انت الباور عندك نوعه ايه وكام واط ؟ .
السلام عليكم
معلش انا حطول شويه بس عندي مشكله صعبه شويه
انا اشتريت كرت المذكور في العنوان من شخص هنا في المنتدى ربنا يسامحه اذا كان بايعلي الكرت خربان .. الكرت كان شغال كويس وانا بصفه عامه مش جيمر فمكنتش بلعب جيم عليه يعني قعدت شغال بيه بتاع اسبوع وشغال عادي كهجاز مش جيم وبما انا من عشان لعبه red alert كنت بلعبها اول ما نزلت اول فيرجن منها فصاحبي قالي انتا اشتريت كرت جيم على الفاضي خذ اللعبه العبها اما تبقى فاضي فأخذتها جيت اشغل اللعبه يادوب لسه ببني الباور مفيش 3 دقايق من فتح اللعبه وراح الجهاز كلو مهنج عملت ريستارت اما فتح الجهاز وهوه على الدوز بيقول معلومات عن الكرت الي متركب في الجهاز فبيبان معلومات الكرت واسمو وعليهم علامه | يعني في نص الجي بتاعت Geforce في علامه | وبعد كدا بيديني الولكم للوندوز واما بتروح مش بتيجي اي صوره تانيه يعني بيعلق قبل ما يفتحلي الدسك توب فمش عارف دي مشكله في ايه بالظبط
طيب بما انها مشكله في الكرت لاني شغال دلوقتي بال built in هل ينفع اعمل للكرت صيانه واوديه فين بالظبط؟!! انا من اسكندريه وتصليحه حيكلفني كام تقريبا؟
اسف للاطاله
انت الباور عندك نوعه ايه وكام واط ؟ .
HEC 400watts مع العلم ان الكرت كان شغال زي الفل لحد ما شغلت اللعبه ودلوقتي مش شغال خالص مش بيدخلني على الدسك توب
المشكلة ديه معرووووووووووفة جدااااا جداااا فى فئة x800gt سواء 8800 او 9800 و بالأخص 8800 المهم العلاج الوحيد هو الفرن !!! متخافش .... هوة ده التصليح الأكيد حضرتك هتفك كل الحاجات البلاستيك زى الغطاء بالمروحة و متنساش سلاك المروحة ! ... نظف المعجون لقديم كويس اوى اوى بكحل و فطعة فماش برفق >>>> .... دلوقتى انت فدامك اللوحة بتاعت الكرت .... هتجيب قطعة فويل و تحطها على اللوحة و تعمل فتحة مربعة على شكل المعالج بتاع الكرت بحيث يكون هوة الحاجة الوحيدة اللى مكشوفة و بعدين دخلله الفرن لمدة 8 دقائق بالكتير و سيبه يبرد براحته و و حط معجون جديد و تركب كل حاجة و كلله تمام !!! و متنساش تعمل فواعد فويل للكرت علشان يستقر على الصينية اللى انت هتحطه فيها و هيا عبارة عن كور فويل
تحذير .... كل الحوار ده يكون اخر الحلول ! يعنى بص اخر اخر الحلول بعد ما تسأل الاعضاء فى المنتدى و كمان ارجوك راسل الاخ العزيز S@M علشان هوة عارف مكان توكيل XFX و اعتقد فى عمارات العبور .... بس اسأله و استشيره و روح صلحة عند متخصص فى التوكل وإّذا كل المحاولات فشلت ابتدى اعمل الموضوع ده .... بس جرب كدة شيك على الاسلاك و الحرارة و التراب !!! و جرب تنزيل نسخة جديدة بتعريف جديد ... ممكن يكون الكرت كان متلصم كدة اى كلام و انت جبته بايظ و لكن دعنا لا نسبق الأحداث .... معلش طولت اوى عليك
اه ياريت لو تعرف تكتب محتوى الرسالة اللى بتظهر ... او صورة مثلا او وصف مفصل اكثر ديه ممكن تساعدنا كتير
لا الحل ليس مؤقت ! ... انا زميلى العزيز ... يسكن بالقرب منى عمل نفس الحكاية الكرت بقاله 9 شهور شغال زى الفل و كمان كاسر سرعته !! اتوكل على الله و اعمل الحل
شكرا على الردود الكرت حالتو حلوه اوي ومنظروا نظيف اوي انا كلمت صاحب الكرت قالي الباور سبلاي مينيمام 450 وريكومند 500 وات وطبعا لازم تكون شركه نضيفه
اما بالنسبه للحجات الي قالي عليها الاخ Radeon معتقدش حعرف اعملها فأعتقد الحل اني حوديه شركه تصلحو لو مشتغلش اما اشتري الباور اما بس المشكله ان الكرت شغال عادي وبيجيب الولكم بتاع الوندوز بس تسود الشاشه عشان يدخلني على الدس توب ما بيظهرش حاجه .. وصاحب الكرت بيحلفلي ان الكرت سليم 100% ومتعملوش صيانه وانو باعو لمجرد انو يشتري اعلى وانا اما قابلتو شكلو محترم جدا مش محل وكان متمسك بسعر عالي لنظافه الكرت فمعتقدش خالص ان الكرت فيه حاجه
هل ممكن تكون مشكله باور سبلاي .. طيب لو مشكله باور ازاي كان شغال على الباور بتاعي فتره وبعد ما فتحت اول لعبه مشتغلش!!!
باورسبلاى 400 وات hec كاقى لتشغيل الكارت بس أيه مواصفات الجهاز عندك للتأكد
وهل مروحة الكارت شغالة و لا لأ ؟
وبلاش تجرب موضوع الفرن ده دلوقتى و ديه التوكيل أحسن ممكن تبقى حاجة بسيطة
الرساله عاديه كانت بتطلع اما كان شغال تمام وبعد ما بطل يدخل على الدسك توب وهيه صفحه دوز سوده مكتوب عليها اسم الكرت وانو 512 ميجا والكلام الفاضي دا (معلومات عن الكرت) وهوه هوه بيطلع بس بتظهر دلوقتي علامه | على حروف معينه في نصها كأنها نغمشه يعني او حاجه زي كدا
المروحه شغاله الله ينور
مواصفات الجهاز بروسيسور دوال كور 2.6 تقريبا و 2 ميجا دي دي رام وباور 400 وات HEC الكرت بيجبلي صفحه الولكم بتاع الوندوز معنى كدا انو شغال بس مش راضي يدخل على الدسك توب مش عارف والله انا احترت
شوف كده مروحة الباورسبلاى شغالة و لا لأ ؟
فك الكارت و نظف المعجون الموجود ببنزين او كحول و حط معجون جديد(مش لازم معجون غالى) بس متحطتيش كتيير و جرب لان المشكلة دى قابلتنى قبل كده (حصلتلى لما حطيت معجون غالى بزيادة) و ده كان حلها ولو مشتغلش من اول تجربة افضل حاول معاه لانه مشتغلش معايا من اول مرة
السلام عليكم حاولت ان تعمل فورمات للحاسوب لان الكارت كان لديك شغال
ممكن انو شغلة فايروس في الوندوز
المفضلات