النتائج 1 إلى 4 من 4

الموضوع: لما شفتك فى القفص

  1. #1
    عضو ذهبي
    تاريخ التسجيل
    Oct 2009
    المشاركات
    2,681
    الدولة: Egypt
    معدل تقييم المستوى
    38

    لما شفتك فى القفص



    لما شفتك فى القفص
    حسيت بفرحه جوه منى
    وقلبى جوايا رقص
    حسيت بحكمة ربنا
    وباللى شفناه فى القصص
    إن اللى يفسد م البشر
    ربك بيديلوا الفرص
    وإن زاد فساده وانتشر
    فجأه تضيع منه الفرص
    ويلقى الهلاك هوه الملاذ
    واللى اتظلم هوه اللى فاز
    دا بعد ظلمه باجتياز
    جالوا وقته واتقرص
    كام مصرى قولى فى عهدك أنت مات شهيد
    واللى عاش عيشته ليه عيشت العبيد
    واللى يصرخ م العذاب .. يصرخ ما يصرخ أيه يفيد
    واللى مش عاجبه جنابك .. ويقوله كلمه وهوه مش عامل حسابك
    يبقى ياويله من عذابك .. لأنه مش عارفك أكيد

    ياما حاولنا نقولك إرجع
    القسوه ع المخاليق بتوجع
    ولا همك .. ولا اتحرك كده دمك
    وعشت تسقينا فى سمك ..
    بقلب جامد وعقل كان دايما عنيد

    لحد ما عشنا يناير ..
    وشيلنا بأيدنا الستاير
    وصوت الحق بقى اللى صاير
    واتولدنا من جديد

    جاى دلوقتى تقول
    أنا اتغيبت .. وكنت من فتره بعيد
    دا عذر ده ؟!
    دا أقبح ذنب إنت عملته ضيعت بيه حق العبيد

    دوق مرار الكاس
    وكمل حياتك بالألم
    وخلى كل الناس تدعى عليك واللى اتظلم
    يشفى غليله .. واندم ما تندم ..
    ماعدتش هيفيد الندم

  2. #2
    عضو برونزي الصورة الرمزية محمد حسن احمد
    تاريخ التسجيل
    Aug 2010
    المشاركات
    1,641
    الدولة: Egypt
    معدل تقييم المستوى
    11

    رد: لما شفتك فى القفص

    مشكووووور علي الكلام الجميل ده . وفي الاول وفي الاخر الناس ديه مهياش الهه في الاخر ...... ( بشر ) واخطا وحان وقت دفع الثمن ...ولوني برضه اعتقد انه مش حيدفع حاجه بس كفايه اللي هما فيه منظرهم قدام العاالم ( وحش .. اوي ) . سبحان المعز المذل .. ( كلامي ده للناس اللي تعاطفت معاه ..) . انت كفايه بس تفتكر انه سرق منك كل حاجه حتي احلامك ..دمر فينا الامل بغدا افضل وكمان لما جينا نقول كفايه بقوا يضربونا ويدسونا بعربياتهم الملعونه ولا اتفهها حشرات تحت رجليهم وبقوا يصطادوا في الناس برصاصهم زي مايكونوا بيصطادوا .. اراااانب .. وتقولولي حراااام الراجل كبيير وصحته تعبانه .. ده اقل ثمن لازم يدفعه .. في النهايه انا بدعي الله العلي القدير في هذا الشهر الكريم ان يهدي هؤلاء البعض منا وينير بصيرتهم ... واخيرا اشكر صاحب الموضوع ..

  3. #3
    عضو برونزي
    تاريخ التسجيل
    Dec 2009
    المشاركات
    1,637
    الدولة: Andorra
    معدل تقييم المستوى
    25

    رد: لما شفتك فى القفص

    سبحان الله الذي خلق هذه الوجوه الصلبة , فرعون بنفسه لما أدركه الغرق قال : آمنت أنه لا إله إلا الذي آمنت به بنو إسرائيل وأنا من المسلمين ... أما هذا الأشيمط فقال : هذه الاتهامات أنا أنكرها كلها !!!
    [CENTER]

    [COLOR=#0000cd][SIZE=3][B]لعمرك لو أغنى عن الحق أنه ... هو الحق ماكان الرسول يقاتل[/B][/SIZE][/COLOR][/CENTER]

  4. #4
    عضو ذهبي الصورة الرمزية warior10
    تاريخ التسجيل
    Nov 2005
    المشاركات
    1,991
    الدولة: Saudi Arabia
    معدل تقييم المستوى
    25

    رد: لما شفتك فى القفص



    عن نفسي
    صعب علي لما لقيته وهو اولاده فى قفص واحد
    وهو مش قادر يدافع عن اولاده واولاده مش قادرين يدافعوا عنه وهو عارف انه هيموت بكرة ويسيب اولاده في السجن يتبهدلوا
    لو فيه اب اتحط في نفس موقفه ممكن يموت من الحسرة وبالمثل لو فيه ابن مش قادر ينقذ ابوه برده ممكن يموت من الحسرة
    [SIZE=3][COLOR=red]الحــــر يعـــرف مــــــا تــريـــد المحـــــــكمة [/COLOR][/SIZE]
    [SIZE=3][COLOR=red]وقضــــاتها سلفا قـــــد ارتشفوا من دمــــه [/COLOR][/SIZE]
    [SIZE=3][COLOR=red]لا يرتجي دفعا لبهتــــــان رماه به الطغــــاة [/COLOR][/SIZE]
    [SIZE=3][COLOR=red]المجرمون الجالسون فوق كراسي القضاة[/COLOR][/SIZE]

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •