طريقه تثبيت المشتت في المذربورد بين القديم والحديث

[moro2002]

دائما عند تثبيت المشتت في المذربورد ينتابني وسواس بانه مش ماسك في المذربورد كويس
وانه مش مشدود علي البروسيسور علشان التوصيل بينهم يبقي افضل ( بالفيشرات البلاستك اللي بتتكسر علشان صيني وكل عام وانتم بخير )
واترحم علي الطريقه القديمه اللي كانت موجوده في البانتيوم 3 واللي ف وجهه نظري افضل الف مره من الطريقه اللي انتل بلاتنا بيها
من اول البانتويم 4
يا تري التغير في طريقه تثبيت المشتت دا له سبب وجيه ؟ خصوصا ان الــ amd لحد دلوقتي طريقه التثبيت زي البنتويم 3

حد من الخبرا يفهمنا

[g41-es2l]

علشان تتاكد ان المشتت ماسك كويس فى البورده شوف درجه الحرارة من خلال البيوس او من احد البرامج مثل CPUID HWMonitor وارفعها فاذا كانت درجة الحرارة عالية فان المشتت مش ماسك كويس اما اذا كانت درجه الحرارة منخفضة فالمشتت متركب كويس
اما يالنسبة للطريقة القديمة فى تركيب المشتت على البنتيوم 3 فانا لست متاكدا من هذا انه نوع من التغير

[moro2002]

معاك حق دا اللي انا بعمله علشان اتاكد لكن انا بسال ومش عارف الاجابه كان ليه تغيير طريقه التثبيت وكل ما نشيل المشتت الفيشرات البلاستك تتكسر مع ان في البنتيوم 3 مكنش فيه حاجه تتكسر اصلا وكان بيمسك ذي الحديد

[moro2002]

السوال مش معقول يكون صعب لدرجه ان محدش من الاخوه المحترفين جاوب عليه!!!!!!!!!!!

[EL KING OMAR]

الحكاية أن كسر السرعة انتشر حالياً و بالتالى المزيد من الحرارة
و حرارة يعنى مشتت احترافى و غالباً بتكون كبيرة و وزنها تقيل فالطريقة أنها تمسك فى الماذربورد عشان تتحمل الوزن

[Extreme2]

يا تري التغير في طريقه تثبيت المشتت دا له سبب وجيه ؟ خصوصا ان الــ amd لحد دلوقتي طريقه التثبيت زي البنتويم 3

حد من الخبرا يفهمنا

طبعاً فيه سبب وجيه وهو تغيير معالم السوكت مع تحديث المنصات .
والسبب اللي أعتقد انه أقوى هو تقليل تكلفة تصنيع المشتت , فالمشتتات الحالية من إنتل تصميمها أبسط من البساطة والتكلفة أقل من تصميم الشكل القديم المكون من قاعدة وملاقط .
إنتل لو بيدها تلغي المشتت من الأساس ما قصرت لحظة , فكما تلاحظ المشتت حجمه ينخسف مع كل معالج جديد يتم إطلاقه , لاحظ الصورة :

[moro2002]

https://www.pcteams.com/images/8910152.jpg

لا اظن ان تغيير معالم السوكيت يلزم له تغيير طيرقه تثبيت المشتت وان كان يلزم له تكبير حجم المشتت
حيث ان السوكيت هو المستطيل اللذي يثبت فيه البروسيسور فقط وليس الاطار اللذي يحيط بيه و يرسم ميكانزم تركيب المشتت في البورده
ورايي ان تكبير حجم المششت لا يلزم في تغير طريقه تثبيت المشتت في البورده

لست مع اخي EL KING OMAR في فكره الوزن لان طريقه التثبيت القديمه اقدر علي حمل وزن مشتت اكبر من الحالي

ولست مع اخي Extreme2 مشرفنا الغاللي في التكلفه واري العكس هو الصحيح في ان المشتت القديم ابسط و مكون من عدد قطع اقل و تكلفته اقل

[moro2002]

حاولت ارفق الصوره للمشتت القديم مجتش صح
لكن اللنك في المشاركه اللي فاتت مني بتفكرنا بالمشتت القديم علشان نقارن
طبعا شاكر لكل من شارك بالرد والمناقشه

[alayoubi]

أعتقد انك مش بتفك المشتت بالطريقة الصحيحة .

يعني لازمك مفك وتلف الرجل حسب اتجاه السهم المرسوم وبعدين بإيدك تشد الرجل للأعلى .

[Ahmed.Elsayed]

الطريقة القديمة كانت رخمة فى التركيب خصوصاً لو بتركب بمفك بتبقى بتركب المشتت براحة خوفاً من إنزلاق المفك وكان فيه 2 أرجل فقط لتثبيت المشتت بالعرض
الطريقة الجديدة أحسن بكتير فى السرعة والأمان فى التركيب وفيها 4 أرجل لتثبيت المشتت من ال 4 أطراف :ah2:

[moro2002]

اخي alayoubi شاكر مرورك ومشاركتك لكن انا بفكه بالطريقه الصحيحه اللي اشرت ليها

اخي terbo شاكر مرورك ومشاركتك انا مش عارف انت بتتكلم عن انه طريقه لكن اللي انا بقارنها بالجديد مكنش فيها ارجل
دي كان فيها مشبك معدني قاطع المشتت بتركبه بمنتهي البساطه في مستطيل بلاستك مثبت في المزر بورد حوالين البروسيسور ( ايام السيليرون )

ورغم كلام الاخوه انا مستغرب انكم شايفين الجديد افضل وانا ليسه عند رايي ان القديم افضل واقوي وهي شبيهه بالطريقه اللي بتثثبت بيها amd المشتت الخاص بها

[alsharkawi_amr]

8910152.jpg

معاك حق إن التركيب دلوقتي بسبب إنتل بقى مزعج جدا

منتظر - متابع = مترقب

[Ahmed.Elsayed]

اخي alayoubi شاكر مرورك ومشاركتك لكن انا بفكه بالطريقه الصحيحه اللي اشرت ليها

اخي terbo شاكر مرورك ومشاركتك انا مش عارف انت بتتكلم عن انه طريقه لكن اللي انا بقارنها بالجديد مكنش فيها ارجل
دي كان فيها مشبك معدني قاطع المشتت بتركبه بمنتهي البساطه في مستطيل بلاستك مثبت في المزر بورد حوالين البروسيسور ( ايام السيليرون )

ورغم كلام الاخوه انا مستغرب انكم شايفين الجديد افضل وانا ليسه عند رايي ان القديم افضل واقوي وهي شبيهه بالطريقه اللي بتثثبت بيها amd المشتت الخاص بها

أنا بتكلم عن أيام البنتيوم 3 الله يرحموا ويبشبش الطوبه اللى تحت مراوحوا كان بيتركب بمشبك رخم كان بيتركت بالعرض وبيتثبت من ناحيتين بس لو هزيت المشتت و المعجون لسه طرى بتحس إن المشتت مش ثابت فى مكانه وكان بيطلع روحى كل لما أفكه أنضفه و أجى أركبه

[ehabdiesel]

بصراحه مشتتات انتل الافتراضيه من سيئ لأسوء
انا انكسرت منى الارجل دى لحوالى 3 مشتتات عند الفك والتنظيف :ah34:
لأ وايه الفان القديم لأنتل كان عدد لفاته حوالى 3600 الان الفان الجديد اقصى حد ليه 2500 !!!
ناهيك عن حجم المشتت الجديد الصغير جدا

اما بالنسبه لموضوع الوسواس تأكد حدوث صوت (تك) عند دفع المسمار لأسفل ولا تقلق
اما انا ريحت دماغى وجبت المشتت ابو مسامير زى ده

AAAAC-NXPv0AAAAAAPyphA.jpg

سهوله وامان فى الفك والتركيب وحتى تبريده افضل من انتل الاصلى!!

[moro2002]

طيب تمام
اخي ehabdiesel هل تركيب مشتت احترافي اللي بالمسامير دا يستلزم انك تبقي فاكك المزربورد من الكيسه علشان تربط من الناحيه التانيه من المذربورد كمان ؟؟ ولا بتربط الماسمير عادي من غير ماتخلع المزربورد من الكيسه ؟