النتائج 1 إلى 5 من 5

الموضوع: الفرق بيت أهل الاسكندرية و أهل القاهرة

  1. #1
    عضو
    تاريخ التسجيل
    Mar 2011
    المشاركات
    460
    الدولة: Egypt
    معدل تقييم المستوى
    8

    الفرق بيت أهل الاسكندرية و أهل القاهرة



    طبعاً كل اللى هيقرأ الموضوع هيدخل يقول هو اسكندرانى ولا .... ممكن قواهرى أو قاهرى (من القاهرة و خلاص):D
    أنا اسكندرانى و أفتخر


    فى القاهرة : ايه ده الحاجه دى "جامده اخر حاجه"

    فى اسكندرية : ايوووه الحاجه دى جامده اوى
    .........
    فى القاهرة : انا مش نمت من امبارح "تحس انك بتكلم طفل"

    فى اسكندرية : انا منمتش من امبارح "ناس جد الجد"

    فى القاهرة: انا هشوف الموضوع ده

    فى اسكندرية : انا حشوف الموضوع ده

    فى القاهرة : استيكــه "اللغه العربيه واخده حقها شويه معاكم" وقال كمان مساحه "بلدى بلدى يعنى"

    فى اسكندرية : جومه عادى خالص جومه

    فى القاهرة : صباعى "ياعينى عليك يابنى"

    فى اسكندرية : صوبعى اهى مفيهاش مشكله فله شمعه منوره اهى

    فى القاهرة : الاهلي عمل ايه النهارده الاجابه كيسب

    فى اسكندرية : عادى الاهلي كسب ليه نزود حروف وخلاص مش لما نقدر على الكام حرف اللى عندنا نبقى نزود

    فى القاهرة : جلابيه "كلمه مبالغ فيها"

    فى اسكندرية : عبايه او اوفطان"زى الفل"

    فى القاهرة : يقولك ميكروباص "ثقافتك انجليزى اوى يا عمنا MICRO BUS"

    فى اسكندرية : بنقول مشروع "شجع لغه بلدك"

    فى القاهرة : قال ايه اوطه يااااااااااااااى "دى كلمه من السبيعينات اصلا واتلغت بقالها "100سنه

    فى اسكندرية : طماطم "جايه من كلمه توماتوز يا جماعه لازم يكون عندك ثقافه انجليزى برضه"

    فى القاهرة : خمسين قرش "الرياضه واخده معاكم حقها اوى يا اخواتى"

    فى اسكندرية : نص جنى "اهى يا جدعان فيها ايه زى العسل اهى"

    فى القاهرة : قال ايه يا اخويا يقولولك لبان " والنبى انا لو دخلت سوبر ماركت اقوله هات لبانه ليكرشنى بره وبالمناسبه يكرشني دي ف القاهره اسمها يطردني "

    فى اسكندرية : مستيكه "شايفين الاسم كله مازيكا"

    فى القاهرة : بيقولو اتخانقنا

    فى الاسكندرية : بيقولو اتعاركناا وطبعا دي اجمل بكتييييييييييير

    فى القاهرة : (سد الحنك) على رأى عادل امام يا خراااااااااااابى وبيجيلكم نفس تاكلو حاجه اسمها كده

    فى اسكندرية : (حلاوه دقيق) شايفين الاسم متدلع ازاى يعنى دى الحلاوه بتاعه الدقيق

    فى القاهرة : يقولولك ايه (جبنه نستو) نستو ده اصلا كان فراش فى مدرسه الانشطار النووى الاعداديه بنات

    فى الاسكندرية : جبنه مثلثات عادى ماهى شكلها كده مش بنتفلسف احنا

    فى القاهرة : (جبنه رومى) دى على اساس انها بنت عم الديك الرومى

    فى اسكندرية : الجبنه مصدرها من تركيا يبقى اسمها جبنه تركى ولا ايه يا جماعه

    فى القاهرة : قال ايه طعميه ويجى واحد يتفلسف ويكتبلك طع100 ناس فاضيه

    فى اسكندرية : فلافل معروفه طول عمرها زى ما فى روميو وجوليت فيه فول وفلافل

    فى القاهرة : يقولوا ايه فول بالزيت حار "اكيد بيجيبو الزيت ده من العربيات

    فى اسكندرية : فول بالزيت والليمون مش بنحب ننكر حق حد زي ما نقول الزيت نقول الليمون

    فى القاهره : يقولوا سجق

    فى اسكندرية : سدق "حتى دى نطقها أسهل و ليها نغمة جميلة كده"

    فى القاهرة : يقولك ايه على البمبونى (ارواح) انتم الاطفال عندك طالعين من بيت الرعب ولا ايه عادى دى المفروض حاجه للاطفال
    يعنى اسمها يبقى لايت بمبونى زى عندنا فى اسكندرية

    فى القاهرة كلمة لو قلتها كأنك عملت جريمة و هىى كلمة "احيه"

    فى اسكندرية عادى جداً ايه المشكلة يعنى فى كلمة احيه

    طبعا مع كامل الاحترام للي من كايرو و كل المحافظات

  2. #2
    عضو برونزي الصورة الرمزية metro2033
    تاريخ التسجيل
    Mar 2011
    المشاركات
    358
    معدل تقييم المستوى
    7

    رد: الفرق بيت أهل الاسكندرية و أهل القاهرة

    على فكرة انا من بورسعيد واحنا كلمنا زى الكلام ال انت بتقولوه بلضبط وعلى فكرة اسأل اى حد البورسعدية بيحبوا الاسكندرانيه وبيكرهوا الباقى زى كده الاسمعاليه و السويس وهما بيكرهونا بردو :D

  3. #3
    عضو الصورة الرمزية helmygecso
    تاريخ التسجيل
    May 2011
    المشاركات
    655
    معدل تقييم المستوى
    8

    رد: الفرق بيت أهل الاسكندرية و أهل القاهرة

    انا من القاهره وافتخر بس كده يا معلم انت بهدلتنا خالص شكلنا كده مش هنتكلم تانى ولعلمك انا بقول سدق زيكو برضه وكمان احنا عندنا بنقول يا مان انتوا بتقولها :p

  4. #4
    عضو
    تاريخ التسجيل
    Jun 2011
    المشاركات
    296
    الدولة: Egypt
    معدل تقييم المستوى
    0

    رد: الفرق بيت أهل الاسكندرية و أهل القاهرة

    ههههههههههههه
    و الله العظيم أنت مسخرة
    بس زى الفل عشان ضحكتنا و كله ماشى:ah50:

  5. #5
    عضو ذهبي الصورة الرمزية mohammed_kamal
    تاريخ التسجيل
    Jun 2009
    المشاركات
    2,412
    الدولة: Egypt
    معدل تقييم المستوى
    20

    رد: الفرق بيت أهل الاسكندرية و أهل القاهرة



    والله اللهجه دى مش احنا السبب فيها احنا جينا لقينا الناس بتكلم كدا بالضبط لو انا من القاهره وججيت عشيت عندكم وانا صغير هتبقى لهجتى كدا ولو روحت المانيا برده وانت صغير هترجع بتكلم المانى بالرغم ابوك وامك بيتكلموا عربى المهم ان احنا فاهمين بعض ومنبصش للتقسيمات الى عاملها الاحتلال دى
    [CENTER][IMG]http://sphotos-d.ak.fbcdn.net/hphotos-ak-snc6/184158_360621420679617_414523508_n.jpg[/IMG]
    [SIZE=4][COLOR=#0000cd][B][URL]http://www.youtube.com/watch?v=1tTDqT-WXRc&feature=related[/URL][/B][/COLOR][/SIZE]
    [SIZE=4][COLOR=#ff0000]خبِأ قصائِدكـ القديمة كلها
    مـزق دفاتِركـ القديمة كلها [/COLOR]
    [COLOR=#006400]واكتب لمصر اليوم شـعراً مثلها
    لاصمت بعد اليوم يفرض خوفه[/COLOR]
    فاكتب سلام النيل مصر وأهلها [/SIZE]
    [/CENTER]

المواضيع المتشابهه

  1. ما الفرق بين GTX 560 Ti و GTX 560 Ti SC
    بواسطة moyaph في المنتدى الأرشيف
    مشاركات: 2
    آخر مشاركة: 13-06-2011, 08:37
  2. الفرق بين 86 و64 بت
    بواسطة abod.rose في المنتدى الأرشيف
    مشاركات: 9
    آخر مشاركة: 12-06-2011, 04:19
  3. الفرق بين hop&end
    بواسطة AMR BASHA في المنتدى منتدى الشهادات العام
    مشاركات: 2
    آخر مشاركة: 11-06-2011, 15:41
  4. ما الفرق بين الكرتين
    بواسطة danger2011 في المنتدى الأرشيف
    مشاركات: 16
    آخر مشاركة: 10-06-2011, 15:43
  5. ما الفرق ما بين النوعين من hp
    بواسطة mohmed gad في المنتدى الأرشيف
    مشاركات: 0
    آخر مشاركة: 30-05-2011, 19:04

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •