ماهو الشرح الأفضل للـ ccna

**islam-salah** · 20-07-2011, 11:34

ماهو الشرح الأفضل "محمد سمير" "ياسر رمزى" لكورس CCNA

**smartsoft** · 20-07-2011, 12:21

صراحه الاتنين شرحهم جميل بس انت الى تحدد يعنى مثلا ممكن تفهم اجزاء من مستر محمد واجزاء تانيه من مستر ياسر وانصحك تسمع للاتنين زى ما انا بعمل لانى بستفاد من دا جديد ومن الثانى بجديد وبالتوووفيق

**ellassy** · 20-07-2011, 12:27

مفيش حاجة اسمها ايه احسن مين ايه .. كل الشروحات سواء فيديو او كتب بتكمل بعض
يعنى ممكن يكون مثلا المهندس محمد شارح جزئية السويتشنج كويس جدا وكان مركز فيها
ومثلا المهندس ياسر ركز شويه فى ال WAN
وهكذا .. عود نفسك تزاكر من اكثر من مصدر علشان تحصل على المعلومة كامله

**mero atef** · 20-07-2011, 19:07

انا شاييف ان المهندس محمد سمير ابدع فى جزء ال network fundamentals,switching ,static routing
والمهندس ياسر كان شرحه افضل فى باقى الكورس (بس تذاكر من الفيديوهات اللى كان بينزلها لوحدها منفصله مش من شرح الكورس الكامل بتاع ctme )

**islam-salah** · 21-07-2011, 05:29

شكرا ياجماعة على الإيضاح و إن شاء الله هعمل بنصيحتكم

**westwind** · 25-07-2011, 21:11

هو سؤال مهم و يهدي الدارس الجديد الى الطريق المناسب و حسب تجارب الناس اللي قبله في الدراسة. لذلك لا أجد فيها اي احراج او تقليل من شأن المهندسين الكبار منتجي الفيديوات لو اننا ساهمنا في تفضيل احدهما على الاخر من وجهة نظر شخصية طبعا. المهم ان تعم الفائدة للجميع.
بالنسبة لي وهذا رأيي الشخصي اعتقد ان اعمال المهندس سمير متدرجة و مبسطة تفيد الذين عندهم معرفة قليلة في الشبكات.
بينما اعمال المهندس رمزي مكثفة و مركزة تفيد الذين عندهم معرفة جيدة (اكثر من قليلة بكل الاحوال) بها بالشبكات.

انصح المبتدأ ان يجرب اول فيديو من كل نوع و يرى ما يناسبه لأن هذا الشي في الاول و الاخير يعتمد على الدارس نفسه و ليس على المدرس.

**watzmann** · 28-07-2011, 14:59

طيب انا عندى سؤال

تقريبا الموضوع بيحتاج وقت اد ايه علشان تكون فعلا فهمت الكورس بالكامل و جاهز للأمتحان

شكرا

**Gawad** · 28-07-2011, 15:06

لو عايز تذاكر صح وتكتب ملاحظات وتعمل لابات مثلا 5-6 شهور
اما لو مذاكرة حلمنتيشي يعني شهر ولا اتنين واقلب

**watzmann** · 28-07-2011, 15:11

طيب هل فيه موقع على الأنترنت او مكان يكون فيه اسئله كتيير للتدريب على الأمتحان

شكرا

**Dr. Hacker** · 24-09-2011, 01:01

المشاركة الأصلية كتبت بواسطة Ahmed.Mustafa

لو عايز تذاكر صح وتكتب ملاحظات وتعمل لابات مثلا 5-6 شهور
اما لو مذاكرة حلمنتيشي يعني شهر ولا اتنين واقلب

مش عارف لية من كلام حضرتك حسيت ان الموضوع صعب جدا وشبة مستحيل
6 أشهر يعنى نص سنة بدرس كورس .. طيب امال لو دخلت على كورس CCNP هياخد منى أد اية ؟؟
وبعد اذنك لو ينفع تفهمنى موضوع اللابات ... أنا مثلا شوفت شرح المهندس محمد سمير والمهندس ياسر رمزى
هل اللابات دى زى اللى موجودة فى شرح البشمهندس محمود صقر ولا تقصد اية ؟
ولو حضرتك شوفت الفيديوهات اللى موجودة عند م/ محمود ياريت تقولى هى كلها عملى على الباكت تريسر ولا اية بالظبط
عشان انا عندى نت ضعيف ونزلت اول كام فيديو بس لاقيتهم كلهم على البرنامج دة فقط فمش عارف اية النظام بعد كدة ولا مكملش

وجزاك الله خيرا ....

**DEARTITo** · 26-09-2011, 15:04

انا اخدت الكورس قبل كدة ..
وابتديت اراجع من فيديوهات المهندس محمد سمير .. بس وجدت احيانا انه بيحاول يبسط المعلومة قدر الامكان على اساس ان المستمع معندوش خلفية خالص ودى طبعا حاجة تحسب ليه ..
انما فيديوهات المهندس ياسر رمزى لقيتها بتتعامل من منطلق ان اللى بيسمع الفيديو كويس الى حد ما فى النتورك ..
فانا شايف انك لو اول مرة هتبدأ الكورس يبقى خليك مع المهندس محمد سمير ..
ولو تقدر يبقى لو انت بتذاكر مثلا الــ سويتشينج اتفرج الاول على فيديو لمحمد سمير وبعده على فيديو لياسر رمزى نع حفظ الالقاب لانك اكيد هتلاقى الاتنين بيكملوا بعض ..
وفى رأيي المذاكرة لو انت انتظمت ممكن تخلصها فى شهر ونص انما 6 شهور انا برده شايفها فترة كبيرة اوى وربنا معاك ان شاء الله ..

**DEARTITo** · 26-09-2011, 15:06

حاجة كمان .. عجبنى جدا فى كورس المهندس ياسر انه شغال على الــ packet tracer .. انما المهندس محمد سمير اعتقد انه كان شغال على راوتر حقيقى تقريبا ..
وانت كمبتدىء لسة هتلاقى نفسك اكتر فى الــ packet tracer ..