▓ مراجعة شامله للجهاز Dell Inspiron N5110 + التعريفات + فيديو خاص ▓

**أمــــــيرة ...** · 11-12-2012, 18:02

جزاك الله خيرا كثيرا على سرعة الرد بجد شكرا جدا

خلاص ان شاء الله هرجع لويندوز 7 تانى و يا رب المشكلة تتحل لانى بجد خايفة على الابتوب اوى ليتحرق البرسسور او الهارد ربنا يستر

**wadalmara** · 23-12-2012, 22:39

بس اللي قاهرني ان اجهزتهم غالية :mad:

**أمــــــيرة ...** · 31-12-2012, 16:05

معلش انا هتعبكوا معايا
انا دلوقتى وديت الابتوب لمهندس نزلى عليه ويندوز7 - 32 بت - و نوع الابتوب بتاعي dell inspirone n5110 i5
بس انا ملاحظة انه بيسخن اوووى و مش عارفة هو في ايه هل انزل ويندوز 7 64 بت و لا عادى 32 بت ميسببش مشكلة للابتوب
و بيطلعلى رسالة ان كارت الفيجا مش متسطب و مش عارفة انزله

**أمــــــيرة ...** · 31-12-2012, 16:18

و يا ريت حد يرفعلى لينك نسخة ويندوز كويسة اقدر انزلها و اسطبها بس تكون فعلا كويسة علشان نفسي انزل نسخة اقعد عليها كتير و مش كل شوية انزل معلش بجد انا بتعبكوا معايا جزاكم الله خيرا كثيرا

**lonalwis** · 06-01-2013, 19:01

انا عندي نفس الجهاز بس هو متوقف عن العمل بسبب البيوس
ممكن تقولي نوع البيوس في الجهاز ايه

**amrfire** · 07-01-2013, 10:01

ارجو المساعده في لاب ديل 5110 I5 الجهاز بيعمل صوت متقطع وهو بيعمل ريسترت تيت تيت تيت تيت وبيفضل يعمل الصوت ده لغايه ما يلود الويندوز وبعدين بيروح بس كل ريسترت او تشغيل لازم يعمل الصوت ده مش عارف ده مشكله ايه بس هو بيفتح ويندوز عادي ارجو المساعده لحسن الصوت ده بيضايق اوي وخايف اعمل ابديت للبايوس لايبوز خالص

**Mazen Moh** · 16-05-2013, 18:29

المشاركة الأصلية كتبت بواسطة أمــــــيرة ...

السلام عليكم و رحمة الله و بركاته
جزاكم الله خيرا كثيرا انا اشتريت الابتوب ده بقالى سنة معايا شغال كويس الحمد لله
بس انا لسه منزلاله ويندوز 8 بس في حاجة بتحصل مش عارفة ايه سببها و تنصحونى بأيه بيهنج خالص و بيتوقف كل حاجة فيه و لازم اقله من الباور و ارجع اشغله تانى ممكن حد يفيدنى المشكلة كده في اية يا ريت حد يرد عليا

حل المشكلة دي بسيط انا عملت تسطيب للويندوز وحليت المشكلة بالخطوات التالية وبعد كده اختفت المشاكل والتهنيج والتعليق بالويندوز

من لوحة التحكم :: اختاري خيارات الطاقة ( Power Option ) بعد كده اختاري Change plan settings
بعد كده تحت Change advanced power settings

في الخيارات اللي هتظهر عندك انزلي تحت هتلاقي
PCI Express اختاريها وبعدين Link State Power

الخيارين اللي تحت اعملي عليهم Off

واعملي حفظ الاعدادات save وعيدي التشغيل

دي المشكلة بتحصل لما تعملي اون للويرلس او البلوتوث

وان شاء الله تنحل المشكلة عندك

يالتوفيق ...