السلام عليكم معلش يا جامعه انا هاخش فى الموضوع علطول انا اولا عضو جديد وعندى مشكله فى النت بس مش عارف هو ده القسم المناسب ولا لا بس بالله عليكم انا عايز حد يرد على حتى لو ده مش القسم المناسب ارجوكم انا كنت شغلا على النت قبل كده من شركه فودافون بالفلاشه بس بصراحه الفلاشه ما عجبتنيش فقررت انى ااجيب روتر وفعلا ده اللى حصل ورحت اشتركت فى شركه دى داتا وشغلو الخدمه بعد تسع ايام وبعد ماالخدمه اشتغلت روحت جيبت رواتر تى داتا وانا يا جماعه مش بفهم فى الروترات خالص ولا اعرف يها اى حاجه انا ميحا خالص فى المواضيع دى انا بعرف اشتغل على الفلاشه والكلام ده انما روتر ومش روتر ما اعرفش انا اتعامل مع الحاجات دى المهم انى جيبت الروتر وكان فى ورقه للتوصيل وفعلا وصلت التوصيلات وكل حاجه تمام وبعدين نقول لعمنا النت افتح مش راضي يفتح يا نت افتح مش راضي يفتح لغايه اما تعبت واتصلنا بخدمه العملاء والعملاء كلهم بيكلمو كلام واحد.المهم قعدوا يقولو افصل الباور واعمل وخلى وسوى وانا معاهم
يعنى تقريبا كده مجموع المكالمات 10000000ساعه تقريبا
المهم قالولاى فى الاخر بعد معانا وبعد يومين انا العيب فى السنترال واستنه يومين تانى
بعد يومين اتصلو بتوع السنترال وقالو كله تما
وصلت الروتر اللى هو نوعه تى داتا بالجهاز برده ما اشتغلش النت
فين وفين عبال ما اشتغل النت باليل وقطع من بعدها ما اشتغلش
فانا يا جماعه عندى شويه اسئله وياريت حد يرد على باجابه تريحنى
انا سالت واحد من اللى شغالين فى السنترال قال ان الخط اللى داخل للقريه خط ضعيف اللى هو الخط الارضى يعنى
قولتلو وده ايه دخله فى النت
قالى لما بيكون الخط الارضى كويس ومافيهوش قطع او لحام النت بيشتغل كويس
فهل فعلا فى حاجه اسمها خط ارضى ضعيف وخط ارضى قوى ؟
وهل فعلا يمكن نقل الخط الضعيف على خط اقوى ؟
وهل النت له علاقه بالخط الارضى والسلوك الخ ......؟
وهل لو تم اصلاح الخط الارضى وتركيبه بشكل سليم يتم توصيل النت؟
وليه النت مش بيشتغل غير بالليل ؟
وهل نوع الروتر ده كويس (tedata)
وهل اصلا شركه تى داتا شركه نضيفه ؟
وايه هو الحل اللى ممكن اعمله لانى كده بالخلاصه يعنى ماعنديش نت بالنهار ؟
الساعه واحده بالليل اقدر اشغل النت وبسرعه بطيئه
ارجوكم يا جماعه فيدونى باى حاجه وياريت يا جماعه بلا الكلام الكبير
لانى مش فاهم اى حاجه فى الروترات و الحورات دى
المفضلات