اوعى تجيب من هناك اى حاجة واسال مجرب
السلام عليكم ورحمة الله وبركاته
ياجماعة انا لقيت ناس كتير بتقوللى جيب الموبايل من مكان موثوق وطبعا النسخة ال8 جيجا من جلاكسى اس مش موجودة فى سيليكت او غيرها لكن انا لقيتها فى عبد العزيز من غير ضمان بـ 2650 جنيه والمعظم هناك بيبعها بالسعر ده (النسخة دى GT-I9000)
التاجر اللى انا شفته عنده ورانى العلبة متبرشمة وعليها كمان البلاستيك بتاع المصنع وكمان المحل بتاعه ما شاء الله كبير وشغال فى الحاجات العالية يعنى شغال فى الايباد والايفون والموديلات العالية من Samsung و HTC وهو فاهم الدنيا ماشية ازاى يعنى يفهم فى الاندرويد والمشاكل العامة وكده فهل السعر ده سعر نصب وايه حكاية التقفيل الصينى دى ؟؟؟ وازاى لو انا رحت عبد العزيز اقدر اجيب حاجة موثوقة وتكون حاجة كويسة ؟؟؟ ياريت الرد السريع
شكرا سلفا
والسلام عليكم ورحمة الله وبركاته
اوعى تجيب من هناك اى حاجة واسال مجرب
يابنى إنت لسة حيران , أنا ربنا وفقنى و جبت الجالكسى إس2 و من عبد العزيز و بسعر كويس ( 4100 ج ) و إخترت الصينى مع إن الكورى كان موجود بس الصينى إنتاجه أحدث و لا فرق بينهما و الجهاز كان متعرب و كمان المحل نزل لى برامج كتير قوى , و ساعدنى فى الشراء واحد قريبى عنده شركة موبيلات فى الشارع و الراجل اللى إشتريت منه صاحبه يعنى مش ممكن يغشنا أبدا مستحيل و أقسم لك إن الجهاز زى الفل أنا اللى شايل اللزقة بيدى و أنا اللى فتحت البرشام و على فكرة السعر الأصلى للجهاز فى الشارع أكثر من 4300 ج و لكن أحيانا يحرقوا السعر لتوفير سيولة و إنت وحظك يوم الشراء الشارع ده عامل زى البورصة و أقولك إننا وإحنا قاعدين فى المحل أثناء تنزيل البرامج جاء تليفون لقريبى من واحد تانى كان موصيه و جايب لنا سعر 4050ج و قولنا له شكرا إشترينا , إتكل على الله و إشترى و خصوصا إن الجهاز متبرشم و أنا كل موبايلاتى و موبيلات الأسرة الجامدة قوى أشتريها من شارع عبد العزيز حتى جميع الأجهزة المنزلية والحمدلله لم أصادف مشكلة واحدة و الشارع ده فيه ناس شرفاء كتير وشباب زى الورد عايز يكسب رزق حلال. على فكرة الإس2 ده حرام تضيع ثانية من عمرك وإنت بعيد عنه فعلا جهاز الأحلام.
ارجو الرد من فضلك
بص أنا رحت بالليل متأخر بعد ماخلصت العيادة و مش عارف إسم المحلات لكن أوصف لك , إعطى ظهرك للبوابة الرئيسية لعمر أفندى حتشوف قدامك كشك موبيلات سيبك منه وبعدين محل واخد الناصية ده غالى شوية سيبك برضه منه و روح تانى أو ثالث محل و إسأل عن واحد إسمه إبراهيم هو ده صاحب قريبى اللى جه معايا على العموم المحل أمام سوق الهوارى الناحية الثانية و لو مالقتش إبراهيم إسأل عن محمد إسماعيل ده برضه أسعاره كويسه . وعلى فكرة همة الكام محل دول اللى شغالين فى الهواتف الغالية .
لك رسائل على الخاص
الف شكر على المساعدة جزاك الله خيرا
المفضلات