زى ما تكون لمبة إنذار... :ah38:

لكن اللمبة اللى انت تقصدها بتاعت نشاط الهارد دى شغالة عادى و بتنور بشكل متذبب. انا لو أعرف اللمبة اللى بتبقى ثابتة على طول دى بتتركب فين و لا سلكها فين كنت جربت أى حاجة لكن مش عارف. هو بيبقى فى مجموعة اسلاك رفيعة طلعة من الكيسة و بتركب فى البوردة، بيبقى مكتوب عليهم Reset SW و Power SW و الحاجات دى. بس مش عارف إذا كان سلك اللمبة دى فيهم و لا لأ.

متشكر جداً على ردك.

[DoCToR.TaHeR]

اوبااا .. ده الحبايب كلهم هنا

عامل ايه يا أحمد باشا ؟! .. انا عندي برضه ال CM HAF 912 Advanced .. وعايز اقولك ان اللمبة اللي انت بتقول عليها دي مش منورة اصلا عندي :D

وللأسف مش فاكر اصلا اذا كانت منورة ولا لا .. بالنسبة لشوية الأسلاك اللي انت بتقول عليهم دول بتوع ال Power Switch .. دول اه بيبقه فيهم سلك اللمبة دي ..

علي ما اعتقد اسمه Power LED .. اما لمبة الهارد المتذبذبة دي ( شغاله عندي :D ) بيبقه اسمها HDD LED ..

اما ال Power Switch ده المسئول عن تشغيل زر الباور on .. وال Reset Switch ده مسئول عن زر الريستارت للجهاز .. يعني مجموعهم 4 ..

انا كده شكلي انا اللي عندي المشكلة مش انت :D

[EL-MARIACHY]

أنا المشكله ديه حدثت معى مع الكيسه بتاعتى و لكن مع البورده الجيجابايت و لكن عندما إشتريت الmsi ففعلاً الكتالوج كان موضح كل حاجه بالتفصيل الممل و كل led بقوا ينوروا بإنتظام ، حاول ترجع للكتالوج و تشوف إيه الغلط، و معلش مش هقد أفيدك اكثر من كده :o

[Mr.pOPo]

Eng.TaHeR@

دا من ذوقك بس يا هندس، الحمد لله كله تمام.

هههههه، حبيبى قلبى و الله شكلك مركبتش الاسلاك دى و لا إيه؟ :D

المشكلة ان كل حاجة كانت شغالة عندى تمام و فجأة لاقيت اللمبة دى بترقصلى بعد ما كانت مؤدبة و ثابته :D يعنى اللمبة دى سلكها بيبقى فى السلوك الرفيعة دى؟ متعرفش اسم السلك بتعاها إيه؟ يمكن ال Power Switch و لا حاجة شكلى كدا هبدأ أدعبس فيهم.

@EL-MARIACHY

كتر خيرك يا شريف و الله، هحاول أرجع للكاتلوج كدا و ربنا يسهلها.

[DoCToR.TaHeR]

زي ما قولتلك يا احمد .. اسمها Power LED ..

انا عندي مركب كل الأسلاك .. بس تلاقي فعلا بتاع ال Power LED ده اتهز شوية عندي ..

[Mr.pOPo]

خلاص انا هبقى أفك الجهاز كدا و أشوف السلك دا.

شكراً يا هندس

[Ahmed.Saleh]

ياراجل يا طيب لمض ايه بس ف الحر ده
انا ما افتكرتش اللمبتين دول غير دلوقتى يمكن لمبه الباور اهم لانه لو سايب الجهاز شغال وبعد فتره دخل فى مود حفظ الطاقه والشاشه طفت وجه حد تانى ممكن منغير ما ياخد باله يضغط على زرار الباور عشان يشغل جهاز اساسا شغال من الاول
غير كده انا مش شايف للجوز لازمه غير منظر
واذا ليهم لازمه قولولنا

[Mr.pOPo]

الحمد لله المشكلة اتحلت. الحل كان فى مجرد انى شيلت سلك ال Power Led اللى بيبقى طالع من الكيسه و بيركب فى البوردة و بعدين ركبته تانى مكانه، الظاهر انه كان مهزوز و لاّ حاجة لأنى لما رجعت لكتالوج البوردة كان مكتوب ان اللمبة دى بتدل على ان الجهاز شغال فى حالة ما إذا كانت ثابته، و فى حال انها كانت بتطفى و تنور زى ما كانت بتعمل كدا "Blinking" دا معناه ان الجهاز فى وضعية Sleep على الرغم من أن الجهاز مكانش فى الوضعية دى و كان شغال فى الوضع الثابت.

الفكرة مش فى أهمية اللمبة يا أستاذ ka7rata ، الفكرة فى ان اللمبة دى كانت شغالة عادى و بشكل ثابت. فجأةً بقت بتعمل Blinking "تطفى و تنور". فالواحد قلق ليكون حاجة معينة حصلت و كنت مستنى مشكلة هتحصل لأن مش دا الوضع الطبيعى بتاعها.

شكراً على المساعدة يا رجالة.