ممكن اسماء مواقع عربيه موثوقه لشراء كميوتر من النت

**ابوالعدل** · 05-07-2011, 23:31

ممكن اسماء مواقع عربيه موثوقه لشراء كميوتر من النت:ah30:

**كان ودي** · 06-07-2011, 00:19

مواقع عربية لا انصحك
اطلب من الامازون

**ابوالعدل** · 06-07-2011, 00:32

الطلب هل من الامزون سهل ولا صعب

**كان ودي** · 06-07-2011, 00:54

تروح لك اي فرع لـ Aramex
تقولهم ابغى اشترك في خدمة Shop and Ship (قيمتها بسيطة وتدفع لمرة واحدة فقط)
بيسجلك ويعطيك صندوق في أمريكا وبريطانيا والصين ويعطيك بيانات العنوان الخاصة بالصناديق

الحين عندك وسيلة الشحن ، باقي وسيلة الدفع

عندك اكثر من بنك يوفر لك بطاقة ائتمانية مسبقة الدفع ، بعضها يتطلب حساب وبعضهم لا يتطلب حساب

البنك الأهلي لا يتطلب حساب بنكي ، يعني تجي للبنك ومعك بطاقة الاحوال فقط ، وتطلب بطاقة ائتمانية مسبقة الدفع ، وتوصلك بعد اسبوع تقريبا بواسطة DHL

والبنك الاخر هو الراجحي ، وعنده بطاقة ائتمانية مسبقة الدفع (تسوّق) توصلك في ثاني يوم وتستلها من الفرع الي طلبت منه البطاقة ، بس يتطلب وجود حساب في بنك الراجحي

تشحن البطاقة عن طريق الايداع اليها او التحويل لها

تروح لامازون ، تسجل حسابك عندهم ، تضيف بيانات الشحن الي اعطوك اياها ارامكس ، وتضيف بيانات البطاقة الائتمانية

وتطلب القطعه الي تبيها

الشحن يتم حسابه بالشكل التالي:
أول نصف كيلو = 65 ريال
أي نصف كيلو اضافي = 35 ريال

لو وزن القطعه 1 كيلو بيكلفك شحنها 100 ريال

لو وزن القطعه 3 كيلو بيكلفك شحنها 240 ريال

مدة الشحن ، وتنقسم لقسمين
قسم خاص بشحن أمازون الى صندوقك الخاص بأرامكس
وعادة يستغرق حسب اختيارك لمدة الشحن ، والخيارات المتوفرة مابين يوم واحد الى 7 ايام تقريبا (وكل واحد وله قيمته وحسب البائع وحسب الوزن وامور كثيرة بس طبعا تتوضح لك قبل الشراء)
والقسم الثاني هو مدة الشحن بين صندوق ارامكس في امريكا ووصولها الى ارامكس في مدينتك
وعادة تستغرق 5 أيام

طلباتي عادة اجاملي تاخذ مابين 5 الى 7 ايام تقريبا