مقبل علي شراء كارت ستالايت واريد النصائح .!
السلام عليكم
مقبل ان شاء الله علي شراء كارت ستالايات
واريد ان اعرف نبذة بسيطة عنة لاني لم اقرا عنة الكثير ..
1 - هل استطيع فتح القنوات المشفرة كباقة الجزيرة الرياضة مثلاً ؟ ام انة مقصتر علي النايل السات فقط ؟
واذا لم يكن فية فك تشفير ,
2 - هل استطيع تشغيل الشرينج عليه؟
3 - هل يجب ان يكون لدي رسيفر وطبق كي اوصلة ؟ ام طبق فقط ؟
4 - هل سيعمل علي دقة HD 1080P ؟ مع العلم ان الشاشة الخاصة بي Full HD
5 - ما افضل كارت في بين 150 - 200 جنية ؟
وشكراً مقدماً ..
بانتظاركم
شباب ممكن رأيكم لاني مستجعل وعاوز اشتري
هو بيفتح التشفير عادى لكن فى حال توفر مفاتيح للباقات دى وحاليا مفيش
2 - هل استطيع تشغيل الشرينج عليه؟
نعم وبكفاءة مع اى نوع سرفر اهم حاجة يكون السرفر تمام ومفيش عليه ضغط
3 - هل يجب ان يكون لدي رسيفر وطبق كي اوصلة ؟ ام طبق فقط ؟
الطبق فقط لانه بيتوصل مباشر به زى الرسيفر
4 - هل سيعمل علي دقة HD 1080P ؟ مع العلم ان الشاشة الخاصة بي Full HD
نعم اخى لانه بيعتمد على مكونات الكمبيوتر
5 - ما افضل كارت في بين 150 - 200 جنية ؟
هنا مربط الفرس مش هتجد كارت حديث يشغل جميع قنوات ال HD فى الميزانيه دى عايز مابين 330 ل 350جنيه
لكن لو عايز كارت فى السعر ده موجود TVii S420
Kworld
twinhan
دى مواصفات الجهاز للكارت فى حالة تشغيله لقنوات ال HD
Microsoft Windows XP/Vista
1.5GHz CPU (2.4GHz for HDTV)
256M RAM (1GM for HDTV)
VGA card with at least 32MB memory(128MB for HDTV
دى موديلات ال TVii
,ودى صفحة الكارت الجيل الاول فى حدود ال160 جنيه
https://www.tevii.com/Products_S420_1.asp
ودى الجيل التانى فى حدود ال350 جنيه
https://www.tevii.com/Products_S464_1.asp
انا عندى tevii s420
وسعره 150 جنيه
و شغال تمام
و مشغل الشيرنج عليه
و كل قنوات ال HD شغالة بدون مشاكل لان الموضوع بسيط جدا هو كودك بتسطبه وانتهت المشكلة
و لو عندك طبق فقط فهذا يكفى لان كارت الستالايت لا يتم توصيله على الرسيفر
قنوات الـ HD شغالة بكودك فعلاً ؟؟المشاركة الأصلية كتبت بواسطة Ahmed_elbrbry
انا عندي طبق ورسيفر لكن احب كارت الستايلات عشان يكون سهل في الشرينج والـ HD
بس هل مشغل فعلاً الـ HD بكفاءة ؟ عشان لو كدة حشترية علي طول
ولا استني واشتري الكارت التاني افضل
اولاً شكراً علي ردك يا غالي
والجهاز عندي مواصفتة في ملفي الشخصي وبيشغل HD 1080 مفيش مشاكل
المشكل الان في الكارت تنصحني اصبر شوية وشاتري الكارت التاني اللي بـ 350 عشان يدعم قنوات الـ HD
ولا لن يفرق الكثير عن كروت الجيل الاول
جهازك مناسب جدا ويشغلها بكفاءة
لكن فيه ترددات جديدة الكارت الموديل 420 لا يستقبلها نهائى
هو فعلا مشغل قنوات ال HD لكن على الترددات العاديه فقط
يعنى حاليا باقة ابو ظبى المشفرة لو تم كسرها مش هتقدر تستقبلها
وكمان باقة ال
MBC -- HD
مش هتقدر تستقبلها اما تزود وتشترى الكارت الجيل التانى
او
تشترى الجيل الاول ولما تكتر قنوات الجيل التانى تبيعه وتشترى الجيل التانى
لك حرية الاختيار
ضوابط المشاركة
المفضلات