اضافة بعض التعديلات على كيسا nzxt beta evo

**peter magdy mon** · 20-07-2011, 21:47

مساء الخير يا شباب
انا اول مرة اعمل موضوع فى هذا المنتدى الكبير
قبل بدئ الموضوع احب اشكر الاستاذ احمد العربى
لانة صاحب الفكرة و هو كمان اللى اعطانى لوح الاكريليك
انا اسف لانى معملتش الموضوع بالتفصيل لانى مكنتش متخيل انو هيوصل للشكل دة
الموضوع بالمختصر
اولا تربيزة الكمبيوتر قمت بالتعديل فى مكان الكيسا علشان اجبها بالعرض شوية زى الصورة لانها كانت على قد الكيسا و التعديل مش هيظهر

Uploaded with ImageShack.us

للاسف مقدرتش الاقى حد يعمل الفتحة لانة كلة الورش عانت عايزة تعمل القتحة بالصاروخ و دة كان هيعمل اعوجاج فى مكان الفتحة
فقمت بنشرها
عملت 4 اخرام فى الاربع اتجهات و بعدها بمنشار فرنساوى ناعم علشان الاعوجاج
هسبكو مع الصور

Uploaded with ImageShack.us

Uploaded with ImageShack.us
اسف على ان الموضوع ناقص التفاصيل بس انا مكنتش متوقع انة هيطلع كدة
و اى استفسار انا موجود
شكرا

**Ahmed Elbrbry** · 20-07-2011, 23:38

تمام اوى يا بيتر وشغل جامد
انا مش هسألك طبعا عن كيفية القص و تركيب المروحة والفلتر بتاع المروحة
لانى واخد بالى كويس انت عملت ايه
و الكيسة شكلها بقى جامد
المرة الجاية استيكر skine
انا شغال على واحد دلوقتى لما اخلصه هوريهولك

احمد البربرى

**peter magdy mon** · 22-07-2011, 20:59

متشكر جدا يا استاذ احمد و الفضل طبعا لاحضرتك
لانك صاحب الفكرة و انت اللى شجعتنى
و انا اسف جدا على قرأت اسمك غلط
-------
انا معرفتش اوصل لورشة صاج و كلة عايز يشتغل بالصاروخ بس هيبوضها
فعملت عند ورشة 4 اخرام بالشنيور و علملى على خط امشى علية علشان متسرحش منى
ابتديت اشتغل بمنشار اركيت لمسافة صغيرة علشان معرفش اشتغل بالاركت و علشان اعمل مساحة المنشار العادى يدخل فيها و ينشر جبت من موان عندنا منشار فرنساوى ناعم اكمل بية لغاية ما اوصل للخرم التانى
بس المنشار كان بطئ بس طالعة من غير تشوهات
و بالنسبة لفتحة المروحة معرفتش اعملها زى حضرتك
علمت على مروحة قديمة من غير ريش بعد تحديد المكان و بسكينة قديمة
و على النار و بقيت اعمل مكان المروحة
و بعدين بسنفرة معرفش رقمها سنفرت مكان المروحة علشان كان شكلها رخم كانت معوجة
و لزقت فى الباب بزجاجتين امير غرقتها من على الحروف و بقت تمام
المشكلى اللى واجهتنى المروحة من غير حماية لو حد لمسها و هيا شغالة هتبوظ وكنت حاطط عليها فلتر تكييف بس من عير بلاستك لو لمستها غلط
كانت تلمس المروحة فكنت لازم افك الباب و ابعدها عنة
لغاية ما بالصدفة لقيت الفلتر دة تحت البور سبلاى علشان التراب
فغيرت الامكان و دة شكلة اشيك و عمل احماية للمروحة و بردو البور علية فلتر
اسف على الاطالة
و متشكر لتشجيعك
و منتظر مفجأتك
كل سنة و انت طيب