الخطاب الثانى للدكتور عصام شرف وفقه الله

[مكة روحى]

https://www.youtube.com/watch?v=47JgthjWYKY

ربنا يجازيك خير يا دكتور عصام
اظن ان المجلس العسكرى بدا يترك الساحة للدكتور عصام ( ليس تشكيك فى المجلس و لكن المجلس بطى فى القرارات السياسية و هذا طبع الجيش)
فياريت احنا كمان ندعمة ليكمل المسيرة

الموضوع ليس سياسى خالص:D

[A Beautiful Mind]

ربنا يسهل الحال بقى والامور تمشى فى مصر
لان اللى بيحصل ده بصراحه محدش فاهم حاجه خالص

[Mubarak]

الحقيقة أشعر احيانا أن السيد عصام شرف أحسن يقدم استقالته نتيجة ما يتعرض له من هجوم، يعني يقدم استقالته ويعتذر للشعب المصري لأنه لا يستطيع أن يُرضي الجميع، وفي الليلة الظلماء يُفتقد البدر.

[مكة روحى]

هذا ما يريدونة المغرضون الفشلة
حتى يقولوا لازم الدستور اولا و مجلس مدنى
هناك من يتلاعب بالشعب و يسمون نفسهم النخبة و هما و لا نخبة و لا نيلة

[مكة روحى]

مسألة محاكمة الظباط لازم يكون فيها تأنى
لان كدة ممكن نظلم ظباط كتير
لان قطاع كبير كان يدافع عن الاقسام

و لازم نعرف ان جهاز الشرطة معقد جدا و فى لواءات مدعومين بالفلوس من رجال اعمال و خلايا سرية داخل الشرطة

[hack4love]

هذا ما يريدونة المغرضون الفشلة حتى يقولوا لازم الدستور اولا و مجلس مدنىهناك من يتلاعب بالشعب و يسمون نفسهم النخبة و هما و لا نخبة و لا نيلة

الدستور اولا و الاستفتاء جنن الاخوان والسلفين كل حاجه علشان الدستور اولا عايزن مش عارف ايه لا انتو عايزن الدستور اولا الله يخربيت الاستفتاء الي قسم البلد ده وجنن الناس

[hack4love]

مسألة محاكمة الظباط لازم يكون فيها تأنى

لان كدة ممكن نظلم ظباط كتير
لان قطاع كبير كان يدافع عن الاقسام

و لازم نعرف ان جهاز الشرطة معقد جدا و فى لواءات مدعومين بالفلوس من رجال اعمال و خلايا سرية داخل الشرطة

اقسام اه بالله عليك ما تتكلمش زي ...... علشان مش ناقص عصبيه و الواحد فيه الي مكفيه

ال قطاع كبير انته جبت الكلام الخايب ده منين كل ظباط الامن العام الي هما بتوع الاقسام كانو بيساندو الامن المركزي في طحن المصرين ايام الثوره


اقفل يلي بتقفل المواضيع وحسبي الله ونعم الوكيل

[mohammed_kamal]

والله عصام شرف انا احترمته لانه مسك فى التوقيت دا
وهو عارف ان هيبقى مشاكل اهرام فوق دماغه
ياريت الاعتصامات تبقى موجوده بدون تعطيل الحياه العامه
ومتقوليش لا
عشان لو انت رايح تخلص حاجه فى المجمع ولايت الثور قافلينه فى طريقك رد فعلك ايه
انا مع الثور طبعا فى مطالبهم
محاكمه علنيه
انا لا ادرى مادمت المحاكمه فى القاعه فانها علنيه لان يحضرها العامه لا ادرى ما المكشله المحاكمه خاصه عندما تكون بدون جمهور او فى غرفه ومادمت عامه ويدخلها الجمهور يمفيش تعارض مع البث التلفزيونى
ودعونى اذكر ان مصر ليست ميدان التحرير وكل الى عايز يفهم حاجه منها يفهم

[مكة روحى]

اقسام اه بالله عليك ما تتكلمش زي ...... علشان مش ناقص عصبيه و الواحد فيه الي مكفيه

ال قطاع كبير انته جبت الكلام الخايب ده منين كل ظباط الامن العام الي هما بتوع الاقسام كانو بيساندو الامن المركزي في طحن المصرين ايام الثوره


اقفل يلي بتقفل المواضيع وحسبي الله ونعم الوكيل

يا أستاذنا الغالى بلاش كلام العاطفة عايزين كلام منطقى
فى اقسام تم اقتحامها من البلطجية و فى اقسام كثير تم اقتحامها من الاهالى ( الناس الى مش فاهمة )و بناء عليها قام بعض الظباط بحماية الاقسام

و متدخلناش فى قتل الثوار دة موضوع تانى

و بعدين الى جنن الاخوان السلفية و الاخوان هى فرض الوصاية من الليبراليين و العلمانيين على الشعب المصرى بحجة انة مش فاهم الديمقراطية
و نظبط البلد الاول و بعدين نطبق الديمقراطية على منهج احمد عز

[A Beautiful Mind]

بجد كلامكم كله صح
ولكن يجب علينا ان احنا نكون ايجابيين اكتر من كده
ويكون لينا دور فى تنميه ورقى البلد

[warior10]

الدستور اولا و الاستفتاء جنن الاخوان والسلفين كل حاجه علشان الدستور اولا عايزن مش عارف ايه لا انتو عايزن الدستور اولا الله يخربيت الاستفتاء الي قسم البلد ده وجنن الناس

اكره الاخوان والسلفين براحتك بس ده خليه فى قلبك
ولما تتكلم اتكلم كلام منطقي وعقلاني
الموضوع بيتكلم عن خطاب رئيس وزراء مصر الثاني
ايه دخل الاخوان والسلف وايه دخل الاستفتاء الى اظهر قوتكم الحقيقة

ولا عايز تفهمني ان المليونية الى فاتت كانت علشان الدستور اولا
شفت الفرق بين الاخوان وبينكم
هما اخدوا كل مقاعد نقابة الصيادلة من يومين وبلاش كلمة اخدوا هما اكتسحوا الانتخابات بدون منافسة تقريبا من كل القوى والاحزاب الي تقريبا بقى عددهم فى مصر دلوقتي والي 80مليون حركة وحزب وائتلاف (ائتلاف لكل مواطن )
والناس بتقفل مجمع التحرير
وان شاء الله كل النقابات هياخدوها تاني زي ما خدوها قبل كده قبل فرض الحراسة عليها وبرده خلي الباقيين يطلعوا يعيطوا على التليفزيون وفي الجرايد
سؤال اخير
هو فيه في التحرير انترنت دلوقتي ولا انت مش قعدمعاهم هناك وبتأيدهم من البيت بس ؟؟؟

[ellassy]

ادأء حكومة شرف للاسف سئ هو ممكن يكون انسان محترم ومتواضع بس مع الوزراء والمسؤلين اللى معاه مينفعش يبقى متواضع وخجول
فى وزراء ولا ليهم اى لازمه فى الحكومة
والداخلية ادأئها زفت وهما بيتعمدوا عمل انفلات امنى علشان يرجعوا زى الاول يفتروا براحتهم
انا مع الاعتصام لكن مش مع وقف المصالحة ( مش علشان حال البلد ميقفش ) علشان الشعب ما يخدش موقف سلبى من الثوار ( خصوصا ان الجهلا فى البلد كتير )وهو ده اللى المجلس العسكرى عايزه
علشان يعمل اللى هو عايزه من غير ماحد يضغط عليه ويفرض عليه شروط

[EL KING OMAR]

أنا هقول نقطتين بس:
1)أنا قبل الثورة ام أكن أعرف أن هناك جماعة أسمهم السلفيين و كنت أظنهم كلهم أخوان مسلمون يعنى ماكانوش يقدروا يتكلموا اشمعنى دلوقتى عايزين يحكموا؟؟
و نفسى حد يجاوب على السؤال ده: ليه الأخوان و السلفيين وافقوا على التعديلات الدستورية مع أنهم شايفين أنها قوانين وضعية و لا يجب أن يحكمنا غير شرع الله؟؟؟

2)دلوقتى احنا بنبوظ ثورتنا لأن معظم الناس مش فاهمة السياسة ولا مبادىء و مطالب الثورة.
ناس كتير من اللى فى التحرير دلوقتى فاكرين أنهم بقوا محللين سياسيين و يقدروا يببقوا رؤساء مصر
ناس كتير فاكرة أن ثورة يعنى أعمل مظاهرات براحتى
ناس كتير فاكرة أن ثورة يعنى مفيش شرطة
ناس كتير فاكرة أن ثورة يعنى مفيش أمن مركزى يقدر يقف فى التحرير
ناس كتير فاكرة أن ثورة يعنى أمسك الضابط و أمين الشرطة أضربهم و أقطع هدومهم و أبقى بطل و محدش يقدر يكلمنى
ناس كتير فاكرة أن ثورة يعنى كل جمعة أعمل مليونية ملهاش لزمة و أعطل الدنيا (زى مليونية الأنتاج و هيا الى العمل ..........)
ناس كتير فاكرة أن ثورة يعنى أنا أحكم نفسى بنفسى
ناس كتير فاكرة أن ثورة يعنى أقطع الطريق بمزاجى
ناس كتير فاكرة أن ثورة يعنى أنى لما أقطع الطريق كده أنا بلوى دراع المسئولين
ناس كتير فاكرة أن ثورة يعنى أنى أعمل اعتصام و أجبر المسئولين أنهم ينفذوا طلبى
ناس كتير فاكرة أن ثورة يعنى كل شويه البلطجية يقولوا أنهم أهالى الشهداء و الثوار زى أحداث مسرح البالون و فى الأخر يطلع أن الشرطة أفرطت فى العنف
ناس كتير فاكرة أن ثورة يعنى ضابط الجيش حلو و ضابط الشرطة ده وحش و لازم يتنفى سواء كان كويس أو فاسد
ناس كتير فاكرة أن ثورة يعنى الرئيس القادم لازم يبقى من العشوائيات و يختاره 99,99% ليرضى الكل
ناس كتير فاكرة أن ثورة يعنى رئيس الوزراء ده لازم ياخد أوامره من التحرير
ناس كتير عايزة وزير داخلية و وزير دفاع و وزير اتناج حربى مدنيين ازاى معرفش (يعنى اللواءات يقعدوا فى بيوتهم و نجيب مهندسين و أطباء يدافعوا عن مصر)
معظم الناس ناسيين أننا المفروض فى حالة طوارىء و المفروض تحكمنا الأحكام العرفية و لكن المجلس العسكرى مشكورأ فضل أن يصدر إعلان دستورى يحكمنا به احتراماً للثورة و الشهداء

أسف على الاطالة و لكن عشان كل ده أحنا بنضيع ثورتنا

[EL KING OMAR]

و على فكرة أنا مع الثورة قلباً و قالباً و لكنى أكره جملة واحدة : 30 سنة فساد و 30 سنة كذا لأن حسنى مبارك لم يكن فاسداً من أول يوم لتوليه الحكم أنم من أول حكومة عاطف عبيد

[A Beautiful Mind]

والله يا اخى EL KING OMAR
كلامك كلام جميل جدا وكلام كله صح
بارك الله فيك على تفسيراتك الجميله
ولك منى احلى تقييم .