مساعدة ضرووووووووووري يا شباب .. بكره اول شغلانة ليا في المجال دا

[mohaworld]

السلام عليكم ورحمة الله وبركاتة
ازيكم يا شباب كل عام وانتم بخير وتقبل الله منكم الصيام والقيام

واحد ناوي يفتح مكتب (شركة صغيره) وهيجيب حوالي 8 اجهزة وعاوز يتحكم فيهم بسيرفر وطالب مني اعمل كل حاجه من الصفر والميزانية مش كبيرة اوي

انا بصراحة مرعوووووب رغم اني ذاكرت كورسات كتير خصوصا مايكروسفت ماعدا الايزا والاكستشنج ولكن دي اول تجربة ليا وخصوصا ان فيها فلوس ناس

كنت عاوز اخد ارائكم هل اللي هاعمله صح

اولا السيرفر مواصفاته اللي هاطلبها رامات 4 جيجا وهارد 500 وبروسيسور i5 دا علي اساس ان الاجهزة مش كتير والشبكه بسيطة
وبقول الاحسن انزله سيرفر 2003

اما الكلينت ف كل جهاز رامات 2 جيجا بروسيسور core2due هارد 160 جيجا

هنا في سؤال هل لازم الاسطوانات تكون اصلية ؟ ودي بتتجاب منين ؟ وهل المواصفات كده معقولة ولا في نصايح تانيه ؟


اما بعد ف الكابلات عادي كابلات النت العاديه cat وهأرش واوصل كل الاجهزة علي سويتش اللي معرفش اجيبه ايه للاسف ؟

بعد كده هاسطب السيرفر وانزل معاه dns و dhcp وهنا سؤال علي ال vmware كنت بدي الدومين رقم اي بي برايفت وهو هو اكتبه في ال dns
هنا بقي في الريل لايف هاكتب انهي اي بي ؟؟

بعد كده هاجوين الاجهزة كلها للدومين واطبق البوليسي اللي هيطلبها

اعتقد هيطلب يطلع الناس انترنت ف ايه العمل ؟ هل بالايزا ؟ وهل الايزا دي عاوزه سيرفر لوحدها ؟ياريت حد يقولي الناس تطلع انترنت ازاي بفرض في اشتراك مع تي داتا مثلا والكابل موجود

واخيرا لو عاوز من عالدومين اراقب الاجهزة ال8 بيعملوا ايه وفاتحين ايه .. نظام السايبرات يعني .. دا اعمله ازاي ؟

هل كده المطلوب مني خلص ؟
ياريت تساعدوني والله دي اول مره اتحط ف موقف كده ومحتاج جدا الخطوه دي تديني ثقه ودافع للامام لاني بقالي سنه ف البيت

[dr_timoon]

شكلك واقع ولكن لا تقلك يا باشا دا قلق اول مرة عمل عملى
تقدر تكلمنى على الموبيل و ان شاء الله نظبط اللى انت عاوزة
انا مش بعمل الموضوع دا تماما رقمى يعتبر من الاسرار العليا
بعتلك رسالة على الخاص فيها رقم الموبيل
ولا تقلق ابدا انت عامل خطة جميلة
موفق ان شاء الله

بس ليا طلب لو سمحت بعد المكالمة اذا احببت طبعا تكلمنى
انك تكتب ما توصلنا لة و كيف سوف تنفذ ذلك حتى يستفاد الجميع
موفق

[ellassy]

بصراحة انا كنت داخل ارد بس طالما dr_timoon اتكلم يبقى مفيش كلام بعديه
منتظرين تجربتك بعد ما تنجح بأذن الله -- شد حيلك الموضوع سهل جدا

[محمدالخبيرى]

بصراحه يا dr_timoon انا عندى نفس المشكله وكان نفسى استفيد
ياريت حضرتك تحط الرد عشان الكل يستفيد
دا لو مش هيتعب حضرتك

[dr_timoon]

بصراحة انا كنت داخل ارد بس طالما dr_timoon اتكلم يبقى مفيش كلام بعديه
منتظرين تجربتك بعد ما تنجح بأذن الله -- شد حيلك الموضوع سهل جدا

العفو يا باشا انا دائما بتعلم منكم مازلت اصغر و اقل الاعضاء خبرة
اشكرك على مجاملتك الرقيقة واكيد هاستفيد من معلوماتك و ردك على اخونا صاحب السوال
جزاك الله كل الخير

[dr_timoon]

بصراحة انا كنت داخل ارد بس طالما dr_timoon اتكلم يبقى مفيش كلام بعديه
منتظرين تجربتك بعد ما تنجح بأذن الله -- شد حيلك الموضوع سهل جدا

هذا ما طلبتة من صاحب الموضوع و سبب انى قلت انى هاخلية يكلمنى
انى شعرت ان المشكلة معة فى الوقت و توترة فلذلك فضلت المكالمة لسرعة الرد
لكن ان شاء الله اكتب رد تفيصلى على جميع الاسئلة

[محمدالخبيرى]

اين الرد يا دكتور
محتاج الرد جدااااا

[smartsoft]

منتظرين ردك يا دووووك وتحياتى

[محمدالخبيرى]

ارجو الرد يا دكتور
انا والله محتاج الرد جدا

[ellassy]

انا هشرح بناءا على السيناريو اللى طرحه الاخ صاحب الموضوع وممكن باقى الاعضاء يفيدونا بخبرتهم برضه فى مواضيع تانيه

اولا السيرفر مواصفاته اللي هاطلبها رامات 4 جيجا وهارد 500 وبروسيسور i5 دا علي اساس ان الاجهزة مش كتير والشبكه بسيطة
وبقول الاحسن انزله سيرفر 2003

المواضفات كويسه وطبعا اهم حاجة الكيسه نفسها لازم يأما جاما يأما كوار ماستر علشان الباور سبلاى لازم يكون محترم مش التجارى ابو 50 ج
-------------------------

اما الكلينت ف كل جهاز رامات 2 جيجا بروسيسور core2due هارد 160 جيجا

ممتاز ... يفضل برضه باور سبلاى محترم
------------------------

هنا في سؤال هل لازم الاسطوانات تكون اصلية ؟ ودي بتتجاب منين ؟ وهل المواصفات كده معقولة ولا في نصايح تانيه ؟

بص هو طبعا يفضل اسطوانات اصلية علشان تريح دماغك عند التحديث ومن المصنفات
فى شركات كتير تبع مايكرسوفت بتكلمهم بيبعتولك الاسطوانات هحاول اجيب رقم شركة منهم
لكن ممكن تشتغل بنسخ عاديه بس نسخة تكون خام مش ملعوب فيها او متعدل فيها
ويفضل تقفل ال Update بتاع الويندوز علشان ما تتأفش
-------------

اما بعد ف الكابلات عادي كابلات النت العاديه cat وهأرش واوصل كل الاجهزة علي سويتش اللي معرفش اجيبه ايه للاسف ؟

هنا خد بالك من حاجة مش معنى ان الشركة دلوقتى عندها 8 اجهزة وسيرفر وحجم شغلها صغير انك تجيب سويتش 16 بورت او تمد كابلات على قد الاجهزة اللى عندك
لازم تعمل حساب ان الشركة ممكن تكبر او ان الموظفين يغيروا امكانيهم
يعنى انا فى شركة عملت فيها كابلات كان عدد الاجهزة 9 وعملت 21 نقطة فى الحيطة وجيبت سويتش 24 بورت
بالنسبة للسويتش يفضل 3Com او netgear لو الميزانية مش كبيره حات DLink
طبعا يفضل تجيب faceplate ,وتركبها فى الحيط لو المكان متظبط ديكورات يعنى مش هينفع تمشى الكبلات داخل الحيطه
هتجيب ضكت وتمشى فيه الكابلات وحاول تجيبه اصغر مقاس علشان الشكل
وطبعا هتمشيه فى اسفل الحيطه اخر 10 سم من الارض
بعد ما تركيب ال faceplate وتوصل الكبل بالسويتش اعمل TEST للكبل قبل ما تقفل سغلك علشان لو فى سلك مقطوع او متأرش غلط
كده خلصنا من التوصيلات بتاعت الكلاينت والسيرفر
بعد كده هتوصل الراوتر بالسويتش عن طريق كابل عادى علشان الاجهزة تطلع انترنت عن طريق الراوتر NAT
------------------------------

بعد كده هاسطب السيرفر وانزل معاه dns و dhcp وهنا سؤال علي ال vmware كنت بدي الدومين رقم اي بي برايفت وهو هو اكتبه في ال dns

هتسطب سيرفر 2003 وتعمله دومين و DNS و DHCP
طبعا لازم السيرفر ياخد Privet IP زى ( 192.168.1.1.100 ) او ( 10.0.0.100 ) طبعا هتحطه استاتيك علشان ده دومين وطبعا هيبقى هو هو ال DNS
بس خد بالك بعد ما تسطب الدومين وتسطب انتى فايروس على السيرفر ( انا شغل بسيمنتيك ) وتعمله ابديت لازم تشيل Getway من على السيرفر
يعنى مينفعش السيرفر الدومين يطلع انترنت علشان حمايته ممكن بس لو عايز تعمل ابديت تحط الGetway وبعد كده تشيله

فى حاجة لو هتخلى السيرفر هو ال DHCP لازم تدخل على اعدادات الراوتر وتعمل Disable لل DHCP بتاع الراوتر عشان ميحصلش COnflict
بعد كده هتعمل OU لليوزر وتبدأ تنشئ اليوزر اللى عندك وتطبق عليهم البولسى اللى انت عايزها
وبعد كده تخلى الاجهزة تدخل على الدومين

اعتقد هيطلب يطلع الناس انترنت ف ايه العمل ؟ هل بالايزا ؟ وهل الايزا دي عاوزه سيرفر لوحدها ؟ياريت حد يقولي الناس تطلع انترنت ازاي بفرض في اشتراك مع تي داتا مثلا والكابل موجود

اعتقد انك مش محتاج ايزا فى حاجة
زى ما قلتلك هتوصل الراوتر بالسويتش وكده كل الناس ممكن تطلع انترنت
لو فى حد مش عايزه يطلع انترنت ممكن ما تخلهوش ياخد GETway من ال DHCP
------------------------------

واخيرا لو عاوز من عالدومين اراقب الاجهزة ال8 بيعملوا ايه وفاتحين ايه .. نظام السايبرات يعني .. دا اعمله ازاي ؟

فى برنامج ممتاز كده للحوار ده اسمه NET Support Manger
هو عبارة عن سيرفر وكلاينت
بتسطب السيرفر عندك والكلاينت عند اليوزر وبيخليك تشوف هو بيعمل ايه بالظبط وحاجات تانيه كتير
--------------------------

هل كده المطلوب مني خلص ؟
ياريت تساعدوني والله دي اول مره اتحط ف موقف كده ومحتاج جدا الخطوه دي تديني ثقه ودافع للامام لاني بقالي سنه ف البيت

اه مطلوب من حضرتك تدعيلنا وتدعى لكل المهندسين اللى فى المنتدى اللى بيساعدونا
================

طبعا كل الكلام اللى انا قلته ده معظمه من الشرح اللى فى المنتدى وخصوصا استاذنا احمد سرحان
يعنى انا مجبتش حاجات كتير من دماغى لو فى حاجة غلط او حد عايز يزود حاجة ياريت يقولها علشان كلنا نستفيد
وطبعا مستنين رد الاخ صاحب الموضوع وطبعا dr_timoon

[ellassy]

faceplate موجود فى باب اللوق الواحدة بالعلبة بتبدأ ب 25 ج وفى منها الزوجى ب 35 ج افضل نوع سيستم ماكس

<font size="3">
cm826_pic_2.jpg

[mohaworld]

جزراكم الله كل خير بجد محدش قصر ف حاجه وانا حتي الان مقابلتش الشخص دا لظروف عنده هو ولكن جزاكم الله كل خير وشكر خاص للمهندسن
elassy , dr-timoon

[محمدالخبيرى]

انا رحت مكان اعمله دومين كنترولر و صاحب المكان كان عنده 6 اجهزه
وكان جايب لكل جهاز real ip
انا نزلت win server 2003 بس ما عرفتش اجوين الاجهزه للدومين

هو كان عاوز كل الاجهزه تطلع نت بما فيها السيرفر نفسه
انا للاسف ما عرفتش اتصرف
ممكن لو حد عنده الحل يقولى؟ وجزاكم الله خيرا

[ellassy]

انا رحت مكان اعمله دومين كنترولر و صاحب المكان كان عنده 6 اجهزه
وكان جايب لكل جهاز real ip
انا نزلت win server 2003 بس ما عرفتش اجوين الاجهزه للدومين

هو كان عاوز كل الاجهزه تطلع نت بما فيها السيرفر نفسه
انا للاسف ما عرفتش اتصرف
ممكن لو حد عنده الحل يقولى؟ وجزاكم الله خيرا

ممكن اعرف هو ليه جايب لكل جهاز Real IP ?????

ممكن حضرتك توضح شكل الشبكة عامله ازاى بالظبط علشان نفيدك
يعنى IP السيرفر ايه والاجهزة واخد IP من رينج ايه

[محمدالخبيرى]

هو جايب باقه من شركة d-link
رينج الاip على ما اعتقد 41.196.20.57 الى 41.196.20.63
هو عاوز يعمل دومين يتجكم فى الuser وفى نفس الوقت كل واحد يطلع نت عن طريق ال real بتاعه